شوي والا باب غرفتها يدق لفت بستغراب وماتدري من اللي يدق
غريبة من اللي يدق يعني فرح تدرعم كذا ولا جاها الأدب فجأه أدخل
دق مرة ثانية ولا دخل صاحب دقت الباب
قربت من الباب بسرعة وقفلتة بخوف أنو أحد غريب جاها
دق مرة ثانية
نجد بخوف وتععهه: مي مين؟!
عساف: أنا عساف
أتسعت عيونها بخوف من أحد يجي ويشوفة أو فرح تطلع من الغرفة: أيش جابك و وش تبي؟!
عساف: أبيك
نجد: ياخي مجنون أنت وش اللي تبيني روح بسرعة لا أحد يشوفك
عساف: تطمني ما أحد جاي وإذا خوفك تطلع اللي بالغرفة ماراح تطلع لانو أسمع عندها أغاني ومو يمنا
نجد: طيب روح
عساف: مارح أروح أبيك تعالي معي
نجد: وش اللي أجي معك واليوم زواجي
عساف: أدري بس أنتِ ما تبي ذا الزواج
نجد بستغراب وخوف: شدراك؟!
أبتسم وتأكد أنها صدق ماتبية: شفتك وأنتِ طالعة من البيت جري عرفتك من زولك ورحتي وراء أحد البيوت ذي قابلتي شخص و واضح تبي منة شي وهو زعلان منك ماسمعت شي أبداً بس صوت شهقك وبكيك
نجد: غلطان مو أنا
عساف بعصبية: مو غلطان أعرفك أنا زين وحافظ زولك وكل شي فيك نجد ماجيت هينا الا أني أحبك وأبيك تكفين تعالي خليني أساعدك
نجد ببكي ودموعها على خدها: عساف ما أبي مساعدتك روح الله يخليك تدري لو أحد شافك بتدخل بمصيبة وبتدخلني أنا
عساف ودموعة على جفن عيونك: ما أقدر أروح لين أخذك راح نهرب أنا وياك وماراح أحد يدري عنا راح تعيشي عيشه حلوه صدقيني أنا وأنتِ وأخوك الصغير أنس
نجد: مقدر والله مقدر
ضرب الباب بيدة بقوة: تقدري بس خوافة وجبانة أكسري الخوف ذا يلا أكسرية وتعالي مع...
راح على طول بعد ماسمع صوت الاغيه توقفت وفتحت قفل الباب
~
بعد ماسمعت دق قوي خافت أنو نجد صار لها شي راحت بسرعة وسكرت الاغنية وتشوف وش فيها فتحت الباب ومالقيت أحد وباب غرفت نجد مسكر
أما عند نجد بعد ماسمعت ركض عساف نزلت عند الباب وسندت علية ولمت رجولها لعند صدها وبدت تبكي وتظرب راسها: أية أنا خوافة وجبانة بعد أدري ادري والله أدري بس مو قادرة لية لية
أنفتح باب غرفتها وقفت بسرعة وبدت تمسح دموعها بسرعة وتنحنحت: احمم مين؟!
فرح بستغراب من نجد أنها مقفله عليها: أنا فرح فيك شي ولية مقفلة عليك؟!
هي تحاول تعدل صوتها: لا مافية شي بس قفلت الباب لاني فستاني ضايقني وطلعتة
فرح: اهاا بس وش اللي صقع بقوة؟!
نجد: الباب من الهوى
فرح بعدم تصديق: اهاااا
رحت للمراية وشافته كيف كحلها نازل على خدها ودموعها تنزل بدت تمسح دموعها: خلاص لاعاد تنزلين وقفي وقفي وقفي الله يخليك خليني أضبط مكياجي قبل لايجون ذحين
بدت تعدل مكياجها على قد ماتقدر وتعف على وجهها وترفع راصها لفوق لكي لاتنزل دموعها
-
عند الحريم...
بعد تشجع ومحاولة مع نفسها: اء سيف موجود؟!
هي تناظر بالحريم ورقصهم: لا
فجر: غريبة لية؟!
على وضعها: أتصلو علية وقالو لازم يداوم
فجر: اهاا بيرجع ولا بيجلس هناك؟!
لفت عليها: الا بيرجع بس لية أسألتك كثيرة كذا؟!
فجر: لا يعني بس فضول
مها: اهااا
فجر: اها شكل العشاء جاء بروح أساعدهم
مها: أية سنعة
ضي اللي كانت جنبها وسمعتها: تهقين لية تسأل؟!
مها: مدري
ضي: ليكون...
قاطعتها بسرعة: لا متوقع
ضي: بسم الله شفيك عادي ترا و فجر تهبل ماشاءالله
مها: أدري بس يعني مستحيل سيف بيتزوجها
ضي بستغرام: ولية شفيها بنت عمي؟!
مها: مافيها الا كل خير بس أعرف سيف
بدت الطقاقه تنادي للعشاء: تفضلو للعشاء تفضلو
الكل قام وراح للغرفة اللي فيه العشاء وبدو يجلسو عند كل صحن
بعد ماتعشو راحت أم جزاع لـ ليلى وقالت لها بنشوف بنتنا و جزاع بياخذها بلعت ريقها بصعوبه وكأن أحد بداخلها يقول لاتعطينة نجد بس تجاهلت الي داخلها وقالت تمام
-
كانت تمشي بالغرفة من التوتر والخوف وأنو بعد شوي بيجي جزاع وبياخذها فزت على دقت باب الغرفة وتكلمت: جوو والله جوو اء تفضـ... تفضل
فتحت الباب ليلى ودخلت راسها جاهزة بيدخلون
نجد بتوتر: جاهزة
فتحت الباب: تفضلو
دخلت وأول ماشفتها: بسم الله ماشاءالله أدخل جزاع وش فيك و اقف عند الباب تعال شف عروستك
كان واقف ومتوتر و مو من عاداتة التوتر دخل ورفع حاجبة أول ماشافها وقال بداخلة: ذي نجد بنت أمجد شتت نظره عنها ، ركز ياجزاع ركز على هدفك و أنتبه هي مو لك لاتغلبك بنت أمجد بزينها السلام عليكم
بهدو وتمتمة: وعليكم السلام
أم جزاع: خلينا نطلع ونخليهم على راحتهم
ليلى: يلا
بدو يطلعو وسكرو الباب وكأنها دخلت بسجن وماتقدر تطلع
مشاء بخطواتة الهادية و وقف قبالها: أية نجد صرتي زوجت جزاع
لفت وجهها وماردت علية
مسك وجها ولف علية: اه نجد تستحي؟!
مسكت يدة ونزلتها: لا مو مستحية
جزاع: أية برافو لاني ما أحب البنت الحيوية على العموم ما أبي أكثر كلام هينا يلا ألبسي عبايتك وأنا أسفل عند السيارة
راح وفتح باب الغرفة ولقاهم قدامة مر من عند أمة: جهزيها وجيبها أنا أنتظرها أسفل
أم جزاع: بس ياول...
ماخلاها تكمل كلمتها وراح مستحيه من تصرف ولدها وما تدري شتقول بضبط لـ ليلى
أم جزاع بخجل: اء خلوها تلبس عبايتها
مها: اية بروح أجيبها
دخلت ليلى هي ونوف وسكرو باب الغرف
جت بسرعة وجلست جنبها: شقلك؟!
ناظرت فيها ثم رجعت ناظرت لخاتمها اللي بيدها وتلف فية بتوتر
نوف: بنت أكلمك
ليلى: خلاص يانوف
لفت عليها: شتبين تعرفين؟!
نوف: وش قال لك؟!
نجد: بس ذا اللي تبي تعرفية؟؟
نوف: أية
نجد بكذب: طيب قالي لي مبروك لنا
ليلى: بس
ناظرت بخالتها: أيش تبون يقول ثاني؟!
ليلى: يعني اي شي
نجد: لا
ليلى: طيب قومي أجهزي هذا هو ينتظرك أسفل
نوف: حقير والله مفروض أخذها
دخلت مها عليهم: هاذي هي عبايتك كويتها وبخرتها
نجد: مشكورة ياقلبي
لبست عبيتها و ودعت خالتها ومها ونوف وكل من فيهم دموعها على خدها بعدت عنهم: فرح وين؟!
مها: بغرفتها
ليلى: مايخالف يابنتي تعرفين زعلانة منك
نجد: عادي بروح لها ذحين
طلعت من الغرفة وراحت لغرفت بنت خالتها دقت الباب
فرح: مين؟!
فتحت ودخلت الغرفة وسكرت الباب وقفت أول ماشافت بنت خالتها وصحبتها منذ الطفول لابسة العباية وبتطلع بعد دقائق من ذا البيت خلاص
تقدمت لها: ماودك تودعيني؟!
دموعها على جفن عينها: ودي بس...
راحت وضمتها وتحاول ماتنزل دموعها أما فرح كانت منزل يدها وتبكي ماضمتها
شدتها بحضنها أكثر وتكلمت بهدو: بادليني هالحضن ماتدرين يمكن أخر حضن بينا لاتحرميني منك يافروح
ضمتها ودفنت وجهها وبدت تبكي وضربتها على ظهرها بخفة: لا تقولي كذا يخسي أن سوا فيك شي
بعدت عنها وحطت يدها على وجهها وابتسمت: يعني خفتي عليي؟!
نزلت راسها: أكيد بخاف
رفت راسها: لاتخافين ماراح يلمس شعرة مني
فرح: أن سوا فيك شي أتصلي أروح طياري لـ صقر يتفاهم معة
ضحكت بخفة: ماعليك بنسكن ترا مع أهلة يعني أن سوا شي أروح أنا لة طياري أنتِ بس لاتتعبين نفسك
جاتهم ليلى: يلا يابنتي طولتي علية
فرح: خلية ياكل تبين
نجد: أية خلاص يلا مع السلامة باست راس خالتها وطلعت مع أم جزاع و وصلتها لولدها
-
اما عساف واقف عند سيارته وشاف نجد يوم طلعت من البيت ومعها وحدة كانت تساعدها جاء و مسكه على طول وهز راسه بمعنى (لا): لا تسوي شي و تندم عليه بعدين تكفى يا عساف مو بذي الطريقه تكفى
عساف ببكي: سعد بعد من قدامي
سعد: وش راح تستفيد إذا ذبحته بتدخل السجن وتصير قاتل
عساف: مايهم اللي يهمني ما تروح مع الخسيس ذا
سعد: تتوقع لو ذبحته نجد راح توافق تتزوج واحد قاتل؟!
عساف نزل على الأرض ورماء المسدس اللي بيده و دموعه على خده: سعد راحت يا سعد راحت وش أسوي
ناظر لسياره و شافها ركبت مع الرجال الغريب سكر عيونه بقهر ونزلت دمعته ، لية تسوين فية كذا وتحرقين قلبي عليك ، مسح دمعته بثوبة و وقف ، لازم أعرف من ذا اللي متزوجها ركب سيارته مشاء وراهم
-
رجعوو لـ بيت أبو جزاع ليساعدوهم بتنظيف البيت وحوستة من البزارين
أم جزاع: ماقصرتو أتعبناكم معنا
ليلى: لا تعب ولاشي
أم صقر: المساعدة زينة
فيء بتعب: فجرو تعالي شيلي معي الفرشة بسرعة يدي وجعتني
فجر: مو شايفتني أكنس شوفي أحد غيري
فيء: فجيرررر تعااالي مافي أحد
رمت المكنسه اللي كانت بيديها وهي جايتها: اف منك عندك أختك ضي ومها ونوف وليان مالقيتي الا أنا؟!
نزلت الفرشة على الأرض وبعصبية: هيا قولي لوحدة منهم تشيل معك
شهقت: ياقليلت الأدب صدق
فيء: والله ياحبيبتي لي ساعة أنتظر وماجيتي
فجر: هذاني جايتك يا حيوانة
فيء: بعد ايش بعد ماتعبت و وجعتني يدي شوفيها هاذي هي محمره
فجر: احسن
أم صقر: خلاص عيب بنات عم أنتم
فجر: والله بنتك ياعمة اللي بدت
فيء: أقول أنطمي وأحمدي ربك أساعدكم
فجر: شكراً مانبيك تساعدينا
أتسعت عيونها: والله
فجر: أية
أبتسمت بقهر ومرت من جنبها وظربت كتفها وتعدتها
أم صقر: وين رايحة؟!
هي داخلة البيت ورافعة صوتها: بلبس عبايتي وبروح البيت
رهف: الله يهديك يافجر الصدق أنتِ الغلطانة
فجر بعصبية: اية دايم أنا الغلطانة في كل شي أروح أكنس أحسن لي
مها: خلصنا اللي علينا عن أذنكم
ليلى: أحتروني بروح معكم
أم جزاع: الله يعطيكم العافية ماقصرتوو
-
في الفندق...
دخلت الغرفة وطلعت عبايتها جلست على الكنبة اللي بوصط الغرفة
جزاع: تبي عشاء؟!
نجد: لا
جزاع: متأكدة لا أجيب عشاي وعيونك تنطنط عندي
نجد: لا تطمن ما أبي
رما بشتة عليها وطلع من الغرفة أخذتة ورمتة على كنبة اللي جنبها دق جوالها وأستغربت من الرقم الغريب ذا
نجد: الوو!
عساف:
"خذاك النصيب اللي دمر باقي سنيني
رحلتي وانا ضايع ولا عارف الاسباب."
دموعها على جفن عينها: هذاك قلتها النصيب
ببكي: لية يا نجد تكفين أنزلي أنا أسفل
نجد: ماعاد يفيد هذاني تزوجت ومع زوجي
عساف: أكيد مو عندك وزواجك على ورق بس أنزلي قبل لايجي
حطت الجوال تحتها وتمسح دموعها
جزاع: قهر مايستقبلو طلبات ذحين
نجد بهدو وهي عافة انها من الخرشة ماسكرت الخط وبتبين لعساف أنها راضية: غريبة
جزاع: مدري
نجد: خيرة
ناظر فيها: فيك شي؟!
نجد: لا لية؟!
جزاع: أول واصلة لين غشمك ذحين هادية
نجد: تعودت
جزاع: تعودتي؟!
نجد: أية
ماشي لها بخطواتة الهادية وقفت بربكة حط يدية على خصرها وشدها لناحيته
نجد بتوتر: لا تشد أكثر
جزاع: وإذا شديت؟!
-
أما عند عساف سكت بسرعة وبدا يسمع صوت الرجال الغريب اللي عندها وكان سامع كل شي بس مو فاهم عليهم وكأنهم يتكلمو بـ الالغاز أتسعت عيونة بعد ماسمع
كلمة "لاتشد أكثر" راح تفكيرة بعيد البعد ناظر بجواله ورماه ، اه لية سكرتي سكت شوي وبتفكير ليكون هو كشفها وسكرة وذحين يسوي لها شي لا ياربي لا
-
نرجع لبطلتنا...
نجد: بعدت عنة اء بروح أنظف مكياجي
أخذت شنطتها الصغيرة ولبسها ودخلت دورة المياة بدت تمشي بالحمام ، ياربي شسوي أجلس هينا لين ينام بس مستحيل ينام ذحين اكيد بينتظرني فكري يانجد فكري لاقي لك حل
دق باب الحمام
برتباك: مين؟!
جزاع: يعني مين بسرعة أطلعي
أنت تقرأ
ما خلف القضبان.
Science Fictionاهلاً بكم جميعاً ، بروايتي واعزوفتي الأولى... بدأت كتابتها بـ1/1/2023 وشاركتها أياكم بـ13/1/2023 - (ما خلف القضبان.) (الرواية باللهجة العامية.) نبذة الرواية: بطلتي هي البنت الكبيره بـ العائله هي واخوها الصغير فاقدين اهلهم ويحاربون آلم ووجع الحياه ب...
