دفت أختها وجرت: أنا عند الباب اللي وراء جزاع
ناظرت فيها بستغراب: غريبة مو تقولي أنا دايم بجلس عند الباب اللي وراء أمي!
فجر: بغير
ليان: ايه صح بتغيري
أم جزاع: جبتي فروت أبوك؟!
هي اللي متساندة وحاطة يدها على باب السياه وتتأمل سيف
ظربتها أختها بخفة
لفت عليها بعصبية: اف ما تخلون أحد براحتة
ليان: اوه ليكون خربنا عليك رمنسيتك؟!
لفت عليهم أم جزاع: رمنسيت ايش و أنتِ شقاعدة تتأملين؟!
فجر برتباك وبسرعة: ما أتأمل شي يمة بس قاعدة أشوف ولدك شعندة تأخر
ليان: امممممم ياروحي طفشت من الأنتظار وترا ماجوبتي على أمي
فجر: أجاوب عليها بوش؟!
أم جزاع وهي رجعت راسها وتناظر قدامها: أقول فروت أبوك جبتيها؟!
فجر: أيه أيه جبتها
جاهم جزاع وركب ويحاول يخفي وجهه عن أمة: خلاص ما بقي شي!!
أم جزاع: أيه
فجر: الله يعينك يا ليان سليطين مو جاي مع أبوة
ليان: ياالله من ذا الولد كانة بيجنني
جزاع على حالة: لابيجي لاتخافين
أم جزاع: وشبك ماتناظرنا مستحي منا؟؟
جزاع هو لاف يناظر بـ سلطان: لا بس أشوف سلطان
هي اللي كانت وراءة وشافت على طرف خشمة دم شهقت: من أيش الدم ذا؟!
لف علية بسرعة ومسكتة مع وجهه ولفتة عليها وشهقت وظربت يدينها على فخوذها: حسبي على اللي سوا فيك كذا الله لايسامحة ولا يوفقة
ليان هي شاكة انة سيف وصقر بس تبي تتأكد؟! مين اللي ظربك؟!
جزاع: واحد من عيال الحارة
ليان: صقر وسيف لية واقفين عندك؟!
مايبي أمة تعرف أن سيف ظربة ومايبي تصير مشكلة بين أمة وأم سيف قال بكذب: فزعو لي
كلهم بستغراب
أم جزاع: سيف وصقر؟!
ليان: صقر؟!
فجر: سيف؟!
جزاع: بسم الله أية سيف وصقر ، لف وشاف سلطان جايهم ركض هاذا سلطان جاء أفتحي لة الباب يافجر
أم جزاع: سيف متى رجع؟!
جزاع: مدري يمكن البارح
فجر هي فرحانه على رجوع سيف: اكيد البارح
ناظر فيها من المراية وشاف عيونها اللي فرحانة: طيب أنتِ لية فرحانة؟!
وهي تحاول تخفي أبتسامتها وفرحتها اللي وضحت لهم من عيونها: مو فرحانة
جزاع: هيا انتبهي
-
عند سيف وصقر :
صقر ظم سيف: هلا والله بخويي ايش المفاجئة ذي لا و مفاجئتين رجوعك وضربك لـ جزاع
سيف: توك تستوعب اني موجود؟!
صقر: لا بس مافضيت اول لظمك دوبك تضرب جزاع
سيف بحزن: يستاهل وانت وراك ما ضربته معي ليه تفرع بينا؟!
صقر: مقدر والله أبوي مايبي عداوة بين أخوة
سيف: اها
صقر: أية
سيف: الا تعال لية ما قلت لي عن خطبت نجد؟؟
فتحت الباب وطلعت راسها: سيف
لف عليها: لبية يمة!
ليلى: تعال وأنا أمك أدخل لـ ننظف وجهك اللي فية دوم ونحط ثلج على الكدمات لتبرد شوي وأنا أمك
سيف: أبشري ذحين جاي
ليلي: لا تطول
أشر على خشمة: على ذا الخشم
رجع لف علية: لك حساب عندي
صقر: أنا؟!
سيف: لا أنا
صقر: حساب ايش ولية؟؟!
سيف: خطوبت نجد
صقر: اهااا
سيف: الاقيك في دكان القهوة
صقر: طيب أنتظرك
-
دخل البيت ولقيهم جالسين في الحوش
سيف: هاه مين بيمسح لي الدم؟!
ليلى: وحده تمسح له
كشرت مها: يمامي تعرفو ما أحب الدم
فرح: ولا أنا أحسه يخوف
نجد بسرعه: انا بمسحه
ليلى: تسوي خير فينا
نجد: أجل بروح أجيب ثلج و المويه
ليلى رفعت صوتها: لاتنسين المعقم لتعقمي جروحه
نجد: أبشري
سيف هو تذكر خطوبت نجد وجزاع: ومين بيعقم جروح قلبي يا يمه؟!
ليلى الي فهمت عليه وقفت ومتجهه للبيت: عقمها انت بنفسك وماني فاضيه لك تعبانه بروح اريح لي شوي
مها: اء عندي غسيل في الغسالة بروح أشوفة عن أذنكم
فرح بتفكير: اء المواعين علي بروح أغسلها قبل لا تكثر عليي
جات بصنيتها وجلست عندة
نوف بضحك: اية سبهان الله طلعت لكم أشغال ذحين وصرتو تحبوها وأنا بعد بروح أكوي الملابس اللي قالت لي عنها أمي
سيف: أية روحي الحقيهم
نجد بأحراج: أذا أوجعتك قول لي طيب!
سيف: طيب
بتدت تمسح الدم وكان يشد عيونة من حرارت الألم
نجد: قلت لك لاتطلع لة
سيف: أيش تبيني أسوي ياخذك بالغصب
نجد: ماراح يقدر
سيف: كيف مارح يقدر وكان بياخذك بس جيت وسحبتك
نجد: ذا على شانكم تهاوشتو وشافك موجود في بيتي فكذا أخذني
ضحك بسخرية: أية مسوي فيها غيورر ، ااحح
رفت القطنه عن جرحه: آسفه
ناظر بعيونها: لا عادي
سرح بعيونها وقال بدون ماينتبه على نفسه
" الوجه هذا صدّق والامُنتحل
والعيون ذي عين ولا اَنيه
الواضح ان الحور بالجنه تّحل
وشلون جيتي بالحياة الفانيهّ."
ناظرت بعيونه وسرحت بدون شعور وأنهزامها بعيونه
" وعيِناڪ كَاللِيلُ' والبؤبؤ البَدرُ'فِيها ."
سرعان ما أستوعبت وقفت بسرعة و أخذت صنيتها: اء خلصت خلاص
جرت بسرعة ودخلت المطبخ وحطت الصينية على الطاولة ورفعت برقعها وأبتسمت من غير شعور وتمتمت: اوه مدري أنت ولا عساف اللي حبيته أكثر ، لفت وسندت ظهرها على الطاوله: ولله لا أنت ولا عساف اللي فاز فيكم جزاع اوفف بس
ناظرت فيها بستغراب: ايش فيك جاية كذا مدرعمة وكأن أحد جايب لك راس غليس من فرحتك ذي
لفت عليها بسرعة: بسم الله شجابك هينا ومن متى؟!
فرح: من أول وأنا هينا أغسل المواعين
نجد: اهاا
فرح: أقول شفيك و شقاعدة تقولي؟!
نجد: اء مافية شي وبس أتحسب على جزاع فلي سواه بـ سيف
فرح: تتحسبي على ومبتسمة!
نجد: يوه فريح خلي عنك الأسألة اللي مالها داعي وبرح أشوف أنوس
~
أما عند سيف بعد ما وقفت وراحت بسرعة
سيف: اية صح خلصتي اء يانجد اء ماتغيرتي أبداً هاذي أنتِ إذا أنحرجتي وقفتي بسرعة وهربتي
وقف وبيدخل البيت الا اللي صقعت فيه من قدام
بعدت عنه ورفعت راسها: معليش ماشفتك
سيف: ماصار شي بس شفيك كذا تمشي ومو منتبهه قدامك
نجد: أنس مدري وينه مختفي
سيف: مدري حتى ماشفته بالحوش
طالعة من المطبخ وتمسح يدينها من الموية: هاه لقيتية
لفت عليها: لا مدري وينة
سيف هو يحاول يسمع الصوت: تسمعو اصوات ضحك؟!
فرح: اية فوق
أبتسمت نجد: ضحكت أنوس بعد
راحو جري مع الدرج وراحو لمصدر الصوت في الحمام
سيف بستغراب: شتسوون؟؟!
مها: كنت رايحه اطلع الملابس اللي بلغساله الا والاقي أنس فاتح الدش علية قلت والله ما أخلية بخاطرة وأخليه ياخذ شور جبت الحله(حوض الأستحمام) وحطيت فيها مويةوجلسته يلعب فيها
نوف: عاد وانا أول ماسمعت لعب أنوس وضحكتة قلت والله لدخل معهم
سيف: عيب عليكم داخلين مع ولد في الحمام ومو محرم لكم
مها: الله الله
قربت منه ونزلت له: أنوس لية فتحت الدش عليك غلط كذا
أنس هو يلعب بلعابه والموية: مثلك يوم شفتي جزاع ورحتي فتحتي الموية عليك
وسعت عيونها من كلام أخوها وأنة مو ناسي اللحظة ذيك
عقد حواجبة بستغراب: كيف مثك وفتحتي الموية عليك
مها اللي فهمت الموضوع: اء قصدة مرة كانت بتاخذ نجد شور جاها جزاع وتكلم معها بعد ماخلصو كلام راحت أخذت شور فـ على شان كذا فهم غلط
نجد: أيه أيه صح
سيف هو مو مصدق: ذحين صقر دق عليي وينتظرني من أول بروح وشوي أجي وأفههم منكم
مها: تفهم ايش؟!
سيف: سالفت جزاع والموية
مها: بس أحن...
قاطعها بسرعة: مو مصدقكم ويلا عن أذنكم
فرح: احد يفهمني شصاير؟!
مها اللي ناظرت بنجد وكيف مكسورة و واضح أنها ما نست ذاك اليوم: مو صاير شي
فرح: كيف مو صاير شي ولية أنوس قال كذا ولية نجد تغيرت
وقفت بسرعة وببكي: يوم قرب مني جزاع رحت على طول فتحت الدش عليي وبديت افرك جسمي من غير شعور وبكي مثل المجنونة
مسحت على ظهرها مها: خلاص شي راح ومات
فرح: لية تبكي مو ذحين بيصير زوج وبيقرب منك أكثر
نجد: فرح خلاص مو لذي الدرجه كرهك لي
فرح بعصبية: الا لذي الدرجة يوم أنك تبكي وتحزني وتتحسبي علية لية وافقتي علية
نجد: لاني أبية تمام ارتحتي
فرح: لا مرتحت راحت وخلتهم
نوف: طيب أنس شاف يوم قرب منك
هي تمسح دموعها: لا بس شافه يوم طلع وصرخت علية ورحت جري للدورة المياة
مها: اشوا
نوف: سيف مو مصدق أبداً شنقول لة لو رجع؟!
مها: نفس اللي قناه اول لة وتكون كلمتنا وحده وبكفيه
راحت لخوها ومسكته من يده بعصبيه: قوم أنت الثاني ومره ثانية تدخل وتفتح الموية عليك بتنضرب فاهم
مها: نجد شفيك بزر ترا مايعرف
نجد بعصبيه: اية واضح مايعرف
نوف: بشويش علية
رفعت يدها لهم: مالكم دخل
أنس هو يبكي: احح فكيني يدي وجعتيني
نجد: أحسن ألبس المنشفه بسرعة رفعت صوتها بسرعة
أنس ألبس
أنس: مابي
رفت يدها وكانت بتضربه
سحبته بسرعة ومسكت يدها: نجد مو على شانه أخوك تضربية تراه صغير حرام عليك
راحت لها نوف ومسكتها من يدها: نجد قلبي أنتِ ذحين معصبه من أنوسي لانه قال كذا قدام سيف روحي ريحي واهدي ولا تحطي حرتك كلها في ذا البزر
ناظت فية: لاتقولي عنة بزر لانه مو بزر
مها: طيب طيب بس روحي
راحت وخلتهم
نزلت لمستواه: فيك شي؟!
أنس ببكي: نجد لية ضربتني؟!
مها: ماضربتك ياروحي بس لانها معصبه فـ ماعرفت شتسوي
أنس: من جزاع عصبت منه يوم جاء صح؟!
مها: لا مو من جزاع من شي ثاني وجزاع خلاص بيصير زوجها
أنس: كيف زوجها؟!
نوف: يعني بيتزوجو تروح تسكن معه
أنس: لا أبي نجدي معي لا تروح معه
لفت عليها وتكلمت: أنت بتروح معها إن شاءالله وأنتِ طسي أطلعي من الحمام
نوف: لاتعصبي طيب
مها: يلا ألبس منشفتك وتعال لـ ألبسك قبل لا تبرد وتمرض
أنس: طيب
-
في دكان القهوة...
صقر: بدري
هو واقف: والله يعني ارجع!!
صقر: أقول أنثبر بس
سحب الكرسي وجلس: هاه هذاني أنثبرت ، رفع يده ، لو سمحت شاهي ولاتكثر سكر
صقر: نفسك ماتغيرت
سيف: يعني 6 شهور بتغيرني؟!
صقر: مدري قلت يمكن ترجع من الدوره ومتغير
عدل جلسته وقرب كرسيه من الطاولة: الا صدق ماتغيرت؟؟
صقر: نحفت شوي وبشرتك صارت سمراء
رجع ظهره على وراء: ايه الشمس عملت عمايلها اية ماقلت لي ليه ماعلمتني بخطبت نجد؟!
صقر: كنت بقلك بس أعرفك بتنجن وتجي على طول ركض وتخلي الدوره
سيف بملل: ما أشغلتنا اللي الدوره ذي بس كان قلت لي عادي أجي واخليها بطقاق فيها بس أهم شي نجد ماتوافق على جزاع
ضحك بسخرية: يعني بتسمع منك؟!
سيف: أية ماتدري
قرب منه: حاولت معها رفضت قالت مالك دخل فيه هي قبل رافضته وصار هواش بينها وبين جدي بس بعد ما دخل جدي بغيبوبه بعدها تقريباً بسبوعين أو أسبوع شي كذا عرفنا أنو خطبها و وافقت والكل أستغرب
ضرب يده على الطاولة: شمسوي لها أبن الكلب؟!
عقت حواجبة وشك أنو عرف بلي سواه جزاع بنجد: شقصدك شمسوي لها؟؟!
سيف: مو قلت كانت مو موافك وماتبيه!
صقر: اية
سيف: يمكن مهددتها بشي
صقر: متوقع يهددها بوش مثلاً؟؟
سيف؛ مدري
الموظف: تفضل بلعافية
ناظر فيه: تعافيك ، رجع ناظر بصقر بسرعة ، ذا نفسه ماراح من هينا؟!
صقر: أية نفسه وين تبيه يروح؟!
سيف: قبل لاأروح قالو أنة بيروح وعنده شغل ثاني احلى من ذا !!!
صقر: أية أتصلو عليه وقالو طردناك من الشغل تصدق حتى ماحزن ولاشي أستغربتة
سيف: يمكن متعود على الخساره وصار الوضع عادي عنده
صقر: يمكن
-
في بيت أبو لانا...
أم لانا: ياهلا والله بعروستنا تو مانور البيت
أبو لانا: اهلاً ببنتي اهلاً بروح أبوها
تولين: بنوركم وياهلا والله فيكم أنتم
لانا: مو كأنكم زوتوها شوي أتذكر يوم جيتكم بعد شهر العسل محد رحب كذا فيه!
ضربتها أمها بخفه: ياكذبك رحبنا فيك وأستقبلناك احلى أستقبال
تولين: أجل بزعل أنا
أبو لانا: وشهوله الزعل وأنا أبوك مو أنتِ اللي طلبتي منا ما نكلف على نفسنا ولا بتزعلي؟!
تولين: أيه ادري بس أمزح معكم
أم لانا: حتى الزواج مغيرك
تولين: وليه يغيرني مثلي يوم كنت في بيت أبوي الجميل ماتغيرت
أبو لانا: أيه عفيه بنتي لاتخلي شي يغيرك ولا أحد يمشيك على كيفه
تولين: أبشر ماطلبت شي ، باسته على راسه الله يخليك لنا يارب
الكل: آمين
أم لانا: بسم الله وشبنا واقفين عند الباب ونسولف قلت الاماكن أمشو خلونا ندخل
دخلو وبت تصب القهوه لهم لانا وضحكم وفرحتهم
أم لانا: أجلسي وأنا أمك من اول واقفة وتصبي تعبتي نفسك
لانا: لا يا أمي لاتعبت ولاشي
قامت واخذت الثلاجه منها وحطتها على الأرض ومسكتها من يدها وجلستها: أقول أجلسي ، حطت يدها على بطنها بيت شهر ذحين متى يطلع اللي ببطنك ويناديني خاله؟!
لانا: في الشهر الثامن ماباقي لي يوين ادخل التاسع
تولين بفرحه: يالله يارب تجي بسلامه
أبو لانا: عقبالك إن شاءالله
ناظرت بـ أبوها وأختفت أبتسامتها بتدريج
أم لانا: بسم الله شفيك يابنت؟!
وهي تشتت سرحانها ورجعت أبتسامتها: اء ولاشي بس احس بدري علينا
أم لانا: لا لابدري ولاشي
لانا هي ماسكه بطنها: شوفيني أنا حملت بعد زواجي بشهر عادي
تولين: هاذي أنتِ
أبو لانا: خلونا من السوالف ذي الا قوليلي كيف سفرتكم عساكم أستانستو؟'
تولين: اية الحمدالله
لانا: كيف أجوائهم حلو ولااحنا احلى؟!
تولين: احنا احلى عندهم الشتا والصيف نفس الشي برد بس الصيف يجي برد خفيف ماحبيت الصراحه
لانا: والله كذا حلو شكلي بقول لتركي نروح نسكن هناك
ضحكت بخفه من بنتها: شكلك تحلمين كثير
رجعت شعرها لوا: ايه تروكي مايرد لي طلب
أتسعت عيون أبوها منها و انها ما استحت منه
ضربتها بخفه وهزت راسها بمعنى: صاحيه انتِ
كأن احد كب عليها مويه بارده وانحرجت؛ اء قصدي
رفع يده: خلي قصدك عندك بروح عند الرجال بلمجلس تبو شي؟!
أم لانا: سلامتك
بعد ماطلع أبوها لفت بسرعه على أمها: أمي زعل؟!
أم لانا: لا وليه يزعل؟!
لانا: مدري يعني
أم لانا: لا بس مستغرب من جرائت بنته
تولين وهي تقلتها: تروكي مايرد لي طلب
ضربتها: انطمي
تولين: احح
أم لانا: بروح لـ أم تروكي تبو شي
لانا: أميي مو لذي الدرجه مسكتوها عليي
تولين: احسن و أنتِ و أبوي وشفيكم قمتو وخليتو بنتكم العروسه اللي مطوله عنكم لها شهر!
أم لانا: والله يابنتي أبوك عندهم أجتماع مدري مشاوره مع الرجال في الديوان ضروري أما أنا دقت عليي جارتنا أم سلمى قالت أنو بنتها جاينها ناس يخطبونها وتبيني اكون معها
تولين: ماشاءالله الله يوفقها
أم لانا: أمين وأنا وأبوك بنجي المغرب ونجلس ونسولف ونتعشى ونعين من الله خير
تولين: أية ونصفي حساباتنا
عقدت هواجبها بستغراب: شقصدك نصفي حساباتنا؟!
تولين: اء قصدي يعني نتناقش بموضوح أنكم رحتو وخلتوني
أم لانا: اهااا يلا أجل بروح أكيد قد الناس جوهاا
طلعت وبعد ماسمعت صكت الباب وراء امها لفت على أختها وضربتها: خير أيش اللي سويتيه في يوم زواجي؟
لانا بعدم فهم: أيش اللي سويته؟!
تولين: ايه سوي نفسك ماتدرين القميص الأبيض
حطت يدهاا على فمها وضحكت بخفه: أيش رايك عجبك؟!
تولين بعصبيه: وش اللي عجبني فشلتيني
أنت تقرأ
ما خلف القضبان.
Science Fictionاهلاً بكم جميعاً ، بروايتي واعزوفتي الأولى... بدأت كتابتها بـ1/1/2023 وشاركتها أياكم بـ13/1/2023 - (ما خلف القضبان.) (الرواية باللهجة العامية.) نبذة الرواية: بطلتي هي البنت الكبيره بـ العائله هي واخوها الصغير فاقدين اهلهم ويحاربون آلم ووجع الحياه ب...
