صقر نزل لمستواه: هي نايمه الحين اوعدك إذا صحت ادق على ابوي و يجيبك طيب
أنس بزعل: طيب بس لاتنسى
أبتسم صقر رغم الحزن وهز راسه
راح أنس مسك بيت عمه أبو صقر و طلعو من المستشفى
وقفت ليلى ببكي: بشوف نجد ، نجد وينها؟
صقر: بنروح لها الحين
كلهم اتجهو لـ قسم العنايه المشدده
-
الظهر تقريباً عند بيت عبدالإله...
دخل عبدالإله و وراه علي وقفت بسرعة: هاه وش صار معكم؟
علي: مع الأسف مافي أي شي عنه
نجلاء: كيف يعني؟
علي: دورناه في كل مكان مالقيناه و فريق الشرطه مستمر في البحث
جيلان: بسم الله كأن الأرض انشقت وبلعته
علي: هو يوم طلع من البيت وش قلك بضبط؟
جيلان: قال عندي شغل
عبدالإله: بس!
جيلان: ايه
نجلاء: وش شغله وش عنده؟
علي: يمكن صدق راح أو سافر لمكان فيه شغله
نجلاء: الولد توه مخلص الجامعه من وين يجيه شغل
عبدالإله: يمكن بيفاجئنا بشي
نجلاء ضربت يدها على رجولها و وقفت: الله يعطيني بُرودكم ، أروح أصلي وادعي ربي يحفظ ولدي احسن لي
عبدالإله بتعب: روحي سويلي شاهي وأنا أبوك راسي مصدع من الفره بشموس ذي
وقفت جيلان: أبشري
-
بدو يدخلو عليها بدور واحد واحد والي بس اكتفاء يشوفها مع القزازه طلعت وهي تصرخ: أمي ، أمي صار لنجد نزيف و جهاز القلب طلع صوت
وقفت ليلى بخوف: بسم الله عليها
صقر: صادقه؟
نوف بتعتعه: ايه والله
فز صقر من مكانه وبدا ينادي عليهم
الممرضه وهي جايه بسرعة: ايش فيه؟
صقر: ال.جهاز طلع صوت
دخل مجموعة من الممرضات و بدو في تفحصها و أخذوها على طول للعمليات
مرت ساعة وما احد طلع لهم
ضي بخوف: ليه طولو ليكون صار لنجد شي؟
أم صقر: تفألي بشي صاحي بدل الكلام ذا
طلع الدكتور لهم و تعابير وجهه ماتبشر بخير
ليلى وقفت بسرعه: بشر كيف وضعهم؟
الدكتور بحزن: مع الأسف
ليلى بخوف: لاتقولها
سيف: وضح لنا وش فيه؟
صقر صرخ: وش الي مع الأسف نجد وش صار لها؟
الدكتور: فقدنا الطفل
ليلى سكرت عيونها بفرحه و حزن في نفس الوقت
أم صقر الي تمسح على ظهرها: أذكري ربك و الحمدلله على كل حال
ليلى: الحمدلله
سيف بفرحه: الحمدلله
فيء الي جنبه: ليه فرحان؟
لف عليها ببتسامه: لأني ما أبي ولد جزاع يعيش معنا
فيء: منت بصاحي والله
نوف ببكي: يعني نجد الحين مافيها شي طيبه؟
الدكتور: ايوه هي في احسن حال
صقر بفرحه: طيب وينها الحين؟
الدكتور: نقلناها للغرفه
ليلى: نقدر نشوفا صح؟
الدكتور: ايه نعم بس لاتسببون ازعاج للمريضه
الكل هز راسه و اتجهو للغرفه الا صقر و سيف جلسو امام الغرفه
دخلو وجلست ليلى عند راسها بحزن من حالها
نوف ببكي وهي تناظرها: ماتحملت موت اهلها كيف بتتحمل موت طفلها؟
ليلى: اسكتي بتتحمل نجد قويه
أم صقر: الله بيعوضها إن شاءالله بـ اهلها و طفلها
الكل بهدوء: إن شاءالله
-
في بيت أبو صقر...
أبو صقر: أنا مدري ليه يقفل جواله وهو عارف اننا بندق عليه ونتطمن على نجد
رهف: يمكن خلص شاحنه
أبو صقر: دقيتي على ضي و فيء؟
رهف: ايه دقيت بس محد فيهم رد مدري شبلاهم
أبو صقر: الله يستر لصار لها شي
رهف: تعوذ من بليس يمكن انهم ماسمعوه ولا مافضو له
جاء أنس وجلس عندهم: نجدي طولت ليه؟
رهف: هي تعبانه اكيد انها بتطول
أنس: يمكن قامت بس صقر كذب علينا؟
رهف: لا صقر مايكذب
أبو صقر: أنت روح العب مع سلطان و العنود و أن دق صقر بنقلك
وقف أنس بزعل: أنا بروح أنام
أبو صقر: هاذي الغرفه روح نام فيها
مرت دقائق ودق جوال أبو صقر
أبو صقر: وينك ندق من اليوم وجوالك مقفل؟
صقر: مخلص شاحنه توي شحنته ولقيت مكالماتك
أبو صقر: طمني نجد كيفها؟
صقر: الحمدلله بخير ، بس باقي ماصحت قال الدكتور من البنج بتجلس شوي وتصحى
سكت أبو صقر ثواني بعدها تكلم: والطفل؟
مسح على وجهه صقر: فقدناه
سكر عيونه أبو صقر و رجع فتحها: لاحول ولا قوه إلا بالله
رهف بخوف: وشفيه؟ ، مصلح تكلم وش فيه؟
أبو صقر: يلا فمان الله و إذا صحت نجد دق لاتنسى
صقر: ابشر
رهف: انطق وش فيها؟ لا تخوفني
أبو صقر منزل راسه: مات الطفل
رهف بحزن: الحمدلله ، الحمدلله
أبو صقر: الله يصبرها و يقوي قلبها
رهف: آمين
صبت ماء في كاسه ومدته له: خذ اشرب وهد من نفسك شوي
أبو صقر: ماقصرتي
-
في بيت أبو جزاع...
أبو جزاع: فيه احد يعرف بحملها؟
الكل: لا
أم جزاع: أنت الحين وش بلاك هاه؟ بس شاغل نفسك بذا الحمل و أن ما احد قلك
أبو جزاع بغضب: ذي حامل بحفيدي الثاني حامل من ولدي الوحيد كيف ماتبيني اعصب على أنهم ماقالو لي؟
أم جزاع: ما احد يعرف غير خالتها و بناتها يعني الظاهر ما تبي تقول لـ اي احد
أبو جزاع: ايه طيب ليه؟ مو قاهرني غير ذا
أم جزاع: لا تنسى أن ولدك اغتصب البنت يعني من حقها تسكت و من حق الطفل ذا مايعيش لأنه لو عاش راح يعاني كثير من ذا الشي
أبو جزاع مسح على وجهه: ماراح يعاني من شي راح يعيش في بيت جده معزز و مكرم
ليان: يعني نفهم من كلامك انك بتحرمه من أمه؟
أبو جزاع: يجلس عندها لين الفطام و ناخذه
فجر: يبه تمزح صح؟
أبو جزاع بكلام جاد: لا ما امزح
أم جزاع: خاف الله يا ادمي ذا ولدها وش الي بتحرمه منها ، أني اتمنى من ربي مايعيش ولا يذوق عذابك ذا
دق جول فجر
أبو جزاع: مين؟
فجر: ضي
أبو جزاع: ردي ، ردي اخبار زينه بإذن الله
فجر: هلا ، الحمدلله الله يبشرك بالخير ، سكتت شوي و اختفت ابتسامتها
أبو جزاع: بنت شفيك؟
فجر: يلا الله معك
نزلت الجوال في حظنها عقد حواجبه بستغراب: وش بلاك؟
فجر بحزن: مات
أم حزاع: الحمدلله على كل حال
أبو جزاع: راح مثل أبوه راح
ليان: الله يصبر قلبها
-
في المستشفى...
صحت وهي تتمتم باسم ولدي
ليلى: نجد ، نجد
أم صقر: خليها لين تصحى
ضي: هي واضح انها بتصحى من انها تتمتم
فتحت عيونها وسكرتها من الأنوار الي فوقها
ليلى محطيه يدها عل راسها و ببتسامه: الحمدلله على السلامه
لفت على خالتها: ولدي!
ليلى ناظرت بـ أم صقر و رجعت ناظرتها
أم صقر جات و مسكت يدها: في ذي الحياه خير ودايم يختار لنا ربنا الشي الصح ونصبر على اختياره و نحمده
نجد سكرت عيونها و نزلت دمعتها وحطت يدها على بطنها: الحمدلله ، الحمدلله على كل شي
ليلى: ربي بيعوضك وأنا خالتك
أبتسمت بحزن وهزت راسها
ناظرو البنات في بعضهم بستغراب وعدم انهيار نجد و صراخها
نوف: نجد فيك شي؟
نجد مسحت دمعتها و ناظرتها: لا ليه؟
نوف الي انتبهت لنظرات والدتها له: ا.لا بس أسأل
ليلى: تحسين بشي شي يوجعك؟
نجد: لا الحمدلله
أم صقر: الحمدلله
فيء: نجد صقر و سيف بيدخلون يتطمنون عليك
نجد: خالتي عطيني طرحتي
بعد مالبست طرحتها وحطتها على وجهها: خليهم يدخلون
دخل صقر و وراءه سيف
صقر ببتسامه: الحمدلله على السلامه
نجد بهدوء: الله يسلمك
سيف: اخر الاوجاع إن شاءالله
نجد بصوت خافت: يارب
جاء وجلس عندها لف على الممرضه الي دخلت
الممرضه: ليش كل هاذا نفر هينا يلا برا
ليلى: بنجلس عندها
الممرضه: فيه جلوس ثلاث اربع مافي جلوس عشر
ليلى: أنا و أم صقر بنجلس الباقين اطلعو برا
طلعو ورجع صقر لف على نجد: أسف اني ما نقذت ولدك
نجد بهدوء: مالك دخل بسببي أنا
ليلى: مافي شي بسببك كل ذا مكتوب و مقدر
نجد على وضعها: الا أنا ، أنا ماحميت ولدي اجلس كل الوقت متضايقه ولا متوتره وذا الي صار
صقر: الحمدلله على كل حال اهم شي انتِ بخير
نجد: ايه والله الحمدلله
دخلت بسرعة: نجد
راحت لها وضمتها: خفت عليك وربي مافيك شي صح؟
صقر وقف: عن أذنكم
لفت عليها نجد بعد تكرر سؤلها مره ثانيه: الحمدلله بخير مافيه شي
لف على والدته: يمه بروح للبيت بجيب أنوس تبين اوصلك لبيت معي؟
أم صقر الي وقفت: ايه بروح دامني تطمنت على نجد خلاص بروح وش هوله اجلس
نجد: ليه تجيب أنوس؟
صقر: لأني وعدته إذا صحيتي اجيبه لك
نجد: لا لاتجيبه اصلاً بطلع
ليلى: هوو وليه تطلعين صاحيه حتى يوم ماجالك
نجد: اكره المستشفى
ليلى لفت على صقر: روح الله معكم و أنس لاتجيبه خله واكذب عليه وبكره عاد إذا ماطلعنا تجيبه
صقر بهدوء: طيب
طلع صقر و والدته بعد توديعهم و راحو ضي وفيء بعد دخلو نوف و سيف عندهم
مها: ماتدرين والله وش كثر خف من قالت لي نوف جلست اصرخ على فهد مدري وش دخله المسكين
سيف: نوف ذي ماتعرف تمسك لسانها
ليلى بخوف: الله يستر لاقلتي لـ فرح؟
نوف: لا ماقلت لها ولاشي
نجد: اشوا اتخيل لو قلتي لها بتجلس تصيح عند سعد و تشغله و يجون من سفرتهم
سيف هو يقلد صراخها و الكل صار يضحك
مرت دقايق وهم يضحكون فيها و يسالفون
وقفت ليلى وهي تصفق بيدها: يلا ، يلا على البيت
نوف بزعل: لايمه تكفين خلينا نجلس شوي
مها: ايه بالله يايمه توي جايه ماامداني استانست
سيف: والله زانت لي الجلسه لا تخربينها يايمه
نجد: صح حتى الم بطني خف خليهم ياخالتي
ليلى: الظاهر تحسبون انه بيت أبوكم ، أقول يلا على البيت ولاتنسون أنوسي خذوه من عند عمه
نوف: يمهه
ليلى: وصمه ، قلت البيت يعني البيت
مها: طيب لا تتعبين نفسك روحي أنتِ البيت و أنا بجلس عند نجد
ليلى: لا ، لا أنا الي بجلس عندها وانتم روحو ، ولا تقولون لـ أنوس أن نجد صحت
سيف: وش نقله طيب؟
ليلى: قولو تعبانه و نايمه
مها: طيب
ودعو والدتهم و نجد طلعو من المستشفى
-
بعد المغرب...
فرح بغضب: شفت قلت لك ماني حامل بس تحب تكبر المواضيع
سعد: وش فيها شكيت قلت نتأكد
فرح: يخي ماشفت الممرضه كيف تضحك علي ، بدت تقلد نبرت صوتها ، ايش فيه مدام انت مستعجل
سعد ضحك على تقليدها
فرح: ايه اضحك وش وراك
سعد: اركبي بس اركبي
ركبت و مشو بسياره و كانت تتأمل الشوارع مع الشباك
لف عليها بستغراب: وش فيك؟ سكتتي كذا فجأه
ماردت عليه من سرحانها و تفكيرها لوح بيده امام عيونها: الووو ، فروح اكلمك
لفت عليه: وش بغيت؟
سعد: وش فيك مسرحه و بعالم ثاني؟
فرح: مدري بس احس نجد فيها شي والله قلبي مانه مرتاح
سعد: طيب دقي عليهم
فرح: دقيت بس محد يرد وذا الي خوفني أكثر
سعد: دقي مر ثانيه
فرح الي تطلع جوالها من الشنطه: طيب
سعد: يارب يردون
فرح: يارب ، الو نوف
نوف: هلا
فرح: خير إن شاءالله ادق من اليوم عليكم ولا احد فيكم رد؟
نوف: ا.موفاضين تعرفين احنا في البر جلسنا نلعب و جوالتنا في الخيمه
فرح: نجد حامل ماتقدر تلعب ليه ما ردت علي؟
نوف برتباك: م.مدري هي كانت تلعب معنا وكل ماشافتها أمي هاوشتها
فرح: هي طيبه يعني مافيها شي؟
نوف: ايه الحمدلله طيبه
فرح: يلا ما أبي اطول عليك و سلميلي عليهم معك
نوف: إن شاءالله بيوصل سلامك ، يلا باي
سكرت الخط و زفرت براحه
سعد: تطمنتي على بنت خالتك و رتحتي باقي أنا بالي مشغول على عساف
فرح: إن شاءالله انه طيب ومافيه شي
سعد: اتمنى والله
-
مر أسبوعين على أبطالنا بدون احداث تذكر و خرجت نجد من المستشفى ..
أنت تقرأ
ما خلف القضبان.
Ciencia Ficciónاهلاً بكم جميعاً ، بروايتي واعزوفتي الأولى... بدأت كتابتها بـ1/1/2023 وشاركتها أياكم بـ13/1/2023 - (ما خلف القضبان.) (الرواية باللهجة العامية.) نبذة الرواية: بطلتي هي البنت الكبيره بـ العائله هي واخوها الصغير فاقدين اهلهم ويحاربون آلم ووجع الحياه ب...
