وقف بسرعة و مُتناسي ألم رجوله ، وشو؟ ا.ا.في ايت مستشفى؟
سكر الخط و حط جواله في جيبه و هو ماشي لجهت السيارة بخوف: صقر أمش ياصقر
أم صقر بخوف: وش صاير يا أبو صقر؟
فيء: يبه وش فيه لاتخوفنا؟
صقر الي طلع المفاتيح من جيبه: يبه وش فيه و من الي في المستشفى؟
أبو صقر الي ركب سيارته: ن.نجد في المستشفى صقر بسرعة حرك
أم صقر هي الي ماشيه لجهتهم و وراها بناتها: صبر بنروح معكم
بدو بركوب و متجهين للمستشفى و قلب أبو صقر شوي و يوقف و يحس كل شوي وهم يبتعدون عن المستشفى ما يقربون منه
-
وصلو و نزلو بسرعة و بدو يسئلون عن نجد و أنس قلهم الممرض مكان غرفتها و اتجهو لها
دخل أول واحد أبو صقر و شافها على السرير و على انفها جهاز التنفس و بيدها اليسار أبرت المغذيه و راسها الملفوف بـ الشاش و فيه دم كان بيطيح على الأرض من شافها بذي الحاله بس مسكه صقر مع ذراعه بسرعة: يبه
دخلت فيء وشهقت من منظرها: يمه نجد
أم صقر: لاحول ولاقوة إلا بالله
ضي ببكي: ياربي وش صار لها
جاء أبو صقر وجلس عندها على السرير وهو ماسك يدها ببكي: كنت حاس قلبي ناغزني بس حمار أنا حمار يوم رحت و خليتها لحالها في البيت
باسته ضي على راسه و دموعها على خدها: يبه مالك دخل
أم صقر: أدع أنها تقوم بسلامه بدل تحلطمك ذا
نجد بتمتمه و ألم: أنوس أنوس
فزت و جلست بسرعة و هي تصرخ: أنوووس
أعطاها صقر ظهره بسرعة
جات بسرعة أم صقر و جلست عندها و ببكي: بخير بخير هو بخير
أبو صقر: مافيه الا العافيه بس أنسدحي
نجد الي تحاول تطلع المغذيه من يدها و كانت أم صقر تمنعها: وش الي انسدح بروح أشوف أنوسي
دخلت الممرضه و ماسكه بيد أنس الي على خده لصقت جروح
راح جري و جلس على السرير و هو يبكي: ليه صار لنا كذا كنتِ تقولي لي بنروح لـ أهلنا كنا بنموت زيهم
ضمته نجد و دموعها على خدها: أسفه والله أسفه
كلهم أستغربو من كلام أنس و كأنهم فهمو وش ناويه عليه نجد
هو عاقد حواجبه أبو صقر بستغراب: كيف بترحون لهلكم؟
نجد الي حاظنه أنس: بعدين أقلك
مسك أبو صقر بيد أنس و وقف: أنس روح مع صقر
أنس الي يناظره و على خده جروح: وين بنروح؟
أبو صقر نزله من السرير: صقر خذه
صقر: أبشر
بعد طلوع أنس و صقر لف أبو صقر على نجد بغضب: وش كنتي ناويه تسوين هاه ناوين تنتحرون؟
نجد الي تبكي و منزله راسها
أبو صقر: حرام الانتحار وش بتستفدين لو انتحرتي تحمسين المسكين ذا على روحتكم لـ أهلكم و اخر شي بتموتينه شوفيه كيف خايف شوفيه
أم صقر: خلاص يا أبو صقر كفايه البنت الي فيها
جاء أبو صقر وهو يمسح على وجهه وجلس جنبها: نجد و أنا عمك ليه سويتي كذه؟
نجد بصوت باكي: لأني تعبت و أشتاق لهم
زفر بتعب: بس ذا مو حل أبداً
ناظرت فيه و عيونها غرقانه دموع: وش الحل طيب؟
أبو صقر: الصبر و أنا عمك الصبر ذي الحياه ما تخلي أحد في حاله لازم تاخذ منا أشخاص عزيزين علينا و الواجب علينا الصبر و الدعاء لهم
نجد الي تمسح دموعها: الله يرحمهم
أبو صقر حط يده على راسها و يمسح عليه: أوعديني أنك ماتعيدينها
نجد: اوعدك يا عمي ما اعيدها
أم صقر: الله يهدينك كانك خوفتينا عليك
نجد: أسفه
~
صقر: ليه يانجد مو أنتِ واعده أبوي انك ماراح تنتحرين
نجد ببكي و صراخ: بس أنا تعبت تعبت يا صقر تعبت من تحمل كل ذا روحي جالسه تحترق جالسه توجعني
صقر: بس ذا مانه حل أبداً
نجد على وضعها: صقر أنا ضمدت جروحي بنفسي ما أحد ساعدني أنا الي وقف على رجوالي بنفسي حاولت أني انتحر لأن روحي تدمرت ما أحد ضمد جروحي تدري ليه لأن جروحي عميقه و ما أحد يدري عنها
كانت تتكلم وهي بقمت الأنِهيار كان يناظرها و مايدر وش يسوي يحرك يدينه بعشوائيه و يشد على يده وده يظمها بس مانه قادر مسكها مع كتوفها بعيون المليانه دموع: نجد حاسين فيك والله و احنا معك تكفين لاتسوين بنفسك كذا
نجد: كذاب ما احد معي كل واحد معالمه و عايش فيه الا نجد بوجعها
صقر: لا احنا معك صدقيني و نحبك
نجد ضحكت بسخريه: تحبوني
صقر: اي
شاف أنس جاء لف و مسح دموعه: أنوس جاء أمسحي دموعك و يلا مشينا و اوعديني انك ماراح تنتحرين المره الثالثه المره الأولى حاولتي بس الحمدلله ربي كتب لكم عمر و ذي المره الثانيه بس اشوا لحقت عليك
نجد الي تمسح دموعها: تمام وعد
صقر: نجد تكفين لا تخلفين الوعد ذا
نجد: خلاص وعد
صقر مسك أنس مع يده و أخذ شنطته الصغيره منه: يلا مشينا
نجد: بسـ...
صقر لف عليها و بسرعة: ولا حرف راح تروحين والله ما أخليك لحالك هينا يلا قدامي
نجد: طيب بس بروح أجيب شنطتي
صقر: يلا ولا تطولين
أتجهت نجد للبيت و صقر و أنس راحو لسيارة طلعت نجد و بيدها شنطت الملابس نزل صقر و أخذ الشنطه منها و ركبت نجد ولاحظت في فيء انها ما تبيها ركب صقر و اتجهو لطريقهم لـ غنم أبو صقر
-
عن غنم أبو صقر...
جاليسن الحريم في الجلسه الي برا و قهوتهم قدامهم و سوالفهم رفعو راسهم على صوت سيارة صقر و أبو جزاع الي وقفو مع بعض
ليلى: ذا صالح؟
أم صقر بستغراب: اي هو غريبه وش جابه؟
~
في سيارة صقر نزلت نجد و هي عاقده حواجبها بستغراب من سيارت عمها الي وقفت جنبهم
رفع صوته أبو جزاع بسلام: السلام عليكم
صقر و ضي و فيء ردو السلام الي نجد ناظر صقر فيها: شفيك؟
نجد و عيونها على عمها: غريبه كيف جاء و مانه متضايق من وجودي؟
صقر أبتسم: أبوي تكلم معه و اقنعه أنتِ روحي عن الحريم ليه واقفه هينا ولا تشيلي هم أنوس
نجد: تمام
لف على عمه الي ناداه وراح له
صقر: سم ياعمي
أبو جزاع: سم الله عدوك بغيتك بس تساعدني في ليان لـ أحطها بذا الكرسي
صقر بتساؤل: كيف حطيتها أول في السياره؟
أبو جزاع: ساعدتني فجر المسكينه الي انهد حيلها والله يكتب اجرها
صقر: آمين
نزل صقر الكرسي من الحوض و ساعد أبو جزاع بنزول ليان من السياره و جلوسها على الكرسي دفها بالكرسي و حطها عند الحريم و هو معطيهم ظهره: يمه تبين شي؟
أم صقر: سلامتك يا أمي بس أنتبه على البزارين معك
صقر: أبشري
راح صقر للغنم عند أبوه
و لفت ليلى عليها: غريبه جيتي؟
نجد: اصر علي صقر ولا كنت ما أبي اجي
نوف: لو درينا أجل قلنا له من أول
رهف الي تصب القهوة: ليه وش بلاك يوم أنك ماتبين المجي؟
نجد بكذب وضيقت خاطر: تعبانه
رهف مدت لها فنجال القهوة: ماتشوفين شر
نجد الي مدت يدها و أخذت منها الفنجال و بصوت خافت: الشر مايجيك
أم صقر الي أخذت صحن التمر و مدته على أم جزاع: حي الله من جانا تفضلو حلو
أخذت تمره أم جزاع: الله يبقيك
ضي: الحمدلله أن عمي طلع و خلاكم تطلعون و تغيرون جو
فجر: ماقصر عمي مصلح تكلم معه و اقنعه
فيء بستغراب: أبوي كلمه؟
فجر: ايه قال أبوي أنه جاء أمس عند غنمنا و كلمه
أم صقر: غريبه ماقال لي مصلح شي
أم جزاع: يمكن يبي يفاجئكم
ضي ببتسامه: احلى موفاجئة
أكتفت أم جزاع و بناتها بـ الأبتسامة لها
لفت أم جزاع على نجد بعد تردد: كيفك يانجد طمنيني عنك؟
نجد تصنعت الأبتسامة: الحمدلله بخير
بدو بسوالفهم مع بعظ و اعتادت أم جزاع و بناتها على الجلسه معهم الي كانو مو مرتاحين و متفشلين من فعلت جزاع مع نجد و نجد الي ذهنها مو معهم و غارسه بهوجيسها و الغصه الي في داخلها
-
في بيت عبدالإله...
رجعت نجلاء و جيلان من عند بيت أم سعد
رمت جيلان عبايتها على الكنب و جلست بطفش وهي تناظر وجدان: كنتهم مو فيه بس رحت و درت برسي و رجعت للبيت
وجدان الي كاتمه ضحكتها: ليه وينها؟
جيلان: في شهر العسل هي و حبيبها
تولين: طيب سارة وينها؟
جيلان: سارة ماعندها ماعند جدتي
لفت على والدتها الي كانت بعيد عنهم بشوي و الجوال على أذنها رجعت لفت عليهم: بيني و بينكم بديت اكره سارة
وجدان: هو وليه؟
جيلان: يوم شفتها مع عساف في الحوش لحالهم و انها تحبه كرهتها
جات نجلاء لهم: عساف ماتدرون وينه فيه؟
وجدان: لا والله طلع من اليوم ولا جاء
نجلاء: أدق عليه بس جواله مقفل
جيلان: هو قلي أن عنده شغل يمكن قفل جواله على شان مايشغله
نجلاء بعصبيه و خوف: وش الشغل ذا عساف ماعنده ماعند جدتي
وقفت و جدان و لبست عبايتها: أبو حمودي برا بروح و إذا دق عليكم عساف ولا جاء للبيت طمنوني طيب؟
جلست نجلاء بجانب تولين: طيب بس روحي لاتطولين على رجلك
راحت وجدان بعد ما و دعتهم حطت تولين يدها على ظهر نجلاء و تمسح عليه بحنيه: اهدي ياخالتي صدقيني مافيه الا العافيه
جات نجوى و استغربت من حال والدتها: وش فيك يايمه؟
جيلان: تدق على عساف بس جواله مقفل
جلست قبال والدتها: مو أول مره كذا مره ندق عليه و جواله يا مقفل ولا مايرد
نجلاء رفعت نظرها لها: بتنطمين ولا بشبش ذي؟
حطت يدها على فمها: بنطم
-
عند سعد & فرح...
جالسين في أحد المطاعم و صوت المطر و الرعد و طلبات الزبائن
ناظرها بستغراب من سمع صوت مشاهق: تبكين؟
فرح الي أخذت منديل من على الطاوله: لا
سعد قام و جلس جنبها: كذابه والله انك تبكين فروح وش فيك؟
فرح ببكي: توي كنت اكلم نوف و قالت لي انهم في البر و أنا هينا في الكويت
سعد بستغراب: وين؟
فرح: البر
سعد: وش تبين بالبر و أنتِ عندك البحر و ذا هو بعد صوت المطر يجنن
فرح على وضعها: ادري بس مشتاقه لطلعت البر ومن زمان أبيها و ماطلعنا لها ويوم تزوجت طلعو ولاا فوق ذا بيخطب سيف بنت مصلح
بكت بـ أنهيار و سعد مستغرب
سعد: فروح مو من نجدك والله ترا بر كل رمل وقرف و ترا خطبه بس يعني مو كتب كتاب ماعليك
فرح لفت عليه و عيونها محمره من البكي: سعد اسكت خلني أبكي لين ما ارتاح
وقف سعد وهو ماشي رايح لمكانه: طيب أسفين بس اوعدك اننا نطلع للبر
فرح رفعت راسها له: متى؟
سعد: إذا رجعنا لسعودية و وافقت بنت خالتك العنيده تتزوج ولد خالتي
فرح هي تمسح دموعها: وش دخلنا فيهم؟
سعد: على شان يطلعون معنا للبر مايصير نطلع لحالنا
فرح هي منزله راسها تناظر الطاولة: نجد حامل
سعد اتسعت عيونه: من مين؟
رفعت فرح نظرها له: سعد يعني من مين من جزاع ، كانت بتنزله بس أمي منعتها تنزله
سعد: ليه وش دخل أمك؟ ، يعني لاتفهميني غلط بس وش دخلها بقرار نجد انها تنزله او لا
فرح هي الي تلعب بالمنديل الي في يدها: تقول ذي روح وماله ذنب و حرام انك تنزلينها
سعد مسح على وجهه: طيب نجد بتقول لعساف ولا؟
فرح: مدري قلت لها تقول له و ترتاح لأنها شايله الحمل ذا على ظهرها ومتعبها
سعد: لاتقول له إلا ما ارجع لسعوديه و تقوله
فرح: ليه؟
سعد: لازم اكون جنبه لأن لو عرف مدري وش راح يصير له
فرح: تمام
سعد جلس ثواني بعدين لف عليها و ببتسامه: ماعلينا من الموضوع ذا و قوليلي كيف نفسيتك الحين؟
فرح: يعني احس فيه بكيه
جاب الموظف الشاهي و البيتزا وحطها على الطاوله: بالعافيه
سعد: تعافيك
بعد ما راح الموظف لف سعد على فرح: هاذي هي البيتزا الي كنتي مشتهيها جات كلي و خلي البكي ذا عنك ما احب البنت الي تبكي ترا
فرح: والله!
سعد هز راسه بإيجاب
فرح: لازم تتعود علي ترا انا صياحه و ازعل بعد
سعد: اف كيف اتحمل ثنين بدل واحد؟
فرح رفعت كتوفها: حاول
سعد ببتسامه: الله يعيني
-
يمشون الثنتين وهم جنب بعض حولين غنم أبو صقر
نجد: واضح انك زعلانه من فيء
ضي: والله واضح؟
نجد: اي وهي زعلانه مني أنا لهل درجه تحبه؟
وقفت ضي ولفت عليها: مين؟
نجد الي تمشي وخلت ورها ضي: سيف
مشت وراها ضي و مسكتها مع يدها ولفتها لناحيتها: كيف عرفتي؟
نجد: في معرض الرسم شفتهم لحالهم عند اللوحات وشكيت
ضي بقهر: يوم انك عارفه انها تحبه ليه تدورين له وحده ثانيه؟ ولا فوق ذا تقهرينها
نجد ضحكت بتعب: سيف اليوم بيخطب فيء
عقدت حواجبها ضي بستغراب: أنتِ وش قاعده تقولين و وش الضحكه الغريبه ذي؟
مشت نجد و جلست قبال رعد رفعت برقعها وزفرت بتعب: الموضوع ومافيه سيف قلي يبي فيء وقلت لخالتي على فيء على اساس أنا الي دورت له وحبيت انرفز فيء و اشوفها إذا تحبه ولا لا
جات و وقفت عندها: توك تقولين انك شكيتي انهم يحبون بعض
نجد: هذاك قلتيها شكيت و حبيت اتأكد
رفعت راسها لها: أسفه إذا سبب زعلك على فيء أنا
جلست جنبها ضي: ايه أنت ، صدق سيف بيخطبها اليوم؟
نجد هزت راسها بالإيجاب
ضي: طيب ليه هينا عند الغنم؟
نجد: هو بس بيخطب ماراح يجيب الشيخ ويملكون هينا ، روحي لهم واحظري خطبت أختك يلا
وقفت ضي بفرحه و تناست حزنها على أختها: على أني زعلانه منها بس فرحت وربي
سرعت خطوتها لجهت الحريم وقفت ولفت على نجد: أمشي قبل لا يبدون
نجد لفت عليها: روحي أنتِ مالي خلق اجي والله
ضي: طيب
راحت ضي ولفت نجد على رعد وزفرت: آه يا رعد آه
~
نفس التوقيت عند الرجال...
في يده فنجال القهوة مره ينزله لـ الأرض ومره يمسكه بيده بتوتر واخيراً تنحنح: ا.عمي أبو صقر
لف عليه أبو صقر: سم ياولدي
ناظر سيف في فنجاله و بتمتمه: كدينا خير يوم قلي ولدي
أبو صقر: والله ماسمعتك وش قلت ارفع صوتك وأنا أبوك
سيف رفع راسه له: ا.أبي أخطب فيء يعني أبي بنتك فيء زوجه لي على سنت الله ورسوله
ضحك صقر بسخريه: أنت تبي فيء أختي زوجه لك؟
ناظره سيف بستغراب: ايه ليه فيها شي؟
أبو صقر: لا و والله...
قاطع صقر أبوه: الا فيها شي شايف نفسك أنت قبل لاتجي وتخطب أختي؟
أبو صقر بعصبيه: صقر وش الكلام ذا؟
سيف هو عيونه على صقر رفع يده على أبو صقر: خله ياعمي خل نشوف وش عنده وش فيه أنا؟
أبو جزاع: أذكر ربك يا صقر ذا سيف خويك وشبك عليه؟
ضحك سيف بسخريه: مايعرف الخوه ذا
ضحك صقر اقواء ماعنده أستغربو الموجودي ضحكته ذي
ضربه على ظهره أبو صقر بعكازته: وش الضحكه ذي لاتقل أدبك
صقر على وضعه وحط يده على كتف سيف: أمزح معك يارجال
لف على والده: والله يايبه ذا الرجال يستاهل بنتك فيء أنصحك لايروح عليك
سيف أبتسم بتوتر: الله يهديك خوفتني
صقر هو مبتسم: لانك هبل لف على والده ، هاه يبه توافق تزوج بنتك له؟
أبو صقر: نشاور البنت أول
سيف ببتسامه: الحين
أبو صقر ناظره بستغراب: وش فيك مستعجل أصبر الصباح رباح
سيف: اي الي تشوفه ياعم
ضربه على ظهره صقر بخفه و ببتسامه: بتصير النسيب
سيف ببتسامه توتر: إن شاءالله
~
عند قسم الحريم...
نوف الي قربت من والدتها: بتخطبين بنتهم؟
ليلى بتمتمه: سيف بيخطبها من أبوها شدخلني أنا
نوف الي تناظر فيء: ياليت مايخطبها شوفيها كيف شايله نفسها في كيس
ليلى الي قبصتها من فخذها
نوف حركت رجلها و تفرك مكان قبصت والدتها: اح يمه توجع ترا
ليلى: تستاهلين امسكي لاسانك لا أحد يسمعك
نوف الي تطلع جوالها من الشنطه: طيب ناظرت في شاشت جوالها ، سيف يدق بقوم أرد عليه أشوف وش يبي
أم صقر: ضي وينها؟
ليلى الي تتلفت: بعد نجد مو فيه
فجر: شفتهم أول طلعو يمكن أنهم راحو يمشون
جاء أنس و جلس عند خالته: نجد وينها راحت عند اهلنا؟
ليلى عقدت حواجبها: وش جاب الطاري؟
أنس: أول كنا بنروح لهم بس جاء صقر و أخذنا للغنم
أم جزاع ناظرت في ليلى: قد زارت قبرهم؟
رهف: حرام مايجوز
ليلى الي تذكرت الي سوته قبل نجد: لا ماقد زارته
ليان: طيب ليه أنس يقول بنروح لهم؟
أم صقر الي عارفه و بتغير الموضوع: أكيد كانت بتطلع تغير جو بس كذبت على أنس
ليلى بسرعه: اي اي لأن أنوس يبي يروح معنا بس هي قالت لا و زعل فـ على شان كذا قالت له
أنس: خالتي وينها؟
ليلى الي حطت يدها على وجهه: ياروح خالتك راحت تمشي هي و ضي شوي كذا بتجي روح أنت العب مع سلطان و العنود
أنس وقف بملل و راح جلس جنب شناط الملابس: افف أكنت بقول لها نروح للبيت
رهف: ليه مليت؟
أنس هو متكتف بزعل: اي كله من سلطان
أم صقر: هوو وش سوا حفيدي لك؟
أنس على وضعه: مايخليني العب بالكوه و ماسك العنود بيدها و يقول انها زوجته
رفعت ليلى حواجبها و أبتسمت: عشتو غرت يعني؟
أم جزاع: طلعت منت بهين يا أنووس
أم صقر ببتسامه: هو صادق حفيدي زوجته ولا لا يارهف؟
رهف: والله مدري عن بنتي من تبي عجزت اعرف لها مره تبي سلطان و مره أنوس
أنس وقف و بصراخ: تبيني أنا ، أنا أحبها أكثر من سلطان
طلع من الخيمه تحت استغرابهم
لفت أم جزاع على ليلى: والله مو بهين ولد أختك
ليلى ببتسامه: بسم الله عليه
جات نوف و جلست جنب والدتها: سيف يقول خطبتها من أبوها وبعد أنتهم اخطبوها من أمها
ليلى: مجنون ذا وش الي اخطبها من امها
نوف: مدري يقول احجزيها لي
ليلى: يارب صبرك
لفت على أم صقر و ببتسامه: والله يا أم صقر مدري كيف ببدا بالموضوع بس أبي بنتك فيء لولدي سيف
شرقت بالماء و وجها أحمر من الكح ضربتها أم صقر على ظرها: بسم الله بسم الله
أخذت فيء المنديل ومسحت فمها وهي تناظر ليلى وتشر على نفسها: أنا تبيني لولدك؟
ليلى: ايه فيها شي أجل؟
دخلت ضي و جلست جنب فجر و عيونها على أختها: أخطبوها؟
فجر بضيقه: ايه مو شايفه وجه أختك كيف بينشق من الفرحه
ضي أختفت أبتسامتها الي على وجهها ولفت عليها: حاسدتها يعني تبينها تبكي مثلاً
فجر: افف ماقلت شي
بعدت عنها ضي: ايه واضح ماقلتي شي باين من عيونك القهر خير؟
فجر زفرت بقهر و فضلت السكوت
لفت ضي على ليلى الي تكلمت: ماقلتي لي يا أم صقر موافقه ولا؟
أم صقر ناظرت في فيء الي منزله راسها و واضح انها مستحيه رجعت نظرها لـ ليلى: والله الراي و الشور لـ أبوها و أخوها
ليلى: اي و أنتِ صادقه نخلي الموضوع ذا لـ الرجال احسن لفت على فيء ، و عاد أنتِ يابنتي فكري و استخيري وخذي راحتك
هزت راسها بحيا و كملت شرب الماء ومن داخلها فراشات و ودها تروح لـ أختها و تنط و تظمها من الفرحه و تقول لها أنه خطبها سيف بس مانها قادره
-
عند سعد & فرح...
بسياره لطريقهم للفندق..
سعد ضحك بقوه لفت عليه فرح بخوف: بسم الله شفيك؟
سعد هو يضحك: لابس أخوك يضحكني بيخطب في البر
فرح ضحكت بخفه: غريب ذا السيف مدري وشبه مستعجل
سعد: يمكن يحبها
فرح: ما أتوقع وين شافها على شان يحبها بس تلاقي نجد هي الي قالت له يخطب بنت عمها
سعد: نجد لو تفكر بزواجها من عساف احسن لها
رجعت فرح تناظر قدامها: كلمت أول نجد وقالت لي انها قالت لعساف كل شي
وقف السياره بسرعه ولف عليها: وينه عساف الحين ؟
فرح بعدم معرفه: مدري قالت انه راح بدون كلام لفت عليه ، مو أنت تقول يحبها و مدري وش شوف هاذا هو راح بدون كلام ولاشي و جرحها بعد
سعد طلع جواله من جيبه و بدا يتصل على عساف سحبت فرح الجوال منه: أكلمك أنا رد علي
سعد هو ماسكه غضبه: فرح جيبي الجوال
فرح: وش تبي منه تبي تطبطب عليه هاه هو جرح بنت خالتي و وجع قلبها وقلها ايش قبل احبك و راضي فيك و في كل شي و اخر شي كذا يروح كان من البدايه صد عنها و فكها من شره
سعد ضرب يده على الدركسون: فرح بشوف وينه لأن الشي الي قالته له نجد مو بهين شي يوجع حامل البنت حامل
فرح و عيونها فيها دموع: و إذا حامل مو بيدها وش ذنبها هي سعد تكفى
سعد لف عليها بغضب: تفكى ايش يافرح ايش تزوجت و انحرج عساف و فوق ذا ماشال في خاطره راضي فيها اما انها تجي و تقول انها حامل وجرحته مره ثانيه شي مستحيل ينسكت عنه ما اتوقع جرحه بيبرا بعد ذا
ضحكت بسخريه: وش متوقع من الزواج ذا قصدي انه كذب عليها وقرب منها غصبن عنها وش تبي منه هاه أكيد بتحمل وهي قالت له بعد عني و فيه اشيا ماتعرفها عن نجد و إذا عرفتها بتنجرح بس ماسمع الكلام و يستاهل الي جاه
سعد على غضبه: فررررح
رمت عليه الجوال و نزلت من السياره و ركبت وراء
أخذ الجوال و كان يراقب تحركاتها سكر جواله من مالقاء رد من عساف زفر ومسح على وجهه: تعالي قدام
فرح الي متكتفه و تناظر من الشباك: ماني جايه
سعد لف عليها: فرح لا تكبرين الموضوع
لفت عليه وهي تبكي: وش الي ما اكبره و أنت الي رفعت صوتك علي
سعد: أسف من غضبي و حزني على عساف و سحبك للجوال مني رفعت صوتي بدون ما انتبه على نفسي
فرح على وضعها: ايه صار عساف اهم مني تغضب و تحزن عليه و تطلع غضبك فيه
نزل و فتح الباب الي وراء و ركب جنبها و دفنها في حظنه: والله أسف يااروح سعد أسف
فرح الي تبكي بأنهيار في حظنه: مره تقهر تراك
سعد: خلاص بسك بكي و الله يقهر بليس العدو
بعدت عنه وهي تمسح دموعها: أعتذر من نجد لأنك غلطت عليها و أنت تدري أن عساف هو الغلطان و مانه راضي يبتعد عن نجد
سعد: أسف لنجد بعد أهم شي ترضين
فرح: رضيت
ضحك سعد: الي يعجبني فيك ترضين بسرعة و ذا احلى شي
نزلت من السياره لتركب قدام: أقوم مشينا بس مره فيه نوم و تعبانه
سعد: على ذا الخشم
ركبو و ماشين لطريقهم للفندق و سعد يحاول يضحك و مايبين لـ فرح أن باله مشغول على عساف و خوفه عليه
-
نرجع لغنم أبو صقر...
جالسه قبال الخيل و هي تبكي و في حظنها شماغه واقف و راها: لايكون يدك مجروحه؟ ترا مامعي شماغ
نزلت برقعها بسرعه و دخلت الشماغ في شنطتها لفت عليه وهي رافعه راسها له: لا ما انجرحت
جلس جنبها ومد لها كوب الشاهي: ليه جالسه قبال رعد؟
نجد الي أخذت كوب الشاهي: بس كذا
صقر شرب رشفه من الشاهي: كذابه قولي وش فيك وليه اليوم بتنتحرين؟
زفرت بتعب: تقول أن عساف يحبني بجنون؟
لف عليها: ايه
نجد: قلت له أني مو زوجت جزاع و أني حامل
طاح الكوب من يده: ايش ايش حامل؟
ضربت راسها بخفه من استوعبت انها قالت لصقر عن حملها
صقر رجع سألها مره ثانيه: نجد أنتِ حامل من جزاع؟
شدت على الكوب ونطقت بصعوبه: ايه
مسح على وجهه: بشهر كم؟
نجد: الثاني
صقر: حسبي الله ونعم الوكيل فيه ماخاف ربه ذا
نجد مسكت دمعتها: صقر خلاص
صقر لف كل جسمه لناحيتها: وش قال عساف طيب؟!
نجد لفت عليه و حطت كوبها بنص: ماقال شي كان ساكت راح و مافتح فمه بحرف واحد
صقر: مالومه مصدوم المسكين
نجد ببكي: طيب ليه يقول برضى فيك و في أن شخص قبلي قرب منك؟
صقر: نجد هو مصدوم من أنك مو زوجت جزاع و مصدوم أنه قرب منك و مصدوم بعد انك حامل بولد جزاع عطيه وقت يستوعب شوي ثلاث صدمات جات في وقت واحد
نجد: آه ياصقر والله روحي تعبت والله
صقر: حاسه فيك يانجد بس تحملي و اصبري ترا بعد الصبر شي جميل وشي بيرضيك إن شاءالله
نجد الي منزله راسها للكوب: إن شاءالله
صقر أبتسم و بغير نفسيتها: سيف خطب فيء
رفعت راسها ببتسامه: ايه قلي انه بيخطبها اليوم
صقر عقد حواجبه: كيف يعني يعرفها من قبل؟
نجد تمتمت: للمره الثانيه و أنتِ غبيه ما ألومك يوم كذب عليك جزاع انك زوجته و ما انتبهتي لأنك غبيه
صقر: وش قاعده تقولين؟!
نجد: هاه ولا شي بس أقول أنا الي قلت له عن فيء قال أنه يبي يتزوج قلت أخذ فيء بنت عمي مصلح ونعم فيها
صقر رجعت ابتسامته: ايه ماقصرتي يابنت العم
نجد: متى يجي دورك؟
وقف و راح عند رعد ويمسح على شعره وقفت وراحت له: لين متى بتتهرب؟
صقر: ماتهربت
نجد: شتسميه ذا طيب؟
صقر طلع رعد من مكانه وهو يرتب السرج عليه: بروح أمشي برعد شوي تبين تجين معي؟
ضحكت نجد بخفه: مستمر بتهريب ، فيه احد يمشي مع ذا الليل؟
صقر ركب على رعد: ايه أنا و أنتِ
نجد: لا ماني راحيه أنا ، ناظرت في الساعه الي في يدها ، الحين وقت النوم بروح أشوف أنوسي وينه وبنام
صقرهو رعد يمشيبه: بدري
نجد: وين بدري أكيد الكل الحين نايم ، رفعت صوتها من ابعد عنها شوي ، أنتبه على نفسك ولا تطول
صقر هو رافع صوته: تخافين علي يعني؟
نجد: أكيد ولد عمي والي وقف معي بخاف عليه
صقر أبتسم: ماعليك أنا صقر
أبتسمت وهي تناظره لين اختفى من أمامها رتبت برقعها و مسحت دموعها الي على طرف جفنها و اتجهت لجهت الحريم أبتسمت من شافتهم مع بعض عند غنم أبو صقر
~
نفس التوقيت..
واقفه عند شبك غنمهم وهي تشوف الغنم الي نايمه و الي مع ولدها فزت على الي حط يده على ظهرها
سيف: بخخ
فيء الي محطيه يدها على قلبها: وش عرفك أني هينا؟
سيف وقف جنبها: أنوس ماقصر
هي تناظر الغنم عظت شفتها بأحراج
سيف: وش تسوين هينا؟ تفرحينهم أني خطبتك
فيء: لا بس حبيت أفرح نفسي واطلع برا الخيمه ماقدرت امسك فرحتي
سيف هو مبتسم: اخيراً طلعتي تحبيني
فيء بأحراج وهي تفرك يدها: حبيتك من أول ماشفتك
لف عليها ببتسامه جانبيه: اخس ماعرفتك يابنت مصلح
فيء: بعدك ماعرفتني زين
سيف: راح اعرفك ليه لا ، بس متى يوم شفتيني؟
فيء: يوم رحت معنا لمعرض الرسم
سيف بعد ماتذكر: نفس الشي يعني بس أنا حبيتك من صوتك وعاد بعد يوم شفتك بمعرض الرسم حبيتك أكثر و حبيتك أكثر و أكثر يوم تحبين محمد عبده
فيء ببتسامه لفت عليه وهي تناظر عيونه: شيقول محمد عبده؟
سيف: يقول محمد عبده :
ابعترف أنِّي أمُوتُ بحُبِّهَا
ابعترف وَشُهُود قلّبي وَقلّبهَا
ابعترف أنِّي بدُون عُيُونهَا
اضٌيَع فِي شَرقِ الحَيَاة وَغَربَهَا
ضحكت فيء بأحراج وناظرته بستغراب من ركع قدامها و مد لها الورده الي لفها على شكل خاتم: تقبلين تكوني زوجت سيف المتقلب مزاجين؟
لفت بتوتر لا أحد يشوفهم: سيف وش قاعد تسوي قوم
سيف: ماراح أقوم لين تقولين قبلت
فيء على وضعها: ذي الحركات مو عندنا والله لو شافك أبوي ليكنسل الخطبه و الزواج و كل شي قوم بسرعه
سيف على وضعه: طيب ردي علي قبل لا يشوفنا
فيء: أقبل والله أقبل بس قوم يرحم لي والدينك
وقف و دخل الورده في اصبعها
فيء الي تتأملها: الله تجنن من وين جبتها؟
سيف هو ماسك يدها: أنا سويتها لقيت العصر هينا دوار الشمس قلت أخذ منها و اسوي خاتم لك
ضحكت بخفه: خطبتني عند شبك الغنم و الخاتم دوار الشمس
سيف ببتسامه: بتكون ذكرى حلوه
فيءسحبت يدها من يده بهدوء: خلاص بروح لا يلحظون غيابي و يطلعون يدوروني و يلقونا هينا
سيف: تمام و أنا بعد بروح لأنه وقت النوم خلاص
مشا لجهت الرجال و فيء لجهت الحريم شاف نجد جايه من عند رعد وقف و لف على فيء: صح نجد لاتزعلين منها حبت تشوف غيرتك بس
فيء: يعني هي تعرف اننا نحب بعض؟
أبتسم وهز راسه بالإيجاب
كانت تمش وراها نطت على ظهرها بفرحه: احلى بنت عم وربي
طاحو على الأرض حطت نجد يدها على بطنها بوجه: آه
فيء جلست و بخوف: بسم الله شفيك؟
نجد بعدت يدها الي عن بطنها بسرعة و أبتسمت بتعب: مافيه شي بس الله يهديك وش النطه ذي الي بغيتي تذبحينا
فيء طلعت برقعها و رفعت يدها الي فيها الورده و ببتسامه: سيف خطبني
ضحكت نجد بستغراب و اشرت عل الورده: وش ذا؟
فيء الي تتلمس الورده الي بصبعها: صح انه مو خاتم بس سيف ركع قدامي و عرض على الزواج
ضحكت نجد بقوه: متأثر ذا بالمسلسلات
ضربتها فيء بخفه على يدها: اصه بس ترا المفروض أزعل منك بس سيوفي قلي لا تزعلين منها
نجد رفعت حاجبها: عشتوو
لفت فيء على ضي و فجر الي جاين و معهم أبريق الشاهي و الفناجيل
ضي: خير جاليسن بدون ماتقولون لنا؟
أنت تقرأ
ما خلف القضبان.
Fiksi Ilmiahاهلاً بكم جميعاً ، بروايتي واعزوفتي الأولى... بدأت كتابتها بـ1/1/2023 وشاركتها أياكم بـ13/1/2023 - (ما خلف القضبان.) (الرواية باللهجة العامية.) نبذة الرواية: بطلتي هي البنت الكبيره بـ العائله هي واخوها الصغير فاقدين اهلهم ويحاربون آلم ووجع الحياه ب...
