-
عند بطلنا طق باب الغرفه كذا مره بس ما احد فتح له وطلب من أحد الموظفين يفتحون الباب بعد مافتح الباب انصدم من شكل الغرفه اللي مقلوبه فوق تحت والأشياء المرميه والمكسره على الأرض بدا يضرب راسه بخوف: لا مستحيل عرف مكانها مستحيل هو اللي سوا بالغرفه كذا لا ما أخذ نجد مني
طلع بسرعة وركب سيارته وكان يحاول يتصل عليها بس مع الأسف مغلق جوالها رماه ويخبط الدركسون بيده: والله لو مسوي فيها شي لتندم والله
كان مسرع ويتجاوز الاشارات ويدخل بين السيارات مو عارف وين يروح و وينها هي بضبط بالفندق و في بيتها وصل للفندق ونزل وكان يسأل ويحاول يعرف عنهم بس ماعرفو الموظفين عن مين يبحث بضبط لانو مو كان عارف اسمه رجع ركب سيارته ومسح وجهه: الحل اروح لبيتها
-
وقف سيارته قبال بيت أهله ونزل ونزلت هي بصعوبه من الألم لف وشافه طالع من بيتهم راح ومسكها من يدها سحبت يدها منه: بعد عني
مسكها مره ثانيه وشد عليها وهمس: لا تسحبيها على شان ما اكسرها لك
لفت و شافته واقف ويناظرهم: اهاا ذحين فهمت ليه مسكت يدي لهل درجه تغار منه؟!
شد عليها اكثر وحست بألم: مو غيره فاهمه
نجد: طيب يا المريض يدي اوجعتها
جزاع: احسن
دق الباب وعلى طول انفتح
جزاع: شكلك جالسه عند الباب
فجر بضحكه: لا بس امشي عندة تفضلو حياكم
جزاع ببتسامه: اخس وصار فيه احد يقول لي اتفضل بابيتنا
فجر: يعني عرسان فالازم نضيفكم
دخل ولقاء أمة و أبوة جالسين بالحوش: سلام عليكم
وقفت بصعوبه: ياهلا ياهلا وعليكم السلام
جاء وباس راسها وراس أبوة
اما نجد دخلت وراء جزاع وخمتها فجر
نجد بألم من بطنها: فجر بشويش اوجعتيني
هي ضامتها: شسوي مشتاقه لك وخفت عليك يوم قال جزاع انك بالمستشفى
نجد: مافيه شي الحمدالله
بعدت عنها ومسكتها من يدينها: والله بخير ذحين مافيك شي؟!
نجد: اية والله مافيه شي
دخلت وسلمت على أم جزاع وعمها وكأن مو معبرها ولاشي
فجر: عطيني عبايتك
طلعت عبايتها وجلست بهدوء جنب جزاع اللي قال لها تجي جنبه
فجر: مسوين عصافير حب وكذا
ناظر بنجد ببتسامه: ماتعرفي غلات نجد عندي صح ولا
ابتسمت بتسليك: صح
أم جزاع: كيفك يابنتي اخبارك؟!
نجد: الحمدالله ياعمه بخير
أم جزاع: يعني مافي شي يوجعك تعبانه شي؟!
نجد اللي تتألم بس تبين لهم انها مافيها شي: لا مافيه الا العافيه
أم جزاع: إن شاء الله على أني أشوف التعب في وجهك وعيونك
قالت بداخلها من ولدك اللي ماقصر فيه من ضرب ومن تقربه مني غصباً عني
-
عند صقر كان طالع من البيت ليشغل سيارته ليروحون هو و أبوة للغنم وقف أول ماشاف سيارته جايه و وقف قبال بيتهم وشافهم يوم نزلو وكانت تعاني من النزول و عدم اتزانها بوقفتها ، شفيها كذا واقفه الله يستر لسوا فيها شي أبن الكلب كان بيروح لها بس أستوقفه منادات أبوة له
صقر: سم يبه
أبو صقر: على وين؟!
صقر: ا. مو رايح بس كذا أمشي
شافهم واقفين عند الباب: ماشاءالله جوو
صقر: ايه
أبو صقر: هيا أمش شغل السيارة وخلنا نروح لغلمنا
صقر: أبشر
-
في بيت عبدالإله...
"تحديدا في غرفت علي & تولين"
واقفه بتوتر وخوف وبيدها تحليل الحمل
ناظر فيها ببتسامه: شفيك؟!
تولين: ا.ا لو اقلك ماتعصب!!
علي: ايش فيه و وش اللي بيدك؟؟
تولين بخوف وعارفه ردت فعله: تحليل حمل
وقف بسرعه وسحبه من يدها وشاف الخطين ناظر بعيونها ورفع التحليل: ايش ذا؟؟
هي تفرك يدها: علي اسمـ...
قاطعها بسرعة: اسمع ايش ياتولين ايش مو قلت لك ما أبي أطفال مو جبت لك حبوب مانعه للحمل لتاخذيها وش اللي ذحين قاعد اشوفه؟؟؟!
تولين ببكي: طيب أنا أبي أنا وش ذنبي يا علي هاه أبي أصير أم أبي عندي ولد يقلي ماما بجرب شعور الأم وشعور حبها لطفلها وخوفها عليهه
رما التحليل على الأرض وداسه على رجله: اللي ببطنك ينزل وما أبي
أتسعت عيونها: بس أنا أبيه مو على كيفك
سحب شماغه اللي على الكرسي وهو بيطلع: كلمتي وحده ياتولين
تولين هي رفعه صوتها بعد مافتح الباب: ماراح انزله وإذا ماتبيه طلقني
سكر الباب وغمض بقهر ومسح على وجهه ونزل ولقا اهله واقفين عند الدرج
نجلاء: وش صاير لكم؟!
علي: مو صاير شي
نجلاء صرخت: عليي تكلم وش صاير وليه تولين قالت إذا ماتبيه طلقني؟؟؟
علي: يمه الله يهديك مو صاير شي
وجدان: بروح اشوفها
استوقفها بيده: خلوها لا احد يروح لها
عساف نازل و واقف وراء أخوه: عليي
لف عليه: هلا!
عساف: أبيك بموضوع
علي: قول؟!!
ناظر با أمة وخواتة: مو هينا أمش خلنا نروح لمكان كذا هادي وأكلمك فيه
نجلاء: عسافوه أنت الثاني وش فيه؟؟؟
عساف: مافي شي يا الغالية بس موضوع بيني وبينه
نجلاء: ايه طيب بس مافي طلعه الا لما تقول لي وش صاير بينك وبين تولين؟؟؟
علي بكذب: تولين تزعل وتعصب على اتفهه الأسباب...
قاطعته: اخلص عليي ماقلت قلي عن شخصيتها
علي: طيب تبي بسه وتعرفون معي حساسيه منها فا رفضت
جيلان: ياحلوك تعرف تكذب
علي: ماكذبت
وجدان: بسه وقالت إذا ماتبيه طلقني!!
علي: اية
نجلاء بعدم تصديق: احلف بالله!
علي بملل: لاحول ولا قوه الا بالله يبوني أقلهم ويوم قلت لهم كذبوني يعني تبون الكذب ولا الصدق؟؟
نجلاء: الصدق
علي: هو ذا الصدق وعن أذنكم تعداهم وطلع
عساف: وانا بعد عن أذنكم بالحق عليه قبل يروح مني
نجلاء: ايه روحو وأنتِ أطلعي شوفي تولين وش فيها
اعطت محمد لـ جيلان: أبشري أنتبهي له
~
عساف: علي وقف
لف عليه: شتبي أنت الثاني؟؟
عساف: تعال معي بكلمك بموضوع مهم
علي: على وين؟!
راح لسيارته: تعال أركب وبتعرف
علي: يلا نركب ونشوف أخرتها معك
بدا يركب وشغل السيارة عساف وحرك وكان بينهم حديث وسوالف وقف قبال المكان اللي يبيه عساف
علي: ذا المكان الهادي اللي قلت لي عنه؟؟
عساف: أية أنزل يلا
علي: ياخي ماني نازل ومو ناقص أصواتهم
عساف: اقول أنزل مشتاقين لك نزل واشر بيده بمعنى أنزل نزل وجلسو على الطاوله والكرسي اللي برا
علي: ايه وش موضوعك؟؟!
عساف تنحنة: لاتفهم غلط بس مريت وسمعتكم
عدل جلسته: وش سمعت؟
عساف: كنت مار من غرفتكم لروح غرفتي وسمعتك تقول اللي ببطنك ينزل
اتسعت عيونه: تتصنت علينا ؟!
عساف بسرعه: لا يا أخوي وش اللي أتصنت قلت لك مار
علي: حتى يعتبر تصنت
عساف: علي أنت أخونا الكبير أعقلنا والي تسويه ذا مره غلط كيف تبي تنزل روح ببطن زوجتك خله يطلع على الدنيا ويشوفها
علي: عساف لاتتدخل فاهم ولا أحد يعرف
عساف: أبي أصير عم طيب !
علي: عندك محمد
عساف: ذا يقول لي خالي وجربت شعور الخال أبي أجرب شعور العم أبي ولدك يقلي عمي عساف
علي: بس أنا ما أبي وما أبي أتحمل مسؤليه
ضرب يده على صدره: أزهلها وأنا ولد أبوي أتحمل مسؤليته
لف عليه: صاحي أنت وش اللي تتحمل مسؤليته عساف أفهمني ما أبي يصير عندي طفل ما أبي أصير أب
عساف: حرام عليك فيه رجال عقيمين ويتمنون يكون عندهم أطفال ويتمنون يسمعون كلمت يبه بابا علي ذي نعمه من ربي رزقها لك لاتضيعها وش ذنب المسكينه تولين تتزوجها وتعيشها بجحيمك وكان قلت لها من قبل لاتتزوجها أنك ماتبي أطفال
علي: بس أنا أحبها وأبيها
عساف: ذا ماعمره كان حب علي فكر بكلامي وركز شوي وإذا على المسؤليه وماتبيها أنا فيه بس قلي عساف جيب حفاضه عساف جيب حليب طياري أروح وإذا تعب اوديه للمستشفى
علي: بس يا عسـ...
تكلم بسرعه: وإذا يزعجك بصوته وهو يبكي تعال نام في غرفتي وأنا بنام بغرفت الضيوف وقف ورتب ثوبه ، أتمنا تفكر مليون مره بكلامي عن اذنك بروح لسهاجي
علي: صرت تحب سهاج أكثر من نجد!
لف عليه بسرعه: ايش عرفك بنجد؟!
علي: حمار أنت ماعرف الخيله حقتك
عساف بستيعاب و زفر براحه: ايه صح ا. سهاج يفهم عليي غير عن نجد تعال أنت شف خيلك مشتاق لك
علي: أقول خلنا نروح للبيت
عساف: ياخي أسمع اصوات صهيلهم بالله ما اشتقت!!
علي: تبي الصراحه
عساف: ايه!
علي: ايه بالله أني اشتقت
جاء وحط يده على كتف أخوه: يلا مشينا لهم ، رفع صوته يا صدقي طلع لي سهاج
هز براسه: حاظر بابا
عساف: شفت يقل لي بابا شعور حلو على أنه مو ولدي
ضحك اقوى ماعنده: امش امش بس
-
الساعه 7:10
في بيت نجد...
نوف: محد اشتاق والله
ليلى: والله يافقدينك
نجد: ياروحي أنتم بعد أنا والله أني فاقدتكم واشتقت لكم
مها: كيفك عساك بخير!!
نجد: الحمدالله الا قولولي كيف استقراركم بالبيت؟؟
نوف: بديت اتعود
فرح: على اننا كنا نجي ونجلس عندك اسبوع بس يوم سكنا هينا ماحبيت الصراحه
نجد: الله عليك
فرح: والله مشتاقه لحوشنا وزرعاتي اسقيهم احس ببكي
ليلى: خيره والله محد يدري لو جلسنا بذاك البيت وش راح يصير لنا
نجد: صح
ليلى: إن شاءالله أنك تتعشين عندنا؟؟
نجد: لا والله مقدر ياخالتي جزاع قال 8 وأنتي بالبيت
فرح: يابوي شدخله
ليلى: له دخل زوجها خلاص
نجد: احمدي ربك أنه خلاني اجي
ليلى: وليه يا حافظ ؟؟
نجد: مدري عنه كان رافض بس اشوا ماقصرت عمتي حاولت معه و وافق
مها: مو لهل درجه عاد
نوف: اهلها احنا مو جيران لها
نجد: لا أتوقع على شان اول يوم لي عند اهله فايبيني اجلس معهم وصباح رباح على قولتهم
ليلى: ايوه صح الا شفيك منحنيه كذا فيه شي يوجعك؟؟!
نجد برتباك وكذب: ا. لا بس سلطان اول العب معه بالكوره ضربني بلغلط على بطني واحس بألم
مها: غريبه مو مع أنس يالعب؟!
نجد مكمله كذبتها: قال أنه جاكم فايوم جيت أستغربت منكم يوم قلتو عند عمي
فرح: أقول أخوك ماعاد يبيك خلاص
نوف: ولا طلع يعرف يزعل ذا النتفه
نجد: أستغربته غريبه منه
مها: على شان الفتره الأخيره اللي تشتري فيها لزواجك كنتي تروحي وماتخذيه فا اكيد حزت في خاطره
ليلى: معليك طفل ذا بكره جايك ركض ببرضي بسرعه
نجد: إن شاءالله
سندت على كتفها: قهر والله ياليت تتعشي معنا عاد مها بتضبط ذاك المرقوق
اتسعت عيونا: من قال اني بسويه؟!
بعدت عن يد نجد: مهاوي تكفين مشتهيته
مها: فريويح سويه انتِ
فرح تمثل الزعل: معرف
مها: والله مالي حيل اسويه صعب كان تبي جريش؟!
فرح: هو حلو بس المرقوق احلى
نوف ببتسامه خفيفه: أمي اكيد بتسويه لنا
فرح: صح والله يلا مامي
نجد بسرعه: لا خلوه مره ثانيه عاد يا أني مشتهيه المرقوق من يدين خالتي
فرح: تسوي إذا جيتي وهاذا اصلاً إذا خلاك زوجك العزيز لفت على أمها ، هاه أمي شقلتي؟!
ليلى: خلوه مره ثانيه
فرح: أمي تكفين
ليلى: مالي حيل أوقف على الغاز ورجولي اليوم ماش توجعني
لفت على نجد بزعل: طلعت أمي تحبك أكثـ... أتسعت عيونها أول ماشافت طرف خدها اللي كان مغطيته بشعرها مسكتها مع يدها، نجد قومي أبيك بموضوع ، لفت على مها وأبتسمت ، خلاص سوي جريش
نجد بستغراب: ايش تبين؟!
فرح: أمشي
ليلى: ويه شبلاك يابنت؟!
فرح: مافيه شي بس تذكرت شي بيني وبين نجد يلا نجد تعالي لغرفتك أكيد أشتقتيلها
نجد: طيب بشويش عليي
هيا معطيتهم ظهرها: الجريش لاتنسينه يا مهاوي
-
في بيت أبو صقر...
فيء: والله شفتهم بعيونك؟!
أبو صقر: تكذبيني يعني؟؟
فيء: لا حشى يا يبه بس يعني
قاطعها بسرعه: ايه شفتهم واقفين عند باب بيت عمك
فيءوقفت بفرحه: بطير عادي اروح لها ذحين؟؟
ضي مسكتها مع يدها: أقول أنثبري وخلي الرجه عنك
صقر: الي يشوف غايبه عنك سنه وهي كلها يوم واحد
جلست وترتب جلبيتها: حتى والله واحشتني
ضي: أتفق معها
فيء: تتوقعون تغيرت؟!
أم صقر شهقت: ياويلي بنت الظاهر منتي بعقلك!
فيء: لية؟؟
ضي: فيوه يوم واحد واحد غابت عنا و أول لها ليله متزوجه مسرعها تتغير مريضه أنتِ؟؟
فيء: ياختي شدراني من شوقي لها
أم صقر: الصبارح رباح روحي لها أنتِ وضي
فيء بفرحه: طيب ا. بس إذا هي في بيت عمي ما ابي اروح لها
أبو صقر: وليه يا حافظ ؟!
فيء: بس كذا ما ابي
صقر عدل جلسته: صاير شي؟؟
فيء: لا
صقر: أجل!!
فيء: بس يعني ياخي كنسل خلاص
صقر: فيووه تكلمي
ضي: مطوله الأخت السالفه ومافيها متهاوشه مع فجر
أبو صقر: فجر غريبه
ضي: أيه على شان الفرشه تبي فجر تساعدها وفجر عصبت عليها وتزاعلو
صقر: بس الله يشفيكم
فيء: بس والله هي الغلطانه
أم صقر: كلكم
شهقت ضي و وقفت بسرعه: العشاء انحرق
أم صقر: ايه عفيه بنتي عفيه
جا وجلس بنص: صح نجد جات؟!
فيء: ايه اوديك لها؟
أنس: لا
أبو صقر: ليه ذي نجد أختك
أنس: ما ابي زعلان منها
أبو صقر: افا
فيء: أنوسي حبيبي قلبي أول نجد أتصلت عليي وتقول انها تبيك روح لها
أنس: لا يعني لا
وقف وجلس بحضن عمه وحط يده على وجه عمه: عمي أبي أنام عندكم خلاص؟
مسك يده وباسها: ايه ليه لا بس تبي تنام مع مين؟؟
حط يده على شفته بتفكير: امممم أنا وسلطان بنام بغرفه لحالنا
فيء: أخس والله محد قدكم
صقر ببتسامه: ايش رايك اتنامون عندي بالغرفه؟؟
جاء سلطان لبوة وجلس بحضنه: طيب
أنس بزعل: لا احنا رجال و نبي ننام لحالنا
وقف سلطان: صح نبي غرفه لحالنا
فيء: أقول اصه أنت وياه خل غرفه لحالكم
أنس: أنتِ مالك دخل
شقهت: ايش يا ولد عيب أنا عمتك
أنس: لا
فيء: الا
أنس: لا قلت لا
فيء: الا قلت الا
وقف وراح ليدخل البيت وصرخ: لااااااا
فيء: ال...
ضربتها بخفه: خليه لا تعاندينه وهو صادق مانك عمته و عاد هو عصبي طالع لخته
أبو صقر: أعرف نجد مو عصبيه
صقر: والله انها عصبيه وعنيده بعد
لف عليه: ماشاءالله طلعت تعرفها أجل لو درينا خطبناها لك
عدل جلسته بأحراج وتنحنح: لا يبه اعرفها يوم نروح عند غنمنا وكذا
أبو صقر: ايه
طلع راسه مع الباب: هاه عمي شقلت ننام بغرفه لحالنا؟!
أبتسم على عدم نسيانه واصراره: ايه بتنامون لحالكم
نط بفرحه هو وسلطان
أم صقر: أنت صاحي يا أبو صقر تخليهم ينامون لحالهم؟؟
أبو صقر: مصدقه أنتِ أنهم بينامون بيخافون وبيروحون عند صقر ولا يجونا بالغرفه
ضي هي في المطبخ ورافعه صوتها: فيووه تعالي خذي السفره واللبن
فيء بملل: طيب
-
في بيت عبدالإله...
رجو من الاسطبل ولقو اهلهم متجمعين بالصالة
سلم عليهم ورايح لغرفته
عبدالإله بعصبيه: علي
لف عليه: سم يبه
عبدالإله: تعال قدامي
جاء وجلست قبال أبوة ومة
نجلاء: منت بـ علي اللي أعرفه
عبدالإله: صح الكلام اللي سمعته؟؟
علي بشك: وش الكلام اللي سمعته يا يبه؟!
عبدالإله: انك ماتبي يصير عندك ولد واللي في بطن تولين تبيه ينزل صح ولا مو صح ياعلي؟؟
نزل راسه: صح
ضرب بيده على الأرض: وليه طيب اللي في بطنها ولدك عارف كيف ولدك يعني من لحمك ودمك يا علي
علي: بس...
قاطعه بسرعه: لا بس ولا غيره وإذا نزل حفيدي وماجاء على ذي الحياه لا انت ولدي ولا أعرفك
رفع راسه: على شان طفل ما أنخلق ولا ولد تبي تتبرا مني؟؟
عبدالإله: ايه
وجدان: علي ترا شعور حلو إذا صرت أب شوفني أنا وربي يوم جاء محمد نورت حياتي وشعور حلو صار عندي طفل وصرت أم لاتحرم تولين من ذا الشعور يا أخوي طلبتك
نجلاء: وش فيها لو صار عندك ولد لاهو عيب ولاهو حرام ولا أنت أول واخر واحد يصير عنده ولد
جيلان بزعل: لاتحرمنا من شعور إنو نصير عمات وينادينا عمه وعساف بيناديه عمي وشعور أمي وأبوي بيصرون للمره الثانيه جد وجده
وقف: عن أذنكم بروح أريح
عبدالإله: فكر بكلامي زين
علي بهدو: أبشر يبه
لفت على عساف: وين رحتو؟!
عساف: للسطبل
عبدالإله: شعندكم؟؟
عساف بكذب: طفش وقلنا نغير جوو وعن اذنكم بروح لغرفتي مانمت من اليوم
نجلاء: على طاري انك مانمت وين رحت اليوم ولا رديت علينا
عساف بكذب: واحد من أخوياي صاير له حادث واتصل عليي ورحت له
نجلا: بسم الله عليه صار له شي فيه شي؟!
عساف: لا الحمدالله مافيه شي
نجلاء: الحمدالله
~
بغرفت علي & تولين...
دخل الغرفه بعصبيه ورما الشماغ على الأرض: ليه قلتي لهم تبينهم يوقفون معك؟؟
وقفت بخوف: لا صدقني والله ماكنت بقول بس اصرت على وجدان وخالتي وماقدرت اكذب واصرفهم من اصرارهم وقلت لهم
صفق بيده: برافو تولين سويتي اللي براسك وشكيتي علي عند اهلي وقلبو عليي كلهم
تولين: والله ل...
قاطعها: اص ولا كلمه فاهمه
راح ودخل لدوره المياه اما هي كانت تبكي وماتدري وش تسوي وهل راح يرضى باطفل بعد كلام أهله له ولا يقول لها مره ثانيه نزليه وإذا قال نزليه هل تنزله ولا تتطلق منه وتربي طفلها لحالها بدون أب
-
بعدت شعرها عن وجهها وبدت تتلمس خدها المحمر خفيف: ليه سواء فيك كذا؟!
نجدبتوتر: ا. من قصدك؟؟
فرح بعصبيه: نجد لا تجننيني ليه ضربك ؟؟!
نجد بستسلام مسكتها مع يدها وجلست على السرير: خلاص كل شي واضح وبقول لك بس اوعديني!!
فرح: اوعدك على ايش؟!
نجد: أنتِ اوعديني ذحين
فرح: وعد
نجد: كنت مجبوره على جزاع
فرح: كنت داريه وربي ليه توك تتكملين؟!
نجد: مهددني مقدر
فرح: وش مهددك فيه؟؟؟
نجد ببكي: انو يقول لخالي أنا اللي دخلت جزاع البيت وقربنا من بعظ ومن الأشياء ذي
فرح: شف ابن الكلب صدق كان قلتي لنا وقلنا لخالي الصدق قبل لا يقول هو الكذب
نجد على حالها: مو بس كذا يافروح بيقدم شكوه أنو أنا سبب في غيبوبه جدي بيكذب أي كذبه وبيصدقونة اكيد وبعدها اكيد راح يدخلوني السجن
فرح بعصبيه و وقفت: ياويلي يانجد كل ذا كاتمته بصدرك جلست عند رجولها ومسكت يدها ، ليه ماقلتي لنا اكيد راح نلاقي حل ليه يانجد؟!
نجد: ماقدرت يافرح خفت مدري وقتها شسوي
وقفت بسرعه ومسحت دموعها: بروح أتصل على خالي وقله كل شي ويخلي ذا الخسيس يطلقك غصباً عنه
مسكتها بسرعه: لا تكفين لا بروح فيها يمكن حتى يموت أنوسي
اتسعت عيونها: لا مستحيل يسويها
نجد: والله يسويها والله ماتعرفي جزاع أنتِ
فرح: طيب وبعدين تجلسين طول عمرك مع ذا ؟؟
فتحت يدها منها وحطت يدها على راسها وببكي: مدري والله مدري لفت عليها بسرعه ، بس احس راح يصير شي
فرح: مثل وش؟؟
نجد: مدري بس ماراح اعيش معه طول عمري
مسكتها مع يدها وجلسو على السرير: ذحين قوليلي كل شي وش سبب دخولك للمستشفى وليه ضربك؟!
بدت تقول لها كل شي وكيف قرب منها غصباً عنها وسبب دخولها للمستشفى وسبب الكف بس ماقالت لها مع مين هربت
فرح: ياربي لا لامستحيل فيه أنسان كذا كيف كذا قرب منك ليه بأي حق
نجد: زوجته
فرح: بس مو بالغصب شهقت و حطت يدها على فمها ، ليكون حملتي و بتجيبي ولد منه؟!
نجد: لا مستحيل من أول يوم بحمل
فرح: طيب لو حملتي وش بتسوين بعدها؟!
نجد: أول شي ماراح أخليه يقرب مني مره ثانيه و إذا حملت بنزل الولد
فرح: ايه أنتبهي تجيبي منه وبعدين وين كنتي بتهربين؟؟
نجد: مدري وين كنت بروح بس من الخوف وقربه مني وانو قال لي حسابي معك باقي ما خلص خفت من كلمته ذي وهربت
فرح: طيب ليه رجعتي له؟!
نجد: أتصل علي قال إذا ماجيتي أنس راح يكون ضحيه خفت أفقد أنوس مثل ما فقدت أهلي كلهم
بدت تمسح دموعها: خلاص لاتبكين والله لا يسامحه ولا يحلل له
دق جوالها وناظرت فيه: مين الرقم ذا من أول أشوفه يتصل عليك ولا تردين؟؟
نجد برتباك: ا. رقم ما أعرفه مشغلني من اليوم
أخذت الجوال: أنا اتفاهم معه
أخذته منها بسرعه: لا خليه يتصل لين يمل
فرح: شفيك خفتي كذا كلها ارد عليه و اهاوشه بس
نجد: ما خفت بس ما ابيك تردين عليه
فرح: ما علينا اليوم جاء واحد يسأل عنك
أنت تقرأ
ما خلف القضبان.
Science Fictionاهلاً بكم جميعاً ، بروايتي واعزوفتي الأولى... بدأت كتابتها بـ1/1/2023 وشاركتها أياكم بـ13/1/2023 - (ما خلف القضبان.) (الرواية باللهجة العامية.) نبذة الرواية: بطلتي هي البنت الكبيره بـ العائله هي واخوها الصغير فاقدين اهلهم ويحاربون آلم ووجع الحياه ب...
