نوف: نجد بنت
شهقت و قامت من نومها بسرعة وهي تتلفت بخوف
نوف بخوف: بسم الله الرحمن الرحيم شفيك؟
نجد تمسح عرق وجهها: وينه وين راح؟!
نوف: مين؟ إذا قصدك أنوس هاذا هو جنبك نايم
لفت و ناظرت بـ أخوها النايم و استوعبت الي صار لها حلم سكرت عيونها: ا.اي قصدي هو أنتِ شبغيتي؟
نوف: يا أميره الفطور جاهز
نجد: طيب جايه
طلعت نوف و لفت نجد على أنس و شافت الحلاوه جنبها أخذتها و رمتها على الأرض و حطت يدها على جبينها: اشوا أنه حلم اشوا
-
في بيت أبو صقر...
جالسين بالحوش و الفطور قدامهم
أبو صقر: الشاهي و الحليب وينه؟
أم صقر: هاذا هم البنات بالمطبخ يسوونه
صقر: تأخرو
أم صقر: دوبهم يمكن أن الحليب ما فاح
~
ضي الي محطيه الحليب على الغاز و معطيته ظهرها: خير يافيوه من البارح و أنتِ مو على وضعك وش صاير؟
فيء الي جالسه على الكرسي و محطيه يدها على خدها و عيونها المحمره: ماسمعتي نجد وش قالت أمس؟
سحبت ضي الكرسي و جلست جنبها: لا وش قالت؟
فيء بصوت باكي: قالت لـ خالتها لقت بنت تناسب سيف و تهبل راح علي يا ضي
ضي بسرعة ضمتها: خلاص اش لا أحد يسمعك و يمكن تقصدك
بعدت عنها فيء: لا ما تقصدني واضح من كلامها أنه وحده غيري
ضي قربت من فيء و بهمس: إذا سيف صدق يحبك راح يقول لـ أمة أنه يبيك وخلاص
وقفت بسرعة ضي أول ماسمعت صوت الحليب انكب على الغاز: يوه يافيء ارتحتي الحين
فيء وقفت عندها: تتوقعين يحبني؟
ضي الي تمسح الحليب: اي حسيت أمس من نظراته لك كان يناظر فيك بحب
فيء أبتسمت و ضمت ضي بقوه
ضي ببتسامة: مجنونه بعدي عني
فيء بعدت عنها و أخذت السفنجه من يد ضي: والله لتبعدين بمسحه أنا
ضي: بس...
فيء: لابس ولا غيره خذي الشاهي و الحليب و وديه لهم أكيد طفشو و هم ينتظرون
ضي: طيب بس لا تطولين
فيء ببتسامة: ابشري
بعد ماطلعت ضي نطت فيء بفرحه وفي يدها السفنجه الي فيها رغوه الصابون
دخلت راسها و شافتها تنط: الحمدلله و الشكر
فيء وقفت بخوف: بسم الله مارحتي؟
ضي: لا رحت بس ذكرت المناديل و بقلك جيبيها معك و بسرعة بنفطر احنا مو محترينك
فيء الي لفت على الغاز و بدت تمسح: طيب طيب
-
عند فرح و سعد...
صحى من النوم و استغرب من عدم و جودها جنبه طلع من الغرفه و حصلها بصاله و مجهزه الفطور على الطاول
حطت صحن الزيتون و لفت عليه ببتسامه: صباح الخير
جاء سعد عندها و حط يدها على كتفها و ببتسامة و عيونه على الفطور: صباح النور وش ذا الفطور الزين؟
فرح: اعجبك؟
سعد لف عليها و باسها من عند خدها: كيف ماتبينه يعجبني و أنتِ الي مجهزته بس صح الثلاجه مافيها شي كيف جبتيها؟
بعدت يد سعد عنها و راحت جلست على الكرسي: اسفه أخذت محفظتك و نزلت للبقال الي تحت عند الفندق و شريت الفطور يعني حبيت اجهز
سعد جلس قبالها: عاد لا تتأسفين أنتِ زوجتي و كل شي حلالك
أبتسمت و بدت تصب الشاهي بعد دقائق
سعد: تجهزي على العصر إن شاءالله بنروح
فرح بستغراب: وين؟
سعد: بنسافر بنروح في شهر العسل وين تبين؟
فرح بعدم معرفه و انها مقد سافرت: مدري الي تبيه أنت
سعد: لا قولي أنتِ
فرح: طيب الكويت
سعد: الكويت!
فرح: اي وش فيها؟!
سعد: على كثر المدن مالقيتي الا ذي؟
فرح بأحراج: مدري يعني ذا جاء في بالي إذا ما تبي عادي نغير
سعد: لا خلاص بنروح لها بس بعد الفطور بنروح عند اهلي و عاد بعدها بنسافر
فرح: و اهلي بعد بروح لهم بودعهم
سعد: ابشري
خلصو فطور و غسلت المواعين و بدت تجهز نفسها لروحة لـ بيت اهل سعد وهي مستانسه لانها بتوري سارة شغلها مثل ماقالت لـ نجد
-
الظهر الساعة 1:00
في بيت نجد...
في المطبخ و بقمت الروقان وهي تسوي لها قهوة
جاء و ظربها على ظهرها بخفه: وش الروقان الزين ذا؟
فزت نجد برعب: بسم الله صاحي أنتِ شايفني مروقه تجي و تخوفني
سيف تكى عندها على الطاوله: اسف والله بس بقلك شي
نجد الي ماسكه الكوب بيدها: وش عندك؟
سيف: بتزوج
طاح من يدها الكوب و لفت عليه: والله؟
سيف بعد عنها بعد ما طاح الكوب: صاحيه الكوب طاح و انكسر
نجد ناظرت فيه و ناظرت بـ سيف: ماعليك منه بس متى؟
سيف: يعني في بالي وحده
نجد ببتسامه: خلها علي
سيف بستغراب: اقلك في بالي وحده تقولين خلها علي
نجد قربت من أذنه و بهمس: فيء بعدت عنه و أبتسمت و وضح من عيونها
سيف بدهشه: شدراك؟!
نجد: ادري بس متى تبي اقول لـ خالتي؟
سيف: اليوم
نجد: اليوم؟
سيف: اي شفيها؟
نجد: بسـ...
جات نوف و صرخت أول ماشفات كوبها على الأرض و مكسور: قلت لك اخذيه بس ما تكسرينه
نجد: اسفه والله بس فرحت لـ سيف
ليلى الي دخلت مع الباب: فرحتي له بوش؟
نجد: قال يبي يتزوج ناظرت في سيف و غمزت ، و عاد تعرفين يا خالتي البنت عند
ليلى بفرحه: صادقين أنتم؟
سيف: اي قلت لـ نجد تفاتحك بالموضوع لاني إذا قلت لك أنتِ احس استحي
ليلى: الله تستحي من أمك ناظرت في نجد ، مين البنت الي تبيها لـ سيف؟
نجد: فيء بنت عمي مصلح وش رايك فيها يا خالتي؟
ليلى: والله و نعم فيها بنت أصول و تهبل
نجد: الحمدلله مدامها عجبتك و تبيهنا كنتك سيف يبي نخطب له اليوم
ليلى: اليوم اليوم؟
سيف: اي وش فيها يايمة؟
ليلى: خله بكره ولا بعده اليوم فرح بتجينا
نجد بفرحه: والله عاد اشتقت لها
نوف الي تناظر في كوبها و ببكي: أنتم وين و أنا وين
ليلى: ليه وش فيك؟
نوف: الهانم بنت أختك كسرت كوبي المفضل
ليلى: بسم الله اعصابك طيب
نجد: والله بالغلط اسفه
سيف: اجيب لك احلى منه بس اهدي
نوف ببكي: لاتجيب ولا شي شكراً
طلعت من المطبخ
رفعت صوتها ليلى بعد طلوعها: على وين؟!
نوف: لـ غرفتي
ليلى: أقول تعالي بس ساعدي نجد بالبيت كنسوه و بخروة و جهزو القهوة
نجد: اخس صرنا نبخر البيت و نسوي القهوة لـ فرح
ليلى: اي عقبالك أنتِ و نوف
نجد بعبوس: عقبال نوف بس
ليلى الي مالها خلق للنقاش: طيب
سيف: بروح لـ دكان القهوة تبون شي اجيبه معي
ليلى: لا سلامتك
-
في بيت أم سعد...
متواجده في المطبخ و تطبخ الغداء
سارة: والله ياتجي اليوم احلى مقلوبه من يدك
أم سعد بثقه و بتسامة: أكيد
دق الباب وفزو ثنتينهم
سارة: أنا بفتح
مسكتها أم سعد مع طرف قميصها: أقول روحي بس أنا الكبيره و بفتح لهم
أتجهو كلهم للباب و فتحت أم سعد و هي ترحب فيهم و ابتسامتها على وجهها وهي تشوف كنتها متواجده معهم دخلتهم لغرفت الضيوف و طلبت من سارة تجيب القهوة
أم سعد: حي الله من جانا والله حي الله بكنتي فرح
فرح بأحراج: الله يبقيك
سعد: اخس صرتي تركبي فيها اكثر مني
أم سعد: اسكت بس رحبت فيك أنت بعد
جاتهم سارة وهي معها طوفريت القهوة و ببتسامة: تو مانور بيتنا
سعد: بنورك
أبتسمت فرح لها بتسليك وهي ودها تصفقها
أم سعد: نتقهوى بعدها نتغداء
سعد: وش طابخه لنا عاد يايمه؟
أم سعد: مقلوبه يحبها قلبك
سعد: يوه عاد ياني مشتهيها لف على فرح ، تدرين أمي مشهوره بضبط المقلوبه تضبطها صح
فرح أبتسم: ماشاءالله بعد أمي تضبط كل شي بس اكثر شي المرقوق
أم سعد: ماشاءالله
سعد: أجل بيجي يوم إن شاءالله و اذوق المرقوق من يدين عمتي
فرح: إن شاءالله
أم سعد: و خواتك يعرفون يطبخون؟
فرح: اي كل وحده تعرف تضبط لها شي
أم سعد: ماشاءالله عليهم
فرح ببتسامة و هي تتذكر اكلهم: مها تضبط الجريش و الكبسه و نوف الشاهي و القهوة تضبطهم صح ناظرت في سارة و بنبرت استفزاز يوم نطقت اسمها و نجد بنت خالتي تضبط المكرونة
أم سعد: نجد ذيك أم الشعر البني بنت خالتك؟
فرح بستغراب: اي بنت خالتي
أم سعد: والله على بالي انها أختك ياماشاءالله عليها تهبل و الا أهلها وينهم فيه ماشفناهم لا في خطبتك ولا زواجك؟
فرح بحزن: توفو كلهم
أم سعد: لاحول ولا قوه إلا بالله
سارة وقفت: بروح احط الغداء
وقفت أم سعد بصعوبة: صبر لا تفرغينه خلينا نقلبه
سعد وقف بسرعة و مسك يد أمه: وش الي تقلبينه يا الغالية ثقيل عليك خليني أنا اقلبه و أنتِ اجلسي مع كنتك و ارتاحي
أم سعد أبتسمت: طيب و لا تنسون اللبن في الثلاجة جيبوه معكم
سعد: ابشري
راحت وجلست جنب فرح و بدت تسولف معها و تتعرف عليها أكثر جاب سعد الغداء هو و سارة و بدو يتغدون و فرح الي بقابلتها سارة و مو متقبلتها و ودها تصفقها على الي سوته في بنت خالتها البارح و أن خلتها تبكي بسببها
-
في بيت رهف...
جاليسن هي و أخوها و بنتها على سفرة الغداء
رهف: وش رايك بزواج؟!
أحمد الي منزل راسه وياكل: شدراني مارحت
رهف: اقصد انت وش رايك بزواج تتزوج تفتح لك بيت؟
أحمد الي في فمه الاكل رفع راسه بصدمه و اشر على نفسه بمعنى: تقصديني؟
رهف: اي ليه ماتتزوج و يصير عندك مره و بيت
أحمد بلع لقمته بصعوبه: وش جاب الطاري الحين؟
رهف ببتسامة: لاني شفت وحده البارح في الزواج تفتح النفس و قلت ليه ما تتزوج و اخطبها لك
أحمد: مين هي؟
رهف: والله معرفها بس الظاهر تقرب أهل العريس
أحمد: ماتعرفينها و كيف تبين تخطبينها لي إن شاالله؟
رهف: ماعليك بسئل عنها و اجيب خبرها بس أنت قلي موافق؟
أحمد: لا مو مستعد الحين
رهف: ليه وش عندك؟
أحمد: ماعندي بيت و فلوس لزواج
رهف: هاذا هو البيت وش فيه ياحلاته و الفلوس لاتكذب عندك و بعد من ورث أبوي الله يرحمه عندك
أحمد: طيب يمكن تبينا نسكن لحالنا يعني ماتبي أحد معنا؟
رهف: أنت وش ودك؟
أحمد: الصدق ابي معك
رهف: اجل ماعليك نخطبها و نقول لها وين بتسكنون إذا وافقت اهلاً و سهلاً و إذا لا الله يستر علهيا
أحمد: الحين خلينا نتغداء و إذا حسيت نفسي مستعت قلت لك لا تشغلين عقلك بزواجي مردي بتزوج بس مدري متى
رهف: طيب الشكوه لله راسك يابس زي ابوي تحب تئجل الشي لكم سنه
أحمد: لا ذا مو يابس يبي لها تفكير ذا زواج يارهف مو لعبه خوفي أوفق بدون تفكير و اظلم بنت الناس خليني على راحتي افكر و استعد له و بقلك لا تخافين
رهف: طيب طيب بس بسرعة تغد بغسل المواعين و برتاح منها
أحمد: كله منك لو ساكته كان خلصت من زمان
رهف ضربته ب الكاسة الي كانت جنبها على راسه: قليل الأدب صدق
-
في بيت نجد..
الساعة 3:00
دخلت الملحق و شافت طوفريت البارح حقت القهوة و مو مكنس الملحق صرخت: نووووووووف
نوف الي جايه تركض بخوف: وشفيك؟!
نجد هي تناظر في نوف و تأشر على الطوفريه: وش ذا؟!
نوف: كل الصراخ ذا على شان الطوفريه صاحيه أنتِ؟!
نجد: لا مجنونه ليه ما شلتيها من بعدكم تبين خالتي تشيلها و أنا مثلاً
نوف: يختي البارح كنت تعبانه قلت لو صحيت بكره بشيلها و نسيتها
نجد الي سمعت صوت السيارة: شكلهم جو دفت نوف لطوفريه ، بسرعة شيليها يافضحنا من سعد يافضحنا الملحق محد كنسه
نوف: شدخلني على فرح
نجد ناظرت بصدمه: لا بالله نسينا والله تصدقين ندق عليها تجي تكنسه بعدين ترجع لبيت رجلها نوف حبيبتي مها و فرح راحو تزوجو صار عندهم بيت يهتمون فيه و البيت ذا علينا احنا فاهمه؟
نوف بملل و بيدها الطوفريه: فـ...
لفو بسرعة على دق الباب و طلع سيف ليفتح: طيب طيب لف و شافهم بالملحق جاء عندهم ، وش تسوون هينا ادخلو جوه للبيت سعد بدخله هينا
نجد: طيب مسكت نوف مع يدها ، أمشي كله منك
نوف الي تحاول تفك يدها من يد نجد: لا واللـ...
طاحت الطوفريه منها على الأرض
شهقت نجد بقوة: ياويلي تكسرت الفناجل و الثلاجة
نوف: وش نسوي؟!
سيف جاهم بغظب: تصورو معها مو احسن شيلوها بسرعة
لفت نوف على نجد و بصراخ: ايي صح تعالي ما حاسبتك على كوبي الي كسرتيه خير إن شاءالله تكسرينه
نجد نفس نبرت صوتها و نست فرح و سعد انهم برا: قلت لك بالغلط عاد لاتكبرين الموضوع
نوف: مافي شي بالغلط مشت و وقفت عند الباب ، ذا عقاب لك أنتِ الي بتشيلينه
مشت و دخلت للبيت راحت نجد وراها و هي تنادي عليها
سيف بصوت واطي: بنت أنتِ وياها شيلوها الرجال برا
دخلو ما سمعو سيف
~
عند فرح و سعد الي كانو عند الباب و سمعو صوت الي طاح و تكسر و بعدين بدت تطلع أصواتهم و واضح انه هواش
ضربت فرح خدها بخفه من وراء برقها و بتمتمه: الله يفشلكم يا قليلات الأدب هين بس افتحو الباب
سعد ضحك من اصواتكم الطالعه: شكلنا جينا في وقت غلط؟!
فرح بأحراج منهم: ا.هاه لا بس هم كذا يحبون يتهاوشون
دقت الباب بسرعة و تدعي انهم يسكتون
فتح سيف لهم الباب و هو منحرج من سعد: هلا والله هلا بعرسانا
سعد: السلام عليكم
سيف: وعليكم السلام تفضو أدخلو
دخلو و شافو الي طايح على الأرض و مكسر
سيف على وضعه: معليش على المنظر ذا بس عندنا بزران هينا
سعد أبتسم و هز راسها بمعنى ( حصل خير ) و تكلم بينه وبين نفسه: والله صدق بزران ولا عساف يبي يتزوجها ضحك بخفه و دخل الملحق بعد ماطلب سيف منه يدخل
سيف لف على فرح و بغضب: اصواتهم طالعة؟!
فرح نفس نبرته: ايه وش يحسون فيه فشلوني و ينهم؟!
سيف: دخلو جوه لف بعد ما سمع اصواتكم طلعت شد على اسنانة و اشر بـ اصبعه لجهت البيت ، روحي للبزرات ذولي و قولي لهم ينطمون و يشيلون ذا و جيبو القهوة بسرعة
فرح: طيب أنت ادخل عند سعد
راحت فرح للبيت و سيف دخل عند سعد
سيف: هلاً والله بنسيب كيفك اخبارك؟
سعد: الحمدلله بخير و انت طمنا عنك؟
سيف: الحمدلله
~
دخلت عليهم و هم كانو في الغرفة حقت الضيوف عند ليلى رمت فرح شنطتها على الأرض بغضب: خير أنتِ وياها خير؟!
لفو عليها
نجد ابتسمت: فروح
راحت و ضمتها بعدتها عنها فرح بغضب: وش الي قادين تسوونه فشلتوني فشلتوني قدام سعد
ليلى هي ماسك راسها بألم: بالله عليك طالعة اصواتهم؟!
فرح: اي والله طالعة و ياقوها لفت على نوف ، خير أنتِ وش الي كوبي كسرتيه و مدري وش؟!
نوف بعبوس: تعرفين كوبي المفضل؟!
فرح: اي؟
نوف: طلبته مني نجد و اعطيته لها و كستره
نجد: والله بالغلط تعبت و أنا من اليوم اقول بالغلط
صرخت فرح بقوه و بدت تصفق بيدها بقوة: اهلاً بالعدل اهلاً والله
راحت و ضمت نجد و بدت تبوسها من كل مكان: شكراً يا احلى بنت خاله في الدنيا
نجد عقدت حواحبها بستغراب: وشهو عدله و وش صاير؟!
فرح بعدت عنها و بفرح و نست انها كانت بتهاوشهم و ينضفون الحوش و يجيبون القهوة: تتذكرين كوبي الي جابه أبوي لي؟!
نجد: اي اتذكره و شبه؟!
فرح: كسرته نوف و قهرتني و الحين أنتِ رجعتي لها قهري
نجد أبتسمت و حطت يدها على كتف فرح: اهااا اي مدام كذا اجل مو بالغلط
~
في الملحق...
كانو يسولفون و سيف بأحراج ينتظر القهوة سمعو صوت فرح طلع حط سيف يده على وجهه و بتمتمه: جعلكم استغفرالله ياربي بس
سعد وهو يناظر لباب الملحق الي مطل على الحوش و بضحك: صار اقتران شكل
سيف ببتسامت تسليك:اي عدوة مو اقتران
وقف و عدل ثوبه: ا.عن اذنك بجيب القهوة
سعد أبتسم له: أذنك معك بس أنتبه لا العدوه تجيك
~
ليلى بأحراج: خلاص خلاص فشلتونا عند الرجال شيقول عنا الحين؟
فرح و نجد ماسكين يد بعظ و هم ينطون و يرددون: هيه أنتصر العدل أنتصر العدل
دخل سيف بسرعة: الله لا ينصر العدو خير أنتِ وياها؟
فرح فتحت يد نجد بسرعة وحطت يدها على فمها: نسيت والله تكفى لا تقول أن صوتي واصلكم؟
سيف: الا واصل و زيادة فشلتوني في الرجال
ليلى: ارتحتو الحين؟
سيف: بسرعة وحده تنظف الحوش و وحده تجيب القهوة
ليلى: ليه وش فيه الحوش؟
سيف: طوفريت قهوتنا البارح طاحت و انكسر كل الي عليها
ليلى: ياراسي راسها وش طرحها؟
نوف: كله من نجد
نجد: لا والله ياحبيبتي أنه أنتِ أنتِ الي كنتي شايلتها وش دخلتي أنا
فرح: خلاص يابزرات أنتِ وياها
نجد: الله صرنا بزران الحين وين الي أول تنط و تصرخ
فرح الى بدت تطلع عبايتها: مو أنا
ليلى بغضب الي وضح من نبرت صوتها : نجد قومي جيبي القهوة و أنتِ يانوف قومي نظفي الي كسرتيه
نوف بزعل: أمي
ليلى: ولا كلمه بسرعة
كل الثنتين بهدو: طيب
أتجهت كل وحده لشغل الي طلبت منهم ليلى و جلست فرح جنب والدتها و بدت تسولف لها
-
في بيت عبدالإله...
في الحوش و اقفين هو و أخته ينتظرون والدتهم..
جيلان: و اخيراً بنروح للسطبل والله مطولين عنه
عساف: ترا سهاج زعلان عليك
جيلان: ليه؟
عساف: لانك غايبه عنه
جت جيلان و مسكت كتفه وحطت راسها عليه: مين صرت تحبه أكثر من خيولك سهاج ولا نجد؟
عساف: تتوقعين؟
بعدت عن يده و بدت تمشي و اصبعها الصبابه على شفتها: اممم أنا أقول نجد
عساف أخذ شنت القهوة و الشاهي و تعداها: لا سهاج
راحت جري و أخذت شنطتها الي كانت على الكرسي و عساف طلع مع الباب: هيه صبر انتظرني
طلعت و وقفت عند باب السيارة: خير ليكون كرهت نجد؟
عساف هو الي يرتب سيارته ليحط شنطت القهوة و الشاهي: شدخل يا جيلان أنتِ سألتيني من أحب أكثر من الخيول و قلتلك سهاج
طلعت نجلاء وهي رافعه عبايتها: ياعيال
لفو عليها
عساف: سمي يايمه؟
نجلاء: خلاص ماني رايحه معكم
جيلان: ليه يايمة؟ تكفين تعالي
نجلاء: والله بجلس عند تولين تعبانة المسكينه و محد عندها
عساف: سلامات وش فيها؟
نجلاء: تعب الحمل و أنا أمك
جيلان: ياروحي الله يعينها و يقومها هي و طفلها بسلامة
نجلاء: آمين روحو يلا و أنتبهو على نفسكم
عساف: أبشري
ركبو و ناظرت جيلان عند رجول عساف ونزلت عندها
عساف بستغرب: وش فيه؟ بتاخذين بركاتي
جيلان الي رفعت راسها: قليل الأدب وش الي أخذ بركاتك رفعت السواره ، ذي حقت مين؟
أخذها من يدها بسرعه و أبتسم: حقت نجدي
جيلان: وش جابها هينا و إذا هي نجدك أنا مين؟
عساف لف عليها ببتسامة جانبيه: لهل درجه تغارين منها؟ عاد كيف لو صارت زوجتي
جيلان تكتفت: مو غيره ذي و جاوب على سؤالي؟
عساف هو الي يتأمل السواره الي ماسكها بيده: سألتي سؤالين ايت واحد بضبط اجاوب عليه؟
جيلان: ثنينهم
عساف: أول شي أنتِ جيلانتي ثاني شي هي أخذت سيارتي يوم كنا ندور على فرح كان مامعها سيارة لترجع البيت فـ اعطيتها حقتي
جيلان: اهاا طيب قلي تحب خيلك سهاج ولا نجدك؟
شغل سيارته و مشاء
جيلان: خير ليه سكتت جاوب؟
عساف: سهاج
شهقت جيلان: و نجد؟
عساف الي عيونه على الطريق و ماسك السواره بيده: احبها بس مو مثل حبي لـ سهاج مكانت سهاج في قلبي غير و مكان نجد غير
جيلان زفرت و ناظرت قدامها: ياليت تدري وش كثر أدعي أن ربي يجمعكم
عساف: عن قريب إن شاءالله
جيلان: أن شاءالله
لاحظت الخط غريب عليها لفت عليه: وين رايحين احنا؟ ذا مو خط الأسطبل
عساف: لـ نجدي
شهقت و في نفس الوقت أبتسمت: بتاخذها معنا؟
عساف: ودي بس لا
جيلان: اجل؟
عساف: صبر بس و بتعرفين
-
نرجع لبيت بطلتنا...
متكين في نفس المركى و جنب بعظ وهم يناظرون فيها
فرح الي جنب والدتها: صدق مهاوي ماقالت بتجي ولا لا؟
ليلى: لا ماهي جاية
فرح: قهر ليه؟
ليلى: تقول عندها شغل
لفت و ناظرت في الثنتين الي قدامها و على وضعهم من أول
فرح: خير إن شاءالله من أول و أنتم كذا وش عندكم وليه جالسين جنب بعظ مو متهاوشين أنتم؟
نوف هي الي تناظر فرح: شايفه الي شايفته؟
نجد نفس وضع نوف: اي لاحظتي على بالي بس أنا الي لاحظت؟
نوف: من أول ماجات و أنا ملاحظة
نجد: يا سبحان الله صدق
نوف بعدم انتباه: اي والله طلع أنتِ ماتغيرتي على شان ماتزوجتي
نزلت نجد يدها الي كانت على خدها: لازم تنكدي علينا
نوف انتبهت على نفسها و حطت يدها على فمها: أسفه والله
ليلى: سكرو على الموضوع
وقفت نجد و مسكت فرح مع يدها: تعالي معي أبيك بموضوع
ليلى: وش هو ليه ما تقولينه هينا؟
نجد: بيني و بين فرح يا خالتي
وقفت نوف وهي ترتب قميصها: بجي معكم أجل
نجد: لا أنتِ شوفي المواعين الي في المجلى عليك
نوف: لا بالله وش دخلني فيها
لفت عليها نجد بغضب: يدي مكسوره و مافي الا أنتِ تقدرين تغسلينها ولا تبين خالتي توقف عند المجلى و تغسلها؟
نوف: ماقلت أمي تغسلها بس ساعديني أنتِ
حركت نجد يدها المكسوره بخفه: كيف تبيني اساعدك و أنتِ شايفه يدي؟
فرح الي واقفه و ماسكه عبايتها بيدها: خلاص لاتكبرون الموضوع و هو صغير و أنتِ يانوف شايفه يد نجد كيف تبينها تغسل؟
نوف ببكي: كل شي علي غسيل المواعين و غسيل الملابس و شغل البيت شغاله أنا هينا
ماتحملت نجد انهيارها راحت و ضمتها: والله قاعده اساعدك على قد ما اقدر تكفين خلاص لاتوجعين قلبي بصياحك اصبري كلها كم يوم و افتح الجبس الي عليها و اوعدك راح اشتغل معك و اكثر بعد
نوف الي تمسح دموعها: طيب
فرح: خلاص مادام تصالحتو تعالي وش تبين تقوليلي؟ لأن مامعي وقت الحين سعد بقول مشينا
نجد الي مشت متجهه لغرفتها: تعالي لغرفتي
مشت فرح وراء نجد لغرفتها
ليلى: الي قاعد تسوينه غلط يانوف
جلست نوف بتعب: وش الي غلط؟
ليلى: انك تتكلمي مع بنت خالتك كذا أحمدي ربك انها مستقبلتنا في بيتها
نوف: أمي خلاص كل ماصار شي قلتي أحمدو ربكم انها استقبلتنا في بيتها محد ظربها على يدها و قال استقبلينا
ليلى: ياقليلت الأدب انطمي لاتسمعك
لفت وبدت تدور اي شي لترميه عليها أخذت شنطت فرح و رمتها عليها بغظب: قومي من عن وجهي قومي
نوف هي الي تفرك رجلها مكان الضربه: وين اطس يايمه؟
ليلى على حالها: طسي للمطبخ و شوفي شغلك
مرت ثواني و ما قامت نوف
ليلى: بتقومين ولا أقوم بنعال؟
وقفت بملل: طيب بقوم
~
دخلت وراها و سكرت الباب: وش عندك؟
نجد: بكلمك عن عساف
فرح: صاير له شي؟
نجد بسرعة: لا لا
فزو على الصوت الي طلع من الشباك
فرح بخوف: بسم لله وش ذا؟
نجد: مدري بشوف
فتحت الشباك و لقت الورقة المربوطه بشريط الأحمر أبتسم و عرفت انه هو طلعت راسها و ماشافت أحد
جات فرح بسرعة و مسكتها مع طرف قميصها: خير مطله راسك لو أحد شافك
نجد سكرت الشباك: نسيت يا أختي
فرح: وش الي بيدك؟
نجد رفعتها لها و ببتسامة: زاجل
فرح: زاجل! و من مين إن شاءالله؟
نجد الي تفتح الورقه: عساف
قربت فرح منها و بدو يقرون المكتوب
لفت فرح على نجد: أتمنى الحلاوة عجبتك! وين جاك و كيف اعطاكياها؟؟
رمت نجد الورقة على الأرض و بدت تدور على الحلاوة: صح وينها وين رميتها
لقتها تحت التسريحه و أخذتها لفت على فرح بعبوس: مكسوره القلب بنص واضح اننا مو لعبض
فرح: مو أنتِ ماتبينه و تبينه يبعد عنك؟
نجد راحت جلست على السرير: ابيه بس خايفه لو عرف وش صار لي و أني حامل يروح و يخليني ما أبي بعد و في نفس الوقت ابيه
فرح جلست جنبها و مسكت يدها: صدقيني لو يحبك صدق و أنك أنتِ حبه الأول والله ليرضى فيك
نجد فتحت يدها من يد فرح و حطتها على بطنها و ناظرت في فرح بعيون غرقانه دموع: بس أنا حامل حامله بروح جايه بالأغتصاب تتوقين بيرضى؟
فرح مسحت دموعها و ببتسامه تحاول تجبر خاطرها: أنتِ قولي له كل شي كل الي صار لك وأنك حامل من جزاع و عاد هينا راح تشوفين بيخليك ولا لا لاتجلسين شايله الحمل ذا على ظهرك و هو مو قادر يبعد عنك يلاحقك في كل مكان قولي له يانجد
نجد هي تتأمل الحلاوة: حلمت فيه اليوم و انه عرف اني حامل و كنت لابسه فستاني حق زواجك دخل علي في الغرفه و قال معقوله أعرف من غيرك انك حامل بعدها بدا يبتسم و يتلمس كتوفي و نزل فتساني و شالني على السرير كان فوقي مدري وش كان بيسوي بضبط بس جات نوف و صحتني
فرح بضحك: طلع خفيف ذاب يوم شافك بالفستان
نجد: هو صدق شافني
فرح بستغراب: يعني ذا حقيقه مو حلم؟
نجد: لا حلم بس يوم جات خالتي و قالت سعد بيدخل طلعت و وقفت بصاله و ما أنتبهت للباب المفتوح وراي كان وراي و شافني
فرح شهقت: ياراسي
دق جوال فرح و ردت عليه
وقفت فرح بعد ما سكرت الخط: بروح الحين سعد يحتريني و أن جيت إن شاءالله راح افهم منك وش قلك
كانت بتطلع بس وقفت: ولازم تقولين لـ عساف كل شي يمكن الحيه سارة تقول له عن حملك و عاد بعدها ماندري وش ممكن يسوي لو عرف من غيرك صدق
نجد بهدو: طيب
راحت و ضمت فرح و و دعتها
نجد: طمنيني إذا وصلتي
فرح: إن شاءالله بس لا تتهاوشون أنتِ و نوف
نجد ضحكت بخفه: حاظر شي ثاني؟
فرح: اي إذا اشتقتيلي القمر موجود
نجد: تمام و انتِ بعد
هزت براسها و نزلو كل الثنتين أسفل و دعت فرح والدتها و نوف و سيف و حرص سيف و ليلى أن ينتبه سعد على فرح ونها امانه عنده طلعو من البيت و متجهين للكويت
-
في نفس التوقيت في جهه اخراء...
واقف عند باب عمه و يدق الباب مرت دقائق و ما أحد فتح له
صقر هو ماسك غضبه: عمي صالح ادري انك تسمعني و ادري انك تعرف أني جاي أخذ ولدي افتح ياعمي قبل لا تكبر المشكله
~
عند أبو جزاع في الملحق..
سلطان ببكي: ما أبي بروح عند بابا
أم جزاع بغضب: سلطان اسكت
ليان الي جالسه على الكرسي: يبه خله يروح تراه أبوة و ذا ولده
رفع راسه لها: وش قلتي وين ليان الي قبل هاه الي ماتبي ولدها يروح لـ أبوة و كنت أنا احاول فيها ان تخليه يروح
ليان: هاذا أنا الحين ابي ولدي يروح لـ أبوة
جاء عندها و مسكها مع شعره و رفع راسها لفوق: وش تخططين عليه؟
أم جزاع بخوف: خلها يا أبو جزاع
أبو جزاع: لا تدخلين أنتِ
أم جزاع: وش الي ما أتدخل تراها بنتِ و خطاء الي تسويه في بنتك كذا و قدام ولدها بعد
ليان بألم: يبه وجعتني
أبو جزاع شد على شعرها أكثر و بصراخ: تكلمي وش مخططه له؟
ليان ببكي: مو مخططه لـ شي والله
أخذ سلطان كورته و رماها على جده
لف عليه أبو جزاع و فتح يده من شعر ليان: أنت رميت علي الكوره؟
راح سلطان جري و جلس بحظن أمه: اي أنا ليه تظرب أمي
كان بيظربه بس مسك غضبه
ليان: أستفدت شي يوم أنحرمت من ولدك يوم فقدته
الكل أستغرب كلمتها ذي
كملت ليان كلامها: لا تحرم أب من وجوده ولده في ذي الحياة و أنت حاسس بـ ألم الفقد و البعد عن ولدك وش ذنب صقر تبعده عن ولده يايبه؟
أبو جزاع ضحك بسخريه و لف على أم جزاع وهو يأشر على ليان: قايل أنا في راسها شي ماتوقف مع صقر كذا عبط شبط
ليان الي في حظنها ولدها: لأني وعيت وعرفت أني أنا مسويه غلط كبير و وش ذنب المسكين ذا ابعده عن ابوة
لفت ليان على فجر: جيبي شنطت سلطان في غرفتي
فجر ناظرت في أبوها بخوف
ليان: فجر قومي جيبيها
فجر وقفت بهدو: طيب
راحت فجر لتجيب الشنطه
أبو جزاع: قاعده تكسرين كلمتي الحين؟
ليان: ما اكسرها يايبه بس الرجال من حقه باخذ ولده و أنت سمعته أمس وش قال إذا جيت بكره و مالقيت ولدي و شنطته جاهزين ببلغ عليكم الشرطه
أم جزاع شهقت: خله ياخذه ولده تكفى مو ناقصين فضايح احنا كفايه الي سواه جزاع
غمض عيونه أبو صقر وجلس بتعب
جابت فجر شنطت سلطان و مدتها لـ ليان: خذي
ليان: أنتِ اخذي سلطان و شنطته و اعطيه صقر
لفت فجر على أبوها و هز راسها بمعنى (اي )
أخذت فجر سلطان و شنطته و فتحت الباب لـ صقر أول ماشاف سلطان أبوة نط عليه و ظمه
صقر هو الي شايل ولده في حظنه و يمسح على ظهره و دموعه على جفنه: ياروح أبوك اشتقت لك والله شم ريحت ، ياحلو ريحتك اشتقت لها بعد
فجر مدت شنطت سلطان: تفضل ذي اغراضه
نزل صقر سلطان و أخذ الشنطه: يعطيك العافيه
سكرت فجر الباب بدون رد و مشا صقر في ولدة لبيتهم
-
جالسين في الملحق و يتقهون و سوالفهم و ضحكهم واصل للحوش
دخل عليهم و هو ماسك بيد ولده
قال هو و ولده مع بعظ: موفاجئه
كلهم لفو عليهم و بصدمه وقفت فيء بفرحه: سليطين
راحت و شالته: اشتقت لك اشتقت لك
ضي الي تسحب سلطان: خلاص فيء دوري بضمه و ابوسه فكيه
فيء الي تدور فيه: ما ابي خليه معي
أم صقر بفرحه و الأبتسامه شاقه وجهها: بشويش على حفيدي لا يطيح
وقفت فيء بتعب من الدوران حطت سلطان على الأرض الي مو قادر يتحكم بتوازنه مسكته ضي بسرعة: بسم لله عليك
جلست فيء و راسها يدور: يعني خايفه عليه اكثر من بنتك؟
أم صقر: هو طفل صغير أنتِ بنت ذا كبرك
ضي: اهخ ياحلو الريحه ياناس أشتقت لك تدري؟
سلطان: بعد أنا اشتقت لكم
ناظر في جده و راح له جري: جدي
ظم سلطان أبو صقر و بدا يسلم عليه بادله أبو صقر الحظن و باسه
سلطان: أنت احلى من جدي صالح
أبو صقر: ليه وش سوا لك جدك صالح؟
سلطان الي جالس على رجول جده: مايحبني بس يصرخ علي و إذا لعبت صارخ و خرب العابي
أبو صقر الي مايبي علاقت حفيده تخرب مع جده صالح: ماعليك و أنا جدك يمكن تعبان الفتره ذي وعلى شان كذا يصرخ عليك
سلطان: لا كل شوي يصرخ علي
حط صقر يده على راس ولده و بعثر شعره: ماعليك منه خلاص صار جدك مصلح فيه و جدتك و عماتك و أنا
سلطان رفع يده و هو رافع صوته: و أنوووس
الكل ضحك منه
أم صقر هي تمثل الزعل: افا تجيهم و ما تجيني!
وقف سلطان و راح لحظنها و باس راسها: أسف يا جده نسيت والله
باسته ببتسامه: بمشيها المره ذي
وقف أبو صقر و ساعدته فيء في الوقف
أبو صقر: يلا أجل مدام جبت ولدك خلنا نروح نشوف غنماتنا
فيء: اخس يايبه صرت تدلعها
أبو صقر هو متجه لباب الملحق: اي ذي اغلى ماعندي
أم صقر: عشتو و احنا وين رحنا؟
ضحك بخفه: أمزح أنتم اغلى شي عندي والله الله لا يحرمني منكم
الكل: ولا منك
وقفت فيء بسرعة: يبه صبر
لف عليها: بغيتي شي و أنا أبوك؟
أنت تقرأ
ما خلف القضبان.
Science Fictionاهلاً بكم جميعاً ، بروايتي واعزوفتي الأولى... بدأت كتابتها بـ1/1/2023 وشاركتها أياكم بـ13/1/2023 - (ما خلف القضبان.) (الرواية باللهجة العامية.) نبذة الرواية: بطلتي هي البنت الكبيره بـ العائله هي واخوها الصغير فاقدين اهلهم ويحاربون آلم ووجع الحياه ب...
