سعد: ايه ، شكراً لك يانجد أنك جمعتينا
نجد ببتسامه: العفوو ناظرت في الاكياس ، فروح وش جايبه ماشاءالله؟
فرح: شاهي و فطيره
نجد: اوووه عاد يا أني مشتهيه فطيرتك
عساف لف ثوبه على خصره: يلا نشب النار
سعد: الله عاد قمرا و نار اكتملت والله ، جمعو حطب يلا
نجد الي مدخله يدها في ذراع فرح و محطيه راسها عليه ، و تناظر عساف بتأمل: الله ياحركت الثوب ذي تجيب راسي
فرح الي تناظر سعودها: على سعودي احلى
نجد على وضعها: تخسين عسوفي احلى
فرح سحبت يدها و كانت بتطيح نجد بس ثبتت نفسها: لا ياحبيبتي الرسام احلى
نجد تخسرت: والله انك تخسين الخيال و المحامي احلى بكثيرر
فرح: أنتِ الي تخسين
نجد عصبت: فررروح لا تعصبيبي ، عسوفي يعني عسوفي
عساف: هييييه ، أنتِ وهي هدو شوي
سعد: وش السالفه؟ ، و وش الي احلى؟
فرح الي أنحرجت: ولا شي
نجد ابتسمت: ايه اسكتي ، حقي احلى
فرح الي نزلت لتراب و اخذته بيدها: بـ تراب ترا على وجهك
نجد جرت بضحك وراحت وراء عساف: حقي يعني حقي احلى
فرح لحقت نجد الي تدور على عساف و بيدها التراب: وقفي
نجد بضحك وهي تردد: حقي أنا ، حقي احلى
عساف ضحك: نجد ، يامجنونه بشويش بطيح ترا
سعد: فروح
فرح: اصه صرخت ، نججججد وقفي وجع
نجد الي بدت تجري و ابعدت عنهم شوي هي وفرح و وراهم عساف و سعد
عساف: فرح خلي نجدي
سعد: نجدك هي الغلطانه
عساف الي موفاهمهم بس معهم ، على قولتهم مع الخيل ياشقراء😂: لا ياحبيبي هي الي صادقه حقها احلى
سعد: لا حق فروح احلى
عساف وقف وهو يلقط انفاسه ، لف عليه: تبي الهواش أنت مثل زوجتك شكل؟
سعد: أنتم الي تحبون الهواش
عند فرح الي تجري وراء نجد وقفت و استغربت وقوف نجد الموفاجئ
جات و وقفت عندها و نزلت التراب الي بيدها: وش فيك؟
نجد الي تناظر الي قدامها و بخوف و نزلت دمعهتا
فرح الي بدت تهز نجد: بنت وش فيك؟ ، نجد الوووو
لفت على عساف و سعد الي يتهاوشون و رفعت صوتها بصراخ: عساااااف ، عساف تعال وشوف نجد مدري وش فيها؟
عساف الي من سمع أسم نجد و صراخ فرح خاف و انطلق مثل الصاروخ: وش فيه؟ جاء قدامها وحط يدينه على وجهها و مسح دموعها بـ أبهامه: نجد روحي ، وش فيك؟ ، ليه هل دموع؟
نجد بلعت ريقها: هي ، والله هي
فرح الي بكت على بكي نجد: وش الي هي؟
سعد: شفتي أحد؟
عساف الي حظنها ليخفف وجعها بس ماحسب حساب الي وراه و كانت تناظره بأنهيار: خلاص ، لا تبكين و فهميني وش فيه؟
نجد الي تبكي: هي نفسها ، نفس الشاحنه الي صدمت اهلي
ناظرت فرح الشاحنه وشهقت
عساف الي ابعد نجد عنه: وينها؟
نجد الي اشرت بيدها عليها
لف عساف و شافها وكميت الغبار عليها راح لها و صرخت نجد: لاتلمسها
عساف راح لـ نجد و مسكها مع يدها: طيب ، بس متأكده انها هي؟
نجد: ايه ، هي نفسها حتى مافيها لوحه
فرح طلعت جوالها و ببكي: خلينا نبلغ اجل
عساف بسرعة: لا
سعد: ليه؟ ، مدامنا شفناها خلنا نبلغ
نجد: صح ، لازم نعرف مين هو صاحبها
عساف: صبر ، ماراح نستفيد إذا بلغنا
سعد: كيف يعني؟ ، الشاحنه هينا نبلغ و يجون يشوفونها و يشوفون الغنم القريبه منها و خلاص هو الي متسبب بالوفاه
فرح شهقت: غنم عمك أبو صقر
نجد ضحكت بصدمه: مستحيل ، فروح مستحيل عمي مصلح صرخت بـ اعلى صوتها ، مستحيييل
عساف حضنها: خلاص طيب ، مو هو بس هدي
سعد مسح على وجهه و حضن فرح الي تبكي: وش الحل طيب؟
نجد ببكي: جزاع يعرف
بعدها عساف عن حضنه بسرعة: ايشش ، مين؟ ، قلتي مين؟
فرح بعدت عن سعد و اتسعت عيونها: جزاع!
عساف ضحك بسخريه: هو ميت مسك نجد مع يدها ، نجد قلبي روحي أنتِ ، شكل صار لك شي تعالي خلينا نجلس و تريحين شوي
نجد سحبت يدينها من يده: لا جزاع حي
فرح سرعت خطواتها وحضنتها: حبيبتي نجد ، جزاع مات دفنوه و صلو عليه ناظرت في سعد و عساف ، يمه لايكون صار لها شي؟
نجد بعدت من حضنها و صرخت: قلت لكم جزاع حي ، شفته و قابلته و تكلمت معه بعد ، جزاع ما مات ، ما مات
بدا يضحك عساف و الكل استغربه: ايش قلتي؟ ، قابلتيه؟ ، و تكلمتي معه بعد بدا يصفق بيدينه وهو يضحك ، برافو نجد بعد كل الي سواه فيك رحتي و قابلتيه ، و أنا ايش؟ ، مثل الحمار وثقت فيك وحبيتك من كل قلبي
نجد ببكي: عساف
عساف رفع صوته: ليييه؟ ، وش سويت لك؟ ، وش الي غلطته بحقك؟
سعد الي مسك عساف ليهديه: عساف ، أنت معصب الحين لا تقول كلمه و تندم عليها
عساف بعده عنه بعصبيه: سععد بعد
نجد: أسفه
عساف: طلع كلامك لي الي بسيارة ، على ذا؟ ، ليه تخبين عني موضوع مثل كذا لييييه؟
نجد على وضعها: خفت خفت
عساف ضحك: تخافين من ايش؟ ، من أن يصير له شي و تفقدينه مره ثانيه؟ ، ما تحملين غيابه؟
نجد الي تحرك راسها: لا ، والله لا
جلس على الأرض و بدا يبكي ، يبكي بقهر و بندم أنه حب نجد ، نجد الي وثق فيها و اعطاها كل الحُب و رضى فيها و بكل شي سوته معه ، يكذب الكل و يصدقها هيي
سرعت خطواتها و نزلت عنده وحطت راسه على صدرها: أحبك ، والله أحبك أنا خفت عليك أنت مو على جزاع
عساف الي يدفها: نجد بعدي عني
نجد الي تحاول ماتبعد عنه وحاضنته بقوه: ماراح أبعد لين ماتهداء و تفهمني
عساف على وضعه: ما ابي افهمك بلع غصته بحزن ، راح افسخ خطبتي منك و كل واحد بطريقه
سعد بصدمه: ولد وش قاعد تقول؟
فرح: عساف افهم نجد أول
نجد: مو على كيفك ، تخليني أحبك و احسك العوض لي من بعد الله ، و اخر شي تروح كذا لا طبعًا
عساف: أنتِ ، أنتِ السبب يانجد
نجد ببكي: مو أنا ، أنا افكر فيك اخاف عليك ، عساف ماقدرت اقلك عن جزاع و وجوده ماقدرت والله ماقدرت
عساف الي وقف و هو منحني من الحزن و يسحب رجوله: بعدي عني ، و واضح انك تحبين جزاع
نجد وقفت بسرعة ورفت صوتها: جزاع هددني
ضحك بخفه: ماهي غريبه عليه يهددك و أنتِ تسكتين و ماتقولين لا أحد ، نجد أنتِ جابانه
مش و خلاها تصرخ و تبكي
نجد على حالها: ماني جابانه ، جالسه احميك خايفه عليك تعرف كيف خايفه عليك ، عساف لاتروح كذا بدون ماتفهمني
مسكتها فرح: خليه ، خليه يهداء
سعد: نجد مايفيد فيه الكلام وهو بذي الحاله
نجد: وش اسوي؟ ، راح
سعد: خليه يومين ولا ثلاث ، لين يهداء و بعدها بقلك و أنا اجيبك له تكلمينه و تفهمينه
نجد: والله مو قصدي اخبي عنه بس ماقدرت ، كنت أبي اعرف مين هم الي في سبب وفات اهلي بس
فرح: اعرف والله اعرف
اعتدلت نجد بوقفتها و مسحت دموعها: راح اعرف مين هم ، و ماراح اخلي عساف يروح مني مستحيل
سعد: قدها إن شاءالله
فرح: اكيد انها قدها
سعد: يلا مشينا
نجد: بنرجع للبيت
سعد: ابشري
فرح مسكت بيد سعد بعد ما مشت قدامهم نجد: سعد ، بجلس عند اهل اليوم ، شايف نجد و الي صار لها ، لازم اكون معها
سعد: طيب خلاص
-
وصلهم سعد للبيت و نزلو فتحت الباب و لقت قدامها خالتها و نوف متكتفه ببتسامه نصر
نجد تنهدت و تمتمت: مو وقتك ياخالتي الي فيني مكفيني
راحت فرح و باست راس والدتها: كيفك يايمه؟
ليلى الي تناظر نجد: بخير الحمدلله ، وين كنتِ يانجد؟
نجد الي منزله راسها بحزن: عند عمي مصلح
نوف: ماشاءالله عند عمك و داخله أنتِ وفرح سواء
نجد: صدفه
نوف: صدفه! ، صدفه رحت لبيت عمك ولالقيتك
نجد اتسعت عيونها و ناظرتها
فرح بسرعه: أنا دقيت عليها تجي تاخذني ، لأن سعد مشغول
ليلى: نجد تعالي معي للغرفه
نجد بتعب: خالتي تكفين ، تعبانه أنا
ليلى الي دخلت البيت: تعالي قلت
مشت و ناظرت في نوف و شمقت عليها و دخلت الغرفه وراء خالتها
نجد: تفضلي ياخالتي
ليلى لفت عليها: لمتى ، متى ناويه تبطلين الحركات ذي؟
نجد: ايت حركات؟
ليلى بحده: نجد ، كنت ادري أن عساف كان موجود في المطبخ بس مشيتها بمزاجي ، لأن ما ابي افشلك قدامه ذا اول شي ثاني شي ، أنا الي ناديت سيف الي كان بيدخل المطبخ يعني رحمتك من الي بيسويه سيف لو شافه موجوده في البيت
نجد وهي تناظرها بصدمه: بس لا يروح تفكيرك بعيد ، ماصار شي والله
ليلى: و أنا خالتك الي تسوينه كذا غلط شبتقول الناس ، مدخله خطيبها للبيت و تطلع معه متى ما بغت
نجد: بس ماهموني
ليلى: ماعندنا عادات كذا و قريتنا صغيره بتصيرين فضيحه والله
نجد: تمام مراح تنعاد ، و نوف لا تدخل فيه ياخالتي تكفين
ليلى: اتمنى والله ، طيب راح اتكلم معها
نجد: ممكن اروح لغرفتي؟
ليلى: روحي ، الله يهديك بس
رقت لغرفتها ، حتى ما مرت عند أخوها الي دائم تمره و تتطمن عليه و تبوسه ، قفلت على نفسها الباب و دفنت نفسها في السرير بـ بكي و تفكر كيف تفهم عساف و تتكلم معه
~
عند فرح و نوف في الحوش..
فرح: نوف
نوف: هاه
فرح: وش فيكم أنتِ ونجد؟
نوف: هي و اخوها شايفين نفسهم اليومين ذي
فرح: ليه مايكون أنتِ الي شايفه نفسك؟
نوف: لا بالله! ، أختك أنا ترا
فرح: هو أنك أختي أعرفك زين ، نوف خافي ربك يا ادميه الأثنين ذولي فيهم الي مكفيهم خليهم بحالهم
نوف: فرح لاتجين و تصدعين راسي بقرقرتك
فرح: ما اقرقر أنا جالسه اعلمك الصح و الغلط الي تسوينه ، أنتبهي لـ أفعالك و كلامك معهم طيب
نوف: و إذا مو طيب وش بتسوين مثلًا؟
فرح لمت عبايتها عليها: مدري ، تعرفيني أنتِ
راحت وخلتها لـ حالها بنقنقتها الي ماتخلص أبداً
-
بعد مرور ثلاث أيام..
ليلت الزواج في بيت نجد تحديداً...
ليلى الي تناظر سيف: كل شي جاهز خلاص؟
سيف بتوتر: ايه ، اتوقع خلاص
ليلى بعصبيه: يقول اتوقع ، بيجنني ذا ، ترا ذا زواج مو حفله صغيره ولا عيد ، زواجك ذا جهز كل شي وخلص من بدري
سيف على وضعه: أبشري ، أبشري يا الغاليه
مها الي جالسه و تسوي الغريبه هي و نوف ، و نجد و فرح الي كانو يشتغلون في المطبخ ، طلعو وهم منهلكات من التعب
جلست نجد بتعب: الحمدلله خلصنا
سيف: أسف يا نجد إذا ظايقتك في استقبال الحريم في بيتك
نجد ببتسامه: وش الي ظايقتني الله يهديك ، ذا زواج ولد خالتي و بنت عمي
سيف: ماقصرتي والله
فرح: من بكره بنروح للمشغل من بدي سامعين؟
ليلى: ايه صح ذا اهم شي تسوونه
مها بعدت صينيت الغريبه عنها بتعب: عاد أنا بسوي نفسي في البيت ، فروح تعالي كملي عني تعبت والله
ليلى: قايله لك لا تشتغلين و أنتِ حامل
مها: عاد وش اسوي يايمه بساعد البنات المسكينات الي تعبو
فرح: ليه مانك رايحه معنا؟
نجد: ايه والله تعبنا
مها: مالي خلق للمشاوير ، ماقصرتو
نجد وقفت: بروح لـ ضي و فيء يمكن انهم يبون مساعده ولا شي
سيف ببتسامه: صح يمكن يبون
ليلى: يا الله صبرك
فرح: مايبي زوجته تتعب ، اما احنا عادي عنده
سيف: مو قصدي كذا
جاء أنس الي لبس الثوب و المجند ، وهو يمشي ببتسامه: راح اصير احلى من سلطان و تعجب فيه العنود
نجد رفعت حواجبها و مستغربه كلامه
ليلى: خفيف و أنا خالتك من الحين ، طالع على أختك
نجد عبست من تذكرت زعل عساف عليها و مو رضي يرضى عليها
سيف: تحب العنود؟
أنس هز راسه بإيجاب
مها ببتسامه: طيب من تحب اكثر نجد ولا العنود؟
أنس وعيونه على أخته: نجدي جاء عند مها و قرب من اذنها بصوت خافت ، العنود اكثر
نجد الي تمثل الزعل: سمعتك ترا
أنس: لا ماقلت شي
مها: ايه ماقال شي أنوسي
نجد: لا سمعت و زعلت بعد
أنس: احبكم كلكم ، بس العنود اكثر احبها على شان ماتحب سلطان
فرح ببتسامه: اخس ، شوفو من حب شوفو
نجد نزلت لمستواه ومسكته مع يده: صير ثقيل على شان تحبك طيب؟
أنس: كيف؟
سيف: هيا يلا خذ الخبره من أختك
نجد: لا تبين انك تحبها بقوه ، تكلم معها و أنت ثقيل
أنس: طيب
نجد باسته على خده: روح طلع لبسك على شان ما يتوصخ و بكره الزواج
أنس: طيب ، بس سمعت أنك بتروحين عند بيت عمي مصلح انتظريني بروح معك
نجد ابتسمت: طيب يلا استعجل
-
في نفس التوقيت عند بيت أبو صقر..
في غرفت فيء...
فجر: جالسه اتكلم لمصلحتك
فيء ضحكت بسخريه: لمصلحتي؟ ، توك تجين وينك من قبل؟
فجر: ماقدرت يافيء صدقيني
فيء: وش يعرفني انك كذابه؟
فجر بكذب: ماكذبت ، صدقيني سيف كان يحب وحده من قبل و وعدها بزواج وسحب عليها ، فيء لازم تهربين لا بكره يفشلك و يسحب عليك وتصيرين عاد كلام عند الناس
فيء: مستحيل سيف يسويها
فجر بصبر: لا يسويها ليه ما يسويها ، سيف مانه كفو ولا رجال
فيء: فجر ، وين اهرب طيب؟ ، مافي مكان اروح له
فجر: تعالي عندي و راح اخبيك في مكان محد يعرف وينك ، و تطمني ماراح أقول لـ احد
فيء: طيب و اهلي؟ راح يتفشلون مني
فجر: وقتها بيكون سيف هرب و يكون عندك حجه تنقذين نفسك ، انك عرفتي انه كذاب و راح يهرب
فيء: لو طلع العكس؟
فجر: ما راح يلطع صدقيني ، وش قلتي؟
فيء حطت يدينها على راسها: مدري ، مدري بفكر
فجر وقفت و رفعت عبايتها على راسها: أنا جاهزه و راح انتظرك
فيء: طيب بس روحي
طلعت فجر و قابلت نجد الي دخلت و في الحوش
نجد بستغراب: فجر
فجر: السلام عليكم
نجد: وعليكم السلام ، وش تسوين هينا؟
فجر: بيت عمي جايه اتطمن عليه
نجد: اهاا
فجر: بروح ، تبين شي؟
نجد: لا
طلعت فجر و نجد عاقده حواجبها و بجيتها ذي ، دخلت للبيت و طلعت لـ غرفت فيء بعد ماقالت لها أم صقر انها متواجده في غرفتها
فيء وقفت على فتح الباب: ا.نجد
نجد سكرت الباب و طلعت برقعها: ايه نجد ، وش فيك مستغربه؟
لفت بسرعه و مسحت دموعها ، جات نجد و مسكتها مع كتفها و لفتها لـ ناحيتها: تبكين؟
ضحكت فيء بتوتر: لا
نجد: دموع ايش ذي؟
فيء على وضعها: فرح ، ايه دموع الفرح
نجد أبتسمت: اشوا على بالي
فيء ضحكت: لا
نجد جلست: مساعده شي محتاجه؟
فيء: لا
نجد: تمام
فيء جلست قبال نجد: بسئلك سؤال!
نجد: تفضلي؟
فيء: سيف ، قد ح.... ، حب؟
نجد: وش ذا السؤال؟
فيء بتوتر: خلاص ، خلاص كنسلي و انسيه
نجد قربت منها: لا والله من جد وش جاب طاري الحب الحين؟
فيء: قلت انسي خلاص
نجد: ماراح انسى جاوبي ، فجر قايله لك شي؟ ، والله جيتها مانها مطمنتني
فيء بسرعة: لا وش تقول؟
نجد: مدري ، بس جاوبي
فيء: ياختي جاء في بالي كذا ، بعرف قد حب ولا لا بس
نجد: اهاا
فيء ناظرتها بستغراب من تغير ملامح وجه نجد: ايه أو لا؟
نجد الي تذكرت سيف كان يحبها: ايه قد حب
وجعها قلبها فيء و نطقت: م.... مين؟ ، وليه ما تزوجها؟
نجد أبتسمت لتلطف الجو: الله يستر عليها ، و ماصار بينهم نصيب ، و ماعلينا منها جيتي أنتِ له و حبك بجنون
فيء و الدمعه في عينها و كأنها بدت تصدق كلام فجر: نجد ، لا تكذبين ليه ما تزوجها؟
نجد مسحت دمعتها الي نزلت و مسكت بيدها: فيء حبيبتي لا تبكي ، صح أنّ سيف حب بس ما حبها مثل يوم حبك صدقيني
فيء: شدراك؟
نجد: سيف ساكن معي في البيت و اعرف أنه حب قبل و حبك الحين بس حُبه للبنت الي قبل مو مثلك والله
فيء: ليه ما تزوجو طيب؟
نجد شدت على يدين فيء: لانها تزوجت و كملت حياتها مع شخص ثاني وقفت نجد و نفظت يدينها من يدين فيء و ابتسمت ، خلاص ياه كهربتي الجو و خربتيه علينها ، قومي غسلي وجهك و خلي الدلع ذا عنك و سيف يحبك تمام وخلي الافكار ذي
دخلت ضي و في يدها كوب شاهي: نجد هينا ، خبري فجر وش صار؟
نجد ببتسامه: تبادلنا وش رايك؟
ضي جلس: وش عندكم؟
نجد: ولا شي ، جيت بساعدكم قالت فيء خلصتو مافي شي اساعدكم فيه
ضي: ما بغينا نخلص حتى ، يوه يا الاشغال و مقاضي الزواج ناظرت في أختها ، الا صح وش تبي منك فجر؟
فيء: ماعندها شي
ضي: ماعندها شي و قالت لك خلينا نروح لغرفتك
فيء: بس استحت من أمي و تبينا نجلس لحالنا
نجد: فجر استحت من أمك؟
فيء: ايه ، وش فيكم؟
ضي: ما تتصدق والله بس بصدق
نجد الي قلبها ناغزها و حاسه فيه شي ، تأكدت أكثر من سؤال فيء الغريب و كلام ضي
-
في الأسطبل...
سعد: مكانك المُعتاد ، الحمدلله ماغيرته
جلس جنبه و مد له كوب الشاهي: خذ
عساف الي لام رجوله لصدره و محاوط يدينه عليها و يناظر في سهاج: ما ابي
سعد: أقول خذ قبل لا يبرد
عساف على وضعه ناظره: ماتفهم قلت ما ابي
سعد حط الكوب على الأرض و يناظر سهاج: مثل نجد ، تعصبون على اتفه شي
بعد ثواني تكلم سعد: مانك ناوي تفهمها؟
عساف: ولا فكرت ولا أبي افكر حتى
سعد لف عليه: افهمها ، معها الحق صدقني
عساف سكر عيونه و زفر: سعد ، انا منحاش عن العالم وجاي هينا لريح راسي و نفسيتي ، لا تجي و تعكرها لي
سعد: ياخي وش اسوي؟ ، نجد لها ثلاث أيام تتصل عليّ و تتطمن عليك البنت قلقانه عليك
عساف بسرعة: لا تتطمن ، قل لها لا تتطمن ولا تقلق
سعد: البنت منفرط قلبها من الحزن ، اجلس معها و افهمها ، شوف وش سبب خوفها ذا و انها بتحميك
عساف تربع ولف عليه: و أنا ، أنا ما انفرط قلبي من الحزن هاه؟ ، ما انفرط من حبي لها و خوفي عليها و كل شي ، و اخر شي ايش تروح لجزاع و تتكلم معه
سعد: عساف أنت تعرف جزاع و خبثه
عساف ضحك بسخريه: اعرفه ، ايه اعرفه ، لو اعرفه ما راحت له نجد ركض
سعد: لاحول ولا قوه الا بالله ، يا ادمي افهم و افهمني
عساف: لا أبي افهم ولا افهمك ، السالفه واضحه نجد تحب جزاع
سعد رفع صوته بصراخ: خلاااااص ، خلااص طفح الكيل البنت ماراحت له هو ، هو الي جاها وقل لها اعرف من هم الي موتو اهلك
عساف ناظره بستغراب: خير ترفع صوتك؟
سعد: لأنك ماتفهم ، ياخي عجزت فيك والله عجزت
عساف: طيب خلني لحالي على شان ماتعجز
سعد رفع حاجبه: والله!
عساف: ايه
سعد: بروح ترا
عساف: روح الله معك
سعد وقف و نفض ثوبه: تمام ، بس اشرب الشاهي مشى خطوتين و وقف ولف عليه ، و اتمنى ، اتمنى تفهم نجد و تعطيها فرصه
أخذ كوب الشاهي الفاضي و رماه عليه: روح لـ اصطرك أنت و نجد
سعد سرع خطواته: خف علينا بس ، قول أنك بتصطرني رفع صوته بضحك ، اما نجدك لا ماتقدر تصطرها
عساف وقف بغضب: سعععد ، بجي والله
سعد الي مدخل يدينه في جيوبه و يمشي بهداوه: ايه تعال
سرع خطواته عساف ، و سعد سرع خطواته بسرعة و ركب سيارته و طلع من الأسطبل
ضرب عساف يده بسياة سعد: اذلف ، حسبي الله عل بليسك
بدا يمشي وهو يفكر بكلام سعد ، و أنه صدق مايقدر يصطر نجده ، بس بنفس الوقت قهران من فعلتها ذي ، دخل عند سهاج و بدا يمسح على شعره وزفر: اهههخخخ ، يا سهاج عجزت القى الطريق الي يدلني على الشي الصح
جلس على الأرض و حط راس سهاج على رجوله و نام
-
يوم جديد في بيت خالد...
أم حاتم: يلا ياحاتم وينك؟
حاتم الي في غرفته: ثواني يايمه ثواني
أم حاتم: تأخرنا و ذا يقول ثواني ، حاااتم
حاتم طلع راسه من باب غرفته: أمي حياتي ثواني تكفين
أم حاتم بعصبيه: مرت ثانيات مو ثواني بس ، اخلص عليّ بسرعه
حاتم الي رجع لغرفته: طيب أبشر بس ثواني
أم حاتم شالت كيس ثلاجه القهوة و تمشي لتطلع للحوش: ياليل من الثواني ذي
بعد ثواني طلع وهو يضبط الشماغ على راسه ناظر بيد والدته الي شايله كيس ثلاجه القهوة ، أخذها من يدها: أعطيني ياها ، وش هوله تتعبين نفسك؟
أم حاتم: طيب أمش يلا وقفت شوي ، الا صدق وليد وينه؟ ما شفته من اليوم
حاتم: قال أنه بيروح لبيت نجد
أم حاتم: وليه ياحظي؟
حاتم فتح باب الشارع: يقول يمكن سيف ولا أحد يبي مساعده
أم حاتم طلعت و سكر وراها الباب حاتم: ايه يبون مساعده ، أعرف المساعده ذي لمن بس اوريه أنا
حط حاتم كيس القهوة وراء و ركب: الله يهديك يايمه لا تدخلين بنيته
أم حاتم: أخوك و أعرفه أنا زين
حاتم شغل السيارة و مشى: طيب ، مو كأنه بدري رايحين؟
أم حاتم شهقت: لا ، لا بيدري ولا شي احنا من أهل العريس لازم نحظر أول الحظور و نساعدهم ، اكيد انهم حايسين الحين
حاتم: ايه الله يعينهم ، بس الا يمه ليه ثلاجه القهوة ذي الي سويتيها ثلاث مدري كم؟
أم حاتم: نساعدهم و أنا أمك ، يبي للحريم قهوة و ضيافه و سويت الي عليه
حاتم: ايه ماقصرتي والله يوفقه يارب ويسعدهم
أم حاتم أبتسمت: آمين و عقبالك أنت و أخوك أشوفكم افضل عرسان
حاتم: آمين
بعد دقائق و صلو لبيت نجد و نزلو ودخلو للبيت تحت صرخ أنس ، و حوستهم و أصواتهم العاليه ، و صراخ ليلى عليهم ليخلصون بسرعة
طلعت نوف وهي تتحلطم ورافعه قميصها و واضح نص ساقها وقفت بجمود من شافت حاتم و والدته في نص الحوش ، ماهي ثواني الى و رفعت شنطتها أم حاتم لتغطي عيون حاتم ، صرخت نوف من حست على نفسها و دخلت للبيت
أم حاتم لفت على حاتم: ادخل للملحق
حاتم بتوتر: سمي
دخل حاتم للملحق و دخلت أم حاتم للبيت
حاتم وقف في نص الملحق و هو يأشر بيده لجهت الباب: الحين إذا كانت ذي نوف ، من جد وليد يبيها؟ ، ياشيب راسي والله
~
اما نوف دخلت وهي تصارخ
ليلى بخوف: وش صاير ، وش صاير
نوف وهي تصيح: الي مايتسما حاتم داخل بلحوش و طلعت وشافني ياويلي
ليلى: و أنتِ ليه طالعه قبل لا تتأكدين؟
نوف على وضعها: شدراني
دخلت أم حاتم: السلام عليكم
ليلى لفت عليها: وعليكم السلام ، تفضلي حياك
أم حاتم طلعت عبايتها: زاد فضلك
نجد وهي لابسه عبايتها و ماسكتها بيدها: أنوس قلت مايصير تروح ، مشغل ذا كله حريم
أنس هو يبكي: عادي أنا صغير
نجد: لا أنت كبير
أم حاتم: وش فيه هو؟
نجد ناظرتها و أبتسمت: ا.خالتي السلام عليكم
أم حاتم: وعليكم السلام
تقدمت نجد و سلمت عليها: كيفك اخبارك؟
أم حاتم: الحمدلله بخير ، و أنتِ كيفك أنتِ و أخوك؟
نجد: بخير الحمدلله
أم حاتم: وش بلاه أخوك يصيح؟
نجد: يبي يروح للمشغل مجنني من اليوم
أم حاتم: خليه يروح طيب
نجد: أنوس و أعرفه بيجنني و يطلع الشيب براسي
فرح الي تضبط برقعها: يلا مشينا؟ ، ا.السلام عليكم
أم حاتم: وعليكم السلام
نوف رفعت صوتها: صبر ، صبر بلبس عبايتي دقيقه
سرعت خطوتها و رقت الدرج
أم حاتم: مشاءالله كلكم يا المتزوجات متجمعات هِينا؟
فرح أبتسمت: ايه ، زواج أخونا ذا لازم نتجمع و نساعد بعض
أم حاتم أبتسمت: يخليكم لبعض ، و يخليكم لمكم يارب
ليلى: آمين ، و اجمعين يارب
أنس على وضعه: برووح
نجد نزلت لمستواه و مسكت بيده: أنوسي ، حبيبي بتطفش والله ، هناك مافي العاب ولاشي بس حريم و أزعاج الاستشوارات
فرح: بتنكتم من ريحت الشعر ، يووه
أنس: لا عادي ما انكتم أنا
أم حاتم: أنوس حاتم في الملحق روح معه و ساعد الرجال ، خل الحريم و شغلهم
أنس هو يناظرها بعيون غرقانه دموع: وش اساعدهم فيه؟
أم حاتم: مدري روح و تعرف بنفسك
نجد: ايه صح شغلهم حلو و ماراح تطفش بعد
فرح ببتسامه: يمكن حتى العنود عندهم
أنس مسح دموعه: طيب
نجد بفرحه وقفت: الحمدلله
فرح: ماخذه عقله هل العنود
نحد: يلا مشينا بس
فرح: يلا رفعت صوتها ، نوووف ، يااااا نووووف يلا
نوف: جايه جايه
مها وهي طالعه من المطبخ و تمشي بتعب: توكم تروحون؟
فرح: وش نسوي مافضينا والله و أنوس ماقصر بصراخه اشغلنا
أنس عقد حواجبه بغضب: ما أشغل أحد أنا
فرح بتسليك: صح نسيت
ضربت نجد بوري و صرخت فرح على نوف و طلعو
رفعت صوتها ليلى: لا تطولون و أنتبهو لطريق
فرح الي في الحوش و رفعت صوتها: أبشري إن شاءالله
جلست مها بتعب
أم حاتم: وش بلاك؟
مها: والله الحمل متعبني ، مدري كيف بستانس
ليلى: بتستانسين إن شاءالله
أم حاتم: ايه إن شاءالله ، هونيها و بتهون
ليلى: أنوس روح ألبس جزمتك و روح مع حاتم قبل لا يروح عليك و تجلس تصيح
مها بتمتمه لكي لا يسمعها أنس: عاد وش بيفكنا من لسانه لو صاح
أنس: طيب
ليلى بتنبيه: لا تلعب في التراب و توصخ نفس ، نجد توها محممتك
أنس: مراح العب
أم حاتم: خلصتو ولا باقي؟
ليلى: بنحط ثلاجات القهوة و الشاهي و الضيافه على الطاوله الكبيره ذي ، وبنكون خلصنا
أم حاتم: يلا اجل
قامت مها بتعب: بساعدكم
ليلى: لا ، لا تساعدينا ولاشي ، كفايه الي أنتِ فيه ، روحي لغرفتك ريحي لك شوي و بعدها شوفي نفسك وتجهزي
مها: أبشري
ليلى: تعالي معي يا أم حاتم لمطبخ
أم حاتم: يلا جايه
~
دخل عنده و تكلم بعبوس: أنا جاهز
لف عليه بستغراب: جاهز لوش؟
أنس: مو أنت بتروح تساعد سيف؟
حاتم: ايه
أنس: بروح معك أنا
وقف حاتم و دخل جواله في جيبه و لبس حذيانه ( الله يكرمكم ) و ببتسامه: طيب وش فيك معصب كذا؟
أنس منزل راسه لـ الأرض بعبوس: نجد ماتبي تاخذني معها
مسكه مع يده و طلعو لشارع تحت حرص ليلى مع شباك المطبخ ينتبه له و مايروح بعيد عن عينه: طيب أنت رجال ولا؟
أنس رفع راسه له و ناظره: ايه رجال
حاتم: طيب الرجال مايروح عند الحريم ، يروح عند الرجال و يساعدهم ، صح ولا؟
أنس عقد حواجبه: صح
حاتم ناظره: طيب أنت رجال الحين مايصير تروح عند الحريم عيب
أنس أبتسم: طيب
حاتم: رضيت الحين؟
أنس: ايه
حاتم: المعرس
لف عليه سيف: هلا
حاتم ناظر أنس: روح ادخل جوة الخيمه العب مع البزران
بعد ما راح أنس رفع نظره لـ سيف: مطول شكلك؟
سيف بتعب: ايه والله ، ماتوقعت الزواج تعب كذا
حاتم الي بدا يساعده في الترتيبات: ليه ياحبيبي حسبالك دق باب وخلاص؟ ، لا شغل و كرف لين تموت
سيف: الله يعين بس
خالد: حاتم ، متى جيت؟
حاتم لف على والده: توي مالي الا يمكن 10 أو 15 دقيقه أو شي كذا
خالد: ايه زين
جاهم أنس: صقر وينه؟
سيف: راح يودي خواته للمشغل
أنس شهق: سلطان راح معه؟
سيف: لا شفته أول دخل عند أمه
أنس زفر: اشوا
سيف: ليه خفت؟
راح و طنشه
حاتم ضحك بخفه: ماشفته أول ولا سمعت صوته الا يبي يروح مع البنات بس مدري كيف صرفوه
سيف: اهااا ، فهمت الحين ليه خاف أن سلطان راح معهم
حاتم على وضعه: ايه
خالد: مافي وقت بسرعة و خلو البربره ذي عنكم
وليد الي متعديهم و في يده طوفريت الفناجيل: ايه بسرعة يلا
حاتم: أقول أذلف بس
خالد: وليد ، أنتبه للفناجيل لا يكسرونها البزارين
وليد: لا ماعليك يايبه
سيف: والله لتتكسر عظامك والله
وليد: خف علينا بس يا المعرس
خالد: سيف ، روح حلق و شوف شغولك وخل الباقي على حاتم و وليد و سعد
حاتم: ايه ، ايه روح ماعليك بنخلص كل شي
لف عليهم بكل جسمه و هو يأشر على وجهه: يعني مو عاجبكم كل ذا؟
حاتم: صدق حلقت؟
خالد: مو واضح
حاتم: ماتغير شي والله
سيف رجع لشغله: شكراً لك نكدت عليّ ياولد الخال
حاتم: لا شكر على واجد
-
في نفس التوقيت في بيت أبو صقر...
صقر هو في الحوش و رافع صوته: يلا يا بنات
أم صقر: الحين ما يطلعون في خير لو تموت
أبو صقر: عاونت سيف؟
صقر: ايه بس شوي مو كثير
أبو صقر: وليه طيب؟
صقر: معه خاله خالد و وليد و سعد مو مقصرين معه
أبو صقر: ايه ، الله يوفقهم
أم صقر: آمين
صقر: ضي فيء ، عجلو عليّ عندي اشغال أنا
ضي طلعت بخوف: فيء مو فيه وينها؟
أم صقر: يمكن انها في الحمام
ضي: دورتها في كل مكان ما لقيتها
أبو صقر: بسم الله ، وين بتروح؟
ضي: والله مدري عنها يايبه
صقر: يمكن انها راحت مع نجد و البنات؟
ضي: لا مستحيل راحت معهم ، لو راحت كان قالت لي
أم صقر بخوف: دقي على نجد شوفيها معهم ولا لا
ضي: طيب
دقت و ماهي ثواني الي و ردت نجد: الوو
نجد: هلا
ضي: ا. فيء معكم ، راحت معكم؟
نجد بستغراب: لا ليه؟
ضي: ا. لا بس مدري وينها
نجد بخوف و شاكه في فجر: ضي تستهبلين صح؟ ، وين بتروح؟
ضي: مدري ، بس ماعليك راح نلقها يلا بسكر باي
نجد بسرعة: طمنيني
ضي: طيب
سكرت الخط و شدت الجوال بيدها: مو معهم
أم صقر: ياويلي بنتِ وين راحت
أبو صقر: استهدي بالله يا أم صقر ، اكيد انها هِنا قريب
صقر: يمكن ناقصها شي و راحت تجيبه
أم صقر: وش بينقصها؟ ، مو ناقصها ولاشي
ضي: غريبه وين بتروح؟
دخلت من الباب و ناظرت لـ والدتها الي وقفت بسرعة على فتح الباب
فيء: وش فيكم؟
ضي بعصبيه: و تسئلين بعد
أم صقر جات عندها: وين رحتي؟ ، وين كنتي فيه؟
رفت الكيس لهم الي في يدها: للبقاله
أبو صقر: البقاله؟ ، وليه؟
فيء بكذب: اشتهيت لي شي رحت و اشتريته
صقر: ليه ماقلتي لي اجيبه لك؟
فيء على وضعها: مالقيتك
أم صقر: حتى ولو ماتروحين لحالك ، كم مره قايله أنا هاه؟
قبلت راس والدتها: أسفه ، ماعاد تنعاد
ضي: بسرعة يلا اخلصي علينا و امشي
فيء هي تفرك يدها: نأجل الزواج؟
الكل شهق و قالو مع بعض: ايييش؟
أم صقر: استخفيتي شكلك ، ولا الشمس ضاربه في راسك و مأثره عليك
أبو صقر: تقولينها صادقه و أنا أبوك؟
فيء: ايه ، صدق يايبه
أبو صقر: ليه؟ ، وش السبب طيب؟
فيء بكذب: مدري احس اني مو مستعده
صقر: تمزحين
أم صقر أخذت الكيس من يدها و لفتها لناحيت الباب: أقول روحي جهزي نفسك ، خل مانك مستعده ، وينك من شهرين؟ ماقلتي ذا الكلام
فيء: يمممه
أم صقر: وصمه ، ولا حرف يلا ضي يلا صقر روحو و أنتبهو على نفسكم و لا تطولون ، و أنّ قالت هونت ولا شي اصطروها ذاك الكف الي يرن اذونها سامعين؟
ضي: ابشري
صقر: سامعين ؟ ، يلا ، يلا مشينا
طلعو و سكرت الباب وراهم أم صقر و راحت جلست وهي تقول: تحسب الزواج لعبه هي
أبو صقر: كأنك قسيتي عليها؟
أم صقر: خلها تستاهل ، البنات بهل زمن يبي لهم مُعامله خاصه
أبو صقر زفر: الله يهديها ، مدري وش بلاها؟
أم صقر: الدلع بس ، ولا هي مافيها ولاشي
~
صقر الي يناظر الطريق: فيء بالله صادقه
فيء: ايه ، فيها شي؟
ضي بعصبيه: مجنونه وين حبك له و بكيك عليه و ياضي خايفه ، وخايفه مايتزوجي و مدري وش ، وين راح كل ذا؟
فيء الي اتسعت عيونها بخوف: ضي خلاص
صقر بستغراب: تحبه؟ ، تحبين سيف؟
فيء بسرعه: لا
ضي: الا كانت تحبه و خايفه ما يتزوجها ، الحين يوم تحقق حلمها و كم ساعة بيصير زوجها خلاص تهون الأخت
فيء بربكه: ضيي
صقر أبتسم: حبيتي الشخص الصح و أنا أخوك
فيء عقدت حواجبها
صقر كمل كلامه: سيف أعرفه من زمان رجال و نعم فيه ، يعني برتاح أنّ أختي متزوجته و ما أقلق عليك
فيء: بس يمكن عكس ذا
صقر عقد حواحبه: كيف يعني؟
ضي: صادقه أمي والله الشمس ضاربه في راسها
فيء: يعني يمكن انه خاين ولا مو كفو وشخص مايعتمد عليه
صقر: من وين جاء هل كلام؟
فيء بتوتر: أقول يمكن
ضي: توك تقولينه الحين؟ ، ماقلتيه من يوم خطبك
صقر: لا تطمني سيف مو من ذي النوعيه ، و أنّ كان فيه أحد قلك ذا الكلام فهو كذاب بس يبي يخرب بينكم
فيء: وش هدف ذا الشخص الي بيخرب؟
صقر: مدري ، احد قلك شي؟
فيء بسرعة: لا ما احد قلي ، من بيقلي؟
ضي بسرعة: فجر ، والله هي فجر
فيء بتوتر: صاحيه أنتِ وش دخل فجر الحين؟
ضي: هي من بعد ماجاتك البارح و أنتِ متغيره ، والله انها قايله لك شي
صقر: الله يهديك ياضي ، وش بتقول؟ ، فجر ماعندها ماعند جدتي
فيء بسرعة: ايه ، صح صادق صقر ، أنا قلت كذا من التوتر بس
ضي: مو عليّ يافيوووه ، بس خليني أقابلها و اوريها الشغل
فيء: ضي ، فجر مالها دخل قلت
ضي بتسليك: طيب ، بس اسكتي
صقر وقف السيارة: أنزلو يلا كانو بينزلو تكلم بسرعة ، متى تخلصون؟ ، متى اجيكم؟
ضي: مدري ، على حسب الزحمه إذا دقيت عليك تعال
صقر: طيب
~
دخلو للمشغل و أول ماشافتهم نجد راحت لهم
نجد: وين كنتي؟
فيء: بسم الله وش فيكم؟ ، الي يقول شايفين بهرب
نجد: ايه ، هو ذا شكل الي كنتِ بتسوينه
جات الكوافيره: وين العروسه؟
فيء الي بتهرب منهم: أنا ، أنا
الكوافيره: يلا تعالي قبل يروح الوقت
فيء: ايه يلا ، عن أذنكم بنات
نجد رجعت نظرها لـ ضي: وين كانت؟
ضي: تقول انها راحت للبقاله ، بس احس فيه إنّ في الموضوع فجر لها يد
نجد: أنا ما ارتحت لها من جيتها البارح ، مشوشه في راسها
ضي: وش قايله لها تتوقعين؟ ، حتى تصدقين قالت لـ أبوي نأجل الزواج بس هاوشتها أمي
شهقت نجد: مجنونه ذي نجد الي تذكرت ، صبر فجر تحب سيف
ضي: ايش؟ منجدك؟
نجد: ايه ، يوم كنت عندهم على اساس زوجت جزاع كانت تسأل عن سيف و أنه يحب او لا شكيت في الموضوع بس شلته من راسي
ضي: شف الحيوانه صدق ، الرجال خاطب له وحده ثانيه غيرها وهي تبيه
نجد: الي يفكرني وش قايله لها بضبط
ضي: اكيد قالت انه يحبها وكذبت عليها ، بس اوريها أنا خلي الزواج يخلص و اتفاهم معها
نجد: امشي خلينا نخلص بس ، مانشغل تفكيرنا فيها
-
قبل أذان المغرب بنص ساعة...
وقفت امام بيتها و نزلو بسرعه ، و أصوات الأطفال الي مالي القريه و الأنوار الي في اخر القريه و أصوات الرجال ، وقفت و طلبت من فرح و نوف يدخلون بحجه أنّ نست جوالها في السيارة ، دخلو و راحت وراها بيتها بسرعة
نجد: وش تبي؟
جزاع هو يتأمل عيونها: طالعه حلوه اليوم
مد يده ليرفع برقعها ، بس مسكت نجد بيده و نزلتها بقوه: اكسرها لك أنّ لمست برقعي سامع؟ ، أخلص عليّ وش تبي جاي الحين؟
جزاع هو يفرك يده بضحك: قربتي من المجرم
ارتخت ملامح نجد و نطقت بصعوبه: مين هم طيب؟
جزاع حط يدينه وراء ظهره: قلت لك قربتي ، شغلي عقلك و أعرفي مين بنفسك
نجد: جزااع ، تكفى
جزاع: ما أبي اخرب عليك الحفله ، روحي استانسي يلا
نجد: تعال ، جزاع مالك دخل تخرب الحفله عليّ ولا عليك ، تعال قلي
حاتم: نجد
لف عليه: حاتم
حاتم الي يناظر وراء نجد و ماشاف أحد: تكلمين مين؟
نجد: اكلم بالجوال
حاتم: بالجوال؟
نجد: ايه ، أنت وش تسوي هينا؟
حاتم: جاي أخذ دلت القهوة و سمعت صوت قلت اشوف مين
نجد: هذاك شفت ، عند اذنك
-
نفس التوقيت في حوش نجد...
وليد: لازم تغيرين اسلوبك و تعاملين أمي زي الناس ، مو بس أمي الكل
نوف وهي متخصره: وليه إن شاءالله؟ ، اغيره على شان مين ياحظي؟
وليد هو شاد على اسنانه: على شاني ، على شاني يانوف على شان أمي ترضى فيك ، من بعد ترا أسلوبك و اصراخك و تعاملك في ذاك اليوم غسلت أمي يدها منك و لا وافقت تخطبك لي
نوف بفرحه و اعتدلت بوقفتها: صدق كنت بتخطبني؟
وليد: ايه ، بس عدلي أسلوبك تكفين
نوف أختفت أبتسامتها: بس لا تخطبني الحين
وليد بستغراب: ليه؟
نوف: أبي اعيش في بيتنا الجديد الي انتظره من زمان ، ماتجي الحين و تخرب عليّ
أم حاتم الي وراء نوف: وليد
اللهم صل على محمد وال محمد
أنت تقرأ
ما خلف القضبان.
Fiksi Ilmiahاهلاً بكم جميعاً ، بروايتي واعزوفتي الأولى... بدأت كتابتها بـ1/1/2023 وشاركتها أياكم بـ13/1/2023 - (ما خلف القضبان.) (الرواية باللهجة العامية.) نبذة الرواية: بطلتي هي البنت الكبيره بـ العائله هي واخوها الصغير فاقدين اهلهم ويحاربون آلم ووجع الحياه ب...
