وليد بربكه: ايه الفناجيل
أم حاتم جات و وقفت عندهم ، أبتسمت نوف الي وضح من عيونها: سلام خالتي
ناظرت أم حاتم في وليد: وش تسوي هينا؟
وليد: أبي الفناجيل ، جاي اخذ فناجيل
أم حاتم: فناجيل هينا في نص الحوش مع نوف؟
نوف على وضعها: هو ياخالتي طلب مني اجيبهم له
أم حاتم ناظرتها: أنتِ ولا كلمه و ادخلي داخل
نوف الي ودها تصرخ عليها بس مسكت نفسها على شان وليد: أبشري
رجعت نظرها له: و أنت اطلع ولا أشوفك هِنا سامع؟
وليد: سامع
كان بيطلع بس دخلت نجد و حاتم الي وقف عند الباب
نجد: ا.خالتي حاتم برا يبي دلت القهوة
أم حاتم: طيب ، روحي أنتِ خلصي نفسك
طلبت أم حاتم بدخول ولدها حاتم: اسمع اخوك ذا خله عندك ولا اشوفه هِينا مره ثانيه ، تبون شي ارسلو اي احد الا وليد لا اشوفه
وليد: الله يهديك يايمه
حاتم ببتسامه: ليه وش مسوي؟
أم حاتم: وش مسوي؟ ، غير انه مع النسره نوف
جو ضيوف و أبتسمت لهم أم حاتم: تفضلو حياكم
رجعت نظرها لعيالها: انتظرني بجيب دلت القهوة ، وأنت يا العاشق روح عن وجهي
وليد: ابشري ، بس فكري بنوف زين و تأملي جمالها زين
أم حاتم الي كانت بتضربه بس بسرعة طلع
رفع حاجبه حاتم: الله من الجمال عاد
وقف وليد: ايش قلت؟
ناظره حاتم ببتسامه: سلامتك يا أخوي
أم حاتم: للحينه واقف ، اضربه عني بالله
حاتم: أبشري بيوصل
~
عند غرفت نجد الي كانو متجمعين فيها البنات ، وجات لهم ضي بعد ما ساعدت أختها بالبس و كل شي
فرح صرخت بدهشه: ياه ، ياحلو الحامل أنا حلاوه يهبل الفستان عليك و بطنك البارز محليه بعد
مها و وجها المورد من الحيا: لا تبالغين مو بارز مره
نجد ببتسامه: لا بارز والله ، مهاوي تهبلين وربي ، صدق من قال الحمل يحلي
نوف: اعرف أنه الزواج الي يحلي
نجد: الحمل بعد يحلي
جات فرح و جلست على رجولها عند بطن مها و تتلمسه بيدها وتحط اذنها على بطنها: يادلبوس يا انا ياحلوك ياروح خالتو انا
ضي ببتسامه: ماشاءالله ، بشهر كم؟
مها الي محطيه يدها على بطنها: الخامس
نوف: يارب بنت على شان نصير أربع بنات
فرح قبلت بطن مها و وقفت: قصدك نصير خمس ، نجد أختنا بعد
نوف: وين نجد أختنا؟ ، لا
اختف أبتسامت نجد
فرح بعصبيه: يبي لك كف على شان تصحصحين
نوف بنفعال: يلا تحداك
نجد رفعت صوتها: خلااص أنتِ وياها
مها: متى ناوين تنزلون؟ ، الناس جات
ضي: خلصنا يلا ننزل
طلعو البنات من الغرفه ، مسكت نجد بيد فرح و سكرة باب الغرفه
فرح: وش فيك؟
نجد: سعد ، دق عليك شي؟
فرح: ايه ، دق اول ، ليه؟
نجد: عساف بيجي قال شي؟ يدري عنه؟
فرح مسكت بيدها: قال انه مو جاي ، اعتذر منهم بحجه أنّ عنده شغل ، لا تتضايقين راح يرضي صدقيني
نجد: إن شاءالله ، ا.قابت جزاع اول
فرح عقدت حواجيها: ليه؟
نجد زفرت: قلي قربتي من المجرم ، تعبت يافرح مدري وش اسوي و راسي شوي و ينفجر من التفكير
فرح: اهدي ، كذا ولا كذا راح يطلع المجرم اصلًا
نجد: بس متى؟ ، تعبت و أنا انتظره يطلع ولا طلع
فرح: اصبر بعد ، مادام أننا قربنا خلاص بنلاقاه وعن قريب إن شاءالله
نجد: إن شاءالله يارب ، بس اصحى من النوم الى وهم ماسكينه
مسكت فرح بيد نجد و أبتسمت: بغير جوك شوي من الحزن ذا
نجد ناظرتها بستغراب: وش فيه؟ ، ليكون حامل؟
فرح بسرعة: لا ، لا
نجد: اجل؟
فرح: عندي لك موفاجئه بتاخذ عقلك
نجد بفرحه: وش هي تكفين؟
فرح: الموفاجئه ما تنقال ، انتظري لين مايخلص الزواج و اعطي كياها
نجد بحماس: لا ، فروح تكفين الحين
فرح: لا
نجد الي تحاول فيها: تكفين ، تكفين
فرح: نجد ، شوي يعني شوي
نجد: وش فرقت بين الحين و شوي؟
فرح: فيه فرق ، واصلًا هي في سيارة سعد الحين
نجد: اف ياالله
مسكت فرح يد نجد و شدت عليها و أبتسمت: بتطيرين لو شفتيها ، بس خلينا ننزل يلا
نجد شدت على يد فرح: من الحين بيطر والله
~
عند ضي الى واقفه عند باب غرفت نجد و سمعت كل حرف قالوه ، اتسعت عيونها بصدمه و نزلت قبل طلوعهم من الغرفة
-
عند الرجال في أخر الحاره...
حاتم الي اعطا صقر دلت القهوة بعد ماقله أنه بياخذها ، بدا يتلفت يدور على وليد أبتسم من شافه جالس و يشرب بشاهي و مستمخ ، فز من ضربه حاتم على كتفه ولف عليه بخوف: صاحي أنت؟ ، وش بلاك تضربني؟
حاتم جلس جنبه: أمي موصيتي اضربك
وليد حط فنجاله على الطاوله: أمي مدري وشبها عليّ
وقف حاتم من نداه صقر: تعرف السبب مايحتاج نقلك
راح و وقف عند صقر: سم وش بغيت؟
صقر: شايف الرجال وش كثرهم تبيني اصب لحالي ساعدني أنت و أخوك
حاتم بتعب: معليش والله من التعب نسيت حتى ، بس ابشر الحين بساعدك ناظر في سعد الي يقدم الضيافه والابتسامه على وجهه ، شف سعد ماشاءالله عليه كأن سيف أخوه مو نسيبه
صقر: ايه ماقصر والله ، الا فهد ما اشوفه؟ حتى هو نسيبه
حاتم: هاه ذا هو جاء
جاء وليد عندهم و في يده فنجاله وهو يناظر فهد: ذا مين يا عيال؟
حاتم: فهد زوج مها ، نسيته؟
وليد: لا مانسيته ، بس تغير والله
حاتم أخذ الفنجال منه وحطه على الطاوله ، و أخذ دلت القهوة و الفناجيل و حطها في يد وليد: روح صب و أنت ساكت بس
وليد: ياليل ، ياليت أني ماجيتكم
جاء أنس عند صقر بعد ماراح حاتم ليصب الشاهي و وليد القهوة
أنس: سلطان وينه؟
صقر: الحين بيجي
أنس: ليه ماجاء معك؟
صقر: على شانه متأخر فرحت عنه ناظر في سلطان الي جاء ، شف ذا هو جاء
لف أنس و ناظره و عبس من شافه سرع خطواته للبيت
جاء سلطان عند أبوه: وش فيه أنس زعلان مني؟
صقر: والله المفروض أنا اسألك ذا السؤال ، متزاعلين أنتم تهاوشتم؟
سلطان: لا
صقر: يمكن أنه نسى شي وراح يجيبه ، روح العب أنت مع العيال ولا تروح بعيد طيب؟
سلطان: طيب
-
عند أنس دخل البيت بسرعة و بدا يدور على نجد بزعل ، راح لها بعد ماشافها في الصاله مع فرح: وين شماغي؟
نجد عقدت حواجبها: ما أنت تقول ماتبيه؟
أنس: ابيه الحين
نجد: أنوس وش الي تبيه؟ ، وش طرا عليك الحين تبي شماغ؟
أنس: سلطان لابس و أنا لا
نجد: طيب عادي
أنس: جيبي شماغي بسرعه
العنود: بس كذا أنت حلو الشماغ مو حلو
لف عليها أنس: والله!
العنود أبتسمت وهزت راسها بإيجاب
أبتسم أنس و مسح دموعه ، مسك بيد العنود: هيا نلعب في الحوش
العنود: طيب
نجد رفعت حواجبها بصدمه: يمه من أخوي طالع على من ذا؟
فرح: صدق من قالت أمي خفيف على أخته
نجد لفت عليها: مو خفيفه أنا
فرح: ايه صح ، شوفي بس جات حماتك
نجد لفت على فرح بعد ماطاحت عينها في عين نجلاء: كيف بالله شكلي كويس؟ كل شي ضابط؟
فرح: قمر ماشاءالله قمر
نجلاء: السلام عليكم
نجد : هلا وعليكم السلام
نجلاء بعدت عنها بعد ماسلمت عليها: ماشاءالله وش ذا الجمال؟
نجد ببتسامه: تسلمين ياخالتي
جيلان بعد ماسلمت على نجد: كيفك؟
نجد: الحمدلله ، وانتِ طمنيني عنك؟
جيلان: الحمدلله بخير
نجد: وجدان ماجات ليه؟
جيلان: توها ولاده كيف تجي؟
نجد: صح نسيت ، تفضلي حياك
جيلان: زاد فضلك
بعد مادخلو في الغرفه عند الضيوف
فرح: ياماشاءالله عليها ذي الجيلان تهبل
نجد: ايه تفتح النفس ياحظ صقر فيها
جات قدامها فرح بسرعه: ايش؟ ، ايش؟ قلتي مين؟ ، صقر؟
نجد ببتسامه: ايه
فرح على وضعها: صقر أبو شنبات ولد عمك مصلح ماغيره؟
نجد: ايه هو
فرح: بياخذ ذي المزه
نجد: فروح وش فيك؟ ، وش فيه صقر ناقصه شي؟
فرح: ماقلت شي ، بس أنتِ شايفه صقر وين وجيلان وين؟
نجد: شايفه أنهم مناسبين لبعض
فرح: صقر راعي بر و غنم و جيلان مانها مثله
نجد: عادي تعتاد عليه ، ولا قوليلي سارة كيف ماجات؟
فرح: مدري عنها حتى نجوى الي مثلها ماجات ، لا تكلميني فيهم و تعكرين مزاجي ما احب الثنتين ذولي
نجد: صح كريهات
ناظرت نجد ولا عيونها في ضي الي تناظرها من أول: فروح ، لا تلفين طيب
فرح: وش فيه؟
نجد: لا تلفين ، ضي من أول وعيونها فيه
لفت فرح و ضربتها نجد وهي شاده على اسنانها: فروح ، فروح و وجعع
فرح: اححح ، بشوف صدق عيونها عليك ولا يتهيئلك
نجد: لا بالله ، شايفتني حوله يعني؟
فرح: مدري ، بس ليه تناظرك؟ ، قايله لها شي؟
نجد: لا ، من يوم نزلنا وهي تناظرني
فرح: ليكون تتأملنا بنزعل أختها ولا لا
نجد ضحكت بخفه: غبيه ، شدخل هم يعرفونا من زمان يعني ماننا غرباء
فرح: صح ، شعدنها طيب ، اروح اسئلها؟
مسكتها نجد مع ذراعها بسرعه: تعالي ، صاحيه أنتِ؟ ، وش بتقولين لها ، ليه تناظرين نجد؟
فرح: ايه عادي
نجد: اقول اهجدي بس ، بروح للمطبخ و استقبلي الضيوف زين
فرح: ماعليك ازهليها بس
راحت نجد للمطبخ و لقت قدامها جيلان
نجد ببتسامه: بالعافيه
نزلت كاست العصير بأحراج: تعافيك ، معليش منضري هِنا كأني بسوي شي بس طفشت من جلستي مع الحريم الكبار
نجد الي راحت تسوي القهوة للمرة الثالثه: لا عادي ، و أنتِ صادقه الحريم الكبار سوالفهم مي حلوه
جيلان: ايه جات و وقفت عند نجد و بتوتر ، الا نجد بسألك؟
نجد الي عيونها على بريق القهوة: تفضلي
جيلان على وضعها: ا.أول شفت واحد هِنا بقريتكم غريب وله شنبات كثيره تعرفينه؟
أبتسمت نجد ولفت على جيلان: ايه أعرفه ، مز صح
جيلان الي بدت ترتب شكلها و شعرها بتوتر: وش الي مز .. ، يعني مدري ماشفته زين رفعت عيونها و ثبتتها في عيون نجد ، ليكون خاقه عليه أنتِ؟
نجد ضحكت بخفه و رجعت عيونها للبريق: لا وين خاقه عليه ، ولد عمي ذا
جيلان: اهاا ، ماشاءالله ، تدرين وحده من حريمكم تبيني لولدها لفت عليها نجد ببتسامه كملت كلامها جيلان ، و أنا الصراحه ما ابي الزواج و ما اعرف عيال القريه ذولي
نجد: مين هي الي تبيك لولدها؟
جيلان: أم العروسه على ما اتوقع
نجد: الولد ونعم فيه وافقي احسن لك
جيلان: عيال القريه غريبين ، و أنا معرف الولد ذا احس كذا شي غريب
نجد حطت يدينها على اكتافها: ارتاحي مدام أني اعرفه فلا تشيلين هم شي ، رجال كفو و نعم فيه ، استخيري أنتِ و وافقي و ماراح تندمين
جيلان الي تتذكر صقر و بتوتر: يعني هو نفس أبو شنبات ، يعني احلى منه؟
ضحكت نجد و تكلمت: نفسه بضبط
جيلان: كيف يعني؟
نجد: استخيري و أتمنى توافقين
جيلان: إن شاءالله
نجد ناظرت في فرح الي دخلت عليهم: الله جابك ، شوفي القهوة بروح أنا
فرح: طيب
جيلان: وين بتروحين؟
نجد ناظرتها ببتسامه: للعروسه بشوف وش تبي و وش ماتبي ، بتروحين معي؟
جيلان حطت كاست العصير على الطاولة: ايه تكفين ، خليني اغير من جو الحفله شوي و اشوف حارتكم
نجد: يلا أجل
لبسو عباياتهم و طلعو
جيلان وهي تتأمل القريه: الله قريتكم حلوه
نجد الي تمشي و وراها جيلان: ايه
جيلان: وش الأنوار ذي الي في اخر القريه؟
نجد: قسم الرجال ، الزواج حقهم دايم نسويه هناك
جيلان: الله حلو والله ، احس زواجات القريه احلى من القاعه
نجد: احلى بكثير و خفيفه بعد ، أبو شنب
لف عليها صقر ومن شاف البنت الي معها نزل نظره لـ الأرض
جيلان مسكت بعبايت نجد: وش تبين فيه؟
نجد ببتسامه: أبيه يخطفك
فتحت يد جيبلان من عبايتاها و راحت له
اما جيلان صدقت نجد و اتسعت عيونها بخوف
نجد: شفت أنوس؟
صقر: ايه مع البزارين
نجد: الحمدلله
صقر: مع العنود و ماسك بيدها مستانس
ضحكت نجد بخفه: اهخ من أخوي طاح و محد سمى عليه ناظرت في صقر الي يحاول يناظر في جيلان ، الي متوتره و مره تنزل نظرها لـ الأرض و مره تناظرهم أبتسم نجد ، غض البصر زين
صقر ناظرها بربكه: هاه ، وش؟
نجد على وضعها: مايصير تناظرها كذا وخالتي خطبت لك خلاص
صقر شهق: صدق والله؟ ، ليه طيب وشبها مستعجله؟ ، يمكن أني اهون
نجد: ايه زين انها استعجلت قبل لا تهون
صقر: ياه من أمي ، بدري مره
نجد: لا مو بدري ، خوفنا بنت الناس تروح منا
صقر: طيب ماعلينا ، بس من ذي الي معك؟ ، و وين بتودينها؟
نجد: أخت عساف ، بنروح عند فيء
صقر هو يحاول يخفي أبتسامته: نفسها الي بتخطبونها لي؟
نجد بكذب: لا وين ذي اصغر منك ، الي بنخطبها أختها
صقر عبس شوي: ايه زين
نجد: عن أذنك بروح لفيء
راحت لـ جيلان و دخلو عند فيء
صقر هو يناظر جيلان: إن شاءالله الصدف ذي فيها خيره ، الخيل ، المستشفى ، القريه الحين و وقت زواج ، خير إن شاءالله خير
سحب نظره بعد مادخلو للبيت ، عدل شماغه و راح عند الرجال
~
جيلان: ا.ولد عمك ذا متزوج؟
نجد: لا مطلق ، بس بيتزوج عن قريب
جيلان اتسعت عيونها: مين؟ ، يعني البنت الي بياخذها تقرب لكم؟
نجد: لا مانعرفها ، ليه تسئلين؟
جيلان: بس كذا احسه كبير
نجد: ايه كبير بس مو مره
جيلان: اهاا
نجد: تعالي ادخلي
دخلو و راحو لغرفت فيء
نجد: سلام عليكم
وقفت فيء: وعليكم السلام
نجد طلعت برقعها: يا ماشاءالله وش ذا الجمال ، تهبلين يافيووه
فيء بأحراج: حبيبتي تسلمين ، من ذي؟
أبتسمت جيلان: أنا جيلان أخت عساف خطيب نجد
فيء أبتسم: اهااا ، يامرحبا والله بزو...
تنحنحت نجد: احم ، احم فيء قلبي تبين شي؟
عقدت حواجبها جيلان
فيء بستغراب: لا سلامتك
نجد: ايه زين
جيلان ببتسامه: أبي دورت المياه ، وين؟
فيء: الباب الي مقابل غرفتي على طول
جيلان على وضعها: تمام
بعد ماطلعت جيلان لفت فيء على نجد: وش فيه؟ ، تنحنحين أول صاير شي؟
نجد: لا بس ما ابيها تعرف انها بتاخذ صقر
فيء: وليه طيب؟
نجد بكذب: شافته أول وحسيتها خقت عليه ، خليها موفاجئه لها ولـ صقر
فيء: اها تمام
نجد جات وجلس جنبها: صح ليه بتهربين؟
فيء بتوتر: من قال أني بهرب؟
نجد: فيوه ، ادري أن فجر مشوشه براسك وصدقتي الغبيه
فيء: وش هدف فجر تشوش براسي؟ ، لا اليوم منتم بطبعيين أنتِ و ضي
نجد: لا طبعيين لأن فجر تحب سيف
فيء اتسعت عيونها: ايش؟ ، نجد صدق كلامك فجر تحب سيف؟
نجد: ايه تحبه ، وش قايله لك يوم صدقتيها و بتهربين؟
فيء: ماقالت شي
نجد: للحينها مستمره ، فيء لا تعصبيبي قولي بسرعه بروح أنا
فيء زفرت و قالت لـ نجد كل شي و وش قالت لها فجر بضبط
نجد: كذابه ، وربي انها كذابه ، و أنتِ مثل الهبله صدقتيها
فيء: شسوي ، الي قالته لي يوجع مره ، كنت بهرب صح بس خفت من غضب أبوي و سمعتنا
نجد: الحمدلله انك خفتي ، سيف حب صدق بس أنه سحب على البنت و ماتزوجها لا كذب
فيء: الحمدلله اجل ماصدقت كلامها ، بس كيف تحبه وين شافته؟
نجد: مدري عنها
فيء: طيب مين البنت الي حبها؟
نجد: الله يستر عليها يا فيء ، مانبي نفتح موضوع تسكر من زمان
فيء: فيه فضول بعرف مين هي؟
نجد: وش بتستفيدين لو عرفتي؟ ، شي صار زمات و مات خلاص
فيء أبتسمت: طيب ، احسن الحين تنتظرني فجر ولا جيتها
نجد: ايه خليها تموت من القهر
فيء بخوف: ضي قالت بتوريها الشغل ، وش بتسوي لها؟
نجد: مدري ، بس اكيد بتهاوشها
فيء: ياليت ، الله يستر منها لا تقول لعمي و عاد تعرفين عمي أنتِ
نجد: لا ما اتوقع ضي تسويها ، ماعليك
~
عند جيلان بعد ماطلعت من دوره المياه ( الله يكرمكم ) دخلت لـ غرفه بعد ماشافت بابها مردود ، و بدت تشوف الصور الي معلقه على الجدار ، الصوره الي عباره عن رعد و صقر ، أبتسمت من شافت صورته هو و رعد على كمدينته أخذتها و بدت تتأملها ببتسامه و تلمس الصوره بـ أناملها: هههه بعيد عن كل شي ، شنباتك و عيونك جابت راسي من أول ماتصادافنا
فزت على الصوت الي وراها و طاحت الصوره منها على الأرض و أنكسر الإطار: وش تسوين هِنا؟
لفت عليه و بخوف: معليش والله ، معليش
نزلت تلم قطع القزاز وهي تكرر: معليش مو كان قصدي والله
صقر بغضب: قومي و خليها
وقفت بسرعة وهي خايفه و متوتره من نظراته لها الي فيها غضب و حب: أسفه والله ، مو قصدي عجبتني الصوره و جيت أشوفها
صقر عقد حواجبه: عجبتك؟
جيلان بتوتر و ربكه: ا.لا ، يعني صورت خليك ، ايه خيلك صورته حلوه ماشاء الله
صقر: طيب أطلعي برا غرفتي لو سمحتي
جيلان ناظرت في عيونه ثواني ، وفزت على صوته: مطوله؟
جيلان بتوتر: هاه؟ ، لا بطلع الحين ، بس بلم قطع القزاز أول
كانت بتنزل لـ الأرض بس وقفت من تكلم: خليها قلت ، بشيلها أنا
جيلات على وضعها: ايه ، طيب
كانت بتطلع بس استوقفها: وقفي
لفت جيلان عليه و ناظرت بلي ماسكه بيده و ماده لها
جيلان بستغراب: ليش ذا؟
صقر هو يناظر يدها: يدك تنزف دم خذي حطيه عليها
جيلان ناظرت في يدها و توها تحس بحرارت الجرح شهقت: اححح
صقر: خذي لفيه عليها
سحبته من يده بسرعة و طلعت من سمعت صوت نجد الي بتطلع من الغرفه
صقر ضحك بخفه: هبله والله
ناظر في الي مكسور على الأرض و تخصر ببتسامه: فداك والله دامها انكسرت منك
~
عند نجد وجيلان
شهقت نجد من شافت الشاش الي على يدها ، مسكت يدها بحنيه: بسم الله من وش ذا؟
جيلان: ا.فيه قزاز في الحمام كنت بشيله و انجرحت ، شي بسيط ماعليك
نجد: من وين لك الشاشه؟
جيلان ناظرت في غرفت صقر و رجعت ناظرت لـ نجد: في شنطتي ، اخذه احتياط معي
نجد: اهاا ، طيب توجعك شي؟
جيلان: لا ، لا تخافين شي بسيط
نجد: يلا تأخرنا خلينا نروح ، و اعقم جرحك لك
جيلان: ايه صح
-
و انتهى الزواج بعد مرور ثلاث ساعات ، من الرقص و اللعب و هواش نوف مع نجد الي ماتخليه دايم و صراخ البزارين و حوستهم ، ولعب الرجال و قصايدهم الي ماتخلص ، أخذ سيف عروسته وراحو للفندق بعد حرص أبو صقر و ولده على فيء و خوفهم عليها على أنها مانها رايحه مع غريب ، أخذت فرح هديت نجد من السياره و أنتظار سعد برا لكي ياخذها
..
شهقت نجد بفرحه و دمعت عيونها بعد ماشافت الهديه: يوووووه يافروح ، تهبل وربي تجنننن
فرح ببتسامه: شايفه قايله لك بتطيرين من الفرحه
نجد حظنتها: ياااروحي ، الله لا يحرمني منك بعدت عنها وهي تتئمل اللوحه المرسوم عليها عساف و نجد ، ذا يوم كتب كتابنا!
فرح: ايه
نجد ناظرتها: كيف كذا ، ذا يوم كان عساف يلبسني الخاتم
فرح وهي تفرك يدها: ايه ، كنت اراقبكم
نجد اتسعت عيونها و ضربتها بخفه على كتفها: ياقليلت الأدب
فرح وهي محطيه يدها على كتفها: ليه ياحبيبتي حلال عليك و حرام عليّ ، رجعتها لك بس أحمدي ربك لحالي محد معي
نجد براحه: مدام انه لحالك ماعليه ، على بالي نوف ولا مها معك
فرح: لا ماني مثلك أنا
ضرب سعد بوري ناظرت فرح في الباب بعدين رجعت نظرها لـ نجد: بروح يلا تأخرت على سعد
حظنتها نجد: مرررره شكراً و تسلم يدك على ذي الصوره ، الى اسعدتني على رغم زعل عساف مني
بادلتها الحظن فرح وهي تمسح على ظهرها: بيبرد زعليه صدقيني ، وراح اكلم سعد يكلمه مره ثانيه
نجد: تمام ياقلبي بعدت عنها ببتسامه ، يلا روحي لسعودك تأخرتي عليه
فرح أبتسمت و بدلع: مره اشغلتيني الله لا يشغلنا الا في طاعته
دفتها نجد بخفه من ظهرها: طسي بس
فرح طلعت لشارع و ببتسامه: يلا باي ، و بوسيلي أنوسي
نجد: الله معك ، أبشري
سكرت الباب و ناظرت الصوره لثواني وهي عيونها فيها دمعه ، حظت الصوره و طلعت لغرفتها و حطتها على التسريحه ، أخذت جوالها و دقعت على عساف أكثر من مره بس مارد يا مشغول أو يدق لين يفصل الخط ، حطت جوالها على سريرها و زفرت و أبتسمت و راحت عند أخوها ، فتحت باب غرفته و أنصدمت من الي شافته قدامها
-
في الفندق...
"عرسانا"
سيف الي واقف قبال فيء الي جالسه على السرير وهو بتسم: مبروك لنا
فيء بأحراج: الله يبارك فيك
سيف جلس جنبها و مسك بيدها وعلى وضعه: بكون زوج صالح ومثل ما أنتِ تبينه إن شاءالله
هزت راسها بهدوء
سيف: وش فيك؟ ، احس فيك شي؟
فيء بتوتر وهدوء: لا ، وش بيكون فيه يعني؟
سيف: مدري ، احس كذا صار شي؟
فيء واخيراً رفعت عيونها و ثبتتها في عيونه لـ ثواني معدوده ، و نزلت نظرها لشفته و قبلته بدون أي تردد بعدت عنه بهدوء و وقفت: تطلع تخليني ابدل ولا؟
سيف عظ شفته بعدين ابتسم: تمام ، بطلع و بطلب لنا عشاء
فيء بسرعه: ما ابي أنا
سيف: ليه؟ ، اكلتي شي؟
فيء: لا ، بس شبعانه
سيف: تمام الي يريحك ياقلبي
بعد ماطلع سيف سكرت الباب وراه بسرعه و قفلته و تساندت عليه وهي مبتسمه: وش فيه أنا؟ ، المفروض أثقل ، ولا غرت من فجر و سويت كذا بدون ما احس على نفسي ، مدري هو الي سويته غلط ولا؟
راحت بسرعه و أخذت جوالها و كانت بتدق على ضي ، بس مسكت جوالها و شدت عليه: وش قاعده تسوين يافيء؟ ، بتقولين لـ أختك بستي زوجك ، بتضحك عليك و تقول عادي
رمت جوالها على السرير: صح عادي وشبي انا؟ ، زوجي خلاص
أخذت قميصها الحرير من الشنطه و دخلت دورت المياه ( الله يكرمكم ) دقائق والا هي طالعه لـ سيف في الصاله
ناظرها من تحت لفوق و جلس يتأمل تفاصيل جسمها و القميص الي واصل نص ركبتها
فيء وهي تفرك يدها بتوتر: وش فيك؟
سيف شتت نظره و وقف وراح لها: ولاشي ، بس ماني قادر اتحمل شكلك بذا اللبس
مسكها مع يدها و ببتسامه: تعالي
دخلو لغرفتهم و طلع ثوبه وهي متوتره....
-
في المستشفى...
هو الي على السرير النقال و الممرضين يمشون فيه لغرفت العمليات ، وهي ماسكه بيده و تبكي بحرقه و يدها الي كلها د*م: أنوسي ، روحي أنا روحي ، تفكى افتح عيونك تكفى لاتسكرها كذا و توجع قلبي افتحها وهي تشاهق من البكي ، نجدك هِنا لاتروح و تخليها
دخلو لغرفت العمليات: ممنوع الدخول
نجد بمشاهق: الله يخليك بدخل ، أخوي ذا ، أخوي
الممرض: ممنوع يا أختي ، و لو سمحتي خلينا نشوف شغلنا
نجد هزت راسها و نزلت لـ الأرض وهي تبكي بشده
جاها بسرعه من شافها بذي الحاله ماتحمل يشوف شكلها كذا ولا يجيها ، وعند باب غرفت العمليات و مايدري وش فيها بضبط ، جلس عندها و حط يده على اكتافها وشد يدينه وهو يناظها بخوف: نجد
ناظرت فيه بعيون غرقانه دموع و برقعها الي كل دموع ، ارتمت بحظنه و شدت نفسها عليه وهي تبكي و نطقت بتعتعه: ا.خو.اخو.ي ، أ.نو.س يا عساف ب.ي.ر.و.ح
عساف شد يدينه عليها و هو ماسك بكيته بصدمه: ماراح يصير له شي ، ماراح يصير له شي ، طيب؟
نجد: راح يصير ذي المره ، راح يصير
عساف على وضعه: لا ، لا ماراح يصير
جات ليلى بركض و خوف ، و وراها نوف و حاتم
ليلى وعيونها فيها دموع: نجد ، نجد أنوس وينه؟ وينه ولدي؟
نجد بعدت عن عساف من سمعت صوتها و وقفت بسرعه و راحت ارتمت بحضن خالتها: خالتي ، أنوس بيروح والله بيروح ، تفكين مقدر والله مقدر ، ابيه ياخالتي ، ابيييه
ليلى وهي تبكي و حاضنه نجد: وش ذا الكلام يانجد؟ ، انوس بطل و ماراح يصير له شي
نجد بعدت عن خالتها وهي تشرح بيدينها بعشوائه وهي تبكي: ماشفتيه ، ماشفتيه كيف طايح على الأرض و كل د*مه تحته ، كان طايح و كأنه طفل نايم ، الأرض ، الأرض كلها د*م أنوسي
ليلى مسحت دمعتها: راح يقوم ، بيقوم إن شاءالله
حاتم ماسكه بكيته: نجد ، اذكري ربك و ادعي له
نجد وهي تهز راسها مثل المجنونه و تضحك و الكل استغرب ضحكها: جالسين تكذبون عليّ بكلامكم ، أنا ماحميت ولدي ، ولدي الي في بطني ماحميته ولا خليته يعيش ، كيف تبوني احمي اخوي و اخليه يعيش؟ صرخت و رفعت صوتها ، هاه كيفك قولو لي كيف؟
جاء عساف وحضنها: مافي شي مستحيل يانجد ، و ولدك مات ذا قضاء الله وقدره
دفته عنها نجد: لا أنا الي موتته ، أنا الي ماعرفت احميه
ليلى: اذكري ربك ، وروحي صلي لك ركعتين وادعي ربك
نحد صرخت: خلاص ، بسكم كذب عليّ ، أنا و انتم عارفين ذا الشي و أنّ انوس بيروح مع اهلي و ولدي ، أنا مالي احد بذي الحياه محد يحبني الكل بيروح مني ، الكل
عساف وهو يهز راسها: لا ، نحبك ، و مراح نروح أبداً
حاتم هو يهز راسه: ايه
نجد ناظرته و هي تصرخ: تحبني؟ ضحكت بقوه ، جالس تكذب على نفسك بعد أنت ، لو تحبني ما صديت عني كذا وخليتني بوجعي
عساف كان بيقرب منها بس صرخت: لا تقرب ، لا تقرب
حاتم: نجد
نجد: لا احد يقرب
بدت تصرخ بالكلام لين ما اغمى عليها وطاحت عليهم
جاها عساف ركض و نادا الممرضه و نقلوها للغرفه
-
نفس التوقيت في بيت عبدالإله...
نجوى وهي تضحك بسخريه: صار بتاخذين من عيال القريه ، هههههههه
نجلاء: وش فيهم عيال القريه؟ ، إذا محترمين و ناس ونعم فيهم نتشرف فيهم
نجوى على وضعها: بس عيال قريه و بر و غنم يععع
جيلان: يختي وش حارق رزك؟ ، خاطبيني أنا ولا أنتِ؟
نجوى: لا تقولين أنك موافقه؟
وجدان: وش فيها لو وافقت؟ ، نقول لـ أبوي و أخواني عن الرجال ذا و يسئلون عنه إذا رجال كفووو و راعي اصول توافق
نجلاء: لا تحشرين غشمك يا نجوى في شي مايخصك
نجوى: ذي أختِ يايمه ، وش شي مايخصني
نجلاء: على شانها أختك تمني لها الخير
نجوى: وذا الخير يايمه
نجلاء: خير انك ماتبينها تاخذ من عيال القريه على قولتك ، لو أنّ خاطبها اغناء رجل في العالم وطبعه وصخ و مانه رجال مانبيه
وجدان: اهم شي في الزواج الرجوله و راعي اصول ، اما سالفت غني فقير ولد القريه ولد المدينه ، ذي ماتهمنا
نجوى دفت محمد ولد وجدان بملل: طس عني
محمد ببرئه: وش سويت أنا؟
نجوى: انطم
وجدان: نجوى ، احترمي نفسك ولا تحطي حرتك في ولدي
نجلاء: تعال ياحبيبي تعال
جيلان ببتسامه: ماشفتو نجد طالعه تجنننن ماشاءالله
نجلاء ابتسمت: ايه ، بسم الله عليها تهبل
وجدان ابتسمت: من اول ماشفت نجد اصلًا تهبل
جيلان: اليوم غيررر تف بس ماشاءالله
نجوى: خفو علينا بس
دخل علي وجلس جنب والدته و بنته الي منومينها على فراشها في الأرض: ا.شسمه ياربي؟ ، نجد أول من جيتو من عندهم فيها شي فيهم شي؟
نجلاء نزلت محمد من عن رجولها و بخوف: لا مافيهم الا العافيه ، ليه صار شي؟
علي باس بنته من صحت و رجع نظره لـ والدته: صدقي مرض أخذناه أنا و عساف للمستشفى واحنا طالعين عساف شاف نجد جالسه تبكي عند غرفت العمليات ، بس مدري وش صاير
شقهت وجدان: بسم الله وش فيها؟
نجلاء بخوف: أحد معها ولا؟
علي: شفتها لحالها
جيلان: ياعمري عليها ، لا يكون أنس صار له شي
وقفت نجلاء: قم ودني لها قم
علي: بس يايمه
نجلاء بسرعه: لا بس ولا غيره قم ياعلي قم
جيلان وقفت: بروح معك
نجلاء وهي تلبس عبايتها: محد برايح بروح لحالي وجي ماني مطوله
جيلان: تكفين يايمه
نجلاء بعصبيه: قلت لا أنا
وجدان رفعت صوتها من طلعت والدتها من الباب: طمنينا يايمه
جيلان جلست و شالت في حضنها تاليا من صاحت: يارب ماصار لهم شي يارب
وجدان: يارب
-
نرجع لـ المستشفى...
جاء صقر وهو الخوف ماكله وقف من شاف حاتم واقف عند باب الغرفه ، تكلم بخوف: وش فيه ياحاتم؟ ، سيارة الاسعاف ماخذه مين؟
حاتم مسح دمعته بـ اكمامه
صرخ صقر و مسكه مع ياقت ثوبه وهو يهزه: حااااتم ، تكلم نجد صار لها شي؟ ، او أنوس صار فيه شي؟ ، انطق يا ادمي
طلع عساف من الغرفه على صراخه و فتح صقر من حاتم: صقر احنا في مستشفى اهداء
صقر مسح على وجهه وبغضب: وش فيه؟ ، تكلمو لا اقلب المستشفى ذا فرق وتحت
عساف حط يدينه على كتوفه: اذكر ربك و أنا أخوك ، الموضوع و ما فيه أنس لقته نجد في غرفته طايح على الأرض و كله د*م
اتسعت عيون صقر بخوف: وينه الحين؟
عساف: للحين في العمليات ، إن شاءالله يقوم سالم
مسح على وجهه صقر و بعد يدين عساف عنه و بدا يمشي ، لف على عساف و سرع خطواته له: نجد ، نجد وينها؟
عساف هو يناظر الغرفه الي فيها نجد: ماتحملت البكي و الانهيار اغمى عليها رجع نظره بسرعه لـ صقر ، بس لا تخاف مافيها شي الدكتور قال بس من البكي وذا شويات و بتصحى
جلس على احد الكراسي وهو رجوله مانها شايلته
جلس جنبه حاتم وهو يمسح على ظهره: ادع له ، ادع وأنا أخوك
صقر هو ماسك راسه: الله يطلعه بسلامه يارب ، لو صار له شي راح اموت ، ونجد ماراح تقدر تتحمل
عساف: مو صاير له شي إن شاءالله
جو سعد و فرح الي تبكي ، وقفت عندهم: صدق الي سمعته من نوف؟ ، أنوس في العمليات؟
هز حاتم راسه بهدوء
شهقت وحطت يدها على فمها: نجدي وينها؟ ، تكفون
عساف اشر على الغرفه: هِنا ، بس الدكتور قال لا احد... ما يمديه يكمل كلامه الا دخلت لغرفه بسرعه
سعد وقف عند عساف: كم له في العمليات؟
عساف: شويه مو مطول مره
~
دخلت و شهقت و بكت اكثر من شافت نجد على السرير ، جات وجلست عندها و مسكت بيدها و باستها بحنيه: ياروحي أنا ، راح يطلع من العمليات بخير وسلامه صدقيني ، وأنتِ راح تصحين و مافيك الا العافيه
ليلى: إن شاءالله ، بس كيف عرفتِ أنتِ؟
فرح وهي تناظر نجد و شاده على يدها: نوف قالت لي
ليلى ناظرت في نوف بغضب: أنتِ يا أم مشاكل يا نقالت علوم ، وش قصتك أنتِ؟
نوف: على شان قلت لها عن الوضع الي احنا فيه صرت نقالت علوم؟
ليلى على وضعها: ايه ، وش هوله تقولين لها و تخوفينها ، كان خليتيه على الاقل لين يطلع أنوسي بسلامه
فرح: خلاص أمي حصل خير
ليلى: ليكون قلتي لـ مها؟
نوف: دقيت عليها بس ماردت
ليلى ضربت يدينها على فخوذها: بتجنني ذي ، زين بس انها ماردت البنت حامل و تعبانه و تبي تتعبها زياده ، وسيف؟
شهقت نوف و وقفت: لا ، صدق نسيت اقله
طلعت جوالها من الشنطه و كانت بتدق عليه ، بس وقفت ليلى و سحبت الجوال منها: و تقول نسيت بعد
نوف: أمي عطيني جوالي ، لازم يعرف
ليلى جلست: لازم ماشاءالله ، تبين تخربين عليه في ليلته ذي
نوف جلست بملل: اففف
فرح: أبداً مو وقتك يانوف
نوف: انطمي مالك دخل أنتِ
نجد بتمتمه و فتحت نص عين: أن.أنوس
وقفت ليلى وراحت لها بسرعه وهي تمسح على راسها: نجد حبيبتي
جلست نجد بسرعه و بدت تتلفت حولينها: أنوس
ليلى: باقي ماطلع ، بس لاتخافين عليه بخير هو
نجد الي بدت بـ الأنهيار و تحاول تطلع المغذيه منها ، و رفعت صوتها ليلى و نادت عساف
فرح الى تحاول ماتطلع نجد المغذيه: نجد ، اهدي غلط الي تسوينه لا تطلعينها
نجد: فرح بعدي
عساف دخل بسرعه وراح عند نجد بعد ما بعدت فرح عنها ، هو يحاول يهديها: صبر ، يانجد خلينا ننادي على الأقل الممرضه
نجد بعصبيه و بكي: عساف بعد عني
عساف: وش بتستفيدين؟ ، للحينه ماطلع ، إذا طلع راح يجون و يقولون لنا
سحبت المغذيه بغضب و دفت عساف: مالك دخل ، طيب؟
لبست برقعها بسرعه و طلعت و طلعو وراها بسرعه ، صقر من شاف نجد طلعت سرع خطواته: نجد
لفت عليه ، وقرب منها صقر: وين بتروحين؟
نجد بصوت باكي: لـ أنوس يا صقر
صقر حط يدينه على كتوفها وعيونه فيه دمعه: ادري والله ، وراح يكون بخير صدقيني
نجد: بس خايفه
صقر هز راسه: لا ، لاتخافين
نجد زفرت: طيب
بعدت عنه بهدوء و راحت عند باب غرفت العمليات ، تنتظر خروج أي ممرض ولا دكتور ليطمنها عن أخوها و أنه بخير
بعد دقائق جات لهم نجلاء وهي تلقت انفاسها: السلام عليكم
الكل لف عليها ورد السلام
عساف بستغراب: أمي!
راحت نجلاء لـ نجد وحضنتها: الواضح من حالتك ذي أنّ أخوك الي جوه ، بس إن شاءالله أنه بخير و يطلع بسلامه
نجد بهدوء: إن شاءالله ياخالتي
بعدت نجد عنها بسرعه من طلع الدكتور ، سرعت خطواتها له و بخوف: بالله طمني يادكتور؟ ، قول انه بخير ومافيه شي
الدكتور ببتسامه: الحمدلله نجحت العمليه بسلام
الكل ضحك و بدو يحضنو بعضهم من الفرحه ، بعدت نجد عن حضن عساف: مافيه شي طيب صح؟
الدكتور: الضربه الي على راسه قويه جداً ، راح ننتظره يصحى و نشوف حالته
ليلى بخوف: مافقد الذاكر يعني؟
الدكتور: احتمال 30٪ انه فاقدها الكل شهق بخوف كمل كلامه الدكتور ، بس لا تخافون مثل ماقلت لكم إذا صحى بنعرف ، هل راح يتذكركم و يعرفكم ولا لا ، خلو عندكم ثقه وأمل بالله كبير
نجلاء وهي تمسح على ظهر نجد: ونعم بالله ، اهدي و أنا خالتك قال احتمال
صقر: لاحول ولا قوه الا بالله
الدكتور: تقدرون تستريحون لأن الدخول ممنوع الحين
عساف هو حاضن نجد و يمسح على ظهرها بحنيه: متى طيب؟
الدكتور: بعد مايرتاح من العمليه بساعة ونص على الاقل
حاتم: تمام يعطيك العافيه
هز راسه الدكتور و راح
جلست ليلى ببكي و مد سعد لها الماء أخذته منه وهي تدعي و تردد: لا حول ولا قوه الا بالله
فرح ببكي: تكفين يايمه روحي صلي وادعي له
ليلى وقفت: كلنا بنروح نصلي وندعي ربنا انه يقوم بسلامه و يعرفنا راحت و مسكت نجد بيدها ، تعالي و أنا خالتك ريحي قلبك بدعاء و الصلاة
الكل راح للمصلى الي لـ لقسم النساء و الي لـ قسم الرجال ، توضو و بدو بصلاه و الدعاء و قراءة القرأن
~
طلع برا المستشفى لغير من نفسيته شوي ، لف على أحد الكراسي و لقاها جالسه عليها و تبكي ، جاء وجلس جنبها بهدوء: ما ارتحتي بعد الصلاة و الدعاء؟
نجد على وضعها: لا
زفر و تكلم: أنا اقلك ارتاحي
نجد لفت عليه: كيف برتاح؟ و أخوي يمكن يفقد ذاكرته تنهدت بتعب ، صعب عليّ جداً وخايفه
قرب منها و مسك يدها وشد عليها: قال الدكتور أحتمال 30٪ ، يعني نسبت الاحتمال قليله جداً
نجد: قليله صح ، بس توجع
اللهم صل على محمد وال محمد
أنت تقرأ
ما خلف القضبان.
Science-Fictionاهلاً بكم جميعاً ، بروايتي واعزوفتي الأولى... بدأت كتابتها بـ1/1/2023 وشاركتها أياكم بـ13/1/2023 - (ما خلف القضبان.) (الرواية باللهجة العامية.) نبذة الرواية: بطلتي هي البنت الكبيره بـ العائله هي واخوها الصغير فاقدين اهلهم ويحاربون آلم ووجع الحياه ب...
