ليان هي وراه: وش تسوي؟!
لف عليها بستغراب: ليان شجابك هينا؟!
ليان: بتكلم معك الله يخليك اسمعني!
صقر: شعندك اخلصي عليي بسرعه
ليان بحزن: خلنا نرجع!
صقر: ايش ايش ماسمعت مباقي الا هي اقول روحي الله يستر عليك
ليان: تكفى اعرف اني غلطانه بس على شان سلطان خلنا نرجع!
صقر: ليان انتِ اللي خربتي بيتك بيدك انتِ اللي رحتي وراء ولد خالتك وانتِ حامل حتى ما استحيتي على وجهك وينه ذحين هاه؟!
ليان ببكي ومنزله راسها: تزوج وعنده ولد وبنت
صقر بضحكت سخريه وصفق بيده: برافو بعد ما تطلقتي وانتِ حامل وخربتي بيتك وخسرتي ابو ولدك راح وتزوج قال شبغاء بوحده مطلقه وحامل بعد
ليان ببكي وصراخ: لا تقول كذا فاهم وانا تزوجتك غصب وكنت احب ولد خالتي كنت بتطلق منك قبل لا احمل بس ماقدرت قلي عادي بتزوجك لو انك مطلقه وعندك ولد بس كذب علي وسحب علي بعد
صقر: غلطك ياليان وما ابي اتحمله غلطك ذا تحمليه انتِ وتحملي ذنب الطفل ذا اللي ابعدتيه عن ابوه ويلا خلصتي كلام واخذتي الجواب توكلي
ليان: قل انك تبي نجد قل انك تحبها كلكم اصلاً تحبوها انت وجزاع وجدي وتظاربتو على شانها ضربت حزاع على شان جدي فضله عليك وبيجوزه نجد
صقر بعصبيه: ليان انطمي وجدي بيزوج نجد لجزاع على شان البيت بياخذه كلكم ضد ذي المسكين ونجد بنسبه لي مثل ضي وفيء اشر بصبعه الصبابه يلا طسي عن وجهي مو فاضي لك
ليان: بطس بس يحرم عليك تشوف سلطان
راحت وماخلت له مجال ليتكلم مسح على وجهه وراسه بغضب طيب نشوف ياليان نشوف
-
بعد ماتكلمت مع الخيل وفضفضت له ورتاحت شوي وحست بكميت راحه بداخلها دخلت عليهم بالخيمه وكانت متفشله من أم حزاع وليان وفجر من كلمتها اللي طلعت من غير شعور عن ولدهم طلعت برقها وطرحتها وجلست بهدو
أم صقر تنحنحت: تبي شاهي يا نجد!
نجد: لا ما ابي
أم صقر: يلا اجل شيلو الفناجيل وغسلوها ورتبو فرشكم لنام
رهف: ما دري كيف بنام من البزارين بيشغلونا
أم جزاع: والله ما ابي النومه هينا بس شسوي ب جزاع وابوه
فيء بحماس: بنام برا انا ونجد
أم صقر: الصلاتي على النبي احد ينام برا؟!
فيء: ايه والله وناسه ناخذ راحتنا بكل شي ناظرت في نجد صح ولا لا يانجد؟
نجد اللي مسرحه وبعالم ثاني ومو مهتمه لكلامهم
فيء: ياهو نجد نكلمك!
نجد بستيعاب: اء هاه
فيء: شفيك؟!
نجد: مافيه شي ليه؟!
فيء: جالسه اكلمك انام برا ولا لا
نجد: ايه عادي
رهف: صحيات انتم وين بتنامون؟!
فيء: على الجلسه مافيها شي
أم صقر: فيء صاحيه انتِ غلط تنام برا
نجد: ليه؟!
أم صقر: يمكن يجيكم احد فكوني من النومه ذي
فيء: ياحظي منو بيجينا صادق حاله حال نفسه حتى مايدري عن هواء داره والله ما يجي لنا وبقول لصقر يسكر الباب الكبير حق العزبه وخلاص قضينا
ضي: خليهم يا أمي يارب يجي شي ويخوفهم
نجد: وش اللي راح يجينا يعني!
ضي: مدري
اخذو فرشهم وقفت عند الباب ولفت عليها: فجر ماتبين تجين؟!
فجر وهي معطيتها ظهرها: لا
راحت وجلست جنبها مسكتها من يدها: انا ادري انك زعلانه مني بس والله مو كان قصدي قهرني جدي كل ماشافني وزانت الجلسه على قولتهم قال بتتزوجي جزاع وانا ما ابي الزواج ولاشي شي يقهر وربي
فجر: وليه تقولي عن جزاع عديم شرف؟!
نجد بكذب: من غضبي وقهري قلت عنه كذا ولا جزاع ونعم فيه بس الواحد ليا عصب يقول كلام مايدي عنه آسفه والله واحنا بنات عم مازعلنا من بعض يوم كانت فيه عداوه بين ابانا تبين نزعل على شان جزاع؟!
فجر: بس انتِ غلطتي على شرفه وذا شي يقهر
نجد: آسفه والله حقك علييي من عصبيتي شسوي!
ناظرت فيها وابتسمت: ايه تمام
نجد بفرحه: يعني مانك زعلانه مني؟!
فجر: ايه
ضمتها وباستها: ايه شطوره
فجر: خنقتيني يابنت
فيء بغيره: اقول بعدي انتِ وياها ومشي خلينا ننام ورانا قومه الصباح
نجد وهي ضامه فجر: ايه غيرره
فيء: يع مين قال اني غرت!
فجر: الا غرتي
فيء: لا
نجد: الا بس تعالي
استغلت الفرصه وراحت ضمتهم وضحكو من غير شعور وحسو انهم فرحانات وش سبب الفرحه ما يعرفو ونجد اللي تضحك من قلبها مو كأنها اللي قبل شوي منهاره بكي
أم جزاع: خلاص قصرو اصوات ضحككم الرجال سمعو
رهف: خليهم لا تخربي وناستهم وضحكتهم الله يديمها
أم صقر: آمين يارب
ضي: يا الخينات مخليني لحالي نطت عليهم من فوق وضمتهم
نجد: ضيوه انكتمت بعدي
فيء: يمه يادبك ياضي
ضي: اقول انطمي بس
قامت أم صقر وصفقت بيدها: يلا يلا مافي وقت دوبنا ننام لنصحا الصباح ونشوف غنيماتنا ونياقنا وش تبي ووش ماتبي
فيء: عندها صادق وابوي وصقر
أم صقر: اقول امشي نامي وانتِ ساكته
فيء: ايه طيب يلا يانجد مشينا
شالت فراشها: يلا
بدو يرتبو فرشهم اللي بالخيمه واللي بالجلسه والرجال نفس الشي طفو الانوار اللي شغاله على الماطور وبدو ينسدحو على فرشهم اللي نام واللي يفكر بلي صار اليوم واللي يسولف مع اللي جنبه
فيء: نجد!
نجد بتمتمه والنوم بعيونها: اهمم
فيء: جزاع شمسوي لك؟!
فتحت عيونها بسرعان: ماسوا شي
فيء: طيب ليه قلتي عنه كذا؟!
نجد: ماسمعتي شقلت لـ فجر من غضبي طلع مني ذا الكلام
فيء: احسك تكذبي وتخفي عنا شي
نجد: لا ما اخفي اي شي ويلا نام شنو قالت أمك ورانا قومه الصباح وانا فيه نوم بنام تصبحي على خير
فيء: وانتِ من اهله
بعد ما الكل نام والمكان يعمه صوت الغنم و النياق و رعد صقر منسدحه على ظهرها فتحت عيونها وحصلت اللي فوق راسها راس كبير وشعره سكرت عيونها و فتحتها مره ثانيه لتتأكد صدق ولا خيال ضربت فيء بخفه وبصوت خفيف: فيء
فيء: هممم
نجد: قومي شوفي
فيء: ششوف!
نجد: فيه شي فوقنا
فيء هي تلف على جنبها الثاني: يتهيئلك بس نامي
حست بشعره على وجهها وصرخت ووقفت بسرعه
قامت فيء على صراخها: ووجع شفيك!
نجد بخوف: شوفيه راح شوفيه
فيء: وهيا تناظر فيه وما تشوفه بوضوح بس من صوت ركضه عرفت ذا يا خيل صقر او ناقه بسم الله منو فاتحها
نجد: ماشفتي شكلها كيف فوقنا وشعرها ويوم جاء على وجهي يمه
رجعت انسدحت: اقول نامي بس
نجد اخذت فراشها: والله مانمت لو اني بهيمه احسلي ادخل جوه بس راحت تحت منادات فيء لها دخلت الخيمه وخلتها برا لحالها ناظرت حوالينها يمه ولله مانمت لحال اخذت قشها وركضت للخيمه
-
صباح جديد ويوم جديد على ابطالنا
في بيت ليلى....
بدت تجهز الفطور وتدندن ب اغنيتها المفضله فرشت السفره بالحوش عدلت جلبيتها وجلست وبدت تنادي بـ اعلى صوتها: أمي مها نوف يلا فطور
مها جايه وهي تعدل شعرها: كل الجيران عرفو اننا بنفطر
ليلى: لا باقي ارفعي صوتك ما احد سمع
نوف وهي تحك شعرها وشعرها الطاير: ياالله صبح خير شعندك تصرخي!
فرح: بسم الله الرحمن الرحيم الكل قام علي شرهتي اني اناديكم تفطرو وانتِ شفتي كشتك قبل لا تجي مريتي المرايه وانتِ جايه؟!
ليلى: نادي بس بشويش
نوف وهي على حالها: تبي الصدق لاوالله
فرح بشهقه: يمه بنتك فيها قمل صدقيني
مها ضحكت وشرقت بـ الشاهي: حسبي على بليسك يا فروح
ليلى: اقول انطمي خل قمل مدري من وين يجيها صبي صبي بس لي شاهي خليني افطر
فرح: ابشري بس القمل بيجيها من عمانها يوم طلعت معهم عند الغنم ويعع
نوف: اقول ماودك تسكتين و احسن منك
فرح: تخسي احسن منهم بميت مره
ليلى: بتسكتون ولا بالنعال اللي جنبي خلوني افطر زي الناس
الكل: طيب
مها: من وين جبتي الزيتون البارح مالقيته!
فرح: رحت وشريت
ليلى: ياويلي لحالك؟!
فرح: ايه شفيها!
ليلى: صاحيه انتِ تبي يصير مثل ماصار لبنت عمك!
فرح: بنت عمي على شانها مضبده عيونها وطالع خصلات من شعرها وعبايتها مفتوحه وكذا تحرشو فيها اما انا ماسويت زيها ابداً الحمدالله
مها: بس حتى ينخاف منهم والله
ليلى: يارب اشوفك مره ثانيه طالعه لحالك فاهمه؟!
فرح: فاهمه
-
بـ بيت عبدالاإله...
جيلان: مالقيته في غرفته
نجلاء: ياويلي وين راح!
وجدان: اهدي يا أمي يمكن عنده شغل وطلع
نجلاء: وش الشغل ذا اللي يطلع له ؟!
نجوى: يمكن راح مع ابوي!
نجلاء: دقيت على ابوكم يقول مومعي ويقول حتى من الفجر مو فيه رحت لغرفته بقومه على شان الصلاة مالقيته
وجدان: لا تعصبي ذحين بيجي بس انتظري شوي
جيلان: جواله مقفل
نجلاء: يارب احفظه لي ورجعه سالم ياربي
فزو على فتحت الباب السلام عليكم
نجلاء: وينك وين رحت هاه قلي؟!
عساف: طيب يا أمي ردي السلام اول
نجلاء: وعليكم السلام قلي وينك؟!
عساف: كنت في السطبل
نجلاء: عند السطبل لـ ذا الوقت!
عساف: ايه
نجلاء: شتسوي عنده عساف تبيني اسحب منك الكلام تكلم زين
جيلان ماتت ضحك من كلام امها: ياويلك
عساف: كنت البارح متضايق فـ رحت لـ سهاج وجاء لي نوم ماقدرت ارجع للبيت خفت اسوي حادث فقلت انام باسيارة والصباح رباح
نجلاء: كان أعطيتني خبر أنك بتنام هناك!
عساف: نسيت
وجدان: طيب تعال افطر تونا جلسنا
عساف: اي والله حدي جوعان
نجلاء: لا تتكرر الحركة ذي
بفمة الخبز: أبشري
-
بالبر...
صحت وحصلتهم نايمين جنب بعض وبخوف ضحكت على اشكالهم وعرفت انهم خافو من شي و رجعو للخيمه
أم صقر: امشي لنروح نشوف الغنم
ضي: طيب بس غريبه وين اهل عمي؟!
أم صقر: راحو عند غنمهم شوي ويجو
ناظرت فيهم: نقومهم؟!
أم صقر: لا خليهم مساكين مارقدو زين البارح جاين وواضح عليهم الخوف بس مدري وش جاهم!
ضي بضحك: يارب صادق
أم صقر: اص ياقليله الادب ومشي بسرعه الحقيني
ضي: طيب
فيء: وت وت ماتعرفو تسكتون وتخلونا نرقد زين الناس والاوادم!
أم صقر: الحمدالله انك قمتي هيا قوي معنا للغنم
رجعت انسدحت: لا انا نايمه
أم صقر: اقول قومي بنحلب الغنم ونفيح حليبها وتساعدي اختك بتجهيز الفطور
فيء بملل: طيب
أم صقر: طيب وهي منسدحه قومي يابنت
فيء: ياربي قمت خلاص
بعد ما صحصحت وغسلت وجهها لبست لثمتها وطلعت ولقتهم عند الغنم : ماشاءالله شعندهم متجمعين هناك ياويلك يا أنس لو تشوفك نجد كيف داخل عند الغنم وتلعب كذا
صقر: شف شف شلابسه!
فيء: مافي فرق بين اللثمه والبرقع
أم صقر: والله
فيء: ايه الفرق بس البرقع يطفش ومقدر اشتغل
أبو صقر: خلو بنتي على راحتها
فيء بغرور: سمعتو!
أم صقر: ايه سمعنا بس عطينا الجيك بنحلب مافي وقت
فيء: خذي بس خلي ضي تحلب تموت بـ لحلب
ضي كشرت: قرررفف تخسين يا الكذابة
-
صحت ومالقت احد بالخيمه: غريبه وينهم لبست برقعها وعبايتها وسكرتهم بأحكام لاتنفتح قدام صقر وقفت عند باب الخيمه ولقتهم قدامها عند الغنم وكيف مجتمعين واصوات ضحكهم يعم المكان على فيء اللي صقر يلحقها وهو شايل الغنم الصغير يخوفها وصراخها وأم صقر تصرخ عليه : خلاص ياصقر ما خوفت بس فيء الا الغنم المسكينه بعد
تقدمت لهم ببتسامه: صباح الخير
الكل: صباح النور
وقف بعد ماسمع صوتها وناظر فيها وجاي لها يمشي بخطواته الهاديه
نجد حركت راسها بنفي: صقر لا اعرف النظرات ذي لا
وقفت وانحنت بتعب: ايه تكفى عليك ابها
بدت ترجع على وراء وهو يقرب منها: تكفى يا صقر لا وربي شكلها مره يخوف اسمع عندي فكره خوفني بـ رعد او الدجاجه اما الغنم ذي لا
صقر ببتسامه: مع الأسف لايوجد أختيار
أنت تقرأ
ما خلف القضبان.
Science Fictionاهلاً بكم جميعاً ، بروايتي واعزوفتي الأولى... بدأت كتابتها بـ1/1/2023 وشاركتها أياكم بـ13/1/2023 - (ما خلف القضبان.) (الرواية باللهجة العامية.) نبذة الرواية: بطلتي هي البنت الكبيره بـ العائله هي واخوها الصغير فاقدين اهلهم ويحاربون آلم ووجع الحياه ب...
