فرح تربط القماش اللي انفتح شي بصيط: قايله لكم انا لاتخلونها تروح معهم هيا ذحين تحملو اللي جاكم
نوف تأففت بملل: يوه والله يوه منكم راسي ياحكني من الحنا اللي نايمه فيه
نجد: صح الحنا يحك باراس
ليلى: اقول خليه إيلا المغرب وغسليه ان كان فيس قمل يموت
نوف: لا والله يا أني طفشت منه لوع كبدي
ليلى: اص ولا كلمه
نجد: لاتقربي من أنوس وتعديه
نوف: والله لالصق راسي براسه
أنس جنب نجد رفع راسه لها: تعديني بوش؟!
باسته على راسه: ولا شي حبيبي كمل فطورك
فرح: يوه كيف اغسله اكره ماعندي غسل الحنا
ماتبي يكون بينها وبين بنت خالتها عداوه: اغسله لك؟!
فرح هي تناظر با الاكل: لا شكراً
ظربتها مها بخفه استحت منها ومن اسلوبها رصت على اسنانها: عيب
لفت عليها ورفعت حواجبها حركت راسها بخفه بمعنى: وش اللي عيب!
ليلى: بروح للمداويه بعد اذان الظهر وانتي يامها بتروحو انتي ونجد لتشترو فستان لنجد
كان على وجهها طيف ابتسامه اختفت بتتريج: بدري ياخاله شفيك مستعجله!
ليلى: لابدري ولا شي ما باقي شي على زواجك يمكن تلقي ويمكن ماتلقي تبي تتزوجي لافستان ولاشي
نجد بهدو: طيب
فرح هي تتطعم التونه: يمي التونه تجنن مين مسويتها؟!
رجعت لها أبتسماتها الخفيفه: انا اعرف انك تحبيها فسويتها
فرح: اها ناقصها ملح
نوف ضحكت اقوى ماعندها: اقول اكلي الله يشفيك
فرح: انطمي انتِ
-
كان واقف قبال بيتها ويتأمله شوي يشوف الشباك ينفتح بس مو واضح مين اللي فتحته لان كانت الستارة الشفافه عليها بدا يسمع صوت اغنيه وهي تتمايل معها وتغني بصوتها العذب وأبتسم على رقصها و صوتها وكان يتحرك يمين وشمال لعل يشوف مين ذي بدت تختفي أبتسامتة بتدريج حط اصبعه السبابه على شفايفه بتفكير: اكيد هي فرحان وترقص يعني مو مجبوره بأرادتها تبي الزواج ضرب راسه بخفه للمره المليون انت غبي يا عساف غبي واقف قدام بيت البنت ولا تحبك ولا فكرت فيك وانت بتسوي نفسك بتساعدها قطع تفكيره بسرعه يمكن احد من بنات خالتها مو هي تقول بنات خالتي يجو عندي شوي والا الاغنيه طفت واصوات سوالف
-
نفس التوقيت...
بعد ما افطرو وخلصو من المواعين راحت لغرفتها فتحت الشباك ودخل ضوءالشمس للغرفه ومع ريحت البخور الجميل وشغلت اغنيتها بدت تطبق ملابسها وتغني وتتمايل معها دخلت عليها فتحت الباب بدفاشه وسكرت الاغنيه
نجد: بسم الله بشويش على الباب انخرشت
مها: ما معنا وقت وانتِ مشغله الاغنيه وترقصي بعد يلا مشينا
نجد: بدري مو قلتي العصر؟!
مها: أمي شقالت لنا دوبنا نروح ندور فستان لك بعدها نروح لمحل الحلويات
نجد: ثواني بس باقي لي القميص والجلابيه ذي
مها: نجد بسرعه وبعدين أنس بـ الحوش بيشوفنا إذا طلعنا ويطفشنا
نجد: اول فيء دقت علي تقول تعالي أعتذرت منها وقالت طيب جيبي أنس يلعب مع العنود وسلطان قلت طيب
مها: اشوا بروح ألبس عبايتي لاتطولي
نجد بهدو وتطبق: طيب
-
كان واقف ويحاول يسمعهم بس مو واضح كلامهم بضبط عرف انو نجد اللي ترقص من مها يوم نطقت أسمها
لبست عبايتها وجهزت شنطت أنس الصغيره أخذته وطلعت
-
مها: بسياره أنتظرك
نجد: تمام
بدت تمشي بخطواتها السريعه وتدعي جزاع لايطلع ويشوفها ويرجعها للبيت
وكان واقف ويشوفها قال بستغراب: وين رايحه ذي؟!
شوي الا وقفت عند البيت وبدت تدق الباب
-
بـ بيت أبو صقر...
صقر: طيب طيب
أبتسمت لا أرادين من سمعت صوته لانو من بعد خطوبتها ما قابلت ولد عمها
نجد: سلام
نزل راسه أول ماشافها وكان غاظب منها أنها تزوجت جزاع اللي قرب منها ومو محرم لها : وعليكم السلام
نجد: كيفك!
صقر: الحمد الله
انقهرت من أسلوبه وانه ما كان كذا وتغير: اء فيء قالت لي اجيب أنوسي ليلعب مع سلطان والعنود
صقر على حاله: اها تعال ادخل ، مسكه من يده ودخله ، عن اذنك أبوي يبيني
هزت راسها دخل وسكر الباب وسند عليه ونزلت دمعته أسف يانجد والله أسف بس قهرتيني ومو قادر أتحمل
أنس: وينهم بلعب
مسح دمعته وحط يده على راس أنس: جوه يلعبون
ركض لهم ولقاء سلطان قدامه وظمه
اما نجد بعد ماسكر الباب كانت دمعتها على جفن عينها ياليتك تدري ليه سويت كذا ادري إني غلطانه والكل مستغرب مني وما يبو ذا الشي وانا بعد ما ابيه بس مجبوره والله مجبوره أتمنا أنك تسامحني يا صقر
-
بيت مين ذا وليش هيا واقفه ومصلبه قدام الباب كذا
بيت خطيبها ولا؟
-
ركبت السيار وسكرت الحزام بهدو وعينها على الدركسون
مها: شفيك؟! بنت أكلمك لوحت بيدها قدام عيونها ياهووه
شتت سرحانها بعد ما لوحت بيدها: اء اها تكلميني؟
مها: لا اكلم السياره ايه شرايك اكلمك
نجد: أيش بغيتي؟!
مها: اقول شفيك رحتي ياحلوك جيتي وكأن احد مكفخك جزاع قابلك قلك شي؟!
نجد: لا مافيه شي خليني اركز بطريقي
مها: ما مشيتي على شان تركزي بسرعه حركي قبل لا يجي الجني
ضحكت من قلبها مو كأنها اللي قبل شوي منقهره
مها: تدرين وش اللي يعجبني فيك!
نجد هي تسوق: وش؟!
مها: انك تزعلي وتنهاري بس ماتطولي وتضحكي وكأن ماصر شي
نجد:حتى انا احبها
-
بجهه اخرا...
دق قزازت السياره واشر له بيده بمعنى افتحها
عساف: تفضل أخوي شبغيت؟!
صقر: شتسوي هينا؟!
عساف: اء مضيع
صقر: مضيع ايش؟!
عساف: بيت خويي
صقر: بيت خويك من اليوم واقف هينا قدام البيت!
عساف: اخوي خل الاسأله ذي بغيت شي؟!
صقر: انت بحارتنا والبيت اللي واقف قباله بيت عمي
عساف: اهاا معليش
صقر: مين انت وليه يوم مشت السياره كنت بتمشي وراهم؟!
عساف: لاماني ماشي وارهم ولا شي بس مثل ماقلت لك مضيع بيت خويي هينا فايوم شفت طلعو بنتين عرفت انو مو بيته
صقر بعدم تصديق ورتب على كتفه: هيا حرك ولا اشوفك هينا
هز راسه وبتسم له بتسليك مشا وخلاه واقف مكانه شافه من المرايه : شناس ذي كذا ترحيبهم بضيفهم ولاا ولد عمها بعد يوه بس اشغلني أبو شنب وراحت هيا كيف اعرف وينها؟!
-
دخل بيتهم ولقى أنس يلعب مع فيء و ولده في الحوش انسدح على رجل أمه واعطاها المشط زفر بتعب: خذي يمه مشطي شنبي
أم صقر: يا ذا الشنب اللي مجننا
ضي: مهتم فيه أكثر من ولدك حتى
صقر منسدح على ظهره: ياكذبس يا السذوبه
أم صقر: خفف منه بس شوي؟!
صقر: لاعاجبني كذا
رهف: ما باقي شي على زواج ولد عمك بتحظر وشنبك كذا
زمت ضي شفايفها وقالت بداخلها: الله يصلحك ياعمه
غمض عيونه: مين قال بحظره اصلاً
رهف: الصلاتي على النبي زواج ولد عمك وبنت عمك وماتبي تحظر شتقول الناس عنك؟!
صقر على حاله: يقولو اللي يقولوه
أم صقر: بس مايصير وانا أمك تعتبر نجد مثل أختك ولا تحظره احظر زواجها وأنا أمك
ضي: صح وحتى نجد يمكن تزعل لو ماحظرت!
جلس بملل من كلامهم: يوه منكم خلاص هو مو غصب
فيء جايتهم بتعب: يوه تعبت خلاص ضي روحي جيبيلي ماء
رفعت حواجبها: مين اللي يجيب؟!
فيء هي ماده رجولها وتهمزها: انتِ
رمت عليها كرتون المنديل: أختك الكبيره انا
فيء: ااححح وإذا أختي الكبيره شفيها إذا قمتي!
ضي: اقول اسكتي واخدمي نفسك بنفسك
ضربت يدها بخفه على فخض صقر اللي جنبها: انت شفيك اليوم؟!
صقر: مافيه شي و بروح اريح عن اذنكم
غمزت لمها: شفيه؟!
أم صقر: مدري عنه
رهف: اختفو العيال وين راحو؟!
فيء: راحو للحوش اللي هناك
أم صقر: يوه ذحين أنس بيصير كله غبار
ضي بضحكه خفيفه: جابته لنا نظيف نرجعه لها مغبر
رهف: جات على أنس بس العنود وسلطان بعد
أم صقر: ادري بس أنس يعتبر أمانه عندنا قومي ياضي ناديهم يلعبو هينا
ضي: أبشري
-
في بيت أبو جزاع...
"نفس التوقيت"
أم جزاع: من هينا مانظف نظفي زين
فجر بتعب: يمي تعبت والله ليان ماسوت شي شوفيها جالسه
طلعت نعالها ورمتها عليها: هيا قومي متحملتك من اول
ليان تفرك كتفها بـ آلم: اح يمه يعور ترا وبعدين مالي دخل انظف
أم جزاع: أحسن وياليتها كانت اقوى و وش اللي مالك دخل ذا زواج أخوك قومي
ليان بدون أهتمام و تاكل الحب (فصفص): ماقلت له يتزوج ولابعدين مين اللي ما تتسماء نجد وعععع
فجر بعصبيه من الشغل وكلام اختها: أشفيها نجد بنت ناس واصول ونعم فيها
شافته طالع من البيت للحوش سرعت خطواتها واخذت عكازته
وقفت بسرعه اول ماشافتها اخذتها وعرفت وش بتسوي بدت تدور حولين أبوها و فجر: يمه الله يخليك لا خلاص شوفيني قمت
أم جزاع هي تلحقها: بعد ايش هاه بعد ما رفعتي ضفطي
أبو جزاع بوجهه أبتسامه خفيفه: بشويش يابنت لا تطيحيني وانتِ يامرة العكازه لا تظربيني فيها
ليان: يبه ساعدني أمي العزيزه أبشري بنظف كل البيت حتى الشارع بنظفه معي بس لا تظربيني
فجر متكيه على عصاء المساحه وبضحك: ايه كفوو يا أمي عليك ابها
أم جزاع بتعب وعصبيه: ياقليلت الادب وقفي تخليني اطارد وراك ذا كبري
طلع جزاع بعد ما سمع اصواتهم وشافهم مع الشباك: واخيراً ليان بتنظرب
وقفت وراء ابوها: تكفى يبه تفكى ته...
ما امداها تكمل كلمتها الا هي ضاربتها: أمشي ساعدي أختك
تحك فخضها بآلم: أبشري كم عندي مزنه أنا
أبو جزاع: خلصتي أعطيني عكازتي
أم جزاع: خذها
جزاع جلس وتنهت بفرحه: اووووه ماباقي شي على زواجي
ليان: ايه انت تزوج وفرح وحنا ناكلها بتنظيف
ظربتها على راسها بـ لعصاء
ليان: ااححححح
أم جزاع: أشتغلي وانتِ ساكته
ليان هي تمسح: طيب
أم جزاع: وانت الثاني قم انفظ الزوليه اللي عندك ودخلها
جزاع بخوف من عصبيت أمه: سمي
أبو جزاع: ناويه عليكم اليوم اطلع احسن لي
فجر بضحك: ايه بسرعه
-
أصوت العجة يملئ المكان الكبير ، والكل عند بسطته وينادي عليها ، ولعب العيال وصراخ الاطفال على الالعاب والاكل اللي في البسطه...
نجد بتعب من الفره: خلاص خلينا نرجع
مها: اقول اسكتي خلينا نلاقي فستان على الاقل
نجد: معنا وقت
لفت عليها: كم مره قلتي معنا وقت نجد واضح ماتبي الزواج ولا تبي تشوفي الفستان مجبوره انتِ؟!
نجد بتوتر: لا وش اللي مجبوره
مها: ايه واضح
نجد: ليه الكل يقول اني مجبوره انتِ وفرح ونوف وخالي وخالتي وصقر
مها: لانو انتِ قبل رفضتي وبعدين كذا فجئه وافقتي تتزوجيه
نجد: النصيب
مها: لامو النصيب انتِ لاتقولي بس بنعرف مع الوقت
نجد: شوفي الفستان ذا حلو خلينا ندخل ناخذه
مها وهي تحاول تشوف الفستان: ايت؟!
نجد: تعالي ندخل وتشوفيه
مها: يلا ندخل
نجد: السلام عليكم لو سمحتي طلعي لي الفستان ذا
الموظفه: وعليكم السلام اي لون تبغي؟!
نجد: أبيض
الموظفه: أبشري
نجد: تبشري بالخير
الموظفه: تفضلي
مها شهقت لا ارادين: مو منجدك مو حلو!
نجد هي تناظر في الفستان: الا من جدي ، مدته لها ولفت ظهرها خذي قيسيه عليي
مها راصه على اسنانها بعصبيه: نجد مو حلو
نجد ببرود ومعطيتاها ظهرها: طيب عاجبني انا
مها: انتِ عروس لازم فستان عروسه مو ذا
سحبته منها بملل: لو سمحتي!
الموظفه: تفضلي
نجد: ممكن تقيسيه عليي!
الموظفه: ايه عادي اعطينياه
بدت تقيس عليها ومها بقمت الصدمه من تصرفها والفستان الي اخذته كان أبيض وطولها تقريباً ومزخرف بورود عادية جداً اخذت الفستان وحاسبته وطلعو من المحل
مها: باقي لك الكعب والاكسسوارت
نجد: عندي
وقفت قبالها: وش اللي عندك قديمه وشافوها الناس
نجد ببررود: بنسبه لكم انا بنسبه لي جديده
رفعت يدها: اقسم بالله كف
نجد: ايه اعطيني وقدام الناس بعد
نزت يدها وشدت عليها: العروسه تلبس شي فخم شي جديد فستان عروسه مو ذا تفرح بيومها وتستانس
نجد: ازيدك من الشعر بيت ماراح اروح للمشغل بسوي شعري ومكياجي بالبيت مشت وخلتها واقفه مكانها
-
بـ بيت عبد الإله...
تولين: هلا والله نرو البيت
وجدان: بنورك ياقلبي أشوف أشوف كأنك سمنانه غمزت لها، ليكون حامل
أنحرجت من الموجودين: لا مو حامل
نجلاء مسكتها من يدها: شفيك وانا أمك كلنا حملنا وخلفنا
تولين على وضعها: ادري ياخالتي بس تو الناس
عبدالإله: وش اللي تو الناس ناظر بـ علي عجل وأنا أبوك
علي: وش اللي عجل يا يبه صادقه تولين تو الناس
عبدالإله: لكم شهر غيركم حملو من أسبوع بعد زواجهم
نجلاء: ايه أبوك صادق أبي أشوف أحفادي
علي: وذا حمودي مو عاجبك؟!
نجلاء: خل حمودي على جنب أبي أشوف أحفاد أولادي
علي: إن شاء الله
وجدان: خذي حمودي وتعودي على الأمومة يلا
أبتسمت لها ومدت يدها: جيبه ياحلوة
جيلان حركت شعرها بخفة ورجعتة على وراء وبغرور: مو أحلى مني
وجدان: أقول بس أحلى منك بميت مرة
جيلان: ما باقي الا الدب ذا يصير أحلى مني!
نجلاء: هذا كبرس غيورة
جيلان: أول مو كبيرة ثانياً مو غيورة
وجدان: شتسميه ذا؟!
هي رافعه جسمها وراسها وتحرك شعرها بخفه: أعجاب
ضحكت تولين: كلكم حلوين
باستها من خدها بخفه: وانتِ بعد يابخت علي فيك
وجدان هي تخزها بعيونها وشافتها يوم انحرجت: ايه والله يابخته أخذله بنت مزيونة
-
المغرب بـ بيت نجد...
جهزو كل شي على الطاوله وكانو مستغربيت من تصرف مها وانها ماخلتهم يفتحو الكيكه وكثرت أسألتهم لها وتصرفهم باي شي دق باب البيت فزت على دقت الباب
وحان موعد لقائم بأخوهم الوحيد الذي غاب عنهم 6شهور
مها: انا بفتح
ليلى: وش اللي بتفتحي وين نجد هي اللي تفتح اكيد احد من معارفها
وهي تجري على شان بتفتح الباب: مدري عنها
نازله من الدرج بـ عبايتها وبرقعها
ليلى بستغراب: على وين؟!
نجد ببتسامه: ذحين بتعرفي
سمعو صراخ مها في الحوش من الفرحه وضحكتها طلعو بسرعه وانصدمو من اللي ظامته
ليلى حاطه يدها على فمها بفرحه ودموعها نزلت على خدها
بعدت عنه مها وقف يناظر فيهم وفتح يدينه ماودكم تجوو تحظنوني ولا غيبتي قليله عليكم ما اشتقتو لي؟!
مشت بخطواتها السريعه وظمته وهي تشاهق من البكي ركظو له فرح ونوف وظموه ظربته فرح على صده بخفه وتبكي وضح من نبرت صوتها: وش اللي ما شتقنا اسكت بس متنا من الشوق وغيابك
نوف نفس حال اختها: حسبي الله عليك طلعت مهم في حياتنا ونفقدك
مها: متجمعين بحظنه ومخليني!
سيف فتح يده: تعالي فيه مكان
كانت واقفه وتناظر فيهم ودمعتها على خدها وكيف متجمعين في وسط الحوش واصوات ضحكهم وكأنها تذكرت اهلها مسحت دمعتها بطرف طرحتها
بعدو عنه وكل وحده تمسح دمعتها
ليلى: خلونا ندخل داخل
سيف ناظر فيها وبوجه طيف ابتسامه: نجد كيفك؟!
نزلت عينها في الأرض: الحمد الله وانت؟!
سيف: دامكم بخير انا بخير وين أنوسي صح؟!
على حالها: اخذت له شور و توه قبل شوي نام
سيف: قهر
مها: يلا الكيكه خربت من اليوم وهي برا
فرح بستيعاب: اها ذحين عرفت
-
في الاسطبل...
جالسين قبال الخيل
سعد: شفيك؟!
عساف: مافيه شي
سعد: طيب ليه ما اخذت سهاج ومشيت به!
عساف: مالي خلق
مسكه من فكه السفلي ولف وجهه وناظر بعيونه: طحت بالحب
عساف نزل عيونه في الأرض: ايه
سعد: انا داري من بعد معرض الرسم وانت حالك ماش مين هي؟!
عساف: نجد بنت خالت فرح شريكت ساره
سعد بستغراب: اما؟!
عساف: ايه والله ولا ابشرك بتتزوج
سعد: استحلفك بالله!
عساف: ليه اكذب ياسعد وانا محروق من داخلي اخذها النصيب
سعد: لو اقلك وانا حبيت بنت خالتها
لف عليه بسرعه: فرح بنت خالت نجد؟!
سعد: ايه
عساف: كيف فهمني
سعد: هي اللي كبت عليي الألوان
عساف ضحك بخفه: يعني حب من الألوان؟!
سعد هز راسه بمعنى: ايه وبعد مشيت وراهم واليوم الثاني دقيت الباب ردت علي نجد
عدل جلسته ولف جسمه: ايه شقالت لك؟!
سعد: انا على بالي ذا بيت فرح يوم سألتها قالت بيتي قلت ابي بيت فرح قالت مقدر اقلك بس عندي لك فكره
قالت عطني رقمك واذا جات فرح وخالتي عندي اتصل عليك وتجي انت وامك تخطبونها
عساف: واعطيتها
سعد: ايه واتصلت عليي قبل أسبوع تقريباً وقالت أجل خطبتي من فرح لانو عندهم حاله وفاه
عساف: عطني رقمها
سعد: وش تبغى فيه؟!
عساف: قلت لك اعطيني ياه
سعد: طيب بس لاتعصب
-
بـ بيت نجد...
دق الباب غرفت أمه بتوتر
ليلى: تفضل
فتح الباب بهدو ودخل راسه: فاضيه!
أنت تقرأ
ما خلف القضبان.
Science Fictionاهلاً بكم جميعاً ، بروايتي واعزوفتي الأولى... بدأت كتابتها بـ1/1/2023 وشاركتها أياكم بـ13/1/2023 - (ما خلف القضبان.) (الرواية باللهجة العامية.) نبذة الرواية: بطلتي هي البنت الكبيره بـ العائله هي واخوها الصغير فاقدين اهلهم ويحاربون آلم ووجع الحياه ب...
