ظهر جديد على أبطالنا...
"في بيت أبو صقر"
أم صقر: ضي جهزتي الشنطه حقت الاكل والاغراض المطبخ؟!
ضي هي تسكر الشنطه: ايه يا يمه جهزتهم
أم صقر: متأكده ماباقي شي!
ضي: ايه ما باقي شي
أم صقر: وانتِ يافييوه حطيتي الملابس اللي قلت لك عنها
فيء وهي منسدحه: لا باقي
أم صقر: وليه ياحفظ هاه مانك فالحه الا بتسدح!
فيء بتعب: الله يهديك يا أمي راسي مصدع ذحين يمدي لنا شوي
أم صقر: متى مافي وقت قومي
فيء: شوي خلي راسي يخف الألم وابوي قال بنمشي العصر وذحين الساعه 1
أم صقر وهي ماسكه راسها: ياصبري بس راسي انا اللي بيصدع مو انتِ
جاها وباس راسها: سلامته والله جعله فيه ولا فيس يا الغاليه
أم صقر: وانت يا الثاني خلصت من الفرش حطيتها كلها بسياره؟!
بعد عنها وناظرها بستغراب: لا باقي توي مطلعها من المستودع بس شفيك علي
أم صقر: يا ربي كانهم بيجننوني ويطلعو الشيب من راسي راحت وخلتهم تحت صدمتهم
صقر: شفيها؟!
فيء وهي ماسكه راسها بألم: مدري والله
ضي: أمي ناويه علينا اليوم حتى ابوي ماخلته في حاله
صقر بضحك: ليه شنو قالت له بعد!
ضي: وصت ابوي با أغراض جاء ونسا يجيبها عصبت عليه وصرخت طلع المسكين والا ذحين ماجاء
رمت عليه النعال وضربت براسه
صقر: اح ياراسي
أم صقر: تساتهل مثل ماصدعتو براسي بتروح ولا ارمي الثانيه بعد!
صقر ماسك راسه مكان الضربه: بروح بروح
أم صقر: وانتِ قومي بسرعه سوي اللي قلت لك عليه لتجيك النعال الثانيه
فيء بعصبيه وطفشت من زنت امها على الكلام وبتعب: طيب بنقوم
-
بـ بيت نجد...
فشلتيني البارح
فرح: فشلتك بوش؟!
نجد: جالسه تتصنتي عند الباب وبعدي تكلمتي
فرح: عادي ومن ناحيت اني تكلمت خليه يعرف اني بروح على شان يفرح
نجد: يفرح ليه؟!
فرح: لاني بروح وتقدري تروحي معهم شايفه كيف يبيك ومهتم لك!
نجد: يالله قلي على شان ضي وفيء يبوني
فرح: ايه ايه صح على شانهم
نجد: اقول اسكتي وخليني اكمل الشنطه
فرح: متى بيروحون؟!
نجد: كلمت فيء اول تقول انو عمي قال العصر تضحك ماتكلم زي الناس
فرح: ليه شفيها!
نجد: راسها مصدع
فرح: ياعزتيلها ذحين ماتستانس ولا تلعب
نجد: ايه والله الله يعينها
فرح: نجيب يدق شكله جاء
نجد: ياحليله ذا النجيب ماسك محل ابوك ماخلاه بعد مامات!
فرح: الله يرحمه يقول انتم عائلتي ومره محترمين
نجد: بس يشتغل بالمحل ويجيبكم ويوديكم
فرح: ايه والله مو مقصر معنا الله يسعده
نجد: آمين
ودعت نجد وأنس اخذت اغراضها وراحت
الساعه3:30....
دق الباب
نجد: مين؟!
انا سعد
نجد بستغراب: مين سعد؟!
سعد: اللي بـ معرض الرسم
نجد: اكيد غلطان يا أخوي معرف احد بذا الأسم
سعد: لا مو غلطان تذكريني زين!
نجد: والله ما أعرفك ذكرني فيك طيب!
سعد: أنا اللي كبيتي الالوان علي هاه تذكرتي؟!
نجد وهي ماسكه ضحكتها: مو انا ياخوي
سعد: كيف مو انتِ؟!
نجد: انا بنت خالتها
سعد: طيب ذا بيت فرح!
نجد: لا بيتي
سعد: ايه أسف يا أختي بس عادي تقولي لي وين بيتها؟
نجد: لا والله ما اقدر اقول
سعد: أسمعي يا أختي انا ابي البنت بـ الحلال وماني مثل اللي يجي عند بيوت الناس ويتغزل ويروح فقوليلي وين؟!
نجد: طيب عندي فكره
سعد: ايش هي!
نجد: اذا جات خالتي وفرح عندي بقول لك تجي انت وأمك وتخطبونها ايش رايك وماراح اقول لها اي شي!
سعد: ايه والله فكره حلوه تم بس كيف تقولي لي؟!
نجد: عطني رقمك اذا عادي عندك!
سعد: ايه عادي تفضلي
نجد: صبر بجيب جوالي
جابت جوالها واعطاها الرقم وكان بقمت الفرح ونجد فرحانه انو بنت خالتها الثانيه وصديقتها منذ الطفوله راح تتزوج جهزو الاغراض وبدو يتقسمو باسيارات أم صقر ورهف مع ابو صقر بما انو صقر سواقته سريعه ويخافو منه ضي و فيء و نجد و أنس و سلطان مع صقر
وصلو وبدو يجهزو ويضبطو الجلسه
نجد: أنوس لاتروح بعيد عن عيني سامع!
أنس: بروح مع سلطان عند الغنم
نجد بصراخ: لا
أم جزاع: بسم الله شفيها لو راح خليه يستانس لا تعقدينه
نجد: يروح لها ويجي كله ريحت غنم وما احبها
فيء وهي رابطه الطرحه على راسها ومنسدحه على رجل امها: اقول خلي الدلع بس مافيها شي ريحت الغنم
نجد: حتى وانتِ مصدعه مشغلتنا
فيء: ايه
نجد بحماس وتبي تقهرها: ايه فجور وش رايك نروح لـ رعد!
فجر: مدري والله لا أنتي تعرفي للخيل ولا أنا اعرف
فيء: اقول انثبري انتِ وياها
قامت نجد ومسكت فجر من يديها: يلا فجر مشيانا
أم جزاع: بشويش هااه لاتطيحو
طلعو من الخيمه تحت صراخ فيء عليهم
فجر: مانعرف للخيل
نجد: يعني مصدقه أننا بنركبه!
فجر: وين بنروح طيب؟!
نجد: بنمشي هناك ونكذب عليها نقول ركبنا
فجر: يمه يخاف منك بس امشي من الجهه ذيك لا يشوفني ابوي
نجد: ايه تمام
فجر: شوفي انوس ماسك الغنم ياحلوه
نجد شوي وتبكي: ياويلي بس شوفي صقر كيف يشجعه اخ ببكي
فجر: ياختي خليه يستانس عادي تراها كلها ريحه تطلعي لبسه وتلبسيه لبس ثاني
نجد: بس ما احب ريحتها
فجر: عادي ولا يهمك البسه انا
نجد: والله تسوي فيه خير
فجر: اموت واحب الابس الاطفال الصغار سلطان أكثر شي انا اللي البسه
نجد: بس يطفشو
-
بالمطار....
استقبل اهل بترحيبات واشتياقه لهم
عساف: اعطينيه ذا النتفه
وجدان: لو سمحت لاتقول لولدي كذا
جيلان: يلعن بليسك ياعسوف بس يوم واحد يوم اشتقت لك
جاء ظمها: ياعمري والله وربي انا اكثر لدرجه من كثر اشتياقي لكم مانمت بالبيت
نجوى: ياكذبك كذباه المفتاح معنا ومامعك سبير هيا اصه
عساف: لا والله جد اشتقت لكم وربي
نجلاء: وين نمت صح؟!
عساف: اخذت لي فندق
عبد الإله: ودكم بالجسله هينا ايش رايكم نفرش ونتقهوء؟!
وجدان: تخيل عاد قسم ليقشونا احنا وعفشنا ويرمونا بذا الشارع
عساف: ابداً يا الغالي اذا هينا عاجبك ابشر
ضربه بخفه: اقول امش خلونا نروح للبيت حدي تعبان
نجلاء: ايه والله مصدع راسي و مالي حيل أمشي
عبدالإله: حظك انتِ احمدي ربك انا لازم اصحى المغرب لروح للمكتب عندي شغل
نجلاء: الله يعينك
عساف: هيا تفضلو ذي السياره اعطوني اغراضكم واركبو وخذي نتفتك ذا
وجدان: عساف اصه
عساف: سمع الوطاعه يا أختي العوده
بدو يركبو واخذ منهم عساف شنطهم واغراضهم وحطها باسياره ورايحين بطريقهم للبيت مع سوالف عساف عن وش صار بالمعرض و وش اللي صار لسعد ومع ازعاج وصياح محمد اللي صدع بروسهم اكثر
-
الساعه8:00
بعد ما مشو ورجعو للخيمه واستفزاز وقهر نجد لـ فيء ومعناتها مع اخوها اللي طفشها بالعب باتراب وريحته بنسبه لها مقرفه وبدلت له فجر وكانت فرحانه بـ أنس وتحبه لـ حبها لسلطان
صقر: ياعرب
ضي: ايوه!
صقر: هاك خذي العشاء
قامت وبدت تعدل جلبيتها ولفت طرحتها عليها خوفها تبين لـ جزاع: انتظر لا تروح فيء قومي اعطي صقر السلطه بسرعه
صقر: ايه والبن عندكم!
أم صقر: ايه موجود
نجد: صقر شفت أنوس وين؟!
صقر ابتسم بعد ماسمع صوتها وخوفها على اخوها وكيف متعلقه فيه: ايه مع سلطان و ماعليك بيتعشاء معنا ابوي اللي بيوكله بعد
نجد: مايقصر والله عمي
حست بقهر وندم على فعلتها وانفصالها من زوجها وكيف مهتم لنجد وأنس ناظرت فيها بحقد وكره وكأنها تقول الله ياخذك انتِ واخوك وتلحقو اهلكم إن شاءالله بدو يتعشو وجيت أنس وسلطان والعنود عند الحريم ومره عند الرجال ولعبهم بتراب وما ياكلو زي الناس خلصو وبدو يغسلو الصحون ويرتبو خيمتهم
ضي: ياليت جبت معي بخور
فجر: ليه؟!
ضي: با بخر الخيمه ريحتها لحم ورز
أم صقر: نعمه تراها
ضي: ماقلت شي بس الريحه الله يديم النعمه
فيء: الحمدالله والشكر فيه احد يبخر خيمه!
ضي: ايه انا
فيء: مري اجل الغنم والنياق معك بخريهم مره وحده
ضي: ايه لو جبت بخرتهم حتى بخرت خيل صقر
نجد: يالله ياليته صدق نبخر شعره ونلفه له ونضبطه
ليان: تراه خيل وذكر مو انثى لتلفي شعره
نجد وهي تبي استفزازها: ايه عادي واكيد صقر مابيقول شي
ليان بقهر من كلامها: اعرف صقر اكثر منك مايحب ذا الشي
نجد مستمره بنبرت صوتها الاستفزازيه: مامداك تعرفيه وانتِ كنتي اصلاً مو مهتمه لصقر ولا حتى لبيتك
لينا بعصبيه: يبي له قص لسانك يابنت أمجد
أم جزاع: خلاص انتِ وياها مانبي مشاكل وانتِ يانجد ماتوقعت الكلام ذا منك!
نجد: أسفه والله خالتي بس بنتك اللي بدت
دخل عليهم الجد
الجد: ايه حلو متجمعين بقلكم بموضوع
نجد اللي عرفت الموضوع بلعت ريقها
الجد: ايش رايك يا ام جزاع بنجد؟!
ناظرت فيها: ونعم فيها والله بنت اصول
الجد: وش رايك تكون زوجه لولدك؟!
ليان بشهقه: تخسي والله تخسي انها تكون زوجه لـ أخوي
الجد: ولا كلمه هاه شقلتي يا أم جزاع؟!
أم جزاع: ونعم فيها واتشرف انها تكون زوجه لولدي بس ولدي مايناسبها
اختفت ابتسامت الجد بتدريج: كيف ولدك مايناسبها؟!
أم جزاع: ما ابي ولدي ياخذ نجد
نجد: واصلاً انا ماني موافقه
أنت تقرأ
ما خلف القضبان.
Science Fictionاهلاً بكم جميعاً ، بروايتي واعزوفتي الأولى... بدأت كتابتها بـ1/1/2023 وشاركتها أياكم بـ13/1/2023 - (ما خلف القضبان.) (الرواية باللهجة العامية.) نبذة الرواية: بطلتي هي البنت الكبيره بـ العائله هي واخوها الصغير فاقدين اهلهم ويحاربون آلم ووجع الحياه ب...
