ليلى: ايه تعال
دخل وسلم على راسها وجلس قبالها: يمه
فز قلبها وحست شيبي وماتدري شتقله: ياقلب امك
سيف: قلت لك قبل ابي أتزوج وقلتي أسس نفسك وتوظف وهذاني سويتها
بلعت ريقها: المطلوب مني؟!
سيف: ابي أتزوج نجد
غمضت عيونها ومسحت على وجهها: بس وأنا أمك
سيف: بس ايش وش صاير يمه تكلمي؟!
منزله راسها وتناظر بفراشها: جاها النصيب وأنا أمك
وقف بسرعه وبعصبيه: يمه شقاعده تقولين؟!
مسكته من يدينه: سيف حبيبي اهدى النصيب شسوي
نفض يده بقوه ودموعه على جفن عيونه: شتسوين! مو انتِ اللي وعدتيني إذا توظفت تزوجيني نجد وقلتي ماراح احد ياخذها غيرك ياولدي غبت 6شهور ورجعت لقيتها مخطوبه
ليلى شوي وتبكي من حال ولدها: حاولت امنعها بس ماقدرت هي اللي موافقه وتبي تتزوجه
مسح دموعه بعنف: مين ابن الكلب؟'
ليلى: مو لازم تعرف
صرخ اقوى ماعنده: قلت مين انا!!
غمضت ونطقت أسمه بصعوبه: جزاع
مسح يدينه على وجهه وراسه: جزاع ولد عمها ما غيره؟!
ليلى هزت راسها بمعنى: ايه
ضرب يده بقوه على التسريحه وتكلم بعصبيه: أمي ليه ليه ذا جزاع ضرب نجد دخل عليها البيت وسحبها مع شعرها وكان بيطلعها قدام الناس بدون عبايه بس اشوا جينا في الوقت المناسب و على شان ايش على شان البيت بياخذه الخسيس جدها وذحين بتتزوجه ، صفق بيده وضحك بسخريه برافو عليكم برافو انتِ وخالي والله برافو اللي سويتوه
ليلى بعصبيه: سيف لايطول لسانك وثانياً هي اللي وافقت هي اللي تبي
سيف: ايه هي اللي تبي
طلع تحت مناداتها لولدها ومارد عليها جلست على سريرها بتعب: الله يستر يارب ماتسوي شي وتعور قلبي عليك اللهم إن أستودعتك ولدي
نزل من الدرج بخطواته السريعه ولقاها بالحوش جالسه تحت قطرات المطر الخفيفه و تشرب قهوة تنحنح نزلت برقها بسرعه
هو واقف وراها: عادي أجلس؟!
نجد: ايه عادي
جاء جلس جنبها زفر بتعب: صح اللي سمعته؟!
شدت على الكوب: وش اللي سمعته؟!
سيف: زواجك من جزاع؟!
شدت على الكوب أكثر ومو حاسه بحرارة القهوة: ايه
سيف: ليه؟!
نجد: النصيب
صرخ: لامو النصيب
فزت على صراخه: لاتصرخ طيب
مسح وجهه: طيب ماراح اصرخ بس ليه؟!
نجد: قلت لك النصيب
ضرب بيده على الأرض بعصبيه و وقف قبالها: مو النصيب مهددك صح تكلمي قولي صح مهددك وعلى شنو مهددك ماتوافقي عليه ابداً كذا الا انه فيه شي والله لساعدك واوقف معك بس تكلمي!
وقفت وشوي وتبكي بس ماتبي تبين له: مو مهددة ولاشي بس ذا النصيب إذا جاء الواحد وعن اذنك يلا بنام
مشت وخلته واقف مكانة
رفع صوته لكي تسمعه: ايه روحي نامي ولا تقولي بس واضح من عيونك ترا ونبرت صوتك انك ماتبيه
-
دخلت غرفتها وشافت أخوها نايم على سريرها انسدحت جنبه ودفنت وجهها على المخده لكي تبكي وما أحد يسمع بكيتها بعد ماشبعت بكي جلست على سريرها وقبالها دولابها و ناظرت بـ الفستان المعلق على الطولااب من برا : الله ياخذك يا ذا الفستان وياخذ الزواج وياخذ جزاع الوصخ تف عليكم كلكم
بدت تضرب يدها على السرير ودموعها تنزل على السرير كا قطرات المطر : ليه ليه حظي كذا ليه أتزوج شخص ما أبيه ليه ما أتزوج الولد اللي أبيه ليه أفقد اللي أحبهم ليه فقدت أهلي وجلست لحالي مكسورة وموجوعة ليه كل ذا يصير معي شسويت أنا ليجي لي عقاب كذا جاوبيني يا الحياة ليه؟!
دق باب غرفتها وبدت تمسح دموعها بسرعه: تفضل!
فتحت الباب ودخلت راسها وشافتها قبال فستانها وتكلمت بهدو بعد ماشافت أنس نايم وماتبيه يصحى: مها تقول تعالي مسويه الشاهي وجالسين بالحوش
نجد: لاما أبي بنام
فرح بأستهزاء: لاتجلسي قبال الفستان كذا ويروح حماسك لانو ما باقي الا أربع أيام على زواجك
نجد بملل وعدم أهتمام: ايه طيب
بعد ماسكرت الباب فرح راحت وغسلت وجهها وظربت خدودها بخفة: خلاص يا نجد بسك بكي وقفي أرحمي عيونك اللي كل ليله تبكي وتعبت من البكي خلاص
طلعت من دورت المياة ودخلت في بطانيتها جنب أخوها ونامت معة
-
بالحوش...
فرح: مو جاية
مها: بسم الله وشبهم ليكون ما يعجبهم شاهيه؟!
فرح بتفكير: لا فيهم شي!
مها بستغراب: وش فيهم؟!
على حالها: أمي متضايقة حسيت فيها شي حاولت أعرف بس عصبت عليي وطردتني من الغرفة وسيف بعد فيه شي أما نجد جالسة قبال فستانها و واضح متحمسة متى يجي زواجها لاتنام جنب معشوقها
ضربتها بخفة على كتفها: اص لا أحد يسمعك
فرح: ليه وأنا صادقة!
مها: لا مانك صادقة لانو نجد واضح مجبورة يعني مهددة
فرح: شعرفك؟!
هي ماسكة فنجالها بعد ماشربت منة: اليوم كانت ماتبي تشرتي فستان تقول معنا وقت أجبرتها تشتري وشرت واحد يلوع الكبد
فرح: أية شفتة أول معلق ماعجبني الصراحة
مها: ولا بعد ماشرت لا كعب ولا أكسسوارات وبتسوي مكياجها وشعرها في البيت مو رايحة للمشغل
فرح: مو صاحية ذي شتلبس شتقول عنا الناس ماشرو لها
مها: تقول عندي ماتبي
فرح: طيب مكياجها وشعرها شتسوي؟!
مها: ضي قبل قالت تعرف تسوي مكياج بنخليها تسوي لها وأنا بما أني مبدعة بشعر بسوي لها تسريحه كذا بسيطه
فرح: يا فضيحتنا بس
مها: لية؟!
فرح: بيقولو ماشرو لها فستنا زي الناس ولا أكسسوارات جديدة ولا ودوها للمشغل
مها: مالنا دخل احنا هي اللي ماتبي
فرح: هم شعرفهم بـ كذا
مها بملل: بكيفهم أشربي بس و خلينا نروح ننام قبل لا يتأخر الوقت وعاد ياويلنا من أمي
فرح هي تقلد صوت أمها: لية مارقدتو من بدري وأنا قايلة لا أحد يسهر قومو قامت عليكم العفاريت
ماتت من الضحك من تقليد أختها: حرام عليك أمك ترا
هي تهف على وجهها اللي أحمر و أحتر من الضحك وتمسح دموعها: أدري ياحبيلها بس
-
في بيت عبدالإله...
"تحديداً في غرفت علي وتولين"
دخلو غرفتهم ونسدح على ظهرة علي السرير وبدت هي تطلع طرحتها وبرقها
تولين: ياحلو حمودي
علي: اية ماشاءالله عليه كبر وتغير وصار يفتح النفس
تولين: اية ياحلو خدودة والله شوي واكلها جلست اعضض فيها على خفيف وهاوشتني وجدان
علي: بس نحف قبل مدبدب ويهبل
تولين: هو ذحين ماشاءالله عليه مدبدب على قولتك
علي: اية بس مو زي قبل اسمن من كذا
تولين: مدري حتى خالتي قالت نحف وشبه هو قالت وجدان من اسنانه بتطلع له وماصار ياكل
علي: اهاااا
جالسة تمشط شعرها قبال المراية: حمستني خالتي و وجدان
علي: حمسوك بوش؟!
تولين: بأن يكون عندي طفل شي حلو والله بس احس بدري علينا
علي: لا تتحمسين
ناظرت فية من المراية وهو منسدح على السرير: شقصدك؟!
جلس: قصدي واضح يعني لاتتحمسين يصير عندنا طفل
حطت المشط على التسريحة و وقفت بسرعة: علي لا مو من جدك كيف ماتبي أطفال؟!
نزل من السرير و وقف قبالها: الا من جدي
تولين بحزن: وليه طيب؟!
علي: ما أبي أتحمل مسؤلية أكرة السؤلية
تولين: طيب ليه تزوجتني يوم أنك ماتحب المسؤلية؟!
علي: لاني أحبك وما أبي أحد غيري ياخذك
بنبرت حزن: طيب أنا أحب الاطفال أبي أصير أم
حط يدينه على كتوفها: تولين قلبي لاتخليني أجرحك أكثر من كذا قلت ما أبي يعني ما أبي تمام!
نزلت يدينه من كتوفها بدفاشه وعصبية: لا مو تمام ومو على كيفك تاخذ قرار كذا أنا أتحمل كل شي ألم الحمل وألم الولادة ما لك دخل أنت
علي بنفس نبرت صوتها: الا على كيفي ولي دخل أنا أحمل مسؤلية أكثر منك وكلمتي وحدة
أعطاها ظهرة وماشي دورة المياة
تولين: أية نشوف منو اللي على كيفة
صك باب الحمام اقوى ماعندة: نشوف
لفت على التسريحه ورمت الأغراض الي عليها وصرخت: اووووووههههه علي
راحت لسرير ورمت المخدة و البطانية على الكنبة
وبدت تمسح دموعها تبي تبين لة أنها قوية انسدحت على السرير
طلع ومنصدم من اللي مكسر على الأرض والمخدة والبطانية اللي على الكنبة!!!
علي: وش ذا؟!
تولين: وش؟!
قبظ يدك بغضب: تولين لاتستهبلي عليي
على حالها تمثل الاستغراب: ما أستهبل عن وش تتكلم؟!
أخذ شهيق وغمض زفر و فتح عيونة: لية الأغراض مكسرة كذا ولية رامية مخدتي وبطانيتي على الكنبة؟!
تولين: اهاااا قصدك ذي!!
علي: اية جاوبي لية؟؟!
تولين: اية تمام بجاوب أول شي الأغراض طاحت بلغلط مدري كيف بس يمكن يوم سكرت الباب بقوة وخافت وطاحت وثانياً مو أنت ما تبي أطفال فقلت أنك تنام على الكنبة لـ متقرب مني بلغلط وأحمل
مسح على وجهه بغظب: ناوية ترفعيلي ضغطي صح؟!
شهقت بسخرية: لا حشا يازوجي العزيز يلا تصبح على خيرر
علي: يصير خير إن شالله
طفت الابجورة اللي جنبها وغطت نفسها بالبطانية وبدت تبكي على قرار زوجها وماتدري وش تسوي وهل يتغير قرارة ام لا ؟!
-
الخامسة عصراً...
"في بيت أبو جزاع"
أم جزاع: متى ناوين تطلعون؟!
فجر: شويات بس
أم جزاع: من أول شويات ولا أحد طلع بسرعة أبوكم أكيد ذحين ينتظرنا و معصب يبي القهوة والشاهي!
ليان: طيب يمة هذاني اصبهم في الثلاجة
فجر بطفش من سلطان: يووه سليطين أهجد خلني أخلص منك
سلطان: طيب بابا راح يجي؟!
ليان بسرعان: لا ماراح يجي
سلطان ببكي: ما أبي أروح أنا
ليان بعصبية: والله لتروح
سلطان: والله ما أروح
فجر بملل: يووه ليان خلاص لاتعاندية
ليان: الا بعاندة وأنا قلت أبوة ذا ماراح يشوفة ولية أمس تعطية لـ صقر هاه؟!
رمت عليها لبس سلطان: هيا خذي لبسية أنتِ
أم جزع: ولية ياحافظ مايشوف ولدة؟!
هي تحاول تلبس سلطان بعصبية وهو يصيح ومايبي: بس كذا ما أبية يشوفة مثل مايبيني
أم جزاع بستغراب: كيف مايبيك وأنتِ اللي كنتي تبي الطلاق؟!
ليان: أية كنت بس ذحين أبية
ضربت يدينها على فخوذها: والله بنتك ذي مريضة مو على كيفك يامامي مرة تبي الطلاق وذحين تبي ترجعي لة
ليان: مالك دخل انتِ
هي ماشيه لغرفتها ورفعت يدها: اية مالي دخل بس لاتحلمي صقر بيرجعك
ليان بصراخ: فجرررر
ماسكة باب غرفتها ومطلعة راسها:وأنا صادقة ماغلطت
طلعت شبشبها ورمتة عليها سكرت الباب بسرعة وضرب الشبشب بـ الباب
فتحت الباب وطلعت راسها وطلعت لسانها: ما ضربتني
طلعت الثانية ورمتها وسكرت الباب بسرعة
فجر: هم ماضربتني ماش مانك قناصة
لفت على أمها اللي جالسة وماسكة راسها: أمي شوفي بنتك الحقيرة
أم جزاع على حالها: كلكم حقيرات
وقفت بسرعة و أشرت بصبعها السبابة: أسمعي ياليان شيلي فكرت أنك ترجعي لصقر هو طلقك بثلاث ومو بذي السهولة ترجعي لة فاهمة؟؟!
ليان: بس
قاطعتها: لابس ولاغيرة وبسرعة أطلعو
طلع جزاع من غرفتة وشماغة على كتفة: أشفية أصواتكم طالعة كذا؟!
أم جزاع هي تعدل طرحتها وبرقعها قدام المراية: مافي شي وبسرعة أنت الثاني أطلع شغل السيارة
جزاع: أية أبشري بس بروح أقول نجد تجي معنا
لفت علية بستغراب: نجد!
جزاع: أية
ليان: كفاية أنها بتصير زوجتك وتعيش معنا وتبي تاخذها معنا تخسي والله
فجر بعد ماسمعت أسم نجد طلعت من غرفتها وعبايتها بيدها: اية تفكى قلها
ليان: لا بالله أنجنيتو
فجر: أية أنجنينا
جزاع: أقول ليان لاتكثرين كلام بس
-
بنفس التوقيت...
"في بين نجد"
جالسين بلحوش ويتقهوون
سيف: يوووه يافروح ياني مشتهي حلاك ذا تسلم يدك والله
فرح: بلعافية
مها: عشتوو بس يعني مشتهي حلااها؟!
فرح بغرور: أية ياحبيبتي غرتي!
مها: يعع ما باقي الا اغار منك
سيف هو ياكل الحلى ويتلذذ طعمه: و أنتِ يا مهاوي بعد مشتهي كبست لحم من يدك يا أنك تزبطيها
مها ببتسامة: أية أبشر عشانا اليله إن شاءالله
نوف: عاد أنا لي الله محد يحب شي من يديني الحلوات ذي
فرح كشرت: لاتذكريني بس
سيف: تذكرك بوش؟!
فرح: سوت حلااء الله يديم النعمة ياربي ولا سوت مرة مكرونه كلها ملح ياحرام كبيناها
سيف: يوة الله يعين اللي بياخذك ، ناظر بمه ، ولا أقول أمي لاتزوجيها إذا جاء أحد خطبها قولي ماعندنا بنت لزواج
نوف شهقت: أقول أنطم مو على كيفك
سيف ببتسامة وياكل الحلى وأشر على فمة بمعنى: هاه أنطميت
أما ليلي فرحانة وطيف أبتسامة على وجهها تناظر أولادها وكيف متجمعين وياكلو ويظحكو وشماتتهم على بعض و ظحكت وسوالف سيف اللي غايبة عنهم 6 شهور وكيف معطي جوو للعائلة بعد رجوعة
ناظرت بنجد و أختفت أبتسامتها بتدريج بعد ماشافتها كيف منزله راسها لصحنها واضح أنها متضايقة
تكلمت بداخلها: والله مدري شفيك يابنت أختي تبي ذا الزواج ولا ما تبية أعرفك يا نجد عنيدة أن قلتي ما أبي أتزوج جزاع ماراح تتزوجينه بس المرة ذي كسرتي عنادك على شان شي وش هو الله وعلم بس إن شاءالله خير لك و الله يسعدك أني أعرف جزاع خبيث بس يارب بعد الزوج يتغير وما يضرك يااارب
دق الباب فزو كلهم
وقف أنس اللي كان يلعب بـ العابة وبـ فرحه: هيه صقر
ناظرت فية نجد وأبتسمت أبتسامة حزن: بشوف منو عند الباب!
وقف قبالها بسرعة: هوب هوب وش اللي تشوفي يمكن ولد عند الباب
هي تقلدة: هوب هوب يمكن بنت عند الباب
دفته بخفة : بعد عن طريقي
نجد: مين؟!
جزاع: زوجك العزيز يا زوجتي العزيزة
غمضت عيونها من سمعت صوتة وتمتمت: الله ياخذك قبل لااصير زوجتك يارب
بعدها عن الباب: سامعة رجال هيا بعدي
نجد: بعد انت ما سمعتة شقال زوجتي يعني مو غريب
رص على اسنانة بقهر من كلامها: نجد لاتنرفزيني
نجد: سيف اعرفك أن فتحت الباب بتصير هوشة وماني ناقصة أنا
ليلى: سيف بعد عن الباب
سيف: بس أمي...
ليلى بسرعان: ولا كلمة نجد صادقة بتصير هوشة ومو ناقصين وثانياً زوجها
بعد عن الباب و ضرب يدك على الجدار: اووه مو زوجها
فتحت الباب: تفضل شبغيت؟!
جزاع: جهزي نفسك وتعالي
نجد: على وين؟!
جزاع: لتروحي معنا للغنهم
نجد: اهاا الله يستر عليكم ما أبي أروح
جزاع: وش اللي ماتبي تروحي؟!
نجد: أية ما أبي أروح
جزاع بعصبية: مو على كيفك
وقف وراها وكان أطول منها: أجل على كيف منو؟!
جزاع بدهشه: سيف؟!
سيف: أية سيف نزل راسة لها ومسكها من كتفها و أنتِ ادخلي جوة
جزاع: لا تمسكها
سيف ببروود: وش دخل أمك أنت؟!
جزاع: وش اللي وش دخلني زوجتي ياورع
تنرفز من الكلمة ذي وتغيرت ملامح وجههه: مو زوجتك وما الورع الا انت
ببتسامت خبث: تنرفزت صح ! ضحك بقوة لايكون أنت بعد تبيها واخذتها منك
ضربة سيف بقوه على وجههه وطاح با الأرض وقف جزاع بسرعة ورجع لة الضربه وبدو يتضاربو وكانت نجد تحاول تفرقهم بس ما قدرت لانهم رجال وقويين وليلى واقفه عند الباب وتبكي وتترجا بـ سيف يوقف ضرب وتتحسب على جزاع
-
بجهه أخرا...
طالع من بيتهم ليركب سيارتة وشاف الهواش اللي عند باب نجد وبتدقيق وتركيز شاف سيف وبتسم على رجعته وكيف يضرب جزاع ومحاولت نجد بتفريقهم وصوت ليلي
اية يا سيف أضربة وبرد حرتي بضربك أدري كل الضرب ذا على شان بيتزوج محبوبتك وكيف راحت عليك ودي أفزع معك بس مقدر وأنا أخوك أبوي مايبي تصير عداوة بينة وبين أخوه وانتِ يانجد مدري مع زوجك ولا ولد خالتك بس أكيد زوجك
-
نرجع للهواش...
مازالات تحاول تفرقهم ناظرت لقدامها ولقتة متساند على سيارتة ومتكتف ويناظرهم
رفعت صوتها: صقرررر لية واقف وتناظر كذا تعال فرقهم بسرعة
رفع يدك بمعنى: مالي دخل
وش اللي مالك دخل تعال ألحق خويك سيف لايصير لة شي
لفت عليك وببكي: تعال ياولدي صقر فرقهم الله يخليك
شاف انو الهواش بدا يكبر وصوت ليلى وهي تبكي على ولدها بحرقة ومنادات نجد له سرع خطواته لهم وكان يحاول يفرقهم وتجية ضربة من ذا وذا دف سيف من عند صدره : خلاص ياسف خلاص
راحت لة بسرعة وبدت تتفقد ولدها جاتهم نجد وبت تلف وجهه يمين وشمال: توجعك؟!
جزاع: بدل ماتخافين على زوجك وتتفقديني فية شي ولا لا رحتي لة
سرعت خطواتها وضربتة بكف ودمعتها على جفن عينها: ماتستحي على وجهك أنت بس تمش وتضرب ضربت صقر ولد عمك بسببي وذحين سيف ولد خالتي وبسببي بعد اف ياه خلاص لذي الدرجة تغار منهم؟!
حط يدينة على كتوفها وشد عليها ويناظر بعيونها بحقد: ما أغار منهم بس حطين عينهم على بنت متزوجة على زوجتي
كان بيروح ويفك يدينه منها بس مسكتة أمه: خلهم
وصقر واقف ويناظر فيهم وكيف شاد يدينة عليها بس مو بيدة يسوي شي لانو زوجتة: مو حاطين عينا عليها ونشوفها مثل أختنا
ناظر فية: والله!
صقر: أية
مسكها من يدها وبدا يسحبها: أمشي قدامي بسرعة
تحاول تفك يدها منة وتصرخ: جزاع وين بتوديني فك يدي وجعتني
جزاع: أمشي على شان ما أوجعك
فك يده من يدين أمة وسرع خطواتة لها وفك يدها من يدة وخلاها وراء ظهره
جزاع: شقاعد تسوي انت؟!
سيف: البنت ماتبي مافي شي بالغصب وانتِ روحي للبيت
نجد: سيـ...
سيف: قلت يا نجد ادخلي
جزاع: ياويلك لو ترجعي للبيت
جاتها ليلى ومسكتها من يدها: أمشي
مشت مع خالتها ودخلو البيت
سيف: هاذي هي دخلت شبتسوي؟!
جزاع: الظاهر يبي لك لكمه على وجهك
جاء بسرعة بينهم: هوه هوه خلاص انت وياه سيف ارجع للبيت وانت جزاع روح
جزاع: لابالله كيف تبيني اروح و ذا بيدخل البيت عند زوجتي!
صقر: تو أشتغلت عندك الغيرة وهو من زمان ينام بـ البيت
جزاع: ذا زمان أما ذحين نجد صارت زوجتي
سيف بملل: يوه تراك أشغلتنا زوجتي زوجتي عرفنا والله وترا هي تنام بغرفة وانا بغرفة مو نفس الغرف تطمن ويلا توكل مو فاضي لك
-
طلعت أم جزاع والبنات شافتة واقف عند العيال
أم جزاع: ذولي من؟!
فجر وهي تحاول تشوفهم: صقر و مدري الثاني مو واضح
رما شنطتة على الأرض وراح ركض لـ أبوة
ليان: سلطان تعال
هو يركض: مابي
ليان: اف من ذا الولد صار مايسمع الكلام
فجر ببتسامة خفيفة: سيف
لفت عليها أم جزاع:هاه!
شتت نظراتها عنة: اء أقول سيف اللي واقف معهم
أم جزاع: ماشاءالله متى رجع!
فجر وبتسامتها الخفيفة: مدري يمكن البارح ولا اليوم
ليان: غريبة ماطول!
فجر: وش اللي ماطول ولة 6 شهور غايب عنا
لفت عليها بسرعة: شقصدك غايب عنا؟!
فجر برتباك: اء لا قصدي عن أهلة ي أمي وعن ديرتة
أم جزاع: اية أشواء
ليان: والله ماظنتي قصدك كذا
فجر: أقول أص وانتِ تفكيرك البايخ ذا و أحد ينادي لنا جزاع
بدت تفرع صوتها أم جزاع: جزاع يا جزاع!
لف عليها: هلا
أم جزاع: يلا مشينا وأنا أمك
جزاع: طيب أركبو وأنا جايكم
أنت تقرأ
ما خلف القضبان.
Science Fictionاهلاً بكم جميعاً ، بروايتي واعزوفتي الأولى... بدأت كتابتها بـ1/1/2023 وشاركتها أياكم بـ13/1/2023 - (ما خلف القضبان.) (الرواية باللهجة العامية.) نبذة الرواية: بطلتي هي البنت الكبيره بـ العائله هي واخوها الصغير فاقدين اهلهم ويحاربون آلم ووجع الحياه ب...
