فيء: والله ما اكذب طفشان و ابي اروح لهم اوسع صدري مع نجد و نوف ويمكن مها ولا فرح فيه
ضي: والله ماني فاضيتلك يافيء
فيء: الله اكبر وش عندك؟
ضي سكرت صنبور الماء ولفت عليها: ابد ماعندي شي جالسه محطيه رجل على رجل رفعت صوتها ، عندي غسيل مواعين و غسيل ملابس و أنتِ بعد ياهانم لا تنسين كوي الملابس الي قالت لك عليها امي
فيء: يالله يمدينا
ضي: لا مايمدينا
فيء قربت منها ببتسامه: تتوقعين متى كتب كتابي؟
ضي الي كملت غسيل: دخلت لنا بموضوع ثاني ، مدري شكله هون
بعدت عنها بغضب: لا والله تخسين
ضي: وش دخلني أنا؟
فيء: مستحيل هو يحبني
ضي: صار لنا أسبوعين لاجاء ولا شفنا منه خبر
فيء جلست بظيقه خاطر: يعني يلعب بمشاعري؟
ماتحملت تشوف اختها كذا غسلت يدها من الصابون و اخذت المنشفه و جلست جنبها و هي تنشفها حطت المنشفه على الطاوله: امزح معك
فيء: لا كل كلامك صح
ضي: لا مو صح هو جلس الأسبوعين ذي على شان نجد
فيء مسحت دمعهتا ولفت عليها: شدخل نجد؟
ضي: كانت تعبانه في المستشفى يعني جلست كم يوم بعدين طلعت تبينه على طول يجيب الشيخ و يكتب كتابك لا صعبه البنت تعبانه و لازم ترتاح
فيء: صح
ضي: خلاص لاتزعلين في الايام ذي إن شاءالله بينكتب كتابك
فيء بهدوء: إن شاءالله
ضي وقفت و رتبت على كتفها: يلا قومي بس شوفي شغلك قبل لا أمي تجي
فيء ببتسامه: طيب
-
في بيت أبو لانا...
أم لانا: حي الله من جانا زارتنا البركه
نجلاء: الله يبقيك
أم لانا: تفضلي حياك
جلست بعبايتها و طلعت برقعها بس
لانا: عطيني ياخالتي عبايتك
نجلاء: لا خليها علي
أم لانا: بتضايقك طلعيها
نجلاء: لا ماعليك ماني مطوله انا شوي و بروح
أم لانا: ليه؟
نجلاء: فيه شي بقلكم عليه
لانا الي نغزها قلبها: خير إن شاءالله
نجلاء: في ذي الحياه كل شي فيه خير والي يكتبه ربنا خيره لنا و يبتلينا بشي و يشوف صبرنا هل نتحمل ذا الشي ولا لا
أم لانا: عسى ماشر يا نجلاء؟
لانا بخوف: ت.تو.تولين فيها شي؟
نجلاء: الله يصبر قلبكم في فقدها
صرخت أم لانا
نجلاء: اهدي يا أم لانا راحت بنتك عندي الي ارحم منا و ادعي لها برحمه
أم لانا وهي تبكي: آه يابنتي آه الله يرحمك يارب
لانا ببكي: وش صار لها كيف ماتت؟
نجلاء و هي تبكي: الدكتوره قالت ان الحمل خطر عليها بس عاندت و ثبتت حملها
أم لانا: والطفل مات ولا؟
نجلاء ببتسامه حزن: لا حي جابت لنا بنت و سمتها تاليا كأن الله بيعوضنا في بنتها
لانا وهي تشاهق من البكي: ياقلبي يا أختي كانت امنيتها تصير أم و ينادونها أم تاليا
نجلاء: لانا و انا خالتك لاتبكين عليها ادعي لها بس مايجوز عليها الحين الي الدعاء و الرحمه
لانا وهي حاضنه بنتها: الله يرحمها
~
عند أبو لانا...
أبو لانا: احس جيتكم ذي فيها شي
عبدالإله: مافيها الا الخير
أبو لانا: وش صاير يا عبدالإله؟
عساف: هد ياعم لايرفع سكرك
أبو لانا لف لجت الحريم من سمع صياح زوجته و بنته: انطقو وش فيه لاتاكلون قلبي اكثر من كذا
عبدالإله: عظم الله اجرك في بنتك تولين
حط يده بسرعة على عيونه وهو يردد: لا حول ولا قوه الا بالله
عساف: بس ياعم جابت لك حفيده حلوه
أبو لانا: والله ؟
عبدالإله: ايه و سمتها تاليا
أبو لانا: الله يرحمها ، وحفيدتي وينها الحين؟
عساف: ولدت قبل موعدها وهي في الحضانه الحين بس لاتخاف مافيها شي هي بخير
أبو لانا: طيب يوم انها بخير ليه في الحضانه؟
عساف: لأن عمرها ناقص
أبو لانا: تطلع بسلامه يارب
عبدالإله: إن شاء الله يارب
أبو لانا: متى بيبدا العزاء؟
عبدالإله: ما تكلمت مع علي بس إن شاءالله بكره بعد صلاة الظهر في بيتي
هز راسه بحزن
-
الليل الساعة 8:30..
أخذت نجد أنس من اعتذر منها صقر انه عنده شغل و بيتأخر شوي قررت توديه هي بنفسها من طفشت من زنت أنس انه بيروح بيت عمه مصلح
دقت الباب مرتين و فتحت لها فيء: نجد ايش المفاجئه ذي؟
نجد: ليكون جيت في وقت غلط؟
فيء: لا ، لا حياك تفضلي
دخلت و طلعت برقعها: جبت أنوس لأنه طفشني يبي يجيكم و قلت اسلم عليكم مره وحده
فيء: ايه زين ماسوا عاد اشتقنا لك والله تعالي ادخلي في الصاله هم
دخلت نجد و لفو عليها من نطقت: السلام عليكم
الكل وقف: وعليكم السلام
أنس هو يركض لعمه: عمييي
أبو صقر: ياهلا و يامرحبا حي الله نجد
جات نجد وسلمت على راسه: الله يبقيك ياعمي
أم صقر: تفضلي اجلسي
نجد: لاوالله بروح خالي عندنا و مبنجهز العشاء
ضي: قهر استانسنا بشوفتك والله
أبو صقر: اقول اجلسي و تعشي معنا يمديك على خالك
فيء: ايه بالله اجلسي عمه رهف و صقر بعد مشتاقين لك شوي كذا بيجون
أم صقر: ايه هاذا هو العشاء على النار اجلسي و تعشي معنا
نجد: طيب بس بدق على فرح و قلهم لايحزوني للعشاء
فيء نطت بفرحه و ضمتها
أم صقر: بشويش على البنت توها طالعه من العمليات
نجد: لاوين ياعميمه صار لي اسبوعين
أم صقر: والله مدري بس خفت
أبو صقر: شوفي ذا هو التلفون دقي عليهم لا يقلقون عليك
نجد: ابشر
راحت عند التلفون و حطته على اذنها و هي تناظر في أنس ببتسامه الي جالس في حضن أبو صقر و كيف فرحان بجلسته معهم
نجد: الوو
فرح: هلا ، مين معي؟
نجد بصوت خافت لكي ما يسمعونها: سعوودي
فرح: هاه
نجد ضحكت بخفه من ردت فعلها و حبت تمقلبها: سعودي عندي اتصلت عليك لقلك أن انا حبيبته و تزوجك لمصلحه و ما حبيت تصرفه ذا الصدق دقيت لقلك عن كذبته لك
فرح بغضب: مين أنتِ؟ وكذابه سعد ما تزوجني مصلحه
انصدمت منها يوم سكرت السماعه دقت مره ثانيه وردت عليها بغضب: خير ، خيرر وش تبين أنتِ؟
نجد: هبله صدق أنا نجد
فرح: وينك فيه وذا تلفون مين؟ ، صبر ياقليلت الادب ليكون مع عساف ياويلك من أمي ارجعي بسرعة
نجد: فروح صاحيه انتِ أنا في بيت عمي مصلح دقيت عليكم لقلكم عزمني للعشاء يعني اصرو عليي
فرح: يعني مانك جايه و متعشيه معنا؟
نجد: لا ويلا بسكر
فرح: طيب
سكرت السماعه و راحت جلست عندهم
أبو صقر: ماشاءالله خالك متى جاء؟
نجد: الظهر العصر شي كذا
أم صقر: اهله معه؟
نجد: ايه
ضي: هو عنده عيال و بنات؟
نجد: بس ولدين عنده حاتم و وليد
ضي: ماشاءالله ، الله يخليهم له
نجد: أمين
مرت دقائق و دخل عليهم صقر و رهف
وقف أنس و نط في حضنه بسرعه
صقر: اوه الباشاء عندنا اليوم
وقفت نجد و سلمت على رهف
رهف: و أنا اقول ليه بيت اخوي منور من برا طلعت نجد فيه
نجد: بنور الموجودين
صقر: متى جيتو؟
نجد: بعد ما قلت لي انك بتتأخر بخمس قائق
صقر: اها مانكم مطولين يوم جيتو
نجد: ايه
جابو العشاء ضي و فيء و بدو يتعشون و مستانسين بجيت نجد لهم
-
في بيت نجد...
مسكتها مع طرف قميصها: قليلت الأدب غسلي بس المواعين
نوف الي ترتب قميصها: يختي وش دخلك
فرح: لاوالله وش دخلني و من اول واقفه عند باب المطبخ و تناظريه عرفنا ، عرفنا والله انك تحبينه و يحبك
نوف: من.من قال اني احبه؟
فرح الي تقطع البصل: واضح ياذكيه وصح ياويلك من امي ويلاه
نوف: ليه وش سويت؟
فرح: البرقع ذا من وين جاء هاه ولا تلبسه قدام امي و قدامه بعد يع يانوف يع
نوف: وش دخلك و أنا لبسته على شانه يعجبني مو على شان احد
فرح: صح صح
دخلت ليلى وهي تتلفت وراها و سحبت البرقع الي رافعته نوف عن وجهها: من وين جاء ذا؟
فرح: سامعه من وين؟
ليلى: لا تدخلين انتِ و روحي ردي على التلفون
فرح: ابشري
ليلى: ردي علي من وين؟ وكم مره قلت ما ابي احد يلبس براقع الي كذا كم مره؟
نوف بخوف: أسفه يايمه بس عجبني و لبسته
ليلى: منين جاء منين؟
نوف: ا.انا شريته
ليلى: ماشاءالله و متى إن شاءالله؟
نوف: مره رحت لسوق لحالي شفته و عجبني و شريته
ليلى أخذت المقص الي كان معلق على الجدار و بدت تقصصه و نوف تبكي و تحاول فيها: يمه لا ، يمه تكفين والله ما البسه اخر مره بس لاتقصصينه يمه
رمته في الزباله ( أنتم الكرامه ): تحطين الطرحه على وجهك الحين و تروحين تلبسيلك واحد ثاني
فرح دخلت عليهم و استغربت من المقص الي مع والدتها: وش فيه؟
ليلى حطت المقص على الطاوله بغضب: مافي شي و سوو العشاء بسرعة كانت بتطلع بس لفت عليها ، مين الي دق ؟
فرح: نجد تقول أن أبو صقر وهله اصرو عليها تتعشاء عندهم
ليلى: ايه زين و استعجلو
فرح الي اخذت السكين: ابشري
مها دخلت عليهم وا ستغربت غضب والدتها و بكي نوف: وش صاير يابنات؟
فرح اشرت على البرقع الي داخل الزباله ( انتم الكرامه ) و بضحك: قصصته أمي و غسلت شراع نوف
مها الي ماسكه ضحكتها: تستاهلين كم مره امي حذرت
نوف ببكي: انطمو ، انطموو كله بسببكم
فرح: وش دخلنا احنا؟ ، اقول بس ساعديني و انتِ ساكته مالقت لها شي حطت حرتها فينها
مها الي حطت يدها على فمها و رجعت في المجلى
فرح: يعع يامقرفه فيه احد يرجع هينا؟
مها الي تغسل: شسوي اقرب شي لي
فرح: وش فيك ليكون بطنك يوجعك؟
مها: والله مدري من الصباح معدتي ماش و احس بغثيان ومن شميت ريحت البصل زادت
فرح: اطلعي ، اطلعي لصاله لاتلوعين كبدي بس
مها: خفي علي بس
وليد دخل عليهم بعد طلوع مها: بنات
لفت فرح ونزلت برقعها بسرعه و نوف الي اعطته ظهرها بسرعة
فرح ناظرته: مريض انتِ؟ فيه شي اسمه تنحنح ماتدخل علينا كذا
وليد: معليش مادريت انكم بتفرعون
فرح: عرفت الحين صح؟
وليد: ايه
فرح: وليد تبي الصدق احسك مفهي
وليد: كيف يعني؟
فرح: يعني ياطويل العمر تهبد على البنات كذا بدون كلام ولاشي بقلك شي ، بقلك على الاماكن الي قبل لاتدخلها ضروري تتنحنح
وليد: الي هي؟
فرح: أول شي المطبخ لأننا بنطبخ و مالنا خلق نتحمل البراقع علينا ثاني شي الصاله إذا أنت كنت برا و جيت بتدخل تنحنح لأن يمكن نكون مفرعات
وليد: بس ذي؟
فرح: ايه نعم
وليد: تم خلاص ناظر في نوف ، نوف وش فيك؟
نوف تنحنحت: مافيه شي
وليد: وش فيه صوتك؟
حطت فرح يدها عل كتوفه و لفته لجهت الباب ودفته بخفه: مافيها شي بس اطلع لو سمحت ولا تفكر تدخل المطبخ
وليد: طيب
فرح رجعت لشغلها: وانتِ طلعي القدر خلينا نقضي من ذا العشاء قبل لا تسفل فينا امي قدامهم
نوف: نجد تطلع على كيفها و تروح على كيفها واحنا هينا في بيتها نطبخ و ننظف
فرح: في بيتها أنتِ وغصباً عنك تسوين كل ذا
نوف: لا مو غصباً عني
فرح بصوت غضب: نويف انطمي ماتستحين على وجعك انتِ فوق ان البنت مستقبلتنا في بيتها تقولين ذا الكلام
نوف طلعت القدر وحطته قدام فرح: حبيبت قلبك اكيد بدافعين عنها
فرح: أنتِ كل ماعصبتي ولا أمي هاوشتك حطيتي حرتك فينا ولا في نجد المسكينه
نوف: كيييفي تمام
فرح: انطمي بالله
بدت فرح تسوي العشاء و نوف جالسه وصرخ عليها لتقوم ساعده واخيراً قامت و ساعدتها و ليلى الي تجي و تشرف عليهم كل شوي
-
في بيت أم سعد...
سعد: فرح وحزن في نفس اليوم لاحول ولا قوة الا بالله
أم سعد: ايه والله بس الله يصبر قلب علي و أم لانا
سارة: وش الفرح ذا؟
أم سعد: اليوم رحنا أنا وخالتك نخطب نجد لعساف
سارة اتسعت عيونها: نجد بنت خالت فرح؟
أم سعد: ايه ، هو فيه نجد غريها
سارة: بس هي
أم سعد: بس هي ايش؟
سعد الي شك أن اخته تعرف شي: بس هي بنت ونعم فيها
سارة: أمي تخطبون البنت له بدون ماتسألون عنها
أم سعد: وش فيها البنت؟ بنت خالت فرح و تهبل ماشاءالله عليها
سارة: بس ماندري عن حياتها
سعد: الي بياخذها انتِ ولا عساف؟
سارة وهي تحاول تمسك غصتها: أنا ماقلت شي بس غلط كذا تخطبها خالتي له بدون مايعرفون شي عنها
سعد: هاذا أنا خطبت فرح و معرف شي عنها ، وبلعكس نجد نعرفها عن طريق فرح
سارة: نجد غير يمكن انها...
سعد بسرعة: سارة لو سمحتي لاتدخلين فيهم
أم سعد بشك: فيه شي تعرفيه عن نجد و احنا مانعرفه؟
سارة خافت من نظرات سعد لها وقفت وهي شوي و تبكي: لا بس قلت كذا ، عن اذنكم بروح انام
أم سعد: ماقد نمتي بذي الحزه
سارة هي ترقى الدرج: تعبانه
أم سعد: هبله والله لفت على سعد ، بتجيب فرح؟
سعد: لا دقت علي اول قالت بتنام عندهم
أم سعد: ايه زين خلها مطوله عن اهلها هي
سعد ببتسامه: ايه مجننتني في السفره اشتقت لـ اهلي و اهلي
أم سعد ضحكت: ياحليلها والله ، والحمدلله جات لي كنه حلوه و محترمه
سعد: احم احم
أم سعد لفت عليه : وش فيك؟
سعد: فخور اني اخترت لك كنه لاقت بك
أم سعد ابتسمت: الله يخليكم لبعض
سعد: امين ، امين
~
في الغرفه عند سارة...
دخلت غرفتها و سكرت الباب بغضب و بدت تدور في الغرفه بغيره وقهر: نجد ، نجد وش تبي فيها يا عساف وش تبي؟
مسحت على وجهها و اخذت جوالها و بدت تدق عليه: راح اقلك انها حامل اكيد ماتعرف بذا الشي ولا لو انك تعرف مارحت و خطبتها و ابتلشت فيها هي و ولدها الي مانعرف من ابوه
رمت جوالها على الأرض من اتصلت عليه كذا مره ولا رد عليها وصرخت: ااااااااااااه ، اوريك يانجد والله ماتخذينه مني والله
شربت ماء الي كان على التسريحه و دخلت تحت بطانيتها و بداخلها يحترق و متوعده بعد العزاء راح تقول لعساف عن حمل نجد
-
الساعة 11:11
في بيت أبو صقر...
بعد ماتعشو و ساعدت نجد ضي و فيء في المطبخ و كانو يحاولون فيها ما تساعدهم بس رفضت ذا الشي سوو الشاهي وجلسو في الحوش يشربون مع الفصفص
نجد الي تشجعت و قررت بعد محاولات تقول لهم تنحنحت: ا. اليوم صار شي حلو
الكل لف عليها بذهول
أم صقر ببتسامه: وش هو؟
فيء: اكيد دخلتي الجامعه ، يعني كان حلمك و اكيد تحقق
ضي: صبر ، صبر بفكر انا اممممم ا.يمكن على شان جيت خالك الي غاب عنكم كم شهر؟
صقر: ماتوقعتك كذا غبيه ياضي
نجد: لا ، جاء لي عريس اليوم
أم صقر بفرحه و الي وضحت من نبرت صوتها: ياماشاءالله الله يتمم لك على خير يارب
فيء بفرحه: يكون زواجنا مع بعظ إن شاءالله
صقر ببتسامه: ما كتبتي كتابك على شان تسون زواج مع بعض لف على نجد ، مبروك مقدماً
رهف: الله يتمم لك على خير
ضي: ويهه بشوفك احلى عروس
نجد ابتسمت لهم على فرحتهم ذي ناظرت بعمها و اختفت ابتسامتها: عمي وش فيك؟
أبو صقر ابتسم: فرحان و أنا عمك والله يتمم لك على خير ، من الي جاء يخطبك عساه كفو و و رجال؟
نجد الي تحاول تخفي ابتسامتها: اسمه عساف ولد خالت سعد زوج فرح
صقر بستغراب: عساف عساف؟
نجد اتسعت عيونها و هزت راسها له بـ الإيجاب
أبو صقر: ليه تعرفه؟
صقر: لا ، لا بس استغربت من اسمه شوي
أبو صقر: ماعلينا من اسمه بس إن شاءالله انه كفوو و نعم فيه مانبي نعطيك اياه و هو ردي
رهف ناظرت في اخوها: ضروري تسألون عنه يعني غريب جاء يخطب بنتنا لازم نعرف عنه و عن أنه رجال و نعم فيه ولا بس كلام
أبو صقر: اكيد اكيد
نجد: بس لو تخلون الموضوع ذا بينا احسن شي يعني ما اعطيتهم الموافقه بس الي صار شوفه
أبو صقر: ابشري و انا عمك
صقر ببتسامه: الله يوفقك و يسعدك يارب و يعوضك عن كل شي
الكل: آمين يارب
نجد ببتسامه: امين و عقبالك
صقر: ياليل من الزواج ذا كل ما احد تزوج ولا خطب جو لصقر وقالو عقبالك
أم صقر: ايه نبي نشوفك عريس
صقر: شفتوني خلاص
نجد: مره ثانيه عادي
صقر: أشربو أشربو شاهيكم برد بس
ضحكت نجد بخفه و وقفت و هي ترتب عبايتها: بالعافيه عليكم و يلا عن اذنكم
أم صقر: وين بدري؟
نجد: لا لابدري ولا شي الساعه 11 ونص
أبو صقر: الله معك ، قم ياصقر وصل بنت عمك
صقر: ابشر يايبه
نجد بسرعة: لا ، لا والله ماتقوم بيتي قريب من بيتكم مايحاتج والله
أبو صقر: بس الوقت متأخو وانا عمك خليه يوصلك
نجد: ماتقصر ياعمي بس البيت قريب وعادي
أبو صقر: الي يريحك
رفعت صوتها نجد: أنوس يا أنووس
طلع من البيت و جاء عندها: هاه
نجد: يلا مشينا للبيت
أنس: أنا بنام عند عمي
نجد: أنووس وش الي تنام؟
راح و جلس في حضن عمه: قلت بنام عند عمي
أبو صقر: خليه ينام بكره يجيبه صقر
نجد: طيب
أنس: لا بجلس دايم عندكم هينا ما ابي بيتنا
أم صقر: هوو وش فيك يوم انك ماتبي بيتكم؟
أنس: بس كذا
نجد حركت راسها لصقر بمعنى: ابيك بكلمه
وقف صقر هو يرتب ثوبه: بوصل نجد للباب
نجد: يلا مع السلامه
طلعت و طلع صقر و رد الباب: وش بغيتي؟
نجد: أنوس زعلان مني هو يسمع منك حاول تراضيه بالله
صقر ببتسامه: ابشري ماطلبتي شي
نجد ابتسمت: ماتقصر والله
صقر: عساف كيف رجع؟
نجد زفرت: قال انه راح لمكان بعيد ليجمع راسه شوي و يفكر بعدها رجع و خطبني و قال انه راضي فيه و في
صقر بتسأل: وفي ايش؟
نجد بهدوء: بطفلي
صقر عظ شفته بحزن
نجد: قلت له انه مات و قالي معوضه
ضحك صقر بخفه: يعينك عليه اجل بيشد حيله ليجيب لك طفل
نجد بأحراج: صقررر
صقر: خلاص طيب
نجد: بروحي تبي شي؟
صقر ببتسامه جانيبه: سلامتك يازوجت عساف
نجد: انننن ، لا تنسى انوسي بس وانتبه له
اشر على خشمه ولوح بيده لها ودخل البيت
ماشيه لطريقها لبيتها وقفت بستغراب من شافت الي متساند على سيارتها جات عنده: عساف
اعتدل بوقفته ولف عليها ببتسامه
رجعت خطواتها لوراء و بخوف: ا.ا.ج.ج.زاع
جزاع ببتسامه: مبروك سمعت انك انخطبتي ، وشكل الاسم الي ناديتيني فيه هو اسم خطيبك
نجد على وضعها: وش تبي؟
جزاع: ما ابي شي بس يوم سمعت انك انخطبتي قلت اجي و ابارك لـ أم ولدي
نجد الي بلعت ريقها و ترجع بخطواتها لوراء: ماعندك ولد و ماني أم ولد
جزاع بستغراب: كيف يعني نزلتيه؟
نجد: جزاع مالي دخل هو ، هو مات
جزاع ابتسم: الحمدلله كنت ابي ذا الشي لأن ما ابي ولدي يجي بالاغتصاب
نجد عقدت حواجبها بستغراب و وقفت و حاولت تكون قويه و ماتكون جابانه المره ذي: وش تبي الحين؟ ولدك مات و ماني زوجتك و وش تسوي عند بيتي و سيارتي؟
جزاع دخل يده بجيوبه: والله تبي الصدق جايك ندمان يانجد ندمان والله و اتمنى تسامحيني على الي سويته لك
نجد الي ماسكه دمعتها لا تنزل: الي سويته مايغفر عليه قربت من بنت مو حلالك
جزاع: ادري و الصدق سبب جيتي ذي لقلك تنزلين الولد لأنه حرام يجي على ذي الدنيا بس الحمدلله بفضل الله مات
نجد مسحت دمعتها الي نزلت بسرعه: حتى لو مامات ماراح اسمع كلامك ونزله
جزاع: طيب ، بس لاتقولين لـ اي شخص عن وجودي ولا اهلي تمام
نجد بستغراب: ليه وين بتروح؟
جزاع ضحك بخفه: برجع لقبري ، بروح للمكان الي كنت فيه قبل
نجد: بس اهلك ، اهلك يحترقون بموتتك ذي يتمنون رجوك
جزاع: ما اتوقع يتمنون رجوعي بعد الي سويته فيك
سكت ثواني و كمل كلامه: نجد أنا مستعد اساعدك بالي تبينه اعرف انك للحين تدورين على الي موتو اهلك
نجد قربت منه: تعرفهم؟
جزاع: قلت بساعدك يعني شبه اعرفهم
نجد الي تضربه على صدره و ببكي: مين ، قلي مين هم قلي؟
جزاع مسك يدها و نزلها عن صدره: قلت إذا تبين المساعده ، بروح أنا و لاتقولي انك شفتيني ولا تكلمتي معي لأن لو احد عرف اني حي تكونين أنتِ الخسرانه
مشى وراح عنها و نجد الي تناظره وهي تبكي: جزااااع تعالي لا تروح قلي من هم الي في سبب موت اهلي
نزلت على الأرض من اختفى من امامها شدت يدها على التراب: ااااااااه
وقفت و مسحت دموعها: ماراح استسلم ابداً راح الاقيهم انا بنفسي انا و أنت راح ترجع و تقول لي و غصباً عنك
طلعت مفتاح بيتها من جيبها و دخلت البيت و لقت قدامها حاتم جالس في الحوش: حاتم وش تسوي هينا؟
حاتم وقف: طولتي
نجد: بتحاسبني يعني؟
حاتم: لا ، لا
نجد: اجل؟
حاتم: ماجاء لي نوم قلت اجلس في الحوش إلا ماتجين
نجد: ايه هذاني جيت روح نام
كانت بتتعداه بس مسكها مع يدها: للحين تحبين حاتم الصغير؟
نجد سحبت يدها منه بهدوء: ايه نعم احب حاتم الصغير بس حاتم ذا الي واقف قدامي لا
حاتم عقد حواجبه بستغراب: ليه؟
نجد: حاتم أنا انخطبت طيب حب نجد الصغيره بس نجد الكبيره لاتفكر تحبها أبداً
حاتم: فرحت ان سيف خطب و يبي يتزوج وحده غيرك قلت حلو الحين بقت نجد لي انا بس مع الأسف نجد حبت غيري و انخطبت بعد
نجد بعدم مُبلاه: ايه ويلا عن اذنك بروح انام
هز راسه بحزن و دخل الملحق
وليد: قاسيه معك مره
حاتم بغضب: انقلع عن وجهي
وليد: ايه حط حرتك فيه
كل واحد دخل فراشه ونام
-
يوم جديد و أول عزاء في بيت عبدالإله...
الكل كان متواجد في بيتهم و اهل تولين بعد لـ اداء واجب العزاء
نجلاء الي مسحت دمعتها: علي وينه؟
وجدان وهي تبكي: أول ماجو من الصلاه على تولين طلع لغرفته
نجلاء: لازم يحظر عزاء زوجته ليه يطلع فوق؟
وجدان: مدري والله ، بس وجههه تعبان حيللل
نجلاء الي وقفت: بروح له أنا و انتِ خليك معهم
وجدان: ابشري
جيلان: أمي وين راحت؟
وجدان: عند علي حط يدها على بطنها ، اء
جيلان بخوف: وش فيك؟
نجوى: تكفين لاتقولين بتولدين؟ مو الحين ابداً
وجدان: وش الي اولد بدري عليي بس جالس طفلي يتحرك يرفسني
حطت جيلان يدها على بطن اختها: اسمع او اسمعي مدري وش أنت بس لاترفس اختي وتوجعها ظربت بطنها من حسته تحرك ، وجعع من الحين ماتسمع كلام خالتك
وجدان شالت يد جيلان عنها و ببتسامه: هبله مايفهم خليه
جات وحده من الضيوف: عظم الله اجركم
وجدان: جزاك الله خير
~
كانت تدق الباب عليه وهو منسدح على السرير بعد ما انفتح الباب تكلم بحزن: عساف خلاص قلت ما ابي انزل
نجلاء سكرت الباب و واقفه عنده: انا أمك يا علي
جلس بسرعه وحط طرحت تولين وارء ظهره الي فيها عطرها و ريحتها: أمي وش تبين؟ ، تاليا صار لها شي؟
نجلاء الي كانت تمشي لجهته: لا ، لا مافيها شي جلست على طرف السرير ، جيت لقلك اطلع من ذي الغرفه و احظر عزاء زوجتك الي تسويه غلط يا علي
علي و دمعته على طرف جفنه: بترجع لوحظرت عزاها؟
قربت منه و حطت راسه على سدرها: ياليت و انا امك كل من نحظر عزاءه يرجع لنا ذا الموت ياخذ الي عزيزين علينا و واجبنا الصبر و الدعاء لهم
علي: مشتاق لها حييييل يايمه حيييل
نجلاء مسحت دمعتها: كلنا وانا امك بس مابيدنا شي هاذي هي جابت لك بنت مثل القمر ماشاءالله ماراحت كذا راحت بعد ما اعطتنا قطعها منها
علي بعد راسه عن والدتها: شفتي تاليا؟
نجلاء ببتسامه: ايه ودانا عساف انا و خواتك شفناها و تشبه امها
علي: احس ماني قادر اشوفها
نجلاء: لا شوفها و بتحبها صدقني ولا تنسى وصيت تولين لك
علي بهدوء: إن شاءالله
وقفت نجلاء و حطت يدها على كتفه: قوم وانزل لهم وش يقولون الحين زوجته ماتت و هو داخل في غرفته
وقف علي و اخذ شماغه الي على التسريحه: طيب
نزلت نجلاء و وراها علي الي اتجه لقسم الرجال
-
في بيت نجد....
جالسه على الكرسي الي في المطبخ و ماسكه فنجال الشاهي بيدها و يدها الثانيه محطيتها على خدها و تفكر بوجود جزاع البارح هل هو حقيقه و لاخيال
حطت طوفريت القهوة على الطاوله و اتجهت لطولااب وهي تتكلم : سعد يقول تولين زوجت علي أخو عساف ماتت امس ياروحي عليها جابت بنت و ماتت الله يصبرهم بس
حطت فناجيل القهوة في الطوفريه و ناظرتها بستغراب: الوووو نجد اكلمك
لوحت بيدها امام عيونها بس ماردت عليها سحبت الفنجال الي كان في يد نجد و رمته على الأرض و انكسر
وقفت نجد بسرعه من الخوف و ناظرتها بغضب و صرخت: خيررررر؟ صاحيه
فرح تكتفت: لا مجنونه لي ساعة اكلمك و اخر شي بعالمك
نجد: وذي الطريقه الصحيحه كسر الفنجال؟
فرح راحت واخذت صحن التمر: قلت لك عن سيف انه بيكتب اليوم كتابه هو وفيء وقلت لك عن زوجت اخو عساف وش صار لها و انتِ وينك بعالمك وش تفكرين فيه يانجد وش صاير لك بعد؟
نجد الي تذكرت كلام جزاع لها: م.مو صاير شي بس قوليلي وش فيها زوجت اخو عساف
فرح نزلت برقعها و اخذت الطوفريه و كانت بتطلع من المطبخ بس مسكتها نجد مع يدها: قول وش صار لها؟
فرح: ماتت الله يرحمها
نجد شهقت و حطت يدها على فمها: يمه من وش؟ ياعمري عليها
اللهم صل على محمد وال محمد
أنت تقرأ
ما خلف القضبان.
Khoa học viễn tưởngاهلاً بكم جميعاً ، بروايتي واعزوفتي الأولى... بدأت كتابتها بـ1/1/2023 وشاركتها أياكم بـ13/1/2023 - (ما خلف القضبان.) (الرواية باللهجة العامية.) نبذة الرواية: بطلتي هي البنت الكبيره بـ العائله هي واخوها الصغير فاقدين اهلهم ويحاربون آلم ووجع الحياه ب...
