لفت عليه ومتجهه له
جزاع و عيونه على الشخص اللي كانت تناظر فيه: مين ذا
فجر برتباك: ا. مدري
جزاع: كيف ماتدرين و شوي تاكلينه بنظراتك
ناظرت بنجد اللي واقفه عند السياره: ما أناظر فيه كنت أناظر بناس قلت يمكن أشوف نجد معهم
جزاع: شتبيبها؟!
فجر: أنس عندنا و من أول يحتريها و يبيها
نجد بفرحه: والله أنوس جوه؟!
فجر: ايه
راحت مع نجد ودخلو البيت حصلته جالس بالحوش مع سلطان و العنود و أم جزاع وقف بعد ماشافها وراح جري وظمها بعد عنها ومسكته مع يده: أسف طولت عليك!
أنس: ايه و أنتِ وعدتيني ماتروحي و تخليني
نجد: أسفه والله
أنس رفع نظره لجزاع اللي وراء نجد: صح تزوجتي جزاع؟!
أتسعت عيونها وناظرت بجزاع
جزاع: بشويش لا تاكليني بنظراتك وليه ماقلتي لـ أخوك الوحيد أننا تزوجنا؟!
نجد: مين قلك؟!
أشر على العنود: العنود قالت لي أنكم تزوجتو
حط الحليب على الأرض وجلس جنب أمه: هذاك عرفت أني تزوجت أختك وش بتسوي صبر خلني أفكر حط أصبعه السبابه على شفته بتفكير ، امممم تروح تنادي صقر وياخذها من هينا
أنس بهدو: لا
جزاع عقد حواجبه بستغراب: أجل!
مسكها مع يدها: أنا بخذ نجدي
ضحك بقوه والكل لف عليه: تمزح صح
أنس: لا
نجد: أنسو حبيبي وين تبيني أروح؟!
أنس: لبيتنا لا تجلسي معه راح يخليك تبكين مثل قبل بكيتي كثير
وقف بسرعه ولف على أمه
أم جزاع: وشوو وش اللي مثل قبل؟!
جزاع برتباك: ا.م. موقصده شي
أم جزاع: أنت أسكت لفت على نجد ، وش سوا لك و أنا أمك
ناظرت بجزاع والخوف غالبها: ماسوا شي ياخالتي بس من كره أنس له قال عنه كذا
أنس: لاا
أم جزاع: مسكته مع يده وش سوا لها؟!
أنس: مدري بس كانت تبكي
نجد: ا. ابكي على أهلي يعني شي طبيعي مسكت أنس مع يده و دخلت جوه
لفت على جزاع و بتهديد: والله وهذاني حلفت بالله أن دريت أنك مسوي باهل يتيمه شي والله لتبرا منك ليوم الدين
جزاع: على شانها تتبرين من ولدك؟!
أم جزاع: ايه أتبرا منك
جزاع: يمه ولدك أنا ولدك اللي حملتيه ببطنك 9 شهور وربيتيه
أم جزاع: هو أني حملت فيك وربيتك أعرف نواياك يا جزاع و أعرف خبثك و أن قلبي ناغزني أنك مسوي شي غلط و مو راضي تعترف فيه و تخلي اليتيمه ذي بحالها بدت تبكي وتضربه على صدره ، ليه ساكت قلي وش مسوي لاتسكت كذا أنطق قول وش مسوي لها نزلت على الأرض من كثر البكي جات لها ومسكتها مع يدها: أمي أهدي مو مسوي شي لاترفعي ضغطك تكفين
أما جزاع واقف ودموعه على خده ومايدري وش بيسوي طلع وسكر الباب وراه اقوى ماعنده
~
عند اليتيمين...
نجد: أنوسي خلاص تزوجته صار زوجي مقدر أروح
أنس: بس كريهه
نجد: أدري بس معليه هذاني تزوجته و مابكاني
أنس: والله!
نجد: ايه قلي أنت ذحين من جابك؟!
أنس: صقر كنا عند عمتي رهف وكان نبي نجي أنا و العنود و قال صقر أنا اللي بوديكم لها و احنا جايين لك قالت لي العنود أنك تزوجتي جزاع
نجد: وبعدين؟!
أنس: صقر قلي أنك ماخليتيني و أقدر أجي بأي وقت عندك
نجد: ايه تقدر تجي حتى تقدر تنام معي
أنس بعبوس: بس عمي صالح ما يحبنا !
نجد: ايه بس احنا مانبي حبه و أنا راح أجلس فتره هينا بعدين برجع لبيتنا
أنس: كيف؟!
نجد: راح أخلي جزاع وأطلع من البيت ذا و نروح لبيتنا ونعيش مثل قبل
أنس بفرحه: الله
نجد: راح تنام عندي صح؟!
أنس: وين تنامي أنتِ؟!
نجد: هينا بالغرفه ذي
أنس: طيب وجزاع؟!
نجد: معي بالغرفه
أنس: بس أنا ما أبي أنام معه أبي أنام مع سلطان
نجد: سلطان بينام عند أمه و ليان ماراح تخليك تنام معهم
تكتف وطلع بوزه بزعل: خلاص بنام في بيتنا عند خاله ليلى
نجد: ياقلبي أنا بس اليوم نام معي مشتاقه لك والله و أنت مشتقت لنجدك؟!
أنس: الا أشتقت
نجد: أجل خلاص بتنام معي أتفقنا👍🏻
أنس بضحكه: أتفقنا👍🏻
ضمته لصدرها وبدت تمسح على راسه و تبوسه
-
في دكان القهوة...
جالسين على أحد الطاولات و أصوات الفناجيل و الكراسي و أزعاج من الاصوات و ضحك
سيف: اليوم زحمه
صقر: ايه أول مره
سيف: ايه صح أنس وديته عند نجد؟!
صقر: ايه
سيف: أول جاتني وحده و أتوقع وحده من خواته تسألتني عن نجد تقول وينها!
صقر: غريبه وين راحت!
سيف: والله مدري بس تعرف مين هي؟!
صقر: يمكن فجر لأن ليان تكره نجد و مستحيل تجي تسأل عنها
سيف: اهاا والله جريئه كيف كذا تتكلم معي كأنها تعرفني
ضحك صقر بخفه: فجر حيويه بس غريبه منها اليوم
سيف: والله مدري عنها
صقر: ماخفت ؟!
سيف: من وش؟!
صقر: ماخفت على نجد وينها فيه؟!
سيف هو اللي يشرب الشاهي وهز راسه بمعنى: لا
عقد صقر حواجبه بستغراب: غريبه؟!
حط الفنجال على الطاوله: لانها ما عاد تهمني هي اللي راحت بنفسها لجزاع اللي ظربها وسحبها مع شعرها ليطلعها برا البيت
صقر: يعني ما صات شي بنسبه لك؟!
سيف: هي مثل خواتي يعني أختي الرابعه و أنس أخوي الصغير
أبتسم صقر و تذكر عساف و حبه لنجد
سيف: شفيك تبتسم؟!
صقر: هاه لا بس حلو صار عندك أخ
سيف: ايه الله يحفظه
صقر: آمين
-
مرسبوعين على أبطالنا و وافقت فرح على سعد وتم عقد قرانهم و لم يتم العثور على المجرمين اللي ضربو جزاع و تغير جزاع ماعاد يضرب نجد ولا يصرخ عليها زي أول ولدت لانا وجابت احلى بنوته وسمتها " سجى " وصارت تولين احلى خاله وبدا يكبر بطن تولين شوي ودخلت الشهر الثاني وبطلنا مازال يسعى هو و صقر ليضربون جزاع للمره الثانيه بس مع الأسف ماقدرو يوصلون له
-
في بيت نجد...
" العصر الساعة 5:30 قريباً "
فتحت الباب ودخلت عليهم وطلعت عبايتها ورمتها وبدت تصرخ: اااوووووهههه انا حُره حُره
وقفو بسرعه ومستغربين صراخها وفرحتها
مها: شفيك؟!
نجد: جزع مات مات يسلاااام
فرح: أسألك بالله؟!
نجد: ايه يفروح مات ورتحت منه وذحين انا حُره بدو يصرخو ويضحون ويرقصون من وناستهم للخبر
ليلى: صاحيه انتِ فيه احد يفرح ويضحك كذا لان زوجها مات؟!
نجد بفرحه وضحك: ايه ياخالتي انا انا طلعت جري للحوش وبدت تدور و ترقص اوه يادنيا انا حُره واخيراً خلاص
طلعت بسرعه ومسكتها مع شعرها بخفه وسحبتها ودخلتها للبيت: فشلتينا شتقول عنا الناس ذحين و فهميني كيف ماتو وش صاير؟!
بدت تتكلم بسرعه من الفرحه: جراع وليان راحو يزورو جدهم الحنون وصار لهم حادث ومات جزاع وليان بالمستشفى الجد وجزع ماتو احلى خبرين اسمعه بحياتي
ليلى مو فاهمه شي من كلامها السريع والملخبط: ايش قاعده تقولين انتِ؟؟!
مها: بشويش مافهمنا شي!
جلست وعدلت جلبيتها: اجلسو وافهمكم وانتِ يانوف ماعيك امر جيبيلي مويه لاني عطشت من الفرحه
نوف: ما باقي الا هي
ليلى: اخلصي جيبي لها خليها تقلنا بسرعه
تأففت بمل وقامت جابت لها: خذي زقوم
نجد بشهقه: استغفري ربك يابنت
نوف: اشربي وانتِ ساكته
ضربتها بخفه على راسها: تكلمي يابنت
نجد: اح ياخالتي طيب بدت تتننحنح جزاع وليان كانو رايحين يزورون جدهم وهم بطريقهم صار لهم حادث
شهقت ليلى وحطت يدها على فمها: لاحول ولاقوة الا بالله وش صار بعد؟!
نجد: كنا جالسين بالحوش ودق جوال عمي و وصله اول شي خبر وفاه أبوه بعدين جلسنا شوي ودق جواله مره ثانيه و قال أنت والد جزاع ؟ قال عمي أيه خير إن شاءالله!
قال اللي أتصل عليه أحسن الله عزاك في ولدك و البنت اللي معه بالمستشفى
طاح الجوال من عمي و بدا يكرر لاقول ولا قوه الا بالله وبدت تسألة عمتي و قال لها وجلسو يبكون
فرح: و أنتِ شسويتي؟!
نجد ببتسامه: كان فيه ضحكه و أبتسامه مره أبتسم بعدين أتذكر أنه زوجي العزيز مات و اخفيها لا يقولو عني شي و جلست اهدي عمتي و فجر والله يكسرو الخاطر بعدها جوو عمتى أم صقر و ضي و فيء ماقدرت أمسك نفسي أكثر من الفرحه و طفشت من تمثيل الحزن لبست عبايتي و جيتكم لبشركم بالخبريه الحلوه ذي
فرح بضحك: حسبي الله على بليسك يانجدوه
ليلى بحزن: حرام عليكم أتقو ربكم ذا موت
نجد: أدري يا خالتي بس بنسبه لي شي يفرح
سيف من وراء الباب تنحنح: ياولد!
بدت تلبس عبايتها بسرعه و برقعها
فرح: ادخل
دخل عليهم و حصلهم متجمعين عن نجد
سيف بستغراب: وش صاير متجمعين كذا وليه اصواتكم و اصله لبرا خيررر؟!
وقفت بسرعه و وقفت قباله و ببتسامه: جزاع و جد نجد ماتو
عقد حواحبه: وش؟!
نجد مثل فرحت فرح: مثل ما سمعت راحو من ذي الحياة أرتحت منهم
سيف: و فرحانه؟!
نجد: ايه
نوف: بس صرتي أرمله على فكره
نجد: مايهمني أهم شي حُره مثل اللي بقفص و بعد ما مات صاحبه و تحرر و صار مايهمه غير نفسه ذا أنا
سيف: طيب وليه وافقتي من البدايه و تبينه و تقولي ذا النصيب؟!
نزلت راسها بحزن: كنت مهدده
جاء بسرعه وجلس قبالها: كيف مهدده و مهددك بوش؟!
نجد: خلاص اللي فات مات و ذحين هو ميت
ليلى: حتى لو ميت يتقولي بوش مهددك فيه؟!
نجد بكذب وما تبيهم يعرفون بقربه لها قبل تتزوجه: بيذبح أنس
شهقت ليلى وضمت أنس اللي كان جنبها ويلعب بالعابه
سيف وقف: اه يا القهر ياليته حي والله لوريه نجوم الظهر
أنس: مين إللي بيذبحني؟!
ليلى هي اللي تمسح على راسه وببكي: مافي أحد بيذبحك ياروحي و يخسون أنت روح للحوش و العب طيب
وقف أنس و أخذ العابه: طيب
سيف: ليه ما قلتي لي ولا لخالي و لا لـ أي أحد؟!
نجد ببكي: مدري كنت خايفه خايفه أخوي يروح مني خايفه يلحق أهلي و أجلس لحالي
ضمتها ليلى وهي تمسح على راسها و تمسح دوعها: خلاص اهدي احنا معك ما راح نخليك
نجد: الله لا يحرمني منكم
فرح: ولامنك أنتِ و أنوسي
-
في بيت عبدالإله...
متجمعين بالملحق والقهوه بنص و سوالف و الضحكه على شفاتهم و الفرحه واضحه من عيونهم على الجمعه ذي و عساف بدا يعتاد على غياب نجد عنه بس مو مرتاح بـ بقائها مع جزاع
وجدان ببتسامه: ايه مادام متجمعين كذا و فرحانين على الجمعه الحلوه عندي لكم خبر حلو
عساف عدل جلسته و بفرحه: وش؟!
جيلان بسرعه: صبر لا تقولي زي ذيك المره أنو حمودي كبر و دخل عمر جديد!
وجدان بضحك: لا هل مره غيرر
نجوى: دقيقه بحزر وش بدت تفكر ، ايه اكيد زوجك قرر يطلع من بيت أهله و تستقرون في بيت لحالكم؟
وجدان: بعد لا
نجلاء: اسكتوو خلوها تقول
وجدان بـ أحراج: راح يجي لحمودي أخ
وقف عساف بسرعه: والله يارب ماتمزحين
هزت راسها بمعنى: ايه حامل
راح وبدا يسلم عليها وفرحان
نجلاء: الحمدالله يارب
عبدالإله: الله يقركم بشوفته يارب
وجدان: آمين
على: بدينا نكثر شوي شوي
نجوى: عقبال عساف نشوف عياله
عساف: عقبالك أنتِ
جيلان: ياسلام بصير خاله للمره الثانيه
عساف: ذا كل همك بس!
جيلان: ايه
تولين: مبروك و يارب نولد مع بعض
وجدان: الله يبارك فيك لا ما أتوقع لان أنتِ بتولدي قبلي بشهر
تولين: ايه صح
نجلاء: أجل أنتِ توك بشهر الأول؟!
وجدان: ايه باقي لي سبوع و دخل بشهر الثاني
عساف: ياحليله حمود بيصير الأخ الكبير
جيلان: أتمنا تكون بنت والله
نجوى: تبي اللي ببطن تولين بنت و تبي اللي ببطن وجدان بنت أختار وحده منهم؟!
جيلان: أبيهم كلهم بنات
عساف: على كفيك هو أبيهم ولد على شان أخذهم معي للسطبل
جيلان: لا حبيبي أبيهم بنات لعلمهم المكياج و أتفنن في وجيههم
عساف: جيلان ليه أنتِ طماعه كذا؟!
جيلان: بعد أنت طماع
نجلاء: بس صجيتو روسنا الله يصجكم و مو على كيفكم ألي يجي من الله حياه الله
عساف: صح بس بنتك غبيه
جيلان: اسكت بس
نجلاء ببتسامه: و أنتِ يا بنتي بـ ايت شهر؟!
تولين: لي سبوع دخلت في الثاني
نجلاء: ماشاءالله
عبدالإله: الحمدالله على نعم الله علينا
عساف: ما قالت لك خالتي متى زواج سعد لانه ماقال لي؟!
نجلاء: ماحددو لذحين
جيلان: متحمسه لزواجات والله احس أني مطوله عنها
نجوى: الله اخر زواج زواج أخوك علي مسرع تشتاقي لها؟!
جيلان: والله مطوله
عساف: صح أتفق معك
نجلاء: هاه شقلت نخطب لك نجد؟!
عساف هو اللي كان شبه ناسيها و ذكرته أمه فيها: لا يايمه
نجلاء: ليه؟!
عساف: قلت لك ما أبي أتزوج
نجلاء: وأنا أمك تزوجها والله و هذاني حلفت لو تزوجت و شفت زينها لتقول ياليت أن أمي عرفتك من أول و تزوجتك البنت ماشاءالله عليها تجنن بسم الله عليها
عساف اللي غار من مدح أمه قدام أخوة و مايدري ليه غار: أمي الله يطول بعمرك مو عيب تمدحيها قدام علي؟!
نجلاء: علي عنده وحده تهبل شيبي في نجد؟!
عساف: حتى عيب
جيلان: اخس مسوي تغار
لف عليها ورفع حاجبه
نجلاء: طيب خلاص بس أخطبها لك خل نسوي زواجك أنت و سعد مع بعظ
عساف: لا لا تخطبيها لاني ما أبي
عبدالإله: أنت ليه عنيد؟!
عساف: ذا مو عناد يايبه
عبدالإله: شتسميه أجل؟!
عساف: رايي شخصي و أني ما أبي الزواج
جيلان: خلاص خلوه على راحته إذا يبي يتزوج يقول لنا و عاد بعدها نخطب لة
نجلاء: بس أن خوفي تروح بنت الناس علينا
عساف بتمتمه: هي راحت و خلصت
نجلاء: ايش تقول؟!
عساف بتوتر: سلامتك
-
عند بيت بطلتنا...
"تحديداً في غرفتها"
فرح: يعني أرتحتي منه خلاص؟!
نجد: ايه الحمدالله
فرح: كنتي تقولي فيه شي راح يصير بس مدري وش ذا هو مات و ربي ريحك منه
نجد بفرحه و دمعتها على جفنها: متوقت أنه بيموت توقعت بيطلقني أو اي شي بس الموت لا
فرح: حزينه على وفاته؟!
نجد: تبي الصدق!
فرح: ايه؟
نجد: ايه
فرح بستغراب: ايش؟!
نجد: لا يعني حزينه أنه مات و حزن قلب عمتي و أنه ولد عمي ترا
فرح: الله يصبر قلبها
نجد: والله تكسر الخاطر ماشفتيها كيف تبكي أول والله الصراحه حزنت على بكائها
فرح: ياليت ليان ماتت معه
نجد ظربتها بخفه: أستغفرالله حرام عليك
فرح: كريهه شسوي
نجد: بس مو لدرجه تدعي انها تموت كفايه موت جزاع اللي معور قلب عمتي و فجر
فرح: صح بس تقهر
نجد: ايه بس ما تأذي أحد ولاتقوله شي الا إذا جيناها في بيتهم
فرح: تتوقين وش راح يصير فيها؟!
نجد: مدري يمكن ماجاها شي قوي يعني تجلس فتره بالمستشفى بعدين تطلع
فرح: يمكن تدخل بغيبوبه زي جدها
نجد: لا ما أتوقع بس ياحزني على سلطان لو عرف أن أمه بالمستشفى
فرح: ايه
نجد: تصدقين الفتره ذي متغير جزاع يعاملني بسلوب حلو و محترم حتى صار ما يرقد بغرفته
فرح: غريبه وين يرقد؟!
نجد: بالملحق حتى احسه يتهرب مني
فرح: كيف يتهرب منك؟؟
نجد: يرقد بالملحق ويصحى بدري ويروح و مايرجع الا أخر الليل و ماعاد يفطر ولا يتغداء ولا يتعشاء معنا
فرح: شفيه ذا شكله كرهك وكان بيطلقك بس مات
نجد: مدري بس قبل لا يروح يزور جده قلي نجد أنا أسف و سامحيني على كل شي سويته لك كنت واحد غضبان و مدري وش اسوي بغضبي بس أتمنى تسامحين و فيه شي راح تعرفيه و راح تنقهرين لو عرفتيه بس مو بيدي كنت متهور و من قهري سويته و إذا عرفتيه اتمنى تسامحيني و بعدها طلع و راح
فرح بتفكير: وش يعني ؟!
نجد: مدري بس شكله شي قويي و مدري كيف أعرفه ذحين مات خلاص
فرح: والله كأنه حاس أنه بيموت يوم قال كذا و سالفت الشي القوي هو شكله يبيك تعرفي بنفسك يعني ماراح يقلك
نجد: طيب كيف بعرف؟!
فرح رفعت كتوفها بمعنى: مدري ، بدت تتكلم ، يمكن فيه أحد مهدده بالموت يوم تأسف منك و قال سامحيني
نجد بعد تفكير شهقت و وقفت بسرعه
فرح: شفيك؟!
نجد: لا مستحيل يسونها
فرح: مين هم وش قاعده تقولين؟!
راحت بسرعه ولبست عبايتها وكانت فرح تحاول تفهم شقصدها نزلت بسرعه بخطوات سريعه و وراها فرح اللي تنادي عليها طلعت و سكرت الباب وراها بسرعه
فرح: والله أنجنت شفيها المصخوطه
سيف: شصاير؟!
لفت عليه: مدري طلعت نجد بسرعه و مدري وين بتروح
سيف: يمكن عند بيت رجلها
فرح: لا ما أتوقع لو كذا قالت لي بس فيه شي صاير بس مدري وش!
سيف جلس وتكاء على المركى: ماعلينا منها ذحين أمي و البنات وينهم؟!
فرح: راحو عند أم جزاع
سيف: اهاا طيب سوي لي قهوه
فرح: طيب
-
دقت الباب وعدم رد أحد عليها شافت الباب مردود دخلت و بدت تنادي بـ: ياهل البيت فيه احد هينا؟!
صقر هو جايها: نجد شبغيتي؟!
لفت عليه و سرعت خطواتها له: وش مسوين؟!
صقر بستغراب: وش اللي وش مسوين ؟؟
نجد بعصبيه: صقر لا تستعبط عليه ليه سويتو كذا ليه؟
أنت تقرأ
ما خلف القضبان.
Наукова фантастикаاهلاً بكم جميعاً ، بروايتي واعزوفتي الأولى... بدأت كتابتها بـ1/1/2023 وشاركتها أياكم بـ13/1/2023 - (ما خلف القضبان.) (الرواية باللهجة العامية.) نبذة الرواية: بطلتي هي البنت الكبيره بـ العائله هي واخوها الصغير فاقدين اهلهم ويحاربون آلم ووجع الحياه ب...
