ولا تتضايقهي ولا تبكي علينا ولاشي كل ذا قضاء الله بعد ماسمعت الكلام ذا جلست ابكي اكثر واكثر يعني أمي كانت في وعيها كانت بتعيش اكيد ذا خطاء طبي! قالت لي لا كان قلبها يوقف اكثر من مره وننعشها وكان فيها كسور وكدمات مره قويه وقدر الله ماشاء فعل الله يرحمها بديت امسح دموعي وقلت بيني وبين نفسي وصيت أمي لازم التزم فيها طلعت وركبت السيارة كانو كل الموجودين مصدومين من فعلتي وصلت البيت ونزلت وشفت أنوس با لحوش يلعب رحت له ركض وظميته بعد عني بسرعه وراح لـ خالتي ابداً ما استغربت من فعلته رحت له ومسكته من ايده اهدء طيب مراح اصيح وابكي لو جلست تبعد اعني كذا وماتبيني ببكي جاء وظمني خلاص لاتبكين بسته وشلته ودخلنا البيت جلسنا شوي والا بدو يجو الناس يعزو واللي يهديني وكنت على قد ما اقدر امسك دموعي وما ابكي مرت ثلاث أيام بصعوبه وتعب وكان كل يوم احد ينام عندي ومايخلوني لحالي اخر عزاء كانو بيطلعو ملابس اهلي صرخت عليهم لا احد يطلها ما احد له دخل فيها فاهمين! قالت خالتي لازم نطلعها يانجد مايصير وانا خالتك قلت لا يعني لا وروحو خلوني لحالي ابي اجلس مع نفسي شوي احترمو كلامي وراح
دق جوالها وناظرت فيه الا هي فرح بدت تمسح دموعها: فرح تدق صوتي واضح متغير !
عساف هو يمسح دموعه: ايوه خذي اشربي مويه وحاولي ماتبيني لها شي
شربت المويه وتنحنحت
فرح: برافو يا نجد برافو وينك قلتي بتطلعي برا مالقيتك!
نجد تحاول تعدل صوتها: احم اء بـ السوق ايه بـ السوق
فرح بستغرا: ايت سوق و وش تبي منه!؟
نجد: اء ابي لي شي
فرح: وشو طيب!
نجد: اء صحن للكيك
فرح: اها
نجد: وينك طيب ذحين؟!
فرح: برا استناك تعالي بسرعه
نجد بتوتر: ادخلي جوه وبدور ب القسم ذا بشوف اذا فيه ولا لا
فرح: لا بنتظرك هينا
نجد: فروح لاتعاندي غلط تجلسي برا يمكن احد يجي ويسوي لك شي
فرح: طيب بس بسرعه لاتطولي علي
نجد: طيب
رحت فيها والله
عساف: رحتي فيها ليه؟!
نجد: ذحين بجي وماتلاقي معي صحن بتقول وينه!
عساف: عادي قولي مالقيته
نجد: ايه تمام وشكراً لك
عساف: على ايش؟!
نجد: على القهوة وانك خليتني اطلع اللي بداخلي طلعت نص وباقي نص
عساف: الايام الجايه إن شاءالله
نجد بستغراب: شقصدك!
عساف: إن شاءالله نتقابل مره ثانيه وتقولي النص الثاني لاني الصراحه متحمس
نجد: ما اتوقع انا بنتقابل
عساف: تفائلي وقولي إن شاءالله
نجد ببتسامه وبانت من عيونها: إن شاءالله
-
با بيت أبو صقر....
جهزو كل شي وفرشو الفراش في الحوش وجات رهف وبنتها وأنس وصقر وابوه وصلو للبيت ومعهم الذبيحه
صقر: تفضلي يا الغاليه ماخلها معشوقك في خاطرك
أم صقر با أحراج: عوايدك وما تخليها
فيء: ياعيني ياعيني ماعرفناك وانتِ مستحيه
أم صقر من احرجها ماتدري شتسوي رمت عليها النعال
فيء: احح يا أمي وربي تعور
أم صقر: حلاال فيك شوي والا ترفع صوتها واه يا صقر امسكه وربي مابغى الا شعره بس ويطيح بنار
صقر هو ماسكه: صاحي انت شتسوي بغيت تطيح وتنحرق خطاء كذا طيب
أنس: طيب بس بشوي انا
صقر: طيب تعال نشوي انا وياك
ضي: عاد لو طاح بنار ما ندري شبتسوي نجد!
رهف: بسم الله فال الله ولا فالك
ضي: قلت لو والله يحفظه ما يجيه شي
فيء: احس بتموت من الفقد
أم صقر: خلاص فكونها من السوالف اللي مالها داعي ودقيتو عليها بتجي ولا؟!
ضي: تقول لا مو جايه
أبو صقر هو جايهم يمشي بعكازته: مين اللي موجايه؟!
ضي: نجد
أبو صقر:وليه ياحافظ!
ضي: تقول مامعي وقت وفرح عندي تخاف تجلس لحالها في البيت
أبو صقر: اهاااا
أنس بشهقه وتوه يستوعب انو نجد مو معهم: بروح لنجد
صقر: وش اللي تروح نجد مو فيه
أنس شوي ويبكي وصوته تغير: وين راحت راحت عند أمي وخلتني صح!
صقر مسكه من يده وقرب منه: لا يا قلبي عندها شغل بتخلصه وتجي وبتجيب معها حلاوه
أنس: لا ابي سياره حلاوه
صقر: ابشر على ذا الخشم
أنس: وين سلطان!
صقر: تبي اجيبه؟!
أنس بفرحه وينط: ايه على شان نلعب
صقر: ماطلبت شي فييوه انتبهي للحم وأنس والنار
أبو صقر: على وين إن شاءالله مشغلنا من اليوم بنذبح ونشوي واخر شي تروح وتخليهم!
صقر: بروح اجيب سلطان وجي ماني مطول
أم صقر: شطرا عليك تجيبه ذحين توك تتذكره!
صقر: أنس يبي يلعب معه واول كنت بجيبه قالت ليان انه نايم
فيء: بسرعه لاتطول تعرفني اكره الشوي يحرقني
صقر: عن الدلع البنات بس
طلع وبطريه وقف واتصل عليها
الو وينك!
نجد: بطريق
صقر: جيبي معك سياره وحلاوه
نجد بستغرب: ليه مشتهيها!
صقر ماسك ضحكته: ايه طفشت قلت اتصل لتجيبي لي سياره العب فيها بالحوش ومنها اتسلى اكل حلاوه
نجد: صقر مو منجدك صح!
صقر: انتِ ايش رايك؟!
نجد: والله مدري عنك
صقر: لـ أنوس يبيها
نجد: وياروحي انا والله يبشر ماطلب شي فقدني!
صقر بكذب: ولا درا عن هواء دراك
نجد بستغراب: مستحيل
صقر: ايه مكتفي فيه ويلعب مع حبيبته العنود وسلطان
نجد بضحك: شوشت راسي ياصقر وربي و وش اللي حبيبته ومافقدني تكلم زي الناس!
صقر: خلاص امزح فقدك وكان شوي ويبكي يبيك بس قلت له بتجيبلك حلاوه وقال يبي سياره بعد
نجد: ياقلبي وسالفت حبيبته!
صقر: أنس مو حبيبته العنود!
نجد: مو انت تقول العنود لسلطان وتبيهم يكبرو بسرعه لتزوجهم!
صقر: حسيت أنس أنسب وتصلح له العنود
نجد: الله الله
صقر: ايه ويلا مع السلامه
نجد: الله معك
سكر من المكلامه والله انك غريبه يانجد كمل مشيه وراح اخذ سلطان وجابه لـ أنس وكان فرحان ومستانس رجعو الثنتين للبيت وبدت تقلها عن اللي صار معها في المعرض وردت فعل سعد و تسألها أسألتها المعتاده و وين صحنك اللي تبينه وكانت على قد ماتقدر تصرفها بأي شي دق باب البيت ومستغربين مين اللي جاي بذا الوقت
مين!
افتحي يازوجتي العزيزه
لفت على فرح وعرفو يوم قال زوجتي
فرح بسرعه: لاتفتحي فاهمه
نجد بخوف: اكيد
دق مره ثانيه بتفتحي ولا شلون
نجد: قول اللي عندك ماني فاتحه
جزاع: تطمني مراح اسوي شي بتكلم معك بموضوع وبس
فرح: تكلم من وراح الباب ولا لازم نفتح وتسوي اللي تبيه وتطلع كأن مصار ولا شي
جزاع بحزم: لا تدخلي انتِ
" يانجد حبيناك من حب راعيك"
امي راح تجي تطلب يدينك لاتردينها ووافقي!
نجد: ماراح اوافق لو انك اخر واحد بادنيا ذي
فرح: ليه تبي تتزوجها لتغطي على قرافتك ووصاختك!
جزاع بعصبيه: اقسم بالله لو ماتنطمي ليصير شي ما يعجبك وانتِ الثانيه مو على كيفك راح تتزوجيني يعني راح تتزوجين فاهمه!
فرح: ايه ورني شنو بتسوي بتقرب مني بتبوس رقبتي!
نجد هي راصه على اسنانها: فرح خلاص ادخلي جوه
جزاع ضرب الباب برجله بقوه: بسوي اقواء من ذي وانتِ جهزي نفسك لبكره
نجد: لاتتعب امك وتفشلها لاني ماراح اوافق
جزاع: نشوف
نجد: ايه طيب نشوف
دخلو للبيت يععع مره قليل الادب خواته مو مثله
نجد: الا ليان
فرح: عجوز بليس هاه وربي لو هو ليتصفق
نجد اللي وقفت تعدل جلبيتها: لا ما اتوقع هو
مين؟!
افتيح أمانتك معي
نجد: أمانتي!
صقر: ايه مو محطيه عندنا أمانه ولا ناسيه!
نجد وتوها تستوعب سرعان مافتحت الباب ودخل أنس: ياهلا بـ الذيب تعال بعد عنها وركض ودخل للبيت
صقر: معليك معصب منك شوي
نجد: اول مره يسوي كذا
صقر: يمكن بعد معصب لانه طاح
نجد بخوف: طاح وين طاح صار له شي؟!
صقر: خففي اسأله شوي لا ماصار له شي عقمت جرعه فيء ومافيه الا العافيه
نجد: الحمد الله
صقر: وايه صح قالت لي أمي اقلك تروحي معنا بكره
نجد: وين؟!
صقر: في البر عند الغنم حقتنا
نجد: ما اتوقع اني بروح والله
صقر: وليه إن شاءالله!
نجد: فرح فيه واحس صعبه
فرح هي واقفه عند الباب وتسمعهم: عادي روحي بكره بروح أنا
نجد بستغراب: وين بتروحي؟!
فرح: نوف تقول انهم بيرجعو بكره وما ابيها تجلس بالبيت لحالها ويمكن بعد أمي ومها بيرجعون
نجد: اهاا
صقر: خلاص ابداً مافي عذر بتروحي وضي وفيء اصرو عليي ل اصر عليك واخليك تروحي معنا خذي لك كم لبس ولـ أنوس لانو بنام هناك
نجد: إن شاءالله ويعطيك العافيك
صقر: تعافيك
سكرت الباب وعلى طول طلعت له فوق في غرفته فتحت الباب ولقته منسدح على سريره
نجد: ايش فيك؟!
أنس: زعلان منك
نجد: افا والله ليه؟!
أنس: لانك رحتي وخلتيني
نجد: أسفه ترضيك ذي
أنس: لا
نجد: طيب صقر قال لك شنو بجيب معي؟!
أنس بتفكير: حلاوه وسياره
نجد: طيب لو قلت لك اني جبتها
لف عليها بسرعه وجلس بحظنها: والله
بدت تمسح دموعه وعلى شعره: والله هيا ننزل واعطيك
نزل قدامها هو يركض وتنبه عليه لا يطيح مع الدرج أنوس بشويش بطيح والله بطيح
أنت تقرأ
ما خلف القضبان.
Science Fictionاهلاً بكم جميعاً ، بروايتي واعزوفتي الأولى... بدأت كتابتها بـ1/1/2023 وشاركتها أياكم بـ13/1/2023 - (ما خلف القضبان.) (الرواية باللهجة العامية.) نبذة الرواية: بطلتي هي البنت الكبيره بـ العائله هي واخوها الصغير فاقدين اهلهم ويحاربون آلم ووجع الحياه ب...
