وعلى هل الايام عدت اليوم و اليومين و الاسبوع و الاسبوعين و الشهر و الشهرين
وهم عايشين اجواء العاديه الي تمر احياناً مشاكل و احياناً فرح و اعتذرت نوف من اهلها و من نجد الي ماسامحتها و لا رضت عنها بسرعة و نجد اخذت مها للمستشفى وحللت و طلعت حامل بشهر الثاني و الحين دخلت الثالث و هم الفرحه مش سايعتهم بذا الخبر و خالد لقاء له بيت قريب منهم بشوي و طلع من بيت نجد و سيف جالس يدور له بيت لياخذ اهله و يطلعون من بيت نجد بما أنه بيتزوج مايبي يضغط على نجد زياده .
واخييييراً اليوم المنتظر بالنسبه لـ عساف و نجد اليوم الي بيعلنون فيه خطبتهم اليوم الي بينتصر حبهم و اخيييراً بعد عنا و تعب طويل
كانت تتجهز و هي لـ اول مره يكون داخلها فرحه و فرشات كذا وكانت تنتظر هاليوم الي بيجي فيه عساف و يخطبها من عمها و يتم كل شي
ختمت شكلها بروجها المفضل الي هو الأحمر المللفت ، لفت بفرحه على صراخ البنات الي من شافوها بالفستان الازرق الي ماسك على جسمها وبكامل زينتها
فرح و شوي تبكي: ياماشاءالله تبارك الرحمن
فيء: أنتِ بشر ولا ملاك
ضي: لا والله ملاك
نوف: ترا جوو
نجد بتوتر: والله
فرح راحت و حظنتها: ايه وخفضت صوتها ، عساف متحمس و متوتر مررره
نجد بعدتها عنها: خلاص لاتوتريني تكفين
مها: يوه بنات عطوها شي إيجابي مو كذا توترونها
ضي الي جات و مسكت يدها: ياقلبي ماله داعي التوتر ترا بس كتب كتاب يعني مانك رايحه معهم
فرح: صح
نوف: ترا مانعه أنوس يدخل عليك
نجد: لييه؟
نوف: عروسه لازم تقضين بعدين ندخل عليك
نجد: وينه الحين؟
ضي: دخل مع صقر عند الرجال
جات أم حاتم ومن طاحت عينا على نجد ذكرت الله: جاهزه خلاص؟
نجد: ايه
أم حاتم: يلا انزلي طولتي وانتِ فوق ، وش تبينهم يقولون بنتهم ماتبي ولدنا
الكل ضحك
فرح: لا تبيه تبيه
نجد رفعت حاجبها لها
كانو بينزلون بس جاء أنس و قال بـ اعجاب: رفقاً بي يا الوجه السموح
الي ضحك والي ناظره بستغراب
نزلت لنجد لمستواه: من وين جبت الكلام ذا؟
أنس: سمعت سيف يقوله لفيء
نجد بتسامه وهي تناظر فيء: اهااا الوجه السموح اجل
فيء: أنوس عيب تقول الي قاله لي سيوفي
فرح: روحي عني بس أنتِ و سيوفك ذا
أنس حط يده على وجهه نجد: مره تهبلين
باسته نجد وضحكت من طبع روجها في خده مسحته و هي تقول: طالعه عليك حلوه
أنس: لا على أمي
فرح الي كانت وراء نجد و اشرت لـ أنس بمعنى: اص
اختفت ابتسامت نجد و اعتدلت بوقفتها اخذت نفس بعدين زفرت: ننزل
أم حاتم: ايه يلا
مسكت بيد أخوها و نزلت وراء أم حاتم و البنات وراها وهم يسمون عليها و يذكرون الله
وقفو نجلاء و بناتها الثلاث و أختها أم سعد وساره الي جيتها ناويتها على شر
سلمو عليها وجلسو وهم يذكرون الله
قربت أم سعد من نجلاء: ماغلطتي بختيار الكنه والله
نجلاء ببتسامه: ايه ماشاءالله ناظرت في نجد و الي جالس جنبها أنس ، ذا هو أخوك؟
نجد ببتسامه: ايه
وجدان: ماشاءالله فيه شبه منك
فرح: لا وين يختلفون مره
أم صقر: أنس فيه شبه من ولدي صقر
نجلاء: أخذ الشبه من ولد عمه اجل
ليلى: ايه شكله ولدهم
أنس ناظره في خالته بغضب: لا أنا ولد أبوي
ضحك الكل من ردت فعله ذي
أم سعد: متى يجي المملك؟
نجلاء: خلاص على وصول
سارة ببتسامت خبث: قبل كل شي فيه شي لازم تعرفينه ياخالتي
نجلاء: وش هو؟
سارة ناظرت في نجد: الموضوع يخص نجد
اختفت فرحت نجد وبدا الخوف ياكلها
جيلان: سارة خلي الخرابيط الي مالها داعي
نجلاء: وش خرابيطه؟ خليها تقول
ليلى: وش الموضوع الي يخص نجد؟ لفت على نجد ، فيه شي مسويته و أنا مدري؟
نجد هزت راسها: لا ياخالتي
سارة الي بكلمتها ذي اللجمت الموجودين: نجد حامل
اتسعت عيون نجد
أم سعد بغضب: وش قاعده تقولين أنتِ وش الي حامل صاحيه
سارة: خالتي ادري انك مصدومه بس كنت بقلك بس عساف منعني يعني مدري وش يبي بوحده حامل و ماندري من ابوه
جيلان: سارة لا تدخلين بينهم
ليلى: نجد مانها قليلت ادب مثل مانكم متخيلين
أم صقر: اذكري ربك يابنتي و نجد مانها حامل
سارة: مو معقول حتى ماقلتي لـ اهلك ، أنا شفتها بزواج سعد كانت تعبانه و ترجع ( الله يكرمكم )
نجوى: ما ارتحت لها والله من قالت أمي تبيها لعساف طلعت أم رجاجيل
نجد الي نازله دمعتها على خدها من تسمع الكلام ذا ينقال لها: لو سمحتي احترمي نفسك
ليلى: استهدو بالله ياجماعه و الموضع مو مثل مانكم مفكرين له تبرير خلونا نبرر
وقف نجد وهي رافعه راسها و تحاول تمسك بكيتها لا تبكي قدامهم: خالتي ما يحتاج نبرر لـ احد و واضح من البدايه ان مالي حظ
أبتسمت سارة و كأنها انتصرت
كانت بترقى الدرج بس وقفت من نادتها نجلاء لفت عليها و قامت نجلاء و راحت لها و هي تمسح دموعها و استغرب الكل تصرفها ذا
نجلاء ببتسامه: لا تبكين ولاشي و خليك رافعه راسك والي صار لك مو بيدك وذا قدر مكتوب لك
عقدت حواجبها نجد بستغراب
سارة وقفت: كيف ياخالتي يعني راضيه بذي تكون زوجت ولدك و حامل؟ ، حامل حامل ياخالتي
نجلاء الي ماسكه يدين نجد: نجد مانها حامل
فرح ابتسمت و تمتمت: ايه كفووو
جيلان بستغراب: كيف ، كيف يعني عرفتي؟
نجلاء ناظرتها: يوم انك تعرفين عن حب عساف لنجد ليه ماقلتي لي من زمان كان خطبتها ولا صار معها كل ذا
نجد تناظرها ببتسامه: شكراً لك
نجلاء ابتسمت: عساف قال لي كل شي مالك ذنب ابداً وراضيه فيك تكونين زوجت ولدي و كنتي
قامت جيلان بفرحه و حظنت والدتها: آه امي ليت الكل مثلك متفهم
أم سعد الي متفشله من بنتها بفعلتها ذي و إذا كانت نجد حامل شدخلها تتلقف
نجلاء: الشيخ جاء روحي مسحي دموعك و اقفي عند الباب لياخذ موافقتك
نجد ابتسمت و هزت راسها راحت لقرب غرفه و لحقتها فرح
فرح الي سكرت الباب: شايفه كيف قلب وجهها ؟
نجد الي تدور: ايه شايفه تستاهل وربي
فرح: حماتك حلوه ياحظك بحسدك
نجد: تكفين مو وقتك ، جيبي لي مرأيه خليني اشوف مكياجي بس
~
نفس التوقعين في مجلس الرجال...
أبو صقر: اسفرت و انورت و نتشرف بولدك زوج لبنت أخوي
عبدالإله: شرفنا احنا والله
صقر الي جنب عساف: واخيراً خلاص
عساف بتوتر: إن شاءالله
خالد: عاد أن كتب كتابك أنت و نجد بتكون بنت أختي أمانه في رقبتك
عساف ابتسم: ابشر ماطلبت شي
جاء الشيخ: السلام عليكم
الكل وقف و سلم عليه
جلس الشيخ: وين العريس؟
عساف: أنا
الشيخ: تعال جنبي ، وين أب البنت؟
أبو صقر: أبوها متوفي الله يرحمه و أنا عمها ولي أمرها
الكل بهدوء: الله يرحمه
جالس الشيخ و على يمينه أبو صقر و يساره عساف مسك الشيخ يد أبو صقر و يد عساف و صافحهم
ناظر الشيخ لـ أبو صقر: قول له زوجتك نجد أبنت أخي
أم صقر: زوجتك نجد أبنت أخي
الشيخ: على كتاب الله
أبو صقر: على كتاب الله
الشيخ: وسنة رسوله صل الله عليه وسلم
أبو صقر: وسنة رسوله صل الله عليه وسلم
لف الشيخ لـ عساف: قول له قبلت أبنت أخيك زوجه لي
عساف وعيونه فيها لمعه من دموعه: قبلت أبنت أخيك زوجه لي
الشيخ: على كتاب الله
عساف بلع غصته الي وده يبكي من الفرحه: على كتاب الله
الشيخ: وسنة رسوله صل الله عليه وسلم
عساف: وسنة رسوله صل الله عليه وسلم
بعد الشيخ يدينهم عن بعض و وقف: بنسأل البنت ونشوف ردها
مشا و وقف عند الباب الي واقفه وراه نجد و بنات خالتها و بنات عمها أبو صقر
الشيخ: تسمعيني يابنتِ نجد؟
نجد برتباك والي ماسكه يد فرح: ايه نعم يا شيخ اسمعك
الشيخ: هل تقبلين عساف زوجاً لك؟
ناظرت في فرح الي كانت شاده على يدها وهي تبتسم فرح و تهز راسها بالايجاب
وقت سكوت نجد توتر عساف و تغيرت ملامح وجهه
الشيخ: يا بنتِ يا نجد هل تقبلين عساف زوجاً لك؟
نجد بتوتر: اقبل
الشيخ: يابنتِ قولي نعم قبلت بعيد مره ثانيه هل تقبلين عساف زوجاً لك؟
نجد على وضعها و تفرك يدها: نعم قبلت
الشيخ: هل تقبلين عساف زوجاً لك؟
نجد: نعم قبلت
الشيخ: هل تقبلين عساف زوجاً لك؟
نجد زفرت و ببتسامة: نعم قبلت يا شيخ
الشيخ لف على عساف و أبو صقر ببتسامه: على هاذا تم الزواج اللهم بارك لهما و بارك عليهما و اجمع بينهم في خير
هنا صرخو البنات وصارو يضمون نجد و يباركولها
أبو صقر تنحنح: وراك بابنت أنتِ و وياها ، نجد خليك شوي هينا لتوقعين
مها و ضي الي بدو يدفون البنات و دخلو لصاله ينتظرون نجد تجي بعد التوقيع و يباركون لها
عند العيال وقفو و هم فرحانين و يسلمون على عساف و يباركوله
عساف الحياة مو سايعته وكنه ملك الدنيا و مافيها
أخذ صقر الكتاب و مده لـ نجد و قل لها وين توقع
أخذت نجد القلم منه وشافت توقيع عساف و وقعت و هي ترجف و مو حاسه على نفسها و دخلت عند البنات و عيونها محمره و مورده ملامح وجهها و الدمعه فيها
شافتها فرح و راحت ضمتها: شفيك؟!
نجد بصوت البكيه: انكتب عقد قراني خلاص عساف صار زوجي
فرح: الحمدلله
ودها تبكي بس مسكت دموعها أول ماشافت نجلاء و بناتها و أم سعد و أم صقر و رهف و ليلى جاين لها وهم يزغرطون و يباركون لبعضهم
نجلاء ببتسامه: مو بس بتصيرين كنتي الا وحده من بناتي
أبتسمت نجد: يعطيك العافيه و شكراً على تفهمك
نجلاء: حبيبتي قربت من اذنها ، ترا عساف اصر علي انه يشوفك خليك مع جيلان طيب
هزت راسها ببتسامه وخجل
راحو الضيوف و جلسو في الغرفه ماعدا نجد و جيلان الي جلسو في اصاله ينتظرون اتصال من عساف وفعلًا دق و ينتظرها في الملحق
لف عليها من حس بدخولها و ناظرها بعيون لامعه و طول النظر بـ تفاصيل نجد ، وجمال ملامحها ، تقدم عساف بهدوء و مسك يدها
أنت تقرأ
ما خلف القضبان.
Science Fictionاهلاً بكم جميعاً ، بروايتي واعزوفتي الأولى... بدأت كتابتها بـ1/1/2023 وشاركتها أياكم بـ13/1/2023 - (ما خلف القضبان.) (الرواية باللهجة العامية.) نبذة الرواية: بطلتي هي البنت الكبيره بـ العائله هي واخوها الصغير فاقدين اهلهم ويحاربون آلم ووجع الحياه ب...
