ليلى: قصدي واضح ولا تستغبي
حركت راسها بنفي: كذا تفكيرك ياخاله مشت وخلتهم راحت لغرفتها حطت اخوها على السرير بهدو انسدحت وغطت وجهها بلمخده وبكت على تفكير خالتها وعلى عساف اللي هو بعد نفس الشي يحبها وعلى موافقتها لجزاع حست كل هموم الدنيا فوق ظهرها
-
اما عند عساف طلع وراها و وقف بمسافة بعيدة شوي عن بيتها وكان يشوف كل شي و الولد اللي جاء عند نجد ونزلها من السياره مو كان سامع شي غير يشوف تحركاتهم وتقرب جزاع منها حس بغيره بس ماله دخل ينزل ويدافع عنها بعد ماشافها دخلت راح للسطبل
اخذ سهاج وركب فوق ظهره وبدا سهاج يمشي بهدو مسح على راسه وشعره: مشتاق لقصايدي يا سهاج!
بعد ما سمع صهيل خيله ضحك بخفه: ابشر
"يا سهاج ماجاب البخت مرمش الجيش
تصفقت ماجت بعلم الطراشه
يا سهاج ترى عروق قلبي معاطيش
تشدا لقاعا مبطي عن رشاشه
أسج وارقى فوق روس المطانيش
وأهل دمعي فوق خدي طشاشه ."
حس بتعب ولازم يروح للبيت يرتاح دخل خليه مع باقي الخيول وركب سيارته متجهه للبيت
-
في بيت عبدالإله...
نجلاء: الولد ذا صاير طلعاته كثيره
جيلان هي تعرف قالت بكذب: مدري والله يمكن عنده شغل
نجلاء: عشتو ش الشغل ذا
نجوى هي ماده رجولها وحاطه رجل على رجل وتشرب قهوه: اكيد عنده حبيبه يوم انه رافض هنادي
جيلان: من حقه يرفضها تلوع الكبد مافيها من الجمال لو نقطه
نجوى: والله احلى منك بس اص لا اغلط
نجلاء: هو باقي شي بتقوليه عيب تقولي لختك كذا واختك معها حق حتى لو عساف وافق انا ماراح اوافق تصير كنتي
نجوى تربعت بسرعه: منجدك يا أمي!
نجلاء: ايه من جدي ما حبيتها لا من لبسها الماسك فيها مره ولا من حركاتها
نجوى: اقول اروح لغرفتي احسن لي
نجلاء: احسن
جيلان هي رافعه صوتها: تو مانور المكان
نجلاء حطت فنجال الشاهي: وانا بعد بروح انام مانمت زين اليوم
جيلان بطفش: ذحين اجلس لحالي يارب عساف يجي
نجلاء: روحي نامي
جيلان: مافيه نوم
نجلاء: هيا اجلسي
بعد مادخلت امها واختها عدلت جلستها ومدت رجولها وتشرب قهوتها المفضله وتغني با اغنيتها
" أنا وقلبي نتفق ان الغلا والحب لك ؛
ياغير عن كل القلوب وغير عن كل البشر ؛
اقولها أكبر على الدنيا حبيبي اشتقتلك ؛
يا اصدق مشاعر عشتها وبالحب لي وجهة نظر؛
أنا وقلبي نتف.....
فزت على فتحت الباب: اوه عساف خوفتني
عساف: تدري صوتك واصل لـبرا!
جيلان: ايه خل معشوقي يسمعني ويجيني
عساف رفع حواجبه: والله
جيلان: ايه مو بس انت اللي تحب
جلس جنبها : اخوك تعبان ياجيلان تعبان
لفت عليه بسرعان وبدت تتلمسه على جبينه ووجهه إذا مرتفعه حرارته ولا: سلامتك ياروح جيلان شفيك؟!
انسدح على رجولها وبدت تمسح على راسه
عساف: قابلتها اليوم وياليت إني ما قابلتها
جيلان: ليه مو انت اللي تبيها وتبي تقابلها؟!
عساف: ايه بس طلعت مخطوبه وماتحبني احس اني غبي يوم حبيتها واقول اكيد انها تحبني بس لا
جيلان: شدراك يمكن تحبك؟!
عساف: اقلك مخطوبه تقولي شدراك
جيلان: طيب قالت لك منو سبب وفات اهلها؟!
عساف: تقول أشك انه عمي لانو هو عدو أبوي على أرض
جيلان بشهقه: يمه عداوه بين أخوان الله لاتبلانا وارضي الله واسعه يعني حاسدة يبي أرض أخوة
عساف: مو حاسده على شانها كبيره وحلوه يبيها
جيلان بعد تفكير حاطه يدها الصبابه على فمها: تصدق انها مجبوره على الزواج!
جلس على طول : ايش تقولين؟!
جيلان: انت تقول العداوه بين اخوان؟!
عساف: ايه
جيلان: تلاقي عمها اللي هو عدو أبوها بيزوجها ولده ليقدر ياخذ الأرض
عساف: ايه والله انك جبتيها بس يمكن مو بتتزوج ذا؟!
جيلان: مدري بس احس كذا
عساف: شكلي بتكلم معها وعرف سالفتها واساعدها
جيلان: وين تجيها؟!
عساف: مشيت وراها اليوم وشفتها يوم وقفت عند بيتها وجاها واحد نزلها من السياره وجلس يتكلم معها بعدين كذا قرب من وجهها
جيلان بشهقه: عسافوه لاتروح وتحط راسك بمصيبه اكيد ذا خطيبها يوم قرب منها واكيد موافقه بأرادتها يوم كذا قرب منها في الشارع
عساف: اول تقولي مجبورة ذحين تقولي موافقه بأرادتها صاحيه انتي؟!
جيلان: خلاص مدري بكيفك بس هذاني حذرتك لاتحط راسك بمصيبه
عساف بتسليك: ايه طيب بس بروح انام تصبحي على خير
جيلان: وانت من اهله
-
صباح جديد...
"الساعة 11:30
في المطبخ بدت تجهز الفطور وبقمت روقانها مو كأنها اللي أمس منهاره بكي وتدندن وترقص وهي تجهز الفطور لهم
واقفه عند باب المطبخ ومستغربه من بنت خالتها وايش سبب روقانها ذا !
تنحنحت: احم صباح الخير
لفت عليها ببتسامه عذبه: صباح النور والنوير
مها: ماشاءالله ايش الروقان ذا!
نجد: مدري بس لا تعكريه
مها: طيب ايش مسويه فطور؟!
نجد: تونه وشكشوكه بيض
مها كشرت: سويتي اللي ما احبها
نجد: ماعليك بنت خالتك مجهزه كل شي شوفي المربى والقشطه هينا في الصحن
مها: برافو عليك
نجد: خالتي وفرح ونوف ماصحو؟!
مها: أمي بدوره المياه اما فرح ونوف لا
نجد: يارب يصحو على شان نفطر سوى
قربت منها وخفضت صوتها: سيف بيرجع اليوم
لفت عليها وبفرحه: والله جد!
مها ببتسامة: ايه بس اص لا احد يسمعك قلي ما اقول لـ اي احد يبيها مُفاجأة
نجد: طيب ليه قلتي لي؟!
مها: لانو ابيك توديني لنجيب كيكه وكذا لـنستقبله عيب غايب أخوي كم شهر عنا ومانستقبله
نجد: ايه صح يوه فرحانه لـجيته كأنه أخوي مو ولد خالتي
مها: هو يعتبرك أخته الرابعه وانتِ تعتبرينه أخوك
نجد: ايه طيب متى نروح؟! لانو ملابسي على السرير لازم اطبقها واحطها بدولاب
مها: على العصر شي كذا لانو بيجي بعد المغرب
نجد: طيب
ليلى هي جايتهم ورافعه صوتها: والله لو ماتقومون لجي بذي النعال
مها: صباح الخير أمي
ليلى: اي صباح والساعه شوي وتصير 12 ومشاءالله عليكم متى صحيتو وسويتو الفطور؟
مها: كل ذا اللي سوته نجد
ليلى: ماشاء الله حتى الخبز ذا؟!
نجد: ايه
ليلى بستغراب: كيف سويتيه كيف شبيتي النار؟!
نجد: على الغاز ياخالتي
ليلى: اها هيا جيبو فطوركم في الحوش
مها: لا يا امي مانبي الحوش شمس
ليلى: يوم صحيتي ماشفتي مع الشباك الجو كيف مغيم؟!
نجد: جاء مطر بعد مانقدر نفرش الفرشه ونجلس
مها: اما!
ليلى: ماشاءالله متى؟!
نجد: والله 10:30 تقريباً صحينا انا وأنوس على صوت المطر طلعنا لعبنا فيه شوي ودخلت اسوي الفطور
مها: حسبي الله على بليسك ليه ما صحيتيني!
نجد: مدري
ليلى: على طاري أنس وينه؟!
نجد: برا يلعب بسيارته
ليلى: تبينه يزيد تعبه
نجد بستغراب: تعب ايش؟!
ليلى: مو البارح تقولي أنوس تعبان؟!
نجد تذكرت كذبتها البارح: اء ايه صح تعبان بس اليوم احسن من امس والجو شوي دافي فاخليته يلعب وما يطفشني وانا اسوي الفطور
ليلى: هيا يلا يلا خلونا نفطر قبل الظهر يأذن لانو بعد الظهر بروح للمداويه اللي هينا
مها: سلامتك شفيك؟!
ليلى: ركبتي ورجولي ذي الفتره توجعني بروح لتعطيني دوا ولا اعشاب لها
نجد: عاد ماشاءالله عليها قبل أمي الله يرحمها ظهرها يوجعها واعطتها اعشاب مدري وش وبعدها طابت
ليلى تذكرت شقيقتها وتحبها كثير اعطتهم ظهرها: ايه قالتلي أمك وبسرعه جيبو فطوركم ، رفعت صوتها مره ثانيه فريح نويف والله لجي والله بنعال بتقومون بتنزلو ولا شلون بسرعه هذاني حلفت والله
-
بـ بيت أبو صقر...
أبو صقر: ماعرفتو موافقت نجد لـ جزاع؟!
فيء: لا
أم صقر: ياليتك يابو صقر ماكنت الشاهد ورفضت
أبو صقر: ماقدرت والله ماقدرت
ضي: الله يستر من جزاع وعمي
فيء: ايه والله جزاع ناويله على شي
أبو صقر: أبوي طالب منه يتزوجها
أم صقر: بس خطبها يوم أبوك داخل في غيبوبه يعني مو على شانه
فيء: واضحه على شان الأرض والبيت راح يعذبها و وقتها بتعطيه ياحزني عليك يا نجدي
أبو صقر: لا إن شاءالله مو مسوي لها شي
صقر هو سامع كل كلامهم وتاكل فيه مثل النار منزل راسه يناظر في فنجاله: والله لو يلمس شعره منها ما اخليه عايش
لف عليه بسرعه: شتقول انت هاه مالك دخل فيهم زوجته وكيفه فاهم ياصقر!
رفع راسه بعصبيه وعيونه محمره: يبه ذي بنت أخوك الغالي بنت أخوك اللي تحبه جزاع مايبها ولا يحبها يبي يعذبها يبي يطلع كل قهر عمي وقهره فيها ويبي ياخذ البيت ويبي ياخذ الأرض هو جابرها على الزواج مستحيل نجد توافق مستحيل
أبو صقر نفس نبرت صوته: ترفع صوتك على أبوك ياقليل الحيى!
لنز راسه: أسفه يا يبه مو كان قصدي بس من قهري ، وقف وعدل ثوبه يلا أستأذنكم
أبو صقر على حاله: على وين؟!
صقر: بروح دكان القهوة عند الشباب
مسكت يد ابوها: هد يايبه لايرتفع ضغطك
أبو صقر: كيف تبيني اهدى ياضي وأخوك بيجنني
سلمت على راسه فيء وباست خده: هاه إن شاء الله هديت؟!
حط يده على خدها: كيف ما اهدى وعندي بنات مثل القمر
ضي: يبه!
أبو صقر: لبيه
ضي هي مشبكه يدها ببعض: نبي فلوس!
أبو صقر: شحقه؟!
ضي: باقي لنا فستان انا فيء
أم صقر: تتكلمو جد؟!
ضي: ايه شنسوي مالقينا ويوم لقينا مامعنى فلوس
طلع المحفظه من جيبه وفتحها: كم تبغون؟!
ضي: اللي تقدر عليه
-
بـ بيت عبدالإله......
عساف رافع صوته: أمي ابي شاهي اللي عندي خلص
نجلاء: الله يشغلك ياذا الولد كانك اشغلتنا بطلباتك ذي
عساف الاكل بفمه: وش اسوي مخليني اكل لحالي تحملو طلباتي
عبدلإله: كم مره قلت لاتتكلم والاكل بفمك!
بلع الاكل: أسف يايبيه
تولين: كان خلتيه يا خالتي يفطر معنا عادي بخلي برقعي علي
نجلاء هي تصب الشاهي: لا صعبه ماتقدري تخاذي راحتك ، جيلان قومي وانا أمك خذي وديه لخوك
جيلان: أبشري
تولين: والله مشتاقه لـ وجدان ليتها جات وفطرت معنا
نجوى: قالت بتجي العصر إن شاء الله
تولين: إن شاءالله
عبدالإله: الا كيف كانت سفرتكم؟!
علي: والله حلوه بس مره برد عندهم
تولين: علي مدري شفيه يقول برد وانا أشوفه حلو
نجلاء: هو علي كذا من يوم انه صغير يبرد
تولين ناظرت فيه ببتسامه: اهاا الله يعينني عليه اجل
علي: تحمليني
تولين: هو ذا اصلاً
عساف رافع صوته: وأنا يا أمي كنت زيههه؟!
جيلان: يوه يا عساف ترانا قريبين منك قصر صوتك شوي يا أخي
نجلاء: لا انت كنت أبو نوم تموت بنوم
جيلان: الا اللأن اصلاً
علي: إن شاءالله تاخذ وحده أم نوم زيك
عبدالإله: لاخله ياخذ وحده ماتحب النوم لتعدل نومه
علي: لا على شان ماتجلس لحالها وتطفش وهو نايم خل نومهم يكون واحد وثانياً والله ماتعدله ولاتقد تصحيه احنا ماقدرنا فيه هي بتقدر
عساف تذكر محبوبته وانها بتتزوج خلاص وبتروح منه: مين قال لكم أني بتزوج اصلاً!
نجلاء: مو قلت لي لقيت لي بنت يا يمه وبتزوج شغير رايك؟!
عساف على وضعه: خلاص ما عاد أبي أتزوج
عبدالإله: ليه بنت الناس لعبه عندك تبي تتزوجها بعدين تغير رايك؟!
عساف: هي بتتزوج
نجوى: اجل ياحبيبي نصيبك بـ هنادي
عساف وقف بعصبيه وعدل ثوبه: أقسم بالله لو اسمع أسمها بالبيت مره ثانيه مانك أختي ولا أعرفك يلا عن أذنكم
نجلاء لفت عليه بسرعه: على وين يمي؟!
عساف: عندي شغل
لفت عليها: ارتحتي ذحين؟! ماخلتيه يكمل فطوره و طلع هو معصب
نجوى قامت: وانا بعد مراح اكمل فطوري ويارب يهمكم
نجلاء: بتجنني البنت ذي
-
بـ بيت نجد...
نوف وهي تحك راسها من فوق القماش: يوه يا أمي ليه صحيتينا بدري!
ليلى: وش اللي بدري والساعه 12 ياويلي والله اظن ان فيس قمل صادقه فرح
مها ماسكه ضحكتها: اكيد من اول ماجات من المخيم بس تحك
أنت تقرأ
ما خلف القضبان.
Science Fictionاهلاً بكم جميعاً ، بروايتي واعزوفتي الأولى... بدأت كتابتها بـ1/1/2023 وشاركتها أياكم بـ13/1/2023 - (ما خلف القضبان.) (الرواية باللهجة العامية.) نبذة الرواية: بطلتي هي البنت الكبيره بـ العائله هي واخوها الصغير فاقدين اهلهم ويحاربون آلم ووجع الحياه ب...
