~
عند نجدنا...
سكرت الباب و جلست على الأرض وتبكي بأنهيار: لا يا عساف لا ليه سويت كذا ليه تحرق قلبي عليك ليه ضربته ضربت راسها ، ياويلي بيشكي عليك وتدخل السجن و تروح فيها كفايه انه حرمنا نتزوج و أخذني غصب ذحين بيبعدك عني وتدخل السجن ولا يسوي لك شي بدت تضرب قلبها بخفه ، اهداء ياقلبي اهداء ما راح يصير له شي ايه ماراح يصير له شي قال لابس أسود ومغطي وجهه
تذكرت الشخص الثاني اللي وصفه وتذكرت صقر راحت بسرعة لبست عبايتها ونزلت
فجر: وين رايحه؟!
ماردت عليها ومكمله رايحه للباب مسكتها ليان مع يدها وببكي: أخوي انضرب بسببك وكل اللي صار له بسببك و أنتِ ذحين بتطلعين وتروحين وكأن مو صاير شي!!
سحبت يدها منها بغضب: مو فاضيه لك
راحت و وقفت عند الباب
نجد: ليان بعدي عن الباب
ليان: ماراح ابعد وطلعه من البيت ما راح تطلعين
دفتها وطاحت على الأرض وفتحت الباب وقبل لا تطلع: ما احد يمشي كلمته على بنت أمجد طلعت وسكرت الباب بقوة
وقفت وتنفض قميصها وناظرت بفجر اللي كاتمه ضحتها: ليان ايه اضحكي بدل ماتقفي مع أختك تضحكي عليها هين يافجر
فجر بضحك: شكلك يضحك يوم دفتك وطحتي وش اسوي طيب
-
بدت تدق الباب بقوه وفتح لها
صقر: نجد شفيك؟!
نجد: وش عرفك بعساف؟!
لف وسكر الباب: من عساف؟!
نجد بستغراب وشاكه أنه يكذب: صقر قلت لك وش عرفك بعساف وليه رحتو وضربتو جزاع؟!
صقر: خايفة عليه يعني؟؟
نجد ببكي: خايفه عليكم يا صقر تدري أنه راح هو وعمي ليقدمو شكوه
صقر: ماعليك ماراح يعرفونا
نجد: بس وصف عساف وصفه وكأنه قدامي جالسه أشوفه يا صقر ليه أنا طلبت منك لاتسوي له شي ولا تروح له بس أنت وش سويت ما سمعت كلامي ورحتو له
صقر: نجد اهدي طيب راح يشكي بس ماراح يجيبونا ا...
قاطعته وهي تضربه على صدره وببكي: اقلك وصف عساف وصف عيونه لي وصف طوله وجسمه عساف راح فيها ليه ياصقر ليه؟!
مسكها مع يدها: نجد و قفي بكي يمكن يغير كلامه عند الشرطه لان جزاع خواف أنتِ ماشفتي تعابير وجهه يوم شافنا مره كان خايف ويضحك شكله
نجد: طيب و إذا ماغير وش بتسوون؟!
صقر: عساف قلي أنو أبوة عنده فلوس يعني لو مسكونا راح أبوة يساعدنا
نجد: كيف يساعدكم؟!
صقر: عمي يموت بالفلوس يعني راح يقول بعطيك فلوس وراح يوافق و بعدها بيسحب الشكوه
نجد: طيب كيف عرفت عساف؟!
صقر: تعالي خلينا نجلس هينا كيف عرفت عساف ياطويلت العمر تتذكرين يوم جبتي أنس لنا؟!
نجد: أكثر من مره أجيبه أيت يوم بضبط؟!
صقر: صح والله اني غبي امم نفس اليوم اللي جاء فيه سيف جبتي أنس ورحتي مع وحده من بنات خلاتك
نجد: ايه
صقر: ايوه ذاك اليوم يوم رحتو هو كان واقف قبال بيتك ويوم مشيتي كان بيمش وراك بس وقفته وتكلمت معه
نجد بستغراب: عساف واقف قبال بيتي؟!
صقر: ايه
نجد: ايه طيب تكلمت معه بوش؟!
صقر: سألته ليه واقف هينا قال مضيع بيت خويي حسيت أنه كذاب لانو يوم مشيتو كان بيمشي وراك بس خايته يروح
نجد: وبعدين؟!
صقر: وبعدين يوم زواجك شفت نفس السياره واقفه قبال بيتك ما اعطيته اي أهميه لان مالي خلق للمشاكل و للكلام رحت وخليته واليوم الثاني من زواجك شفته واقف عند باب بيتك و واضح يتكلم مع أحد جاء لي فضول أعرف من الشخص ذا و وش يبي منك بضبط رحت وتكلمت معه كان وقتها متضايق ومايبي يقول لي بس مع اصراري له قال لي عن حبه لك وكيف يموت فيك وكل شي
نجد بتوتر: كل شي مثل وش ؟!
صقر: قال لي وين عرفك و يوم ساعدك با الاكياس و يوم رحتي لمعرض الرسم مع بنت خالتك و يوم خربت سيارتك و سواها لك و رحتو للكوفي وهينا عرف أنك مخطوبه و أنقهر
نجد: بس ذا اللي قاله لك يعني مافي شي ثاني؟!
صقر: ليه أجل فيه شي ثاني؟!
نجد: لا بس أسأل يعني
صقر: لا ماقال شي غير ذا
زفرت براحه: وبعدين كيف أتفقتو تضربون جزاع؟!
صقر: أنا كنت شاك أنو جزاع مهددك قلت له يعطيني رقمه واعطنياه و يوم عرفت اليوم منك أنه مهددك وعساف يبي ضربه وأنا بعد أبي ضربه قلت والله ما نخليها بخاطرنا أتصلت عليه وأتفقت معه
نجد ببتسامه: فرحت أنو أنضرب بس يوم وصف عساف خفت والله
صقر: والله يعني ماخفتي عليي؟!
نجد: لا والله خفت عليكم كلكم بس يوم قال فيه شخص سمنه حلو ولا هو طويل ولا قصير وتذكرت يوم قلت لك أنه مهددني وشكيت أنه أنت جيت لتأكد إذا أنت اللي مع عساف ولا شخص ثاني و خوفي يمسكونكم والله
صقر: ما أتوقع وأذا مسكونا بس سجن ثلاث او أربع أيام لانو بس ضاربينه مو قاتلينه أو بيطلبون فلوس
نجد: لا أن شاءالله ما يمسكونكم
صقر: ترا على فكره عساف يحبك مو بس يحبك الا يموت فيك
نجد بأحراج: ادري
صقر: خلينا نساعدك وتطلقي من ذا جزاع وتتزوجي عساف
نجد: لا ما أبي تحطو نفسكم بمصيبه والسبه أنا ومثل ما قلت لك احس راح يصير شي وارتاح منه وقفت ونفضت عبايتها ، يلا عن أذنك لازم أروح قبل لايجون
صقر: طيب على راحت والله معك
دخل للبيت وتوجهه لغرفته وزفر براحه بعد ماضرب جزاع وراحه ثانيه لانو كان خايف أنه مات بس طلع عايش
-
في بيت عبدالإله...
"تحديداً في غرفت بطلنا"
عساف: ياخي فرحت وحزنت بنفس الوقت
صقر: ليه؟!
عساف: والله ياليته مات على شان أقدر أخذ نجد
صقر: بس لو مات و عرفو أنه أحنا اللي سبب وفاته يمكن يقصو رقابنا لا أنت اللي تزوجت نجد ولا أنت اللي عشت
عساف: ايه صح وش السواه طيب؟!
صقر: يوم نجد قالت لي أنها مهددة قلت بساعدك لترتاحي منه قال لا
عساف بقهر: ليه صبر بس لايكون حبته يا صقر وتدافع عنه؟!
صقر: دقيقه يابزر لا حبته ولا شي بس تقول فيه شي بداخلي مطمني و راح يصير له شي و ترتاح منه يعني خلاصت الكلام اصبر لين ربي يفرجها لك
عساف: يارب عن قريب
صقر: جاهز للخطه الثانية؟!
عساف ببتسامه: ايه بس مو نجد قالت لا تساعدوني؟!
صقر: ماعليك بنهددة المرة ذي و نشوف اخرتها معاه
عساف: متحمس والله متى بس؟!
صقر: مدري والله يبي لها تخطيط
عساف: صحيح
دخلت بفرحه و أبتسامتها على شفتها: عسافوه يا حلوها
اشر لها بمعنى: اصه يلا أجل مع السلامه
صقر: مع السلامه
-
صقرنا خفيف يوم سمع صوتها ذاب
أبتسم: من ذي والله من صوتها حلوه ضرب راسه بخفه ، أقول أهجد ياصقر عيب اهجد
-
عساف: شفيك؟!
جيلان: والله ما ألومك حلوه
عساف: شقاعده تقولين أنتِ؟!
جيلان: شفتها يا عساف شفتها
عساف: جيلانوه صدعتي براسي مين اللي شفيتها؟!
جيلان: اليوم رحنا مع خالتي لتخطب لسعد
تكلم بسرعة: سعد ما غيره؟!
جيلان: ايه سعد ولد خالتي
عساف: شف الحيوان ما قلي بس قوليلي مين هي؟!
جيلان: فرح صاحبت الألوان
وقف بفرحه وضحك: يوه يا سعد والله وسويتها وأخذت محبوبتك
جيلان: اف يا عساف جايه أكلمك أني شفتها وأنت دخلتني بموضوع ثاني
جلس بسرعة: ايه مين اللي شفتيها؟!
جيلان ببتسامة: نجد
أتسعت عيونه بذهول: قلتي نجد؟!
جيلان على وضعها: اية يا عساف نجد نجد اللي تحبها نجد اللي أخوها أنس نجد اليتيمه أم العيون الناعسة شفتها اليوم يا عساف
عساف ببتسامه وفرحه: والله شفتي عيونها شفتيها؟!
جيلان: اية تهبل ماشاءالله
وقف على سريره بفرحه: جيلان وش اسوي احس بطير تكفين
جيلان مثل فرحته: مدري يا أخوي بس بدعي ربي كل ماصليت أنو تطلق وتصير زوجتك
جلس جنبها ومسك يدها: ايه تكفين و أنا بعد بدعي حتى وقت فراغي اهخخخخ يااارب يطلقها
جيلان: آمين
عساف لف و تربع و ببتسامه خفيفه: ايه قوليلي كيف شكلها جد حلوه؟!
ضربته على يدينه بخفه: حرام عليك تبيني اوصف البنت لك
عساف: ايه صح بس فيه فرحه فيه وناسه
وقفت وببتسامه: جعلها دوم يارب ويلا أنزل متجمعين بالحوش
حط يدينه على كتفها: يلا ننزل لهم
~
نفس التوقيت بالحوش...
الكل متجمع تحت ضو القمر والغيوم وريحت الشاهي مع النعناع و الفصفص
عبدالإله: عساك فكرت بكالمي؟!
علي اللي فاهم عليه بس يستعبط شوي: ايت كلام يا يبه؟!
عبدالإله: الولد تبيه يجلس ببطن أمه ولا ينزل؟!
علي: ايه فكرت
نجلاء: اخلص علينا مو بالقطاره تتكلم
علي: بيجلس ببطن أمة وتصيرون جد وجدة للمره الثانية
نجلاء ببتسامه: الحمدالله ذا الخيار الصح و أنا أمك أن جاء على الدنيا راح تفرح فيه وتقول يا ليت أني مافكرت أنزلك
جيلان اللي جايه هي و عساف بعد ماسمعتهم نطت بفرحه وضمت تولين وباستها بقوه وحطت يدها على بطن تولين: واخيراً بسير عميمه
تولين بفرحه و شوي و تبكي من قرار علي الحلو: الحمدالله
عساف بفرحه سرع خطواته لـ أخوة وجلس على المركى اللي كان جنب علي وحط يده على كتفه: و اخيراً أخذت القرار الصح وراح أصير عم ويصير عندنا حفيد
علي سلك لهم ببتسامة
نجلاء ضربت عساف اللي كان جنبها: اسكت بس لا تسمعك وجدان وكأن حمودي مو موجود
نجوى: وجدان زعوله ترا
عساف هو يقلد زعلها وكلامها: وليه يا حبيبي هاذا هو حمودي مو عاجبك هو أول حفيد للعيله
الكل ضحك على تقليده وكأنه هي اللي قدامهم مو عساف
عبدالأله: على طاريها غريبه ما جات؟!
نجوى: تقول أن عندهم عشاء
عساف: ماعلينا من وجدان سعد وش صار معه وافقو؟!
نجلاء: لا تقول البنت بتفكر ويردون لنا
عساف: عاد حلوه على حماس سعد يوم مستعجل يبيها ولا؟!
نجلاء: حلوه ماشاء الله تشبه لوحده من خواتها بس أختها احلى منها بكثيررر شسمها يا جيلان اللي طلبتي منها مويه؟!
جيلان اللي ما تبي تبين لمها أنها تعرفها: ما أتوقع أنها أختها و أسمها نجد
عدل جلسته بعد ما سمع أسمها
نجلاء: والله مدري بس تشبهلها بس نجد احلى والله شكلي بخطبها لك يا عسافوه تهبل بسم الله عليها
عساف: ا.لا يا يمه وش اللي تخطبينها لي!
نجلاء: شفيها تزوج و أفتح لك بيت زي أخوك و عن قريب إن شاءالله سعد
عبدالإله: كلام أمك صح
عدل جلسته و يحاول ما يبين لهم ارتباكه: أنا دوبي ما خلصت الجامعة كيف تبوني أتزوجها؟!
عبدالإله: عادي أمك تحجزها لك قبل لا أحد ياخذها لف عليها ، هي حلوه على قد مدحك على شان نحجزها ولا؟!
نجلاء: الا والله أنها ملح وقبله هاه شقلت نحجزها؟!
جيلان بسرعة: لا يا يمه أنا أقول ننتضر شوي أحسن لنا
عساف: ايه صح و أنا اصلاً ما فكرت بزواج يمكن تحجزونها لي و بعدين أقلكم ما أبي أتزوج
عبدالإله: زين الزواج و أنا أبوك يصير عندك زوجه و بعدين عيال
نجوى: ايه ما دام انه ما يبي الزواج أجل ليه مانخلي ذي اللي أسمها نجد ونخطب له هنادي؟!
نجلاء: أقول أسكتي لبذا الفنجال يجي براسك نجد احلى من هنادي ذي بمليون مره
وقف وعدل ثوبه: أنا أقول لا هنادي ولا نجد خلوهم عند أهلهم لين ذاك الوقت أشوف أبي مين ويلا عن أذنكم بروح لسعد
نجلاء: الراس اليابس ذا متى ناوي ينكسر؟!
رفع كتوفه بمعنى: مدري
لفت على تولين و ببتسامة: ايه و أنا أمك عاد أنتبهي على حفيدي أو حفيدتي لا تشيلي الشي الثقيل ولا تتعبي نفسك
تولين ببتسامة: أبشري يا خالتي
جيلان بفرحه: ولا تساعدينا بالمطبخ أستريحي و إذا تبي شي بنقولك شبيك لبيك احنا بين يديك
ضحكت بخفه: ما تقصرون والله
علي: و عساف بعد قلي بيتحمل المسؤلية بعد ما يجي الطفل
نجلاء: هو خله يتحمل مسؤلية نفسه بعدين يتحمل مسؤليت ولدكم
تولين: عاد عساف يموت بالأطفال و مو مقصر معنا
نجوى: مرره حمودي يموت فيه لدرجه وده ياكله عاد إذا جاء ولدكم بيسحب على حمودي ويروح له و ياويكم من وجدان
جيلان بضحه: غيوره
نجلاء: الا قلتي لهلك؟!
تولين: لا
عبدالإله: شبلاك فيه أحد ما يقول لهله ويخليهم يفرحون؟!
تولين: إن شاءالله بكره بروح لهم و أبشرهم
نجلاء: إن شاءالله
-
"في بيت أبو جزاع"
تحديداً في غرفت جزاع...
جالس قبال المراءة و يشوف الكدمات الي على وجهه
نجد اللي جالسه على الكنب و بهدوء: شكيت عليهم؟!
جزاع: ايه
بالعت ريقها: ايه وش قالو لك؟!
جزاع: راح يمسكونهم إن شاءالله
نجد على وضعها: كيف وصفت لهم مثل ما وصفت لنا ولا غيرت؟!
لف عليها: شقاعده تقولين أنتِ وش اللي غيرت وصفت لهم كل شي
نجد برتباك: لا يعني وصفك مو واضح أول فاقلت يمكن غيرت أو وضحت أكثر لهم
قرب منها ومسكها مع خدودها: ليوكن تعرفينهم ولك علم أنهم بيضربون؟!
نجد: لا والله مدري وما أعرفهم
جزاع: أقسم بالله لو أدري أنك تعرفينهم ولك علاقة فيهم بتندمين فاهمه؟!
نجد: فاهمه بس بعد يدك عني
فتح يده عنها ونسدح على السرير: طفي المبه
نجد: بس مافيه نوم
جزاع: مالي دخل فيك أجلسي بظلام روحي لصاله بكيفك بس طفي المبه بسرعة
نجد بهدو: طيب
طفتها و أخذت جوالها اللي على التسريحه و طلعت و سكرت الباب و مالقت أحد بالصالة و لا الحوش كلهم نامو راحت للحوش و بدت تتلفت لتتأكد أحد فيه و لا لا فتحت جوالها و أتصلت على الشخص المطلوب
نجد: الوو
صقر: هلا
نجد: رجعو و سألت جزاع و قال قدم شكوه عليكم
صقر: يمكن يكذب؟!
نجد: لا ما أتوقع لانو كان جاد في كلامه يعني ما حسيت أنه خايف أو متوتر
صقر: لاتخافين ما راح يجيبونها
نجد: ليه واثق كذا أنت؟!
صقر: عندي احساس لانو مافي بصمات لنا و يوم ضربناه و رحنا كذا يعني حوسنا بطريقنا و بعدها رجعنا للبيت
نجد: والله مدري بس برتو كبدي يا أن وجهه كله ضرب وكدمات وكذا احسه منحني ما يقدر يمشي زين وش سويتو فيه؟!
ضحك بخفه: يبي لنا موكافئة أجل وسالفه انه منحني عطيناه ضرب على بطنه
أبتسمت و كأن ربي رجعها له: مين اللي ضربه؟!
صقر: معشوقك
نحد بخجل وفرحه بنفس الوقت: صقر لا تقول كذا
صقر: و أنا صادق معشوقك الولد يموت فيك يا نجد تعرفين كيف يموت فيك
نجد بكذب: فيه أحد جاء يلا باي
بعد ماسكرت الخط حطت جوالها على الأرض وبدت تهف على وجهها المحتر من الخجل و أبتسمت: شكراً يا عساف والله و رجعتها له كأنك حاس فيه صدق القلوب عند بعضها تقع ضربت راسها بخفه غبيه يا نجد شدخل أقول بس طسي نامي وقفت شوي و تتذكر كلمتها الي هي (قلت أنا راح تتعذب بس مو مني أنا من مين مدري) ، صفقت بيدها بفرحه و تنط وهي تقول ، والله و شكراً يا عساف عذبته والله ياليتك عندي بستك وقفت شوي و حطت يدها بسرعة على فمها ، غبيه وش اللي تبوسيه عيب قلت لك طسي نامي بس ما تفهمين أروح أنام أحسن لي
-
عند صقر
بعد ماسكر الخط منها حط جواله جنبه: ايه يا سيف جاء واحد وحب نجد أكثر من حبك لها معليش بس ذا الحب الصح صح أعرف أنك تحبها بس مو مثل حب عساف اللي ضربه اليوم ضرب وكنت مستغرب منه وكان بيطلع روحه منه لو ما بعدته عنه لكان مات صح ضربته أنت بس مو مثل ضربه ما أقول الا إن شاءالله تلقى وحده تحبها وهي تحبك ويكتبكم لبعض يارب
-
في الأسطبل...
بعد ما أتصل عساف على سعد و طلب منه يجي للسطبل
سعد: ايه شعدنك؟!
عساف: ياقليل الحيا تروح وتخطب محبوبتك و لاتقول لي وين العشره وين الأخوة هاه وين راحت؟!
سعد ببتسامة: ياخي كل شي جاء فجئه
عساف: لا والله؟
سعد: والله أتصلت نجد عليي وقالت الله يحيكم في اي وقت وطبعاً ما كودت على الله و قلت العصر عندكم بإذن الله ورحنا و خطبناها و عاد باقي الرد يارب توافق بس
عساف: بتوافق إن شاءالله وين بتلاقي واحد مثلك مزيون والا تقول نجد هي بنفسها اللي أتصلت عليك؟!
سعد: ايه
عساف: اه يا سعد اه
سعد: يا ولد خلاص هي تزوجت و شافت حياتها روح شوف حياتك أنت
عساف: كيف تبيني أشوف حياتي وذي أول وحده حبيتها ايهه يا سعد ايهه
أنت تقرأ
ما خلف القضبان.
Science Fictionاهلاً بكم جميعاً ، بروايتي واعزوفتي الأولى... بدأت كتابتها بـ1/1/2023 وشاركتها أياكم بـ13/1/2023 - (ما خلف القضبان.) (الرواية باللهجة العامية.) نبذة الرواية: بطلتي هي البنت الكبيره بـ العائله هي واخوها الصغير فاقدين اهلهم ويحاربون آلم ووجع الحياه ب...
