نجد بستغراب: مين؟!
فرح: مدري رجال هو و صوته مو غريب عليي أبداً
نجد بشك: ايش قال بضبط؟!
فرح: قال وين نجد قلت وش تبيبها ومن أنت قال شخص ماتعرفيه بس قوليلي وينها فيه ابيها ضروري
نجد: ايه وبعدين شقلتي له؟؟
فرح: قلت عند زوجها حسيت كذا تضايق مدري ليه
سرحت وعرفت أنو عساف لوحت لها بيدها: ياهو وين وصلتي؟!
نفضت راسها: لا ولاشي ناظرت بساعة اللي بيدها ، خلاص الساعة 8 بروح و طلبتك لاتقولي لـ اي احد عن اللي قلته لك لاخالتي ولا خالي ولا نوف ومها خلي مها على معرفتها أني بالمستشفى بسبب التوتر وعدم الأكل طيب!!
فرح بحزن: طيب بس على شان أنوس لا يصير فيه شي
نجد: هو كل ذا خوفي على أنس يلا ننزل
نزلو وماحصلوهم بصاله
فرح: غريبه وينهم؟!
نجد: اكيد برا
فرح: اوه شعندكم طلعتو برا؟؟
نوف: انكتمنا وحنا جوه
فرح: تسلم يد مهاوي على الجريش ريحته يهبل
نجد وهي تلف طرحتها: بتقهريني يعني؟!
فرح: لا
مها جايه وبيدها الحافظه: ماعليك مانستك بنت خالتك
نجد: ياروحي أنتِ بس صح فشيله لي لحالي شيقولون عني!!
مها: حافظه ذا كبرها يعني لك اكيد لا كلكم
فرح: غبيه صدق
ليلى ابتسمت: واخيراً رجعتو زي أول
فرح اللي ضمت نجد: هو أنا اقدر ابتعد عنها
بادلتها وباستها على خدها: يلا مع السلامه
ليلى: الله معك
جلست وهي تعدل قميصها: متى ناكل؟!
مها: كل همك أنتِ الأكل
فرح: جعانه شسوي طيب!!
مها: هذاني بروح أفرغ
ليلى: وش عندك أنتِ و نجد؟!
فرح: ماعندنا شي
ليلى: وليه طيب أخذتيها و رحتو لغرفتها؟!
فرح بملل: أمي تعرفي صحبتنا أنا و نجد من يوم و احنا صغار و اسرارنا لبعض
ليلى: شفهم من الكلام ذا؟!
فرح: أنه عندي كلام لنجد فأخذتها للغرفه لكلمها فيه
ليلى: اهاا
مها اللي جايه بصينيه (صحن الأكل): هاذا هو الأكل جاء
ليلى: تسلم يدك
نوف: يعطيك العافيه والله
مها: بالعافيه عليكم
فرح اللي تاكل و تطعم الأكل: والله لذيذ
-
في بيت أبو جزاع...
"نفس التوقيت"
أم جزاع: ليان لذحين بغرفتها؟!
فجر: ايه ضعيفه تتغطى عن نجد
أم جزاع: البنت ذي بتجنني بحركاتها اللي مالها داعي
أبو جزاع: خليها
أم جزاع: وش اللي خليها ذا كبرها لاتساعد أختها ولا شي
أبو جزاع: هاذي هي نجد جات تساعد فجر ماوراها شي
أم جزاع: ماخذين البنت لتشتغل عندنا يعني
جزاع: ايه صادق أبوي تشتغل لية ماتشتغل
فجر: نجد ماتقصر اصلاً بتساعدني بدون ما أقلها بس البنت توها عروس خلوها كم أسبوع
جزاع: مافي فرق بتشتغل يعني بتشتغل
واقفه عند الباب: سلطان ماجاء؟؟
فجر: لا
ليان: ياربي من الولد ذا لهل درجه ميت على أبوه
دق الباب
جزاع: هاذا هو جاء
ليان: فجر أفتحي له
فجر: مالي دخل أفتحي أنتِ ولدي ولا ولدك
مرت من عندها وضربتها على راسها
فجر: جعلها الكسر
فتحت الباب: واخي... مايمديها تكمل كلمتها الا رايح جري للبيت
أبو جزع: بسم الله شفيه؟
ليان رفعت كتوفها: مدري
طالع ومعه بطانيته
ليان: على وين إن شاءالله؟!
سلطان: بنام عند جدي أنا وأنس
ليان بعصبيه واشرت بصبعها: أقول ادخل البيت بسرعة
سلطان ببكي: ما أبي
ليان: سلطان لاترفع ضغطي ادخل يعني ادخل
أبو جزاع: ليان خليه يروح تراه بيت جده وعمك وعند أبوه
دخلت واستغربت من اصواتهم الطالعه: سلام
الكل: وعليكم السلام
جزاع: بدري
نجد: ا
ضربته: اسكت ماتعرف تسكت
لف على امه: طيب
سلطان ببكي: أمي أمانه بروح أنام مع بابا و أنس أمانه
ليان: قلت لي مين أنس!
سلطان: أيوه
ليان: هيا أرجع وأنس ذا لا أشوفك معه مثل أبوك اللي متعلق فيه
نجد: خير ليان شفيه أنس؟؟
لفت عليها: أبد يتيم وأخته تزوجت وخلته وراح عند زوجي
بسرعه مثل البرق ضربتها بكف و اصدم الجميع: أحترمي نفسك ياليان ولا تقولي عن أخوي كذا ، شدت على الكلمه وصقر طليقك مو زوجك
جاء بسرعة ومسك يدها: خير خير تمدي يدك عليها؟
نجد ناظرت فيه نظرات القهر: ترضى تمد يدك عليي اما على أختك ماترضى !
وقفت أم جزاع بسرعة: ايش ايش؟!
جزاع برتباك: ولاشي يايمه
ضربته بكف: وش اللي ولا شي هاه تمد يدك على زوجتك ربيتك كذا أنا يا جزاع هاه انطق!!
أبتسمت على الكف اللي جاء له وبردت النار اللي بداخلها
جزاع: لا بس...
قاطعته بسرعه: لابس ولا غيره ياقليل الأدب لفت على سلطان ، وأنت روح نام عند جدك
سلطان: بس مام...
قاطعته: ماعليك منها روح ياحبيبي
كان بيروح مسكته نجد مع يده ونزلت عند اذنه وأبتسمت: قول لـ أنس نجدك أشتاقت لك
ناظر فيها و بادلها الأبتسامة: طيب
ليان: ايه يمي كذا تعلمي ولدي أنه مايسمع كلمتي ولا شي
جلست بتعب: عادي مثل يوم أنك لاتسمعي كلمتي ولا تساعدي أختك فجر قومي وأنا أمك حطي لنا العشاء
فجر بهدو: أبشري
نجد: بساعدك
أم جزاع: لاتعالي أنتِ أجلسي أختها تساعدها
ليان: ماني مساعدتها وما أبي عشاء راحت لغرفتها
نجد: لاعادي يا عمه بساعدها وبحط الجريش مع العشاء
أبتسمت: عاد والله أني مشتهيته جاء بوقته من مسويه خالتك؟؟
نجد أبتسمت على أبتسامتها: لا مها
أم جزاع: ايه ماقصرت والله
دخلت المطبخ وجهزو العشاء وجابوه لبرا وتعشو الا جزاع مو راضيه تنزل القمه من قهره يوم أمه ضربته قدام نجد وقوت نجد وضربها لـ ليان ويتوعد فيها بينه وبين نفسه إذا راحو لغرفتهم
-
في بيت عبدالإله...
دقت الباب وسمح لها بدخول بعد ماعرف مين
جيلان: نايم!!
عساف: غبيه أنتِ نايم و رديت عليك
دخلت وسكرت الباب: ياخي شدراني من خوفي عليك قلت كذا على العموم ماعلينا خالتي أم سعد أسفل
عساف: طيب!
جيلان: قلت أقلك لانها تسأل عنك أنزل وسلم عليها
عساف: احد معها؟!
جيلان: اية ساره
عساف: طيب روحي ولاحقك
جلست جنبه على السرير: شصار معك؟؟
عساف: ما فهمتك؟؟
جيلان: نجد مو أنت تقول بتساعدها؟!
عساف: ايه بس راحت قلت لك ماتبيني ياجيلان بس انا حمار
ضمته لسدرها وبدت تمسح على راسه: لا تقول على نفسك كذا هي ما أتصلت عليك الا انها تحبك وتبيك بس يمكن صار معها شي ولا زوجها عرف مكانها وأخذها
عساف: تعبت والله قلبي جالس يحترق كل ما أتخيل نجد انها مع شخص غيري في بيت رجال غيري رجال له الحق في كل شي في نجد بيتأمل عيونها الناعسه وجمالها وكل شي غمض عيونه بقهر ونزلت دمعته على فخض جيلان وقال بصوت جداً حزين ومتذبذب
أنت تقرأ
ما خلف القضبان.
Fiksi Ilmiahاهلاً بكم جميعاً ، بروايتي واعزوفتي الأولى... بدأت كتابتها بـ1/1/2023 وشاركتها أياكم بـ13/1/2023 - (ما خلف القضبان.) (الرواية باللهجة العامية.) نبذة الرواية: بطلتي هي البنت الكبيره بـ العائله هي واخوها الصغير فاقدين اهلهم ويحاربون آلم ووجع الحياه ب...
