نوف: وش؟!
نجد: نوف اصبري بتعرفين إذا وصلنا
~
خط طويل وشخص متلغثم غريب وصحراء
فرح بخوف: وين بروح؟!
الشخص: بتعرفين الحين
لاحظت بتغير صوته و خافت أكثر: مين أنت وش تبي مني؟
وقف السياره وطلع شماغه ولف عليها و أبتسم بخبث: أعتقد عرفتيني الحين؟
فرح: م.ش.مشاري وش تبي مني؟!
مشاري: اللوحه
فرح: ا. قال لك سعد هو اللي خربها مو أنا
مشاري: على شانه كذا بقهره مثل ما قهرني
فرح بخوف: وين بتوديني الحين؟!
نزل و تجهه للباب اللي عندها قفلته فرح بسرعه وكان يضرب القزازه بيده: فرح أفتحي
فرح اللي جوه وتهز رسها بـ: لا
مشاري بعصبيه: أفتحي احسن لك بسرعه
اتجهه للباب الثانيه و فتحه وسحبها مع يدها ودخلها بغرفه صغيره مهجوره دخل وسكر الباب
راحت لزوايه وهي تبكي: لا لاتسوي شي تكفى
مشاري: ماني وصخ لهل درجه
فرح: طيب شتبي؟!
مشاي: يوه خلاص من اليوم وش تبي قرب منها ، أسمعي اياني وياك يطلع صوتك فاهمه
فرح بخوف و هزت راسها: فاهمه
أشر على الماء والاكل: ذا الماء و الاكل عندك وذا فراشك إذا بتنامي كل شي عندك مثل الاميرات
فرح: أنام على الفراش ذا ؟!
مشاري: ايه بتنامي عليه عندك أعتراض؟
فرح بخوف: لا لا مافي
طلع وقفل الباب عليها باحكام
-
في المستشفى...
جالسين على احد الكراسي
نوف: يارب لا
نجد: إن شاءلله
نوف: وإذا ايه
نجد: خلاص يا نوف لاتوتريني وأنا خلقه متوتره
جات الممرضه ببتسامه وقفو بسرعه
الممرضه: نجد الدكتوره تبيك
نوف: وش فيها التحاليل؟
الممرضه: الدكتوره راح تقول لكم
نجد: وينها فيه؟!
الممرضه: تفضلي معي
دخلتهم عند الدكتوره و كانو متوترات
نجد: وش فيها التحاليل؟
الدكتوره ببتسامه: مبروك أنتِ حامل
أتسعت عيونها: وش تأكدي
نوف: مستحيل
الدكتوره على حالها و تحسب ان صدمتهم على انهم كانو ينتظرون انها تحمل: متأكده وطلع انك حامل
نجد: ا
الدكتوره: ادري صدمه لك بس كثير اللي كذا مرت عليي حالت مثلك و مو مصدقين
نجد: بنزله
الدكتوره: ايش؟!
نجد بصراخ: قلت بنزل والحين
الدكتوره: أختي اهدي وفكري زين
نجد: مفكره انا
نوف مسكتها مع يدها: نجد صادقه فكره زين
نجد فتحت يدها منها و وقفت بعصبيه: فكرت انا وقلت بنزله
الدكتوره: تكلمي مع أبوه يمكن يبيه و يهديك شوي
نجد ضربت يدها على المكتب و بعصبيه: ماعنده أبو و أبوه مات مايبيه فاهمه وسوي لي الاجرأت بسوي عمليه ونزله
الدكتوره: ذي نعمه من ربي يأختي
نجد: ما أبيها
دق جوالها وردت عليه:هلا
مها: وينك فيه من اليوم ادق ولا تردين؟
نجد: هذاني رديت وش بغيتي؟!
مها بخوف: شفتي السواق اللي اخذ فرح؟
نجد: ايه!
مها: بعد ماطلعتو شفته بمعرض الرسم موجود
نجد: طيب
مها بعصبيه: وش اللي طيب اقلك كان فيه موجود
نجد: يمكن المكان اللي بيسوي سعد فيه المفاجئه قريب
مها: لا مستحيل بذي السرعه و وش يبي لجي لمعرض الرسم؟!
نجد: يعني صار لها شي؟!
مها: يمكن قلت لكم مو مرتاحه
نجد: طيب سكري بدق عليها
مها: دقيت كذا مره ماترد
نجد اللي اشرت لنوف تجيب شنطتها وطلعو من المستشفى وكانت نوف ورها تمشي وتحاول تفهم منها وش صار بضبط
نجد: طيب خلاص اهدي بحاول الاقي حل
ركبو لسياره نوف بعصبيه: شفيك وش صاير؟!
نجد: فرح مدري وينها
نوف: كيف يعني ماتدرين وينها؟!
نجد: مها قالت السواق كان موجود بالمعرض
نوف: يمكن بياخذ ساره؟!
نجد: لا أنا شفت ساره يوم راحت مع سعد
نوف: ياويلي أختي وين راحت؟
نجد: خلاص بلاقيها
نوف ببكي: وين بتلاقينها هاه؟!
نجد بصراخ: نوووف خلاص مو بس أنتِ اللي خايفه عليها
نوف: ياربي ياربي
نجد: إن شاءالله مو صاير لها شي
نوف: إن شاءالله وين بتروحين الحين؟!
نجد اللي أخذت جوالها: صبر عليي صبر الوو
عساف: هلا رجع لك عقلك و دقيتي عليي صح؟!
نجد: مو وقتك بيت سعد وين؟!
عساف بستغراب: ايش تبي فيه؟!
نجد بسخريه: معجبه فيه و أبيه
عساف أعتدل بجلسته: خاطب بنت خالتك كيف تبينه؟!
نجد: غبي صدق اخلص عليه وينه فيه؟!
عساف: ماراح أقلك لين تقوليلي وش تبي فيه؟!
نجد: فرح مختفيه مدري وينها
عساف: شدخل سعد؟!
نجد بعصبيه: يوووه خلاص قلي وينه وبعدين بتعرف تكفى بسرعه
قلها مكان البيت و اتجههت له على طول
-
في بيت نجد...
ليلى: ليه تأخرو؟!
سيف: يمكن الطريق زحمه
ليلى: دق عليهم شوف وينهم فيه
سيف اللي أتصل و محد رد عليه و ما يبي يخوف أمه: دقيت على نجد قالت بطريق
ليلى: كل ذا طريق
سيف: اول و احنا جاين زحمه الله يهداك يايمه
ليلى: خايفه احس صار لاحد منهم شي
سيف: لا إن شاءالله أنتِ اجلسي ورتاحي لا يرتفع ضغطك
ليلى جلست وصب لها سيف مويه وأستأذن من أمه ليروح غرفته
دخل الغرفه وفتح جواله بسرعه
سيف: وشبكم ردو
نجد: هلا!
سيف: وينكم فيه هاه؟!
نجد: ا.احنا عند مها ايه عند مها
سيف: لابالله أمي من اليوم خايفه و مشغلتني كل شوي دق عليهم صار لهم شي و اخر شي عند مها
نجد: ايه هو احنا كنا بنجي بس مها تبينا نساعدها
سيف: تساعدوها بوش؟!
نجد: ا.اخوياء فهد جاين و تبي نساعدها
سيف: متى تجون؟!
نجد: مدري أنتم تعشو ونامو و متى ماجينا جينا
سيف: طيب لاتطولون
نجد: أبشر
سكر الخط و نزل لمه وقال لها وينهم فيه تطمنت شوي بس قلبها مو متطمن
-
عند نجد ونوف...
وصلو لبيت سعد و بدو يدقو الباب اقواء ماعندهم
فتح سعد: خيرر
نجد: فرح وين؟!
سعد: شدراني
نجد: كيف ماتدري؟!
سعد: ايه مدري عنها
نجد: مو انت قلت لسواقك يجيبها و مسوي لها موفاجئه؟!
سعد: سواق ايش و موفاجئه ايش شقاعده تقولين انتِ؟!
نوف ببكي وعصبيه: ويين وديتو اختي؟
نجد: سواقك جانا وقال لفرح انو انت مسوي لها مو فاجئه و اخذها لك
سعد: ما عندنا سواق وأنا اخذت سارة وطلعت للبيت على طول
سارة: ايه كان تعبان ونام
نجد لفت على نوف و رجعت لفت على سعد: طيب مين يعني اللي اخذها؟
سعد: مدري تعرفون أحد يعني أحد يمكن يسوي لها موفاجئه؟!
نوف: لا
جاء عساف جري: نجد ايش فيه؟!
لفت عليه و عيونها غرقانه دموع: فرح أختفت
عساف: كيف أختفت؟!
نوف مسكت بيد نجد: هيا ندورها لانجلس كذا
كانو بيروحون بس عساف على طول مسك بيد نجد: وين رايحين؟!
نوف: بندورها
عساف: غلط تروحون لحالكم
سعد: احنا بندورها أرجعو للبيت أنتم ولا أقول أجلسو هينا عندنا
نجد: صاحين أنتم وش اللي نرجع للبيت بنت خالتي مو موجوده و تبوني أرجع لا والله فتحت يدها من يد عساف بغضب ، وأنت بعد عني لا تمسكني
جاء عساف بسرعه و وقف عند باب السياره: طيب بخليك تروحين بس معي
نجد: تحلم دفته عن الباب و ركبت ومشت
سعد عند سيارته: عساف ماودك تروح معي؟!
عساف: الا جاي جاي
ركبو ومشو وراء نجد ومايدون وين بيروحون بضبط أو وين بيدورونها
-
في بيت أبو صقر...
في الملحق عند ضي وفيء بعد مانامو أمهم و أبوهم جهزو القهوه
فيء: تدرين سيف جاء كلمني
ضي: والله وش قلك؟!
فيء: قال تحبي محمد عبده
ضي: ايه شقلتي له؟!
فيء: شبقول يعني قلت ايه
ضي: وش قال ثاني؟
فيء: ماقال شي جات نجد وخربت علينا
ضي: احسن
فيء: ليه؟
ضي: لان لو جاء صقر وشافكم والله ليغسل شراعكم
فيء: بس خويه ذا
ضي: حتى تعرفي صقر أنتِ
دخل عليهم: اوه شعنكم؟!
فيء: مثل مو أنت شايف نتقهوا
ضي: تعال
رفع ثوبه وجلس جنب ضي و اخذ فنجال القهوة منها
صقر: الا مين البنت اللي أخذت نجد من عندكم؟!
فيء: شتبيبها؟!
صقر هو يحاول ما يوضح لهم: ا.ما أبيها بس أستغربتها
ضي: جيلان
صقر: جيلان مين؟!
ضي: مدري بس شكلها تقرب لخطيب فرح
صقر: اهاا
فيء: دريت عن اللي سواه جزاع في نجد؟!
صقر: ايه حسبي على بليسه
ضي: ليه وش مسوي؟!
بدو يقولو لها وش سوا و انه كذب مو متزوجها وصدمتها وسبهم له
-
بعد نص ساعة من الفره
عساف: اوقف قدامهم
سعد: صاحي أنت ليه اوقف؟
عساف: شايف نفر من اليوم لاهم عارفين المكان ولا احنا على الاقل نسألهم
سعد: بس شايف زوجتك عنيده
لف عليه عساف ببتسامه: زوجتي!
سعد: ايه ولا؟
عساف: الا الا إن شاءالله بس انت صادق عنيده
سعد: استعد بنوقف قدامهم
عساف: يلا بسم الله
وقف قدامهم ونزل عساف ودق قزازت السياره و اشر لها بمعنى تفتح
نجد: نعم
عساف: لكم نص ساعه تقريباً تفرون ما استفتو شي ولا احنا استفدنا شي
نجد: محد طلب منكم تلحقونا
سعد: نجد الله يهديك مايصير كذا يعني احنا مانا عارفين وينها بضبط هل هي في صحراء ولا في مكان مهجور
نوف: وش تبونا نسوي نجلس كذا مكتفين يدينا؟
عساف: لا نبلغ الشرطه
نزلت نجد بسرعه: لا لا الشرطه لا
عساف بستغراب: ليه؟
نجد: لان خالتي و سيف مو عارفين انها مختفيه
نوف: كذبنا عليهم اننا عند أختي مها
عساف: مين سيف؟؟
نجد: أخو فرح
عساف: ولد خالتك يعني؟!
سعد: ياليل يا عساف مو وقت غيرتك أسمعو والله مافي حل الا كذا
نجد: ماتفهمون أنتم
سعد: نفهم بس احنا مانعرف وينها بنجلس نفر لين الصبح و ماراح نلقاها
نوف: يعني الشرطه بتجيبها؟!
سعد: إن شاءالله
عساف: صبر قلتم سواق اللي اخذها؟!
نجد: ايه قال انه سواق سعد
عساف: ايش هو يعني جنسيته وشكله كيف؟!
نجد: مدري هندي أو بكستاني ماني عارفه والله وكان سمين وقصير شكله مو حلو
نوف: و أذانيه كبار
ضحك اقوء ماعنده عساف و استغربو منه
نوف: ماقلت نكته
عساف وهو يضحك: اذانيه كبار
نجد: هي صادقه كبار
سعد: ماعلينا بنروح نقدم شكوه و اوصفو لهم وراح يجيبونه
نجد: خايفه من خالتي وسيف
عساف: لا تخافين ويلا مشينا
نجد: طيب لفت حولها وهي تشوف المكان و مستغربه المكان البر اللي فيه ، احنا وين؟!
عساف: مدري عنك يا هانم فريتي فينا واخر شي في بر
نجد: ماني عارفه كيف اطلع من هينا و وين بيتنا؟
سعد: أمشو ورانا
نجد: طيب
مشت وراهم و وصلو للمخفر و قدمو شكوه خطف و وصفو لهم الرجال
-
رجعو للبيت و خايفات من ردت فعل ليلى و سيف
سيف: هاه هذا هم جو
ليلى: الحمـ... حطت يدها على قلبها بخوف ، فرح وين؟!
نوف: ا.
ليلى بصراخ: فرح وييين؟!
نجد: م.م.ا.ندري
سيف: كيف ماتدرين؟!
نجد: اختفت
ليلى طاحت على الأرض وراحو لها جري
سيف: نوف جيبي مويه بسرعه
نوف: طيب
ليلى بعد ماشربت المويه رفعت يدها: مافيه شي بس قولولي فرح وينها؟!
نجد: كنا في معرض الرسـ...
قاطعتها ليلى: ابي الزبده
نجد: طيب
بدت تقول لها كل شوي و اللي جاء و اخذها و وين كانو فيه و بعدين راحو قدمو شكوه
ليلى: ياربي يابنتي وين راحت
دق الباب و قفت نجد: يارب حصلوها
راحت فتحت ودخلت مها عليهم ببكي: هاه لقيتوها؟!
نجد: لا
مها: قلت لكم مو مرتاحه له وخليتوها تروح
نجد ببكي و منزله راسها: كل بسببي انا
نوف رفعت راسها لها: مالك دخل أنتِ
نجد: الا هي كانت ماتبي تروح بس أنا اجبرتها
سيف: ارتحتي الحين؟!
نجد: لا
سيف: برفو عليك سويتي شي صح تصدقين!
نوف: بعد انا مو بس نجد
سيف: بيجننوني
نجد: قلت خطيبها عادي تطلع معه بس مادريت
سيف بصراخ: حتى لو خطيبها هو ياخذها بنفسه مو يرسل احد والله يانجد لو مالقيت فرح وقسم بالله تندمين وربي
نجد رفعت صوتها: مو بس أنت اللي خايف عليها
سيف: واضح انك خايفه
ليلى: خلاصصص خلاص كفايه اللي احنا فيه
مها: صح سيف نسيت فهد برا
سيف: فاضي ذا خليه يولي
ليلى: قم رح لرجال اكيد جاي يساعدنا
سيف: ابشري
طلعت نجد لغرفتها و خلتهم
نوف: الله ياخذ الساعه و اليوم اللي قلت فيها تروح
مها: ماتفهمون أنتم تستاهلون اللي جانا
ليلى: يارب ترجع بنتي سلامه و موعافه يارب
مها: يارب
~
سيف: ماتقصر والله
فهد: أن احتجتو شي ولا مساعده انا موجود
سيف: نبي سلامتك يا الغالي مانبي منك شي
فهد: طمنوني إذا لقيتوها
سيف: إن شاءالله
فهد: يلا استأذنك
سيف: تفضل ادخل
فهد: لا والله بروح
سيف: تقهو خليتك واقف ونسيت اظيفك
فهد: ما أبي اكلف عليكم جايب مها لكم و جيت اتطمن عليكم
سيف: الحمدلله بفضل حال احنا
فهد: يلا مع السلامه ولا تنسى تطمني
سيف: إن شاءالله والله معك
-
عند فرح...
جالسه بزاويه ولامه رجولها لحضنها فتح الباب ودخل عليها وشافها كذا
مشاري: شفيك كذا؟!
فرح: بردانه
مشاري: ذي الفرشه هينا
فرح: ما أبيها شايفها كيف وصخه
مشاري: مع الأسف نسيت اجيب لك
فرح: خلني أروح تكفى تلاقي أمي الحين تبكي و خايفه على
مشاري: أبي غبنت سعد انا أبيها
فرح: والله سعد ماله دخل أنا اللي خربت اللوحه
مشاري: جالسين تلعبون على أنتم
فرح: والله انه أنا أنا وقتها خلصت من لوحتي رجعت لوراء لبشوفها بوضوح و وش ناقصها صقعت بـ سعد و هو صقع بالوحه
مشاري ضحك بسخريه: فلم هندي ذا
فرح: والله ما أكذب تكفى خلني تكفى
رمى عليها فروته: خذي دفي نفسك لا تمرضين و أبلش فيك
فرح: و أنت؟
مشاري: بنام بسياره
فرح ببكي: لاتروح و تخليني بالمكان ذا لحالي
طلع وسكر الباب راحت و اخذت الفروه ودفت نفسها وببكي: ماراح يخلوني ونجد ايه نجد بتساعدني اعرفها مستحيل تخليني ناظرت للقمر الي واضح و داخل نوره مع فتحه في الجدار صغيره ، نجد لا تطولين علي
-
في بيت نجد...
فاتحه شباكها و مسكره لمبات غرفتها وداخل ضو القمر وجالسه عند الشباك ولامه شال فرح في حضنها وهي تبكي: وينك يافروح مو احنا وعدنا بعض نكون مع بعض وين مكنا خلفتي الوعد رحتي و خليتي نجدك مشاقه لك تكفين لا تطولين مسحت دموعها وناظرت للقمر راح الاقيك و اجيبك صدقيني
دخل عليها أنس و جريي لحظنها: وين فروح؟!
نجد هي تمسح دموعها: ا. عند وحده من صحباتها
أنس: ما عندها صحبات هي!
نجد: صار عندها
أنس: راحت و خلتنا يعني؟!
نجد: لا يعيوني بتجي بس كلها كم يوم و ترجع
أنس ناظر للقمر: شكلك أشتقتي لها؟
نجد: شدراك؟!
أنس: أنتم تحبو القمر وقلتو إذا أبتعدنا عن بعض نشوف القمر و نسوف
نجد ضمته لصدرها و نزلت دمعتها: ايه جالسه أسولف معها
أنس: لو نسولف مع اهلنا بيسمعونا؟!
نجد ببكي: لا
أنس و دموعه على جفنه: ليه؟!
أنجد: لانهم تحت التراب إذا نزل المطر نسولف معهم لان المطر ينزل لهم لـ الأرض
أنس: اليوم جاء مطر و سولفنا معهم أنا وخاله ليلى
نجد بتطلف الجوو: اوه سولفت معهم بدوني أجل؟!
أنس: ماكنتي فيه أنتظرتك و ماجيتي خفت يوقف المطر و أنا ما سولفت
نجد: طيب خلاص سامحتك
وقف أنس بفرحه بعد ما حس قطرات المطر دخلت مع الشباك و جات على وجهه: هيه جاء مطر مسك نجد مع يدها و وقفها عند الشباك ، يلا نسولف معهم
نجد: يلا
أنس بصراخ: أحناااا أشتقنا لكم
نجد: كثييييييررر والله
أنس بضحك: اكيد سمعونا
نجد: ايه بعدت عن الشباك وسكرته
أنس بزعل: ليه؟!
نجد نزلت لمستواه: على شان ما تمرض يا روحي وبعدين بتزعل أمي ترا
أنس: طيب
نجد: يلا تنام معي؟!
أنس بفرحه: يلا
-
كان واقف قبال بيتها وساند نفسه على سيارته و سمع كلامها مع أخوها و ضحكم و أنهم فرحو بعد ما نزل المطر وسمعهم بعد ما تكلمو مع اهلهم
أبتسم عساف بعد ما سمع صوتها و شاف نص و جهها وضح: يخليكم لبعض يارب ويخليك لي يا نجدي
أخذ ورقه من سيارته وكتب فيها و بدا يتلفت حوله و لقى حجره صغيره و اخذها و طلع خيط أحمر من سيارته و ربطها في الحجره و رمها لشباكها
-
فزت على الصوت و راحت لتشوف هل نزل برد ولا وش فتحت الشباك و لقت الحجره الصغيره و ملفوف عليها الورقه و الخيط الأحمر بدت تتلفت بخوف و مالقت أحد اخذت الورقه و رجعت سكرت الشباك و فتحت الورقه و كان مكتوب فيها: مو بس الأرض أرتوت مطر حتى روحي أرتوت فيك
أنت تقرأ
ما خلف القضبان.
Ciencia Ficciónاهلاً بكم جميعاً ، بروايتي واعزوفتي الأولى... بدأت كتابتها بـ1/1/2023 وشاركتها أياكم بـ13/1/2023 - (ما خلف القضبان.) (الرواية باللهجة العامية.) نبذة الرواية: بطلتي هي البنت الكبيره بـ العائله هي واخوها الصغير فاقدين اهلهم ويحاربون آلم ووجع الحياه ب...
