صقر: أدري عين من الله خير ذي وراها شي يبه تكفى فيه نوم
أبو صقر: ماعليك شغلنا ما ياخذ ساعتين
أم صقر: وأنتم خلصو فطور بسرعة لتنظفو السطح كله غبار ونفسي بجلست السطح
أبو صقر: الله يهديك يا أم صقر لك شده تطلعي السطح
أم صقر: ايه وش فيه توي بعز شبابي
صقر: ايه تف ماشاءالله
أم صقر: صقير خل الشماته عنك أدري زي أبوك أنت
فيء: شفيه يبه يا يمه ياحلوه
أم صقر: سلامتكم مافيه شي
أبو صقر بغرور: شايفه عيالي يحبوني أكثر منك
أم صقر: عشتوو
فيء: والله نحبكم كلكم الله لايحرمنا منكم يارب
الكل: آمين
-
دخلت وأبتسامتها على وجهها بعد ماسمعت أصواتهم طالعه بالحوش والمويه اللي طالعه برا ورغو الصابون
نجد: سلام
ليلى: وعليكم السلام
فرح: بسم الله كيف دخلتي؟!
نجد رفعت المفتارح: بيتي يعني المفتاح معي ولا نسيتي؟؟
فرح بستيعاب: ايه صح
نجد: ايه وش طرا عليكم تغسلو الفرشه؟؟
فرح تخصرت: والله بنت خالتك البزر البارح تاكل الجريش وكبته على الفرشه ولا شربت شاهي وبعد أنكب و عاد أمي ماصدقت على الله وقالت يلا غسول
نوف بتعب: ليه واقفه تعالي ساعدينا
راحت لخالتها ومسكتها مع يدها: أول شي عندي كلام بقوله لخالتي بعدين اجي اساعدكم
رمت العصاء و وقفت عندهم: وش؟؟
نجد: بسم الله الكلام لخالتي بس
فرح: الله الله ياليتك ماجيتي
نجد: ياشينك يافروح صرتي تزعلي بسرعه خير!!
فرح: مالك دخل
نوف: غريبه خلااك جزاع تجين؟؟
نجد: مو فيه
ليلى: وينه؟!
نجد: مدري والله أول ماصحيت مالقيته موجود
فرح: تنامي معه بنفس الغرفة؟!
نجد رفعت حواجبها بمعنى: اسكتي
ليلى: وين تبينها تنام أكيد يتنام معه زوجها هو
فرح اللي أنتبهت على نفسها: اية صح
نجد: تعالي معي يا خالتي
دخلو الملحق وسكرت الباب
ليلى: وش عندك؟؟
نجد ببتسامه: فيه ناس بيخطبون فرح
ليلى بفرحه: أستحلفك بالله!!
طيف أبتسامتها على وجهها و هزت راسها بمعنى: ايه
ليلى: مين هم و وش عرفك فيهم؟؟!
نجد: ساره شريكت فرح بمعرض الرسم تذكرتيها؟!
ليلى وهي تحاول تتذكرها: ايه!
نجد: يبونها لـ ولدهم سعد
ليلى: الله يحيهم متى بيجون؟!
نجد: شوي العصر بيجون ويخطبونها لاتقولي لها يا خالتي خليها موفاجئه
دخلت مها: يخطبون مين؟؟
نجد لفت عليها: فروح
مها: اهاا
عقدت هواجبها ليلى: وش بلاك ما فرحتي لختك؟!
مها: فرحت
نجد: لا والله مافرحتي ليه وجهك عبوس كذا؟؟!
مها: فهد قال مايبي لا زواج ولا شي بيجي ياخذني من البيت لبيتهم
ليلى: يحق لهم وأنا أمك ما يسوون زواج متوفي ولدهم
مها: كنت أبي زواج وفرحه ورقص بس قهر
مسكتها وضمتها لصدها: خيره وأنا أمك والله خيره متى بيجي وياخذك؟!
مها بحزن: بكره وبكره بيجي سيف يعني ماراح أشوفه
نجد: لا إن شاءالله يجي قبل لا تروحين
مها: إن شاءالله مسحت دموعها و أبتسمت ، ايه صار فريح بعد بتتزوج وتروح؟
ليلى: ايه
مها: مين هم و متى بيجون؟!
ليلى: أخو ساره شريكت فرح بمعرض الرسم وبيجون العصر بإذن الله
نجد: بس لاتقولي لفرح وخلوها تجهز وتضبط نفسها
ليلى: بتجين أنتِ؟!
نجد: إن شاءالله جزاع مايقول شي وجي
وقفت بصعوبه: يلا خلونا نساعد البنات
نجد: ايه صح لازم أروح
مها: ليه؟!
نجد: بنروح أنا وفجر لـ بيت عمي مصلح منها بشوف أنوس و بصالح فجر وفيء
ليلى: الله معك
طلعو وحصلو الثنتين اللي على الفرشه ويغسلوها
نجد ببتسامه: فريح
لفت عليها وهي زعلانه منها بس بتشوف وش عندها
نجد على وضعها: فيه موفاجئة لك راح تعجبك
وقفت و سرعت خطواتها لها وبفضول: وش هي؟!
نجد: قلت موفاجئة والموفاجئة ما تنقال
فرح: متحمسه
أبتسمت وراحت للباب: العصر إن شاءالله و يلا بروح لـ أنوسي لوحت بيدها وطلعت
راحت لمها جري: تعرفي الموفاجئة؟!
ليلى بكذب: علمي علمك بس جهزو أنفسكم فيه ضيوف بيجونا العصر
نوف: مين؟؟!
ليلى: مدري تعرفهم نجد ويلا خلصو لكم ساعة عليها
فرح ونوف: طيب
-
دخلت وفتحت الباب اللي كانت رادته وحصلت عمتها جالسه في الحوش لحالها
نجد: غريبه وينها فجر؟!
أم جزاع: في غرفتها ماطلعت من اليوم
نجد: بروح لها أجل
وقفت بصعوبه ومساعدت نجد لها: ايه أجل شوفيها وأنا بروح لـ عمتك رهف مناديتني
نجد: طيب واحنا بعد يمكن نروح لبيت عمي بنغير جوو
أم جزاع: الله معكم
~
في غرفت فجر...
دقت الباب وسمحت لها بدخول
جلست جنبها: يووه فجر خلاص بسك بكي
فجر: أحس أني مستحيه منك
نجد: وليه مستحيه إن شاءالله؟!
فجر: من اللي سواه جزاع لك
نجد: أقول اسكتي لايجيك كف وش دخلك تستحين ويلا قومي غسلي وجهك لنروح
فجر: وين نروح؟؟
نجد: شقلنا البارح مو بنروح بيت عمي وقلتي طيب
فجر: ايه بس احس مالي خلق
نجد: فجور حبيبتي لمتى بتجلسي كذا هاه ياختي قومي وأنسى اللي سواه أخوك
فجر: كيف انسى؟!
نجد: مثلي جالسه اعيش حياتي وناسيه اللي سواه لي وش أستفيد إذا جلست حزينه كذا صح أني أتذكر سواته لي وأحزن بس انسى واعيش حياتي الشخص أن مانسى ويجلس كل شوي يتذكر هينا ماراح يعيش ولا يستانس بحياته مسكتها مع يدها و وقفتها ، يلا قومي وغسلي وجهك و البسي عبايتك و أنا برا أنتظرك
فجر بهدو: طيب
-
في بيت أبو صقر...
فيء: اه ياظهري بس شهر مانظفناه كأنه ميت سنه
ضي: ايه والله أتعبنا مفروض بعد كل أربع ولا خمس أيام ننظفه
فيء: الله وكبر أنا أقول نسكره احسن لنا لانو اغلب وقتنا في الحوش وين إذا رحنا لسطح
ضي: بس تعرفي أمي تحب السطح ومستحيل تسكره
دق الباب
لفت فيء على الباب: مسرع أمي تجي؟
ضي: ما أتوقع أمي هي توها طلعت يمكن أبوي وصقر قوي افتحي بسرعة
وقفت وتعدل جلبيتها: لا أبوي و صقر مايدقون كذا مين؟!
نجد: أنا نجد افتحي
فتحت بسرعة أول ما سمعت صوتها و دخلو وضمتها على طول: الحمدالله أنك جيتي
نجد: وحشتك؟!
فيء: لحد ماتتصورين ناظرت بلي وراء نجد وكشرت وراحت جلست
ضي: ياهلا والله اسفرت وانورت تفضلو استريحو
نجد: زاد فضلك
ضي: فيء صبي القهوة في الثلاجه وجيبيها
فيء: طيب
نجد: الا عمي وعمتي وينهم؟!
ضي: أبوي راح هو و صقر قال عندهم شغل و أمي راحت لعمتي رهف
نجد: غريبه شعندها بعد عمتي راحت لها
ضي: مدري يمكن طفشانه ونادتهم الا أنتِ قوليلي كيفك وكيف الزواج معك؟!
ناظرت بفجر وكانت عينها في عينها وقالت بكذب: الحمدالله حلو انتم كيفكم طمنونا عنكم وكيف أنوس عساء ماطفشكم؟؟
ضي: الحمدالله كلنا بخير ومن ناحيه أنس لاطفشنا ولا شي يهبل وأعقل من سلطان بسم الله عليه
فجر: سلطان احياناً عاقل واحياناً مرجوج
نجد: أنس وين بشوفه؟!
ضي: ماتصدقين لو أقلك نايم ماصحى
نجد: أكيد نام البارح متأخر
ضي: مدري والله بس يمكن لانو صقر يقول البارح يلعبون وطفشوني
نجد وقفت: بروح اصحيه
ضي: في غرفت صقر
دخلت البيت وعارضتها فيء: على وين؟!
نجد ببتسامه: بصحي أنوس
فيء: كان زعلان منك البارح عاد ذحين مدري
راحت ودخلت الغرفه وحصلت الأثنين نايمين على السرير أبتسمت على نومتهم وجلست جنب أنس بهدو وبدت تصحيه بصوت واطي لكي لا يصحى سلطان: أنوس أنس حبيبي!
أنس بتمتمه: ههمم
نجد: روحي أنا اصحى يلا نجدك جاتك
فتح عيونه وجلس بسرعة وضمها وأبتسمت وبدت تسمح على شعره: ياروح روحي
تذكر انه زعلان منها وبعد عنها
نجد: شفيك؟!
أنس: صح أنا زعلان منك
نجد: افاا يا أنوس تزعل من نجدك؟!
أنس بزعل: ايه أنتِ ماتحبيني صرتي تروحي وتخليني
نجد: والله أموت فيك بس كان عندي شغل ومايصير أخذك معي
أنس: توعديني ما عاد تخليني
نجد حطت يدها على وجهه: أوعدك ياروح نجد تعال
ضمته وبدت تبوسه مع كل مكان وتشم ريحته اللي لها يومين ماشمتها ، اه أشتقت لك وريحتك بعدت عنه ، أنوس بقلك شي و ما تزعل تمام!!
أنس: تمام
نجد: راح تروح معي و نسكن في بيت عمي صالح طيب؟
بعد عنها وبسرعه: لا بنروح لبيتنا
قربت منه ومسكت يده: قلبي خاله ليلى في بيتنا مانقدر نسكن معهم صعبه
أنس: احنا دايم معهم عادي
نجد: ايه بس ذحين خلاص أستقرو في بيتنا
أنس: طيب نجي هينا عند عمي مصلح
نجد: لا احنا بنروح عند عمي صالح وتلعب مع سلطان
أنس: عادي سلطان هينا عند أبوه صقر
نجد: بس ماراح يجلس طول عمره هينا أمه تبيه
أنس: بس أنا ما أبي جزاع
نجد: خلك من جزاع طنشه
~
بالحوش بعد ما أعتذرت فجر من فيء و سامحتها وسواليفهم وضحكهم دق الباب وقفت ضي: أكيد أبوي و صقر جوو
فتحت الباب ودخلو وسلم أبو صقر على فجر
صقر هو يناظر با الأرض: فجر كيفك؟
فجر بأحراج: الحمدالله وأنت؟
صقر: الحمدالله يلا أخليكم على راحتكم بروح لغرفتي
راح بسرعه
ضي: ا. صقر صبر نجـ...
دخل وماسمعها فتح الباب ولقاها جالسه على سريره بسرعة بعد نظراته عناها و نزلت طرحتها على وجهها
صقر: نجد شتسوين هينا؟!
نجد بأحراج:ا.كن. جيت اصحى أنوس
صقر أشر بأصبعه على الباب: هاذا أنتِ صحيتيه خذيه وأطلعي
نجد: أنوس أنزل وبالحقك طيب
أنس: طيب بس بصحيي سلطان
صقر: أطلعي معهم أنتِ
نجد: عندي كلام لك
صقر: مالنا كلام خلاص
صحاه وطلعتهم وسكرت الباب
صقر: مجنونه لو أحد شافنا فهمنا غلط
نجد: لهل درجه كارهني؟
صقر: ايه
اتسعت عيونها: وين أختي نجد وبوقف معك يانجد وإذا صار لك شي ولا تبي شي يا نجد قولي لي ولا تستحين؟؟
صقر: ما أتوقع تحتاجيني صار عندك زوج خلاص
دموعها على جفن عينها: من قال محتاجك ناظر فيها وكملت كلامها ، صقر تعبت والله وعدم وجودك معي وكرهك لي أتعبني أكثر ليه تسوي كل ذا فيه بس على شان تزوجت جزاع أدري أني غلطانه وصلاً ندمانه بس أفهمني الله يخليك
صقر: افهم أيش؟؟
نزلت راسها: أنت فاهم بس جالس تستعبط عليي
صقر بشك: مهددك؟!
هزت راسها بمعنى: ايه
صقر بعصبيه: أني داري مهددك بوش؟؟
نجد بكذب: إذا ما تزوجته يذبح أنوسي وأنا مالي غيرة ذا الشخص الوحيد اللي بقى من أهلي تعبت من الفقد ياصقر تعبت
صقر: خلاص هدي بروح ذحين و اتفاهم مع الكلب
نجد: لا تكفى وش بتستفيت إذا كلمته بيعرف إني تكلمت معك و قلت لك و يعذبني
اتسعت عيونه: اجل قد ضربك؟؟
نجد بكذب وتوتر: لا بس هو يغار منك فا خله لا تكلمه وش بتستفيد قلي لو تكلمت معه راح يطلقني لا وإذا طلقتي أنت تبي تتزوجني؟!
صقر: لا أنتِ مثل أختي والله بس ما أبيك تكملي حياتك مع الشخص اللي قرب من بنت مو محرم له
نجد: ماعليك ربي راح ييسرها فيه شي في داخلي مريحني ويقول اصبري بس صقر طلبتك لا تتكلم معه ولا تقول لـ أي أحد أنا قلت لك على شان أبيك ترجع صقر القديم صقر اللي يعتبر نجد أخته الثالثة صقر اللي كل ماشاف نجد سولف معها وضحك صقر اللي مايسحب على نجد ويفرح لجيتها
صقر ببتسامه: صقر لذلحين موجود بس مايبي يبين لنجد
نجد بفرحه: والله!
صقر: والله
نجد: الحمدالله
صقر: بس أنا مستغرب من شي واحد؟!
نجد: الي هو؟!
صقر: أنس كيف ماعرف أنك متزوجه جزاع؟!
نجد: هو عارف أن جزاع بيتزوج بس مايعرف بياخذ مين و يوم الزواج طلبت منهم مايدخلونه عندي و أنهم يصرفوه بأي شي
صقر: اهاا بس مو مستغرب و جودك في بيت عمي صالح؟!
نجد: أعطيته حجه أنو بيتنا خلاص صار لخالتي ليلى و أنه ما نقدر نعيش معهم
صقر بضحك: الحين ذي حجه بالله
نجد: أدري بس شسوي ماعندي حجه ثانيه و يلا لازم اطلع لهم ذلحين بيستغربون وين رحت
راحت وفتحت الباب
صقر: نجد!
لفت عليه: هلا!
صقر: أنتبهي على نفسك
نجد ببتسامه: أبشر وأنت بعد
بعد ماطلعت رما نفسه على السرير: اصبر عليي يا جزاع والله لتشوف نجوم الظهر والله اخذ جواله وأتصل على الشخص المطلوب ، خلك جاهز
~
نجد: سلام
أبو صقر: وعليكم السلام ياهلا والله
نجد: استريح يا عمي لا تقوم
أبو صقر هو يوقف بصعوبه: لا والله بقوم بنت الغالي جاية تسلم عليي و أنا جالس لا اخسي
نجد أبتسمت: باست راسة كيفك ياعمي اخبارك؟!
أبو صقر: الحمدالله أنتِ كيفك و وش مسويه؟!
نجد: الحمدالله تمام
أبو صقر: جزاع كيف هو معك؟!
نجد: كويس
وقفت فيء على دق الباب: اكيد أمي
أم صقر: بعد مادخلت ساعة تفتحين صكتني الشمس بغيت اموت ناظرت قدامها و أبتسمت، و أنا أقول البيت ليه منور من برا طلعت نجد جايتنا يامرحباا
نجد سلمت عليها: بنورك والله كيفك يا عمه طمنيني عنك؟!
أم صقر: الحمدالله بخير تفضلي أجلسي
نجد: لا والله تأخر الوقت لازم نروح
أبو صقر: لابتتغدون عندنا
نجد: إن شاءالله ياعمي مره ثانيه ذحين لازم نرجع للبيت على بال مانسوي غدانا واجهز نفسي
أم صقر: تجهزي نفسك ليه؟!
نجد ببتسامه: بيجون ناس يخطبون فرح
أم صقر: ماشاءالله
أبو صقر: ماشاءلله الله يتمم لها على خير
نجد: آمين
فيء بضحكه خفيفه: فرح بنت خالتك؟!
نجد: ايه كم عندنا فرح
ضي: فرحت لها والله
فجر: والله وأنا بعد
فيء: يارب تقوم حظوظنا مثل ماقام حظها
لف عليها أبو صقر: هاه!!
فيء بربكه: ا.ا. قصدي يعني قصدي ربي يرزقنا بفلوس
أبو صقر: ليه مقصرن معكم بشي أنا؟؟
فيء على وضعها: لا يا الغالي بس زياده الخير خيرين
ضحكو البنات عليها وهي تحالو تضربهم وتسكتهم
راحت عند أنس و نزلت لمستواه: هاه بتروح معي؟؟
أنس: لا بروح عند خاله ليلى عند بيتنا
نجد: طيب على راحتك
مسكها من عبايتها: أمي معصبه مني؟!
لفت عليه وبكذب: لا مو معصبه ليه تسأل؟؟
سلطان: لاني برجع للبيت بس خايف منها
نجد: تعال معي ولا تخاف
فجر: تخسي تلمس شعرة منك
سلطان ببتسامه: طيب
وقفت ومسكت بيد أنس وفجر يد سلطان
نجد: يلا مع السلام
أبو صقر: الله معكم بس تجون تتغدون عندنا
نجد: إن شاءالله
طلعو وسكرو الباب وماشين لطريقهم للبيت وقفت بمسافه بعيده شوي عن بيتها: يلا روح ولا تطفش البنات وخالتي
أنس: طيب بس تعالي معي أبي أخذ شور
نجد: ياقلبي أنت بجي العصر بإذن الله واعطيك احلى شور
أنس بزعل: بس أبي ذحين
نجد: طيب قول لخالتي ولا وحده من البنات
أنس بهدو واعطاها ظهره رايح لبيتهم: خلاص ماعاد أبي
بدا يدق الباب وفتحت له فرح وأبتسمت أول ما شافته: ياهلا والله برجال البيت وعمود البيت
رفعت صوتها لها: فروح بالله أنتبهو له
طلعت راسها: لاتشيلي همه ولدنا ذا
سكرت الباب وكملو مشيهم
نجد: أرتحتي؟
فجر: وش قصدك؟!
نجد: أرتحتي يوم تصالحتي أنتِ وفيء؟؟
فجر: ايه والله مره ارتحت كان فيه شي بداخلي وراح
نجد: الحمدالله ويلا أفتحي الباب الشمس ماهي بصاحيه فتحت و حصلو جزاع جالس بالحوش لفت على نجد: تبين شي؟!
نجد: لا
فجر: اجل أنتظرك بالمطبخ
نجد اللي فهمت عليها: طيب
وقف قبالها: من وين جاين؟!
نجد: من بيت عمي مصلح
تكتف: والله رحتي دجتي لعند بيتك وجيتي أخذتي أختي ورحتي لبيت عمي نجد فجر مو مثلك دواجه وأنتِ ذحين بذمت رجال يعني ماتطلعين لين تقولين لي فاهمه واصلاً ما أبي الدوجات ذي
نجد: رحت لشوف أنوس وأصالح فجر وفيء
جزاع بصراخ: مالك دخل فيهم وأنس مايبيك بس أنتِ غبيه رحتي له
اتسعت عيونها: وش قاعد تقول أنت تراه أخوي وبزر مايدري عن شي
رفع يده ليظربها صرخت على طول: جزااااع
لف عليها: خيرر
فجر جات و وقفت قباله بعصبيه: أنت اللي خير ذي مو رجوله تمد يدك عليها
رفع حواجبه: والله
فجر: ايه ولو ضربتها وقسم بالله لقول لـ أمي وتعرف أمي إذا عصبت
جزاع: تهدديني؟!
فجر: ايه اهددك
مسكها مع كتفها وراص على اسنانه: فجر أحترمي نفسك وتكلمي معي زي الناس مو أصغر عيالك أنا
بعدت يده عن يد فجر: جزاع ايش الخبث ذا اللي فيك هاه أختك تراها
مسكتها مع يدها ومشت فيها دخلو المطبخ
نجد: مسكته وجعتك؟!
فجر ببكي: لا بس ما كان جزاع كذا ليه تغير؟؟
نجد: مدري والله وامسحي دموعك لا أشوفها على خدودك ويلا خلينا نسوي الغداء
فجر: ياحلوك يانجد
نجد ببتسامه: وياحلوك أنتِ
-
في بيت أم سعد...
أم سعد: ايه اتصلت علينا الصبح وقالت الله يحيكم في أي وقت و عاد سعد أول ما عرف قال بنروح العصر إن شاءالله
أنت تقرأ
ما خلف القضبان.
Science Fictionاهلاً بكم جميعاً ، بروايتي واعزوفتي الأولى... بدأت كتابتها بـ1/1/2023 وشاركتها أياكم بـ13/1/2023 - (ما خلف القضبان.) (الرواية باللهجة العامية.) نبذة الرواية: بطلتي هي البنت الكبيره بـ العائله هي واخوها الصغير فاقدين اهلهم ويحاربون آلم ووجع الحياه ب...
