فيء: ماقلت شي بس بشوفه
مسكتها ضي مع يدها: أقول أمشي بس يلا يايمه مع السلامه
أم صقر: الله معكم
فيء هي اللي ماسكتها ضي مع يدها وتحاول تلف على امها: أنتبهي على نفسك
أم صقر بضحكه خفيفه من شكلها: طيب و انتم بعد
طلعو الثنتين و وقفت فيء بعيد عن السياره شوي و هي تعدل عبايتها لفت عليها ضي: شفيك؟!
هي اللي تحاول تشوف الشخص اللي راكب مع صقر: بشوف ذا السيف
نزلت لـ الأرض و أخذت حجره صغيره و رمتها عليها
فيء هي تفرك راسها بألم: اح بقره ماتشوفين
ضي: قاصدتها أمشي لكف
فيء: طيب
بدو يركبو وعينها على سيف قربت منها ضي وقرستها مع كتفها و بتمتمه: فشلتينا شيقول عنا الحين؟
فيء: اح يختي واضح انه مزز
ضربتها: أنطمي ترا احنا بسياره معه
فيء: اححح ياضيوه من أول تظربيني وساكته و أنا صادقه مزز ياحظ اللي بتاخذه بس
ضي: ياويلك لو سمعك صقر
فيء: مراح يسمع و خليني أشوف المز ذا
سيف اللي كانت وراه فيء ويسمع كلامها أبتسمع من غير شعور وتكلم: الا صقر ليه ما تشغل لنا شي؟
صقر: هاذا هو المسجل قدامك شغل
فيء بعفويه و بسرعه: شغل مادام قلبي ياريش العين مغليك سكتت بسرعه وحطت يدها على فمها وهي تناظر في صقر اللي يناظرها بظرات: خير
أبتسم سيف وشغلها
أما فيء رجعت سندت ظهرها و مستحيه و عيونها على صقر و ضي
-
وصل الكل لمعرض الرسم و الحماس عند الكل فل و كل واحد مع شخصه و يدعي انه يفوز
شهقت فيء أو ما شافت نجد: نجد جات؟!
ضي: يتهيألك مستحيل تجي هي في عده
فيء: وش اللي يتهيألي شوفيها جات لنا هي و فرح و نوف
ضي: ياويلي والله صدق هي
نجد: سلام
ضي بتعتعه: وع.ليكم السلام
فرح: الحمدلله جيتو
فيء وعيونها على نجد: اكيد بنجي بس
فرح: بس ايش؟!
فيء: نجد أنتِ في عده غلط تطلعي
نجد: لا ماني في عده
ضي: كيف مانك بعده لفت على فرح و نوف ، والله شكل بنت خالتكم انهبلت كلموها
نوف: هي صادقه
فرح: خلاص ما علينا منها متى يبدون ما قالو شي؟!
فيء: وش اللي ماعلينا منها حرام تطلع نجد اللي جالسه تسوينه غلط
نجد بملل: يوه جزاع مو زوجي
ضي أتسعت عيونها: كيف مو زوجك؟!
نجد اللي سمعت منادت الرسمات و بدت المسابقه: بعدين اقلكم ذحين بدت المسابقه لفت على فرح ومسكتها مع يدها ، يلا روحي و بتوفيق ياقلبي
فرح: شوفي سعد كيف نظراته فيه جالسه أرجف
نجد: ماعليك منه روحي و أرسمي و فوزي على أخته
و بعدها بيكون فخور فيك يلا يلا
~
بجهه اخر...
كانو يسالفون و انصدم من وجود نجد لف على سيف: نجد شتسوي هينا؟!
سيف: مسابقه بنت خالتها ما تبيها تجي
صقر: سيف صاحي أنت البنت بعده مفروض تمنعها أنت من انها تجي
سيف: من قال لك انها بعده؟!
صقر: لا تجنني زوجها مات و تدخل بعده
سيف: قلت زوجها بس جزاع مو زوجها
صقر: ياربي مو على شانك كارهه و تقول مو زوجها
سيف بملل: صقر بعدين افهمك كيف انه مو زوجها و ليش مانها في عده هاه ذا هم بدو المسابقه يلا بروح لختي
كان يناظر فيه لين راح لخته و هو مستغرب فز على الشخص اللي ظربه بخفه من وراء لف عليه و أبتسم: اهلاً وش الصدفه ذي
عساف: بنت خالتي هي اللي بالمسابقه و أنت شعندك هينا
صقر: مدري إذا شفت اللي معي ولا لا بس أخته هي اللي بترسم
عساف: اها يعني قلك تجي؟!
صقر: ايه
عساف: ماعلينا بس توي سمعتك تقول له نجد بعده كيف يعني
صقر مسح على وجهه: جزاع مات
أتسعت عيونه بخوف و فرحه بنفس الوقت: كيف مات لايكون لك علاقه بموته؟!
صقر بسرعه: لا مالي دخل مات بحادث
عساف: ماهقيتها منك ماتقول لي
صقر: هو دوبه مات انشغلنا بالعزاء وذا
عساف: ياخي مدري شقول بس الحمدلله و نجد الحين هينا؟!
صقر: ايه
هاذي هي هناك
عساف: كيف كذا و العده
صقر: مدري علمي علمك يا أخوي حط يده على كتفه ، خلنا نروح لهم و نشوف من بيفوز
عساف ببتسامه: يلا
-
في بيت العمه رهف...
أم صقر: لا قول ولا قوه الا بالله
رهف: كيف قلبه طاوعه يشوف وحده مو محرم له
ليلى: والله مدري عنه بس كسر قلب المسكين نجد مدري اليوم كيف طلعت
أم صقر: والله انه سوا غلط كبيررر الله يعينه على عذاب ربه
ليلى: ايه والله احياناً ادعي ربي يغفر له و يوم أشوف حال نجد أدعي ربي يحاسبه ويعذبه
رهف: مايجوز على الميت الا الرحمه
أم صقر: كسرت قلبي ذي اليتيمه كيفها عاد؟!
ليلى: ماش حالها والله ما عاد تاكل و نحفت و تغير وجهها مو نجد اللي نعرفها
أم صقر: مدري صالح له علم بالي سواه ولده ولا لا؟!
ليلى: مدري
رهف: لا ما أتوقع يرضى ولده يسوي كذا و يعيش مع وحده و يشوفها كل يوم وهي مو زوجته
ليلى: ماننسى أن نجد بنت عدوه
رهف: أعرف بس مستحيل صالح يخليه يسوي كذا
ليلى: والله مدري عنه هاذا هو يوم مات ولده بس مسكر على نفسه ولا طلع و مانع أهله بعد
أم صقر: ايه صح و مستغربه ليه سوا كذا طلعت السالفه ذي
رهف اللي تضايقت على الكلام اللي ينقال عن أخوها: خلونا منهم كيف مارحتي مع بنتك للمسابقه؟!
ليلى: ما ابي وجعع الراس وصجتهم
أم صقر: ايه احسن لك أجلسي بالبيت و أنتظريهم إذا جو و أعرفي من فاز
ليلى: يااارب فروح
رهف: إن شاءالله
-
واقفين وكل واحد يشجع اللي مع و تتعالى الاصوات بـ منادات الرسمات بـ أساميهم
لفت على مها: احس أنكتمت وغثيان وبطني وجعني بطلع برا
مها: طيب بس أنتبهي مطر برا
نجد: طيب
فيء: والله الفضول ذابحني
مها: فضول وش؟!
فيء: نجد كيف جزاع مو زوجها؟!
نوف: ماتعرفين تصبرين شوي على الاقل نخلص
فيء: لا قولو
مها: خلينا نشوف الحين اص وعد منا نقول لك بالحرف الواحد
فيء: طيب
~
واقفه برا و متكتفه و تناظر المطر فزت على الشخص اللي وقف جنبها
عساف: كيفك؟!
نجد: بخير الحمدلله و أنت؟
عساف: مو بخير من يوم عرفت فيها أنك بخطوبه
نجد: طيب ليه جيت الحين؟!
لف عليها و أبتسامته: جزاع مات
لفت عليه و اتسعت عيونها: شدراك لايكون انت السبب؟!
عساف: لا مستحيل إني اذبح روح انا
نجد: كيف عرفت طيب؟!
عساف: صقر
نجد رجعت لفت وتناظر المطر: ماشاءالله صرتو اصحاب
عساف: ايه الحمدلله بس مستغرب شي واحد؟
نجد: اللي هو؟!
عساف: زوجك مات كيف كذا تطلعين مفروض انك بعده!
نجد: ماعندي شي أقوله لك يا عساف
عساف: طيب بس جاي هنا على شانك و يوم عرفت انه مات فرحت تكفين لا تبتعدين عني خلاص ماعاد جزاع فيه عادي أتزوجك؟
نجد و عيونها غرقانه دموع: عادي تتزوج أرمله؟
عساف: ايه والله عادي أنا أحبك يانجد لو ما احبك ما جلست أحاول أخلصك من الحقير ذا
نجد: بس مقدر والله
عساف: ليه؟!
نجد: عساف ما بكذب أني أحبك بس أهلك ولا أنت بترضى من وحده ارمله
عساف: اهلي ماراح يعرفون و أنا قلت لك أنا أبيك يابنت الناس
نجد: قلت لك من قبل مانصلح لبعض أنا شفت طريقي و أنت شوف طريقك
عساف: قلت لك يحرم عليي أحب غيرك
نجد ببكي: أسفه بس مقدر
عساف: ليه صبر لايكون حامل و ماتبين تتزوجين؟!
ناظرت بعيونه و أتسعت عيونها: لا مو حامل وبعد عني لا تدخل فيني
دخلت للمعرض و خلته برا غارسه بأفكاره ورفضها له نفض راسه: والله ما تروحين مني ذي المره دام راسي يشم الهواء
~
واقفه عند اللوحات و منصدمه من كميتها و الرسم الجميل
هو وراها: تحبين محمد عبده؟
فزت بخوف ولفه عليه: هاه؟
ضحك بخفه من ردت فعلها: أقول تحبي محمد عبده؟
فيء بتوتر و تتلفت لا يشوفها صقر: ا.يه
سيف ببتسامه: شكيت أول يوم قلتي أشغل مدام قلبي ياريش العين مغليك
فيء مازالت على حالها: اها ايه
سيف: شفيك؟
فيء بسرعه: ولا شي
جات لنجد: هووو شعندهم عصافير الحب هينا؟!
لف عليها: وش اللي عصافير الحب؟!
نجد: مدري واقف تتكلم مع فيء وش عندكم؟!
سيف بتوتر: ا.معرفها لقيتها هينا و سألتها عن اللوحات بكم وقالت انها ما تشتغل هينا
نجد بعدم تصديق: ايه مكتوب عليها من وراء
سيف: ايه ماقصرتي بروح لصقر تبي شي؟
نجد: سلامتك
بعد مراح وقفت جنب فيء و ضربت كتفها بكتف فيء بخفه و غمزت: حلو صح؟
فيء: ا.مدري مين هو؟!
ضحكت: ايه مو عليي أنا تراكم واضحين
فيء هي اللي تحاول تخفي توترها و ربكتها: شقاعده تقولين أنتِ قال لك يحسب أني أشتغل هينا و سألني عن اللوحات
نجد: صح
فيء: ماعلينا قوليلي كيف جزاع مو زوجك؟!
لفت على اللوحات وراحت لها: حلوه صح؟!
مسكتها مع كتفها و لفتها لناحيتها: لا تغيرين الموضوع و قولي؟
نجد: يوه يافيء ماتنسين؟
فيء: لا بسرعه قولي!
نجد بملل: طيب بقول لك
بدت تقول لها أنو جزاع مو زوجها و أن كذب عليها و زواجهم مزيف
شهقت و حطت يدها على فمها: شافك يعني؟!
نجد: ايه ويجلس و ينام معي بنفس الغرفه وكأنه شي عادي ما خاف ربه
فيء: ليه سوا كذا؟
نجد: لاني عدوتهم
فيء: ياربي لا لا ماهو بصاحي
نجد: قولي لضي مالي خلق اقول لها
فيء: طيب
جاء عساف: لو سمحتي
فيء: ا.بروح عند البنات طيب
نجد: طيب
لفت و عطته ظهرها
عساف: مين الولد اللي تتكلمي معه قبل شوي؟!
نجد: مالك دخل
عساف: كيف مالي دخل؟
نجد: ايه مالك دخل مين هو
عساف: بتجنني ياربي
نجد ببرود: ماقلت لك ألحقني
عساف بعصبيه: من حبي لك
لفت عليه و بدت تتلفت إذا أحد من قرايبها قريب منها و سمعته: قصر صوتك بمكان عام احنا
عساف: نجد أفهميني أبيك
نجد: أنا وحده أرمله شتبيبها ؟
عساف: عادي مايهمني
بدو يصفقو بعد ماخلصو الرسمات رسمهم و اصواتهم بدت تعلى
نجد: أكيد خلصو بروح أشوف مين الفائز؟
كانت متعديته و بتروح مسكها مع كتفها و دخل فيها بأحد الغرف
سندها على الجدار وهو ماسك يدها و كان قريب منها ما يفصل بينهم اللي شي بسيط و نزل راسه و قرب لـ أذنها: ذي المره ماراح أخليك اوكيه
سكرت عيونها و تذكرت جزاع و قربه لها دفته بقوه عنها و اعطته كف و طلعت وخلته جامد بمكانه من قوت الكف ظحك بقوه: احلى كف والله
طلع ورها وكان يتلفت يدورها حصلها مع البنات عند اللوحات
~
فرح بعد ما شافت نجد جات راحت لها و مسكتها مع يدها و ودتها عند لوحتها: شرايك
نجد اللي تفكر من قرب عساف لها و تقريباً نفس جزاع و خوفها يطلع نفسه
لوحت بيدها من قدام عيونها: نجدي و ين رحتي؟
نجد : هاه وش تقولين؟!
فرح: اللوحه شرايك فيها؟!
نجد: حلوه والله يارب تفوزين
فرح: وين كنتِ أنتِ فزت وخلصت
نجد بذهول: والله متى وكيف؟!
فرح: مدري يوم كنتِ مو فيه جلست أدورك و مالقيته بس اخيراً فزت أنا
نجد ببتسامه: الحمدلله
سعد: سلام
فرح هي اللي معها فرشت الرسم وتفرك فيها و منزله راسها لـ الأرض: وعليكم السلام
سعد: مبروك الفوز توقعت والله
فرح على حالها: الله يبارك فيك
سعد: أخليكم أجل
رفعت راسها وتناظر فيه وهو معطيها ظهره طالع
نجد: بعد ايش؟!
فرح: مدري أستحيت
جو البنات عندها
فيء: اهنيك على الرسمه والله
ضي: على ذا التعب و اللوحه الحلوه فزتي الحمدلله
فرح: شكراً لكم
جاتكم جيلان: سلام عليكم
الكل: و عليكم السلام
جيلان: اي وحده فيكم نجد!
نجد: انا تفضلي
جيلان: أنا جيلان تذكرتيني؟
نجد هي اللي كانت تحاول تتذكرها: ايه تذكرتك
جيلان: عادي تجي معي شوي
نجد: ايه عادي لفت على البنات ، شوي واجي
هزو راسهم بمعنى : طيب
~
سيف: شعندك؟!
صقر شتت نظره: ولا شي
سيف: مين ذي شوي و تاكلها بنظراتك؟
صقر: شدراني و ماناظرت فيها
سيف: عليي!
صقر: يخي شفيك أناظر بفرحت البنات بعد فوز أختك و أستغربت من ذي الغريبه اللي جتهم
سيف: نجد راحت معها شكل تعرفها
صقر: مدري بس يلا نمشي!
سيف: ايه بس خلني أشوف البنات يمكن يبو شي
صقر: أنتظرك بسياره
~
جيلان: مدري من وين أبدا بس وافقي على عساف
عقدت حواجبها: شعرفك بعساف؟!
جيلان: أخوي و قلي عنك من أول ماتعرفتو على بعض و كيف يحبك
نجد: سعد وساره وش يقربو لك؟!
جيلان: عيال خالتي
نجد: يعني جيتي وقت خطبت سعد و فرح على شان تشوفيني؟
جيلان بسرعه: لا وصلاً ماعرفت اللي يوم قلتي أنس و البنات نادوك بسمك و عرفتك
نجد: كنتي تتصنتي علينا؟!
جيلان: لاولله كنت بجيب الكاسه و سمعتكم والحين ماعلينا من كل ذا جايتك على شان عساف
وقف نجد: أنا قلت له اللي عندي وخلاص
مسكتها مع يدها: صبر لا تروحين و هو ما ارسلني لك والله سمعتكم يوم كنتم برا و جيت اكلمك تكفين يانجد والله أخوي ماقد حب غيرك وماقد شفت عيونه مليانه حب من بعدك
نجد: تدرين أنا وحده أرمله لا اهلك ولا عساف بيرضون فيه
جيلان: اهلي ما راح يعرفون وعساف عادي عنده من بعد زواجك كان يبكي و يبيك و يحاول على قد مايقدر يساعدك بس كنتي ترفضي نجد لاتكسرين أخوي مره ثانيه و تجرحينه ذا توئم روحي
نجد: جيلان تكفين خلاص
جيلان: تكفين أنتِ
نجد: فيه شي ماتعرفونه ولو أخوك عرف مارح يرضى صدقيني وعلى شان كذا أبيه يبعد عني قبل لا يعرف و ينجرح ويلا أستأذنك
جيلان: نجـ... بعد ما اختفت من قدامها ، اف البنت ذي عنيده
~
سيف: بروح ذحين تبون شي؟
فرح: لا وحنا بعد بروح بس جالسين ننتظر نجد
سيف: مين اللي معها؟!
نوف: مدري بس قالت انها جيلان نفس اللي جات مع أم سعد يوم كانو بخطبون فرح
فرح شهقت: لايكون صاير شي؟
مها: لا مستحيل
سيف: انا رايح ولا تطولون أول أمي تتصل وتسائل عنا
فرح: طيب
بعد ماراح سيف بكم دقيقه جات لهم نجد: يلا نمشي
فرح: وش تبي؟
نجد: بعدين أقلك يلا مشينا لفت على مها ، بتروحين معنا؟!
مها: لا فهد بيجي
نوف: تكفين أتصلي عليه وقولي لا تجي وروحي معنا تكفين
مها: والله مقدر اليوم اخوياه جاين له ولازم أكون بالبيت لجهز القهوه و الشاهي
نجد: خيره يلا هيا
جاء شخص لهم: وين مدام فرح؟
فرح بستغراب: انا
الشخص: إذا ما عليك أمر مدام تعالي معي
نجد رجعت فرح وراها: ليه و وين تجي معك؟!
الشخص: ا. سعد بابا سعد يقول انا اجيب مدام فرح
مها: وين؟!
الشخص: مافي معلوم انا هذا بابا سعد قول انا اجيب فرح يمكن فيه سوي مو فاجئه على شان فيه فوز
لفت عليهم: يعني صادق؟!
مها: لا كذاب
نوف: يمكن صح لان سعد بعد ما بارك لفرح طلع وقال حاس انك بتفوزين
نجد: يمكن صح ماننسا انه رسام بعد وحبها من الألوان وفازت خطيبته يمكن بيسوي لها مو فاجئه
فرح: وش أسوي الحين أروح ولا؟
مها: لا لاتروحين
نجد: أقول روحي
مها: قلبي مو متطمن له لفت عليه ، مين أنت؟!
الشخص: أنا سواق بابا سعد بسرعه مافي وقت بابا سعد يقول لا تتأخر
نجد: طيب طيب مسكت فرح مع يدها روحي لاتضيعي ذا الشي من يدك
مها: شبتقولون لـمي وسيف؟!
نوف: بنقول لهم
نجد: لا خالتي مابترضى بشي ذا ولا سيف
مها: طيب يوم أنك عارفه ليه تبينها تروح
نجد: بنقول انها عندك وبتساعدك أنتِ أول ما تقولي بيجون اخويا فهد؟
مها: ايه
نجد: خلاص نقول راحت تساعدك
نوف: صح والله جبتيها
فرح بتوتر: يعني اروح؟
نجد: ايه و استودعي نفسك والله معك
فرح: طيب يلا باي
الكل: باي
نجد: يلا نوف مشينا
نوف: يلا
ودعو مها وطلعو لسيارت نجد
~
هم بطريق...
نوف: ذا مو طريق بيتنا
نجد: ادري
نوف: وين بروح؟!
نجد: فيه شي شاكه منه بروح أتأكد
أنت تقرأ
ما خلف القضبان.
Ciencia Ficciónاهلاً بكم جميعاً ، بروايتي واعزوفتي الأولى... بدأت كتابتها بـ1/1/2023 وشاركتها أياكم بـ13/1/2023 - (ما خلف القضبان.) (الرواية باللهجة العامية.) نبذة الرواية: بطلتي هي البنت الكبيره بـ العائله هي واخوها الصغير فاقدين اهلهم ويحاربون آلم ووجع الحياه ب...
