سارة: مو قصدي كذا بس ، مدري والله شقول
أم سعد: لا تقولين شي و أنا أمك ، رتبي شعرك الي من الصدمه وقف حتى و ادخلي عليه بس قولي السلام عليكم و اجلسي و كلها خمس دقائق و طالعه من عند
سارة بصدمه: ياراسي خمس دقائق مره وحده؟
دخل سعد و ببتسامه: بنتكم جاهزه؟
سارة بتوتر: بالله ياسعد كيف تشوفه؟ ، يعني رجال كفو ونعم فيه؟ ، بدل ما ادخل عليه
سعد: شوفو هو رجال و ماشاءالله عليه الصدق ، بس لازم تدخلين و تشوفينه يمكن مانه من جوك ولا يعجبك
أم سعد ضربته على يده: اسكت وش الي مايعجبك؟ ، الجمال جمال الروح و أنا أمك لا تهتمين لسخيف ذا
سعد: هو طالب يشوفك
سارة بتوتر: يمه يمه
حطت يدها أم سعد على كتوفها: سمي بالله و توكلي على الله
أخذت سارة شهيق: طيب
مشت وراء سعد و دخلت للمجلس و نطقت بصوت خافت و صعوبه: ال.سلام عليكم
وقف حاتم وهو يناظرها وكيف منزله راسها لـ الأرض: وعليكم السلام
رفعت نظرها له من سمعت صوته الي عجبها بس طاحت عينها في عينه و نزلت نظرها لـ الأرض بسرعة
بعد ثواني سعد تنحتح: ايه ياحاتم قلت لي وش تشتغل؟
حاتم وهو يناظر سارة ببتسامه خفيفه: ا.في دكان صغير ملابس وكذا
رفعت راسها له بسرعه و تكلمت: ملابس؟ توترت من ناظرها ببتسامه ، ا.هو، ولاشي.
رجعت نزلت راسها و ضحك حاتم بخفه من ردة فعلها
سعد ببتسامه: ماعليك منها تحب الملابس هي
سارة الي جنب سعد و شدت يدها على ثوبه و بتمتمه: اوريك
حاتم: كيفك ياسارة اخبارك؟
سارة: تمام الحمدلله
حاتم: دوم
جلست سارة ثواني و ماتحملت الحياء اكثر من كذا وقامت و طلعت من المجلس ..
سعد ضحك: من الحياء ترا
حاتم هز راسه: ايه
~
عند أم سعد دخلت على أم حاتم وجلست جنبها: والله يعني إن شاء الله الرد بيجيكم بعد سبوع ، سارة بدت تنفض من التوتر
أم حاتم: خذو راحتكم و خليها تستخير على هونها ذا زواج و أنا أختك مو لعب
أم سعد: صادقه صادقه
وقفت أم حاتم: و احنا بعد انتظرو الرد منا ، ويلا استأذنك ما ابي أطول عليك اكثر من كذا
أم سعد الي وقفت: لا بالله اجلسي شوي
أم حاتم: الجايات اكثر إن شاءالله ، ويلا مع السلامه
أم سعد: إن شاءالله والله معك
بعد ماطلعت أم حاتم و ولدها حاتم من البيت جاهم سعد ركض: وينها المسخوطه ذي؟
أم سعد: ليه وش سوت؟
سعد: ماسوت شي بس من سمعت طاري الملابس فضحتنا
سارة الي طلعت من المطبخ: لا ارادين ترا
سعد: لا بالله؟
سارة: والله
أم سعد: خلها وقلي كيفه حاتم ذا؟
سعد: مثل ماقلت لكم رجال و نعم فيه
أم سعد: الله يكتب فيه الخير لفت على بنتها ، و أنتِ استخيري زين لا توافقين على شان ملابس بس
سارة: إن شاءالله
-
في بيت عبدالإله...
جيلان الي جالسه جنب وجدان و بتوتر: ا.وجدان
وجدان الي تلعب بنتها تمتمت: همم
جيلان: ا
لفت عليها وجدان بستغراب وعقدت حواجبها من شافت توتره: جيلان وش فيك؟
جيلان وهي تفرك يدها بتوتر: هاه؟ ، ولاشي
وجدان: جييلان ، اعرفك انا وش فيك؟
جيلان على وضعها: ابي اتكلم معك بموضوع بس ماتقولين لـ أي أحد
وجدان بخوف: بسم الله وش صاير؟ ، صقر سواء لك شي؟
جيلان بسرعه: لا ، لا صقر ماله دخل
وجدان: تكلمي طيب؟
جيلان: ا.ك.كيف اعراض الحمل؟
وجدان ابتسمت: حامل ياجيلان؟
جيلان: اصه لا احد يسمعك ، وماقلت أني حامل جالسه اسئلك وش اعراض الحمل
لفت عليها وجدان بكل حماس: ايه بقلك وش هي ، أول شي يوم تقومي الصباح تحسي بغثيان ثاني شي تقلصات ثالث شي تحسي بتعب و أنّ ودك طول الوقت تكونين بس نايمه وفيه اشياء كثيره ، وش حسيتي من ذي؟
جيلان بحياء: الصدق كل صباح احس بغثيان والنوم يوه يا النوم له أربع ايام يكمن مهلكني
وجدان بفرحه: حامل حامل ياجيلان
جيلان: وجدان قصري صوتك ولازم نتأكد مو كذا نخمن
وجدان: ايه صح لازم. وقفت وجدان وحملت بنتها ، قومي مشينا يلا هيو عندها موعد بالمستشفى و امشي معي
جيلان: من بيوديك؟ ، لايكون أبو حمودي؟
وجدان: لا السواق
جيلان وقفت: ايه يلا اجل. ما زالات متوتره ، تخيلي لو صدق حامل؟
وجدان: وش فيها طيب؟
جيلان: احس بدري علىّ
وجدان: لا بدري ولاشي ، وهذاني قدامك معي حمودي و هيو
جيلان تنهدت: مدري الصدق
-
في بيت أبو صقر...
فيء الي منسدحه بتعب: والله ياضي اليوم التعب فيه مو طبيعي
ضي: غريبه ، اشتغلتي وقفتِ كثير؟
فيء: لا والله ، كله بس منسدحه من التعب
ضي: ياليت أمي فيه يمكن انها تعطيك شي و يخفف الألم
فيء: على طاريها صدق وينها؟ ، ماشفتها من قمت
ضي ضحكت بخفه: عند عمه رهف احس عندهم شي بس مدري وش
فيء حطت يدها على بطنها و بـ ألم: ما اضن
لفت عليها ضي من سمعت صوتها التعبان: وش فيك؟
فيء على وضعها: مافيه شي
صرخت اقوى ما عندها من الألم وقفت ضي بخوف: بنت وش فيك؟
فيء: بولد والله شكلي بولد ياضي
ضي: دوبه مادخلتي التاسع وش تولدين؟ ، تكفين يافيء
فيء صرخت: وش اسوي طيب؟ ولاده جاتني دقي على صقر خليه يجي بسرعه تكفين دقي
ضي: سيف ، ليه ماتدقين على سيف؟
فيء: سيف عنده شغل و اكيد شغله بعيد متى يجي و يوديني قد أني ولدة في بيتنا آه آه
ضي: طيب طيب
دقت على صقر وجاء بسرعه من عرف أنّ أخته بتولد لبسو فيء عبايتها و كل واحد ماسكها مع يدها و يمشونها
فيء بألم: ضي روحي نادي أمي بسرعه
ضي فتحت يد فيء: طيب
صقر بتوتر: مافيك شي صح؟
فيء شدت على اسنانها بتعب: صقروه مانك شايف حالتي كيف؟
صقر: شايف
~
دخلت ضي على والدتها الي عند عمتها و بخوف: يمه لحقي لحقي يايمه
وقفت أم صقر بخوف: وش فيه؟
ضي: فيء فيء يايمه لحقي
أم صقر الي بدا ياكلها الخوف صدق: ضي انطقي وش فيها أختك؟
ضي: بتولد يايمه و ماخذينها للمستشفى
رهف: بتولد؟
ضي: ايه ، يمه تعالي بسرعة
أم صقر الي لبس عباتها بسرعة: يلا جايه ، مع السلامه يارهف
رهف: الله معك و طمنوني لا تنسون
سرعو خطواتهم و ركبو لسيارة تحت صراخ فيء من الألم و صقر الي توتر و أول مره يصير معه كذا و أنه بيودي وحده بتولد للمستشفى لأن قبل ليان وداها أبوها للمستشفى ، دق صقر على سيف وهو ينتفض من كثر التوتر و صراخ فيء ..
-
في بيت ليلى...
فرح: طيب جايه ، جايه
فتحت الباب وحصلت نجد شهقت: نجدوه و اخيراً
حضنتها بقوه و بادلتها الحضن نجد بعدت عنها و نزلت لمستواء أنس بصعوبه من العمليه و قُبلته على وجنته: هلا بـ أنوسي الي من تزوجت أخته راح معها ولا يبينا
أنس: أيودي فيه؟
فرح: ايه ، هاذا هو داخل في الصاله. رفعت صوتها من دخل أنس البيت ، لا تشيله يا أنوس
نجد طلعت برقعها: توك طالعه من المستشفى و فاتحه الباب لي؟
فرح: من فرحتِ لجيتك
نجد: ياكذبك ، ماكنتِ تدرين اصلًا أني أنا الي عند الباب
فرح: لا ماعليك حساسي قلي
نجد حطت يدها على ظهر فرح و دفتها بخفه و دخلتها للبيت: أقول ادخلي قدامي أشوف بس
ليلى الي طلعت من المطبخ و أبتسمت من شافت نجد: ياهلا ياهلا و مرحبا بـ بنتِ
جات نجد و باست راس خالتها بحنيه: كيفك ياخالتي؟
ليلى: الحمدلله يارب بخير أنتِ كيفك و كيفه أنوس؟ ، وعلى طاريه وينه هو؟
نجد ببتسامه: كلنا تمام الحمدلله
أنس الي عند إياد رفع يده: أنا هِنا ياخالتي و تراني كبرت تقدرون تشوفوني ماني صغير
ضحك الكل و تكلمت ليلى: في عيني أنا أشوفك صغير قد إياد
أنس عبس: لا
نجد: صح خالتي عساف برا و يبي يسلم عليك
ليلى: ايه زين. رفعت صوتها ، نوف يانوف جيبي طرحتي و برقعي
مها طلعت من الغرفه بهدوء: يمه الله يخليك لي قصري صوتك حمدت ربي أنّ جنو رقدت ، ا نجد ياهلا معليش ما انتبهت لك
نجد ببتسامه: لا عادي
بعدت عنها من سلمت عليها: والله هل جنى ماخلت فيه عقل من صياحها
نجد على وضعها: الله يعين
نوف وهي جايه: ليه وين بتـ... سكتت من شافت نجد ، اهلا نجد
نجد الي راحت عند إياد: اهلين فيك
تكلمت فرح من شافت نوف اعطت والدتها أغراضها و راحت غرفتها: نوف تعالي واجلسي معنا
نوف: خذو راحتكم
تكلمت نجد بعد مادخلت نوف الغرفه و جلسو فرح و مها: رجعت علاقتكم خلاص؟
مها: ايه
نجد ببتسامه: الحمدلله ، شلت همكم و السبب احنا
فرح: مانك ناويه تسامحينها؟
نجد لفت على إياد و مسكت يده و بدت تلعب فيها: لا
فرح: هذاك سامحتي سارة و ليان
لفت عليها نجد: سارة و ليان ماسوو الي سوته نوف
فرح رفعت حاجبها: لا بالله؟
نجد وقفت و طلعت عبايتها و حطتها على جنب: فروح ناويتها مشاكل صح؟
فرح على وضعها: لا ابد
نجد: فروح سارة و ليان غلطهم غير عن غلط نوف غلطهم أبداً ما اذاني ولا سوا لي ولا لـ أنوس شي هاذا هو جزاع سوا غلط كبير و للحينه يترجاني اسامحه ولا سامحته و نوف مثله أذنت أنوس لولا الله ثم أنا كانه الحين ناظرة في أنس الي كان ماسك يد إياد و يناظرهم ببرائه ، سكتت و قُبلت أخوها على وجنته
أنس على وضعه: كاني ايش؟
نجد ابتسمت: ولاشي ياروحي
مها: فرح نجد صادقه ، و ترا هي بكيفها
نجد مسكت يد فرح: لا تخلين علاقتنا تخرب و السبب نوف ، فروح أنتِ عزيزه على قلبي والله و أحبك
فرح حضنتها ببتسامه: و أنا بعد والله أني أحبك يانجدي
أنس بزعل: مو نجدك ذي ، نجدي أنا
فرح بعدة عن نجد و ناظرة في أنس: خير ياشرشبيل ماد بوزك شبرين؟ ، و ماشفتك قلت لـ عساف ذا الكلام يوم يقول لـ نجد نجدي
أنس على وضعه: كيفي
فرح دفته من راسه بخفه: كابر و طالع لك لسان يبيله قص
ضحكت نجد: خلاص لا تعاندينه
مها: اختفى عنا ثلاث أيام و تغير
فرح: شكل حمودي ولد وجدان غيره
نجد: حرام عليكم حمودي حليل والله ومانه من الأولاد المُشاكسين
جات لهم ليلى بسرعه: فيء ، فيء يابنات بتولد
وقفو البنات بخوف: وش؟
ليلى: توه سيف مكلمني ويقول أنّ صقر ماخذ فيء للمستشفى و أنه رايح لهم
نجد: طيب خلونا نروح احنا بعد
فرح: ايه صح لازم نروح
ليلى: أقول انثبري أنتِ هِنا خل تروحين توك طالعه من المستشفى
مها: بروح أنا
ليلى: لا اجلسي مع أختك يمكن انها تحتاج شي
مها: نوف عندها يايمه
ليلى خفضت صوتها: أنوس عارفته كاره نوف وماراح يجلس معها
مها: طيب
نجد الي لبست عبايتها: يلا خالتي مشينا
ليلى: مشينا و أنا خالتك مشينا
طلعو الثنتين وجلسو الخوات الثلاث مع بعض وهم خايفين على فيء ويدعون انها تقوم بسلامه ..
-
في المستشفى...
طلع من غرفة فيء الي ولدة و جابت لهم ولد و الفرحه مانها سايعتهم بقدوم مولود جديد عليهم و مالهم الا ثلاث أيام فرحانين بمولود فرح ، رح يجي ماء لوالدته الي طلبت منه استغرب وجودها هِنا و جايه نحوه: صقر
صقر بستغراب: جيلان! ، وش تسويين هِنا؟
جيلان بفرحه: أنا المفروض أسألك وش تسوي هِنا؟
صقر عقد حواجبه اكثر: يعني مانك داريه عن ولادة فيء؟ ، اجل ليه جايه؟
جيلان بفرحه: بالله صدق فيء ولدة؟
صقر على وضعه: ايه وجابت ولد
جيلان حضنت صقر: الله وش ذي الأخبار الحلوه الي تهل علينا هل
صقر بعد عنها بهدوء: جيلان لا تخوفيني وش صاير؟
جيلان ببتسامه: صقر أنا
صقر: ايه ، أنتِ وش؟ ، جيلان
مسكت بيد صقر و حطتها على بطنها وعيونها دمعت: صقر راح تصير أب للمره الثانيه
صقر أبتسم: منجد؟ ، جيلان أنتِ؟
جيلان هزت راسها بايجاب وهي تضحك بفرحه: ايه أنا حامل يا أبو شنب
حضنها صقر وهو يبكي: يا الله يا الشعور كأني بصير أب لـ أول مره
جيلان: شعور حلو والله
وجدان الي واقفه بعيد عنهم بشوي تمتمت: وين الي تقول بدري علىّ
صقر بعد عن جيلان و ناظر في وجدان و رجع نظره لجيلان: بدري؟
جيلان بتوتر: ايه ، يعني أول من توتري و خوفي قلت بدري علىّ احمل الحين بس يوم تأكدة أني حامل فرحت والله
صقر: تعالي خلينا نبشر اهلي الفرحه اليوم فرحتين
جيلان: تعالي يا وجدان ومنها نبارك لهم
دخل صقر وهو ماسك يد جيلان: عائلتي الجميله عندي خبر لكم راح يفرحكم
أم صقر: الماء وينه؟
صقر: يمه اسمعي الخبر ذا و بتنسين الماء
أبو صقر: عساه خير إن شاءالله
دخلت وجدان بحياء من أبو صقر و سيف: السلام عليكم
الكل: وعليكم السلام
وجدان: مبروك ماجاكم و يتربى بعزكم
أم صقر: الله يبارك فيك
فيء ببتسامه: الله يبارك فيه ياعمري
سيف: ايه ، وش عندك؟
صقر وهو ماسك يد جيلان رفعها فوق: جيلان حامل ، بصير أب للمره الثانيه
استحت جيلان ، وضحكت أم صقر بفرحه: الحمدلله يارب وش الاخبار الزينه ذي
أبو صقر بفرحه: مبروك مبروك
جيلان بحياء: الله يبارك فيك ياعمي
ليلى: الله يقر عينكم بشوفته
صقر و جيلان: أمين
نجد ببتسامه: مبروك يا أبو شنب و أنتبه عاد من غيرة سلطان
ضحك صقر: لا ماضنتي سلطان غيرو
نجد: احنا يا الكبار غرنا ماتبي البزارين ذولي يغارون
ضحك الكل و تكلم صقر: الله يعيني عليه اجل
وجدان قربت من جيلان بحياء: نمشي
جيلان: انتضري شوي
وجدان: وش شويه؟ ، احس مالي وجه و أنا جلسه معهم ، بمشي أنا كانك بتجين امشي مانك جايه اجلسي و يجيبك رجلك. ابتسمت وجدان و وضع من عيونها ، يلا أستأذنكم
أم صقر: الله معك يا بنتِ
جيلان بنرفزه من وجدان: مع السلامه
صقر قرب منها: اجلسي
جيلان: لا والله بروح و ببشر اهلي
صقر: مدام كذا الله معك
طلعو وجدان و جيلان الي تهاوش وجدان بقهر
نجد: وش قررتو تسمونه؟
سيف: مدري أنا ابي اسميه على أبوي فيء تبي تسميه على أبوها
نجد: حرام عليكم كل اسامي ابائكم كبار وش ذنب الطفل ذا
أبو صقر: اسمي صار كبير
نجد جات و قُبلت راس عمها: اسمك حلو ياعمي بس كبير على طفل صغير
أبتسم لها أبو صقر
فيء: اجل وش نسميه؟
نجد بدت تفكر: ا.عندكم آدم عندكم هيثم عندكم عيسى فيه كثيره
صقر: عندكم صقر
نجد: عندنا صقر واحد يكفي مانبي ثنين
أبتسم لها صقر
فيء ناظرت في سيف ببتسامه: آدم حلو
سيف: هيثم حلو
نجد: هاه بيتهاوشون مره ثانيه
أم صقر: أنا اشوف هيثم حلو
ليلى: أنا اشوف آدم
أبو صقر: وحده مع كنتها و وحده مع صهرها ، أنا اشوف عيسى
بدا الكل يضحك ، تكلمت نجد: خلاص بنسوي قرعه
فيء: كيف؟
نجد أخذت الورقه و القلم الي كانت على الطاولة: بكتب الثلاث الأسامي هِنا و أنتِ أو سيف يسحب ورقه
فيء: سيف بيسحب
نجد: طيب. كتبت الأسامي و طبقت الاوراق و مدتها على سيف ، أختر يلا
سيف: ا.ذي أخذ الورقه و فتحها و عبس من شافها
فيء: تكلم وش طلع؟
أبو صقر: اخلص علينا
صقر: شكل طلع له صقر
ليلى: سيفوه تكلم وش طلع
سيف تنهت: آدم
ضحكت فيء و صفقت يدينها بفرحه: الحمدلله
نجد وهي تناظر سيف: حلو الأسم والله ، آدم بن سيف يا الله
سيف: ايه سلكيلي
نجد: والله ما اسلك
رفع صوته صقر ببتسامه: أبو آدم
أبو صقر: ماعلينا احنا من الأسم الأهم ولدنا جاء بسلامه و بنتنا قامت بسلامه ذا اهم شي
أم صقر: ايه والله الحمدلله وعلى خبر حمل جيلان ذي اكبر نعمه من ربي والله
صقر: الحمدلله
-
جاء الليل و الكل رجع بيته و راحت نجد لبيتها لتنام فيه بما أنها كاره نوف ولا تبي تنام عند خالتها غير عن أنس الي جلس عندهم على شان إياد ، فتحت باب بيتها و داهمتها ريحته الحلوه ريحته الي تذكرها بـ اهلها أبتسمت: يا الله يابيتي كم لي غايبه عنك؟ ، اشتقت لي صح؟ ، بعد أنا أشتقت لك والله
طلعت عبايتها و حطتها في الصاله و بدت تفتح شبابيك البيت: لابس يابيتي ناقصك تتهواء و أسوي لي احلى قهوه و اجلس في الحوش
اتجهت للمطبخ و شغلت على الماء و فزت على دق الباب: غريبه أنوس جا؟
طلعت من المطبخ و اتجهت لباب الحوش: بشويش يا أنوس جايه أنا جايه
فتحت الباب و استغربت: عساف
عساف دخل و سكر الباب و قُبل طرف شفتها: ايه عساف
نجد: وش جابك؟
عساف: اههخ الشوق يانجدي الشوق والله
نجد حاوطت يدينها على رقبته و رفعت رجولها و قُبلته على شفته و بعدة عنه وهي رافعه رجولها: مو كثري والله
عساف حط يده وراء خصرها وشده لناحيته: ليه في البيت لحاله؟
نجد: حلو والله جلست البيت لحالي بعدة عنه و نزلت رجولها لأرض ، شغلت على الماء سو لنا قهوة و جيبها فوق لغرفتي
عساف: أبشري كم عندي نجد أنا؟
نجد الي مشت قدامه و تتميل بخصرها بدلع: وحده
لاحضت سرعة خطوات عساف جرت و راحت لدرج بسرعه و ببتسامه: ماتجي الا و معك القهوة
عساف: طيب
سرعة خطواتها لغرفتها وهو دخل المطبخ ..
دخل الغرفه بعد ما خلص من تحضير القهوة و بيدينه كوبين عقد حواجبه بستغراب من شافها واقفه قدامه و لابسه القميص الأبيض الحرير اللي واصل تحت ركبتها بشوي أبتسم أبتسامه جانبيه: ايش ذا؟
نجد ببتسامه حياء: ايش شايف؟
عساف: يعني؟
نجد: ايه جاهزه
حط الكوبين على الطاولة و سرع خطواته لها وحط يده على خصرها وشدها لناحيته وباسها من عند رقبتها بعد عنها: نجدي متأكده؟
نجد حطت يدها وراء راسه و قُبلت شفته بكل قوتها: عساف أنا أسفه أني ما اعطيتك حقك من أول ليله لنا بس هذاني مستعده والله
سحبها لسرير وصار فوقها سكرة عيونها نجد بعد مامر شريط اللي سواه لها جزاع عساف بستغراب: شفيك؟
فتحت عيونها و أبتسمت: ولا شي
عساف بعد عنها: إذا كانك ماتبين لا تغصبين نفسك بس على شان تعطيني حقي نجد بجلس انتظرك لين ماتكونين مستعده صدق
وقفته بسرعه ومسكته: مستعده والله و لو خطيت الخطوه ذي راح انسى الي سواه جزاع فيه و ما ابيك تنتظر أكثر من كذا يا عساف
طلعت بلوزة عساف و هي تمرن يدينها على صدره و قُبلته على شفته و بادلها القُبل و هو شاد يده على ظهرها طلع قميصها و حطها على السرير و صار فوقها صدق و كانت نجد تبادله نفس الشي ..
-
يوم جديد في بيت عبدالإله...
نجوى الي تمشي وراء والدتها الي في يدها المبخره و تبخر البيت و الخوف ماكلها: وش يبون يوم بيجون؟
نجلاء: أم زوج بنتِ جايه تزورني فيها شي؟
نجوى على وضعها: لا مافيها شي بس بنتها ولدة أمس كيف تجي و تخليها؟
نجلاء بملل من اسألت بنتها: عندها أختها الكبيره ولا نسيتي؟
نجوى: لا مانسيت ، بس مالها داعي جيتهم الصدق
نجلاء لفت على الباب الي دق: هاذا هم جو خذي المبخره للمطبخ و تعالي سلمي عليهم زي الناس والاوادم
نجوى أخذت المبخره: ماني بجايه
نجلاء بحده: نجوى
نجوى: طيب طيب
وجدان: اعصابك طيب ، المبخره لا تطيح و الجمر يحرق الفرشه
نجوى: اسكتِ
وجدان: طسي و تعالي بسرعه
سرعة خطواتها وجدان من سمعت صوت الضيوف دخلو بتركيب و الدتها لهم بـ : حي الله من جانا والله
وجدان ببتسامه: السلام عليكم
الكل: وعليكم السلام
نجلاء: تفضلو حياكم الله
أم صقر: زاد فضلك والله يانجلاء
نجوى: السلام عليكم
وقفو الثنتين و سلمو عليها جلست من اشرت لها والدتها بالجلوس ..
نجلاء: وجدان و أنا أمك صبي القهوة لضيوف
رهف: ا.نجد مو هِنا؟
نجلاء: لا والله جات أمس لقريتكم ، غريبه ماجاتكم؟
أم صقر ببتسامه: لا شفتها أمس في المستشفى جات تزاور فيء
نجلاء بادلتها الابتسامه: صح مبروك ماجاكم
أم صقر: الله يبارك فيك
نجلاء: الا رهف بنتك العنود وينها؟
رهف نزلت فنجال القهوه من فمها: اصرت انها بتجلس عند ضي وفيء و خليتها
نجلاء: ماشاءالله طلعت فيء؟ ، مسرعها
أم صقر: ايه اليوم الصباح طلعت و طلعت على مسؤليتها ، الا جيلان ما اشوفها وينها؟
وجدان: من الصباح و الغثيان متعبها و كله بس نايمه
أم صقر: ياعمري عليها ذي بس في بدايت الحمل
نجلاء: ايه
رهف حطت فنجالها على الأرض و أبتسمت: جيتنا ذي والله يانجلاء اننا نبي القرب منكم
شرقت نجوى من القهوة ناظرتها نجلاء بحده و رجعت نظرها لـ رهف ببتسامه: الساعة المباركه والله
رهف: نبي بنتكم نجوى لـ أخوي أحمد
نجوى: لـ....
قبصتها نجلاء من رجلها: ايه نتشرف والله بس بنشوف أبو البنت وش رده و عاد بعدها على خير
رهف: أحمد و أبو صقر جو معنا وهاذا هم مع رجلك إذا بنتك تبي تشوف ولدنا عادي
نجلاء ببتسامه: اكيد
نجوى قربته من والدتها: يمه وش اكيد؟ ، من الحين اقلك ما ابي
نجلاء بتمتمه: أنطمي
لفت نجلاء على الي نادا بـ "ياولد " وقفت وراحته له: تفضل وش بغيت؟
عبدالإله: جايين يخطبون نجوى و الولد يبي يشوفها
نجلاء: ايه الحين اناديها
نادتها نجلاء و دخلت نجوى مع والدها عند أحمد بعصبيه و ملل من والدتها الي اجبرتها تدخل عليه و تشوفه جلست دقائق عنده و طلعت بعد ما اشر لها والدها بالخروج ، و قالت نجلاء لـ رهف انتظرو الرد منا ماهي دقائق الا رجعو لبيتهم أم صقر و رهف ..
استغربو هدوء نجوى الي توقعو بعد رحيلهم راح تسوي فوضه و تقول لهم من الأن ماهي موافقه ..
تنحنحت جيلان: وش الهدوء ذا؟
وجدان: علمي علمك
نجلاء: الظاهر بلعت لسانها من شافت أحمد
وجدان: بسم الله الرحمن الرحيم ، نجوى تكلمي قولي شي
جيلان: بنت انطقي وش صار و وش فيك؟
نجوى بهدوء: والله شكل بيطلع كلامك صدق يا وجدان
وجدان بعدم فهم: وش كلامي؟
نجوى رفعت نظرها لها: أني بحب وحد من عيال القريه و تزوجه
نجلاء بفرحه: يعني موافقه؟
وجدان ببتسامه: اعرفه أنا و اقلكم من كلامها ذا موافقه
وقفت جيلان بفرحه: ياسلام أختِ أخذة العم و أنا.. صدق أنا ايش؟
ضحكت نجلاء: أخو ولد العم
جيلان: ايه صح
نجوى: ماقلت موافقه أنا
نجلاء اتسعت عيونها: وشهو؟ ، وش الي ماقلتي موافقه؟ ، اسمعي يانجوى معك سبوع بس وفي السبوع ذا تستخيرين فيه و تفكرين زين وخلي عنك المكابر ذا و أنّ عيال القريه ما ابيهم ولا من طبقتي
وجدان: كلنا نفس المستوى ترا بس الله هم عايشين في قريه و احنا في مدينه
جيلان: وعلى حسب من عرفته من صقر أنّ عمه أحمد غير عن أبوه و عمه
نجوى: كيف يعني؟
جيلان: أنه يعني مانه من حقين بر و كذا و شغله هو في مدينه ترا
نجلاء: ماعلينا شغله وين في مدينه ولا قريه أهم شي تستخيرين زين و تفكرين و تعطيني الرد
نجوى: طيب يايمه
وجدان: ترا محد يدري وين نصيبه فيه
جيلان: مثلي أنا ماتوقعت أنيّ بتزوج واحد مُطلق و احلى مُطلق
نجوى: كيف صقر معك؟ ، يعني ولد قريه وكذا
جيلان: صقر كويس معي الحمدلله بس ترا ما احد يتشابه بمعاملته يمكن أنّ أحمد يكون احلى من صقر بتعامل وكل شي
نجوى: خلاص طيب بفكر
نجلاء: ايه ، استخيرين زين
-
في بيت نجد...
صحت من النوم و اتجهت للمطبخ لتجهيز الأكل ، بدت تحط الأكل على الطاولة وهي مبتسمه ، جاء ودخل عليها وعقدت حواجبها من الي لابسه كان لابس قميصها الروز ..
نجد وهي عاقده حواجبها: وش ذا؟
عساف أخذ له لفه بالقميص: وش رايك؟
نجد ضحكت: منت بصاحي وربي كيف دخل فيك؟
عساف: الي يسمعك يقول دب ، تراني ما اباعدك بالجسم
نجد: لا يختلف ، وليه لابسه؟
عساف جلس على الكرسي: جاي البارح و مامعي ملابس أخذة شور و احترت وش البس بما أنّ ملابس وصخه
نجد بدت تضحك من شكله: ياربي ياعساف ، خلاص بعد الأكل بغلسها و اكويها لك
عساف: عفيه على زوجتي
قام و حضنها من وراء: اهههخخ صرتي زوجتي رسميًا رسميًا سميًا
أبتسمت نجد: احلى شي صار والله هو البارح
عساف: اكيد
بعد عنها وهو يناظر فناجيل الشاهي: ليه ثلاث؟ ، من بيجينا؟
نجد ابتسمت: مُفاجئه
عساف بخوف: تكفين لاتقولين خالتك؟ ، ماني ناقص فضايح والله
ضحكت نجد: وش فيك خفت؟ ، و إذا خالتي تراك زوجي
عساف: ادري ، بس وش بتقول عنيّ؟ ، ماتحمل غيابها وجاء لها
نجد: وذا الصدق
دق الباب و فز عساف: اسمعي بروح لغرفتك وقولي أنّ محد عندك
نجد: اقول اجلس بس
عساف: يابنت الناس تواجدي هِنا وقميص الروز ماتجي والله
نجد بضحك: اطلع فوق وفيه غرفه على يمينك ادخلها و بتلاقي قميص او ثوب ليسف نسى ياخذه
عساف: أنا أطول من سيف ترا
نجد الي طلعت من المطبخ: بشوي بس
سرع خطواته لفوق و فتحت نجد الباب لطارق و دخلو المطبخ ..
نزل وهو متفشل من القميص القصير عليه دخل المطبخ: السـ... سكت من شافه جالس و يشرب الشاهي ، أنوس!
أنس الي ماسك فنجال الشاهي ناظر عساف من فوق لتحت: ذا قميص سيف ليه لابسه؟
أبتسم عساف وجلس: لا ذا قميصي
أنس: لا أعرف حق سيف أنا و ذا قصير عليك
ضحك عساف بتوتر: الله يخليك يا أنوس اسكت ولا تقول لـ أحد انك شفتني و بذات خالتك ليلى طيب
أنس حط فنجاله على الطاولة: اصلًا خاله ليلى هي الي وصلتني لبيتنا و شافت سيارتك برا
عساف اتسعت عيونه ناظر في نجد الي تاكل و تضحك و رجع نظره لـ أنس و قرب منه أكثر: قالت شي؟
أنس: لا بس قالت
عساف بسرعه: وش قالت؟
نجد: يوه عساف خل أخوي ياكل من جاء و أنت ناشب له
عساف: نجد بالله اسكتي شوي خليني أعرف وش قالت ، ايه يا حبيبي يا أنوس وش قالت؟
أنس تنهت: قالت عساف وعوايده مايخليها ابداً
عساف رجع تساند على الكرسي: هي صادقه عوايدي و ما اخليها ، بس وش اسوي مقدر اخليها دام عندي قمر
أبتسمت نجد: أكل ياروحي أكل لا تطب خالتي علينا و أنت ما أكلت شي
عساف قرب من الطاولة: لا ، لا باكل باكل
ضحكو نجد و أنس و كملو أكل تحت خوف عساف الي ياكل بسرعه خوف ليلى تطب عليهم وهو ما أكل ..
نجد: راح تروح صح؟
عساف: ايه اكيد ليه؟
نجد: لأن خالتي أم حاتم و أم سعد جايين عند خاله ليلى وهي قالت لي اجي
عساف: تمام بس اهم شي ملابسي
نجد ابتسمت: ابشر
أنس: وش فيها ملابسك؟
عساف: ا
نجد: كب عليها عصير
أنس: ايه عرفت الحين ليه لبست قميص سيف
عساف أبتسم له بتسليك وهو يأشر على فمه: ايه بس امسك لاسانك تكفى لا تفضحنى بالله ، ما ننا ناقصين والله
نجد وهي تضحك: لا ماعليك أنوس و اعرفه
عساف بتسليك: صح ماشاء الله عليه
-
في بيت ليلى...
فرح شهقت: وشوو؟ ، منجدك ياخاله؟
أم حاتم: هاو وش بلاك يابنتِ؟ ، ايه منجدي
فرح: بس ماتصلح والله ماتصلح
ليلى: الله يوفقه يارب ويتمم لهم على خير
أم حاتم ببتسامه: آمين
فرح: خالتي والله سارة ماتصلح لـ حاتم صدقيني
ليلى بحده: فرح خلاص
فرح: وش خلاصه يمه؟
أم حاتم بستغراب: ليه سارة وش فيها؟
ليلى: مافيها شي غير انها سوت غلط و عرفت غلطها و اعتذرت
فرح: بس غلطها قليل أدب مثلها
ليلى: فرح شوفي ولدك قاعد يصيح
أم حاتم قربت من ليلى اكثر بعد ما راحت فرح لولدها: صدق سارة ماتصلح؟ ، تكفين ياليلى لا اخليني اتورط فيها
ليلى: يابنت الناس مافيها شي والله ، قبل حاوت تخرب بين نجد وعساف لنها تحب عساف بس عرفت غلطها و جات و اعتذرت من نجد ولو ماعرفت غلطها كان نجد ماسامحتها صدقيني يا أم حاتم سارة بنت حبوبه و تصلح لـ حاتم يوم قلتي لنا أنه يبي يتزوج كنت بسألك بتخطبين له مين و إذا مافي أحد في بالك بقلك على سارة بس لهيت مع فروح الي شيبت براسي
أم حاتم: والله أنّ فرح خوفتني
ليلى حطت يدها فوق يد أم حاتم بطمأنينه: أخذتِ البنت الصح والله يوفقهم
دخلت نجد و ماسكه بيد أخوها: السلام عليكم
الكل: وعليكم السلام
طلعت فرح من الغرفه وفي حضنها ولدها: الله جابك يانجد
نجد الي بدت تطلع عبايتها: وش فيك؟
فرح وهي واقفه: شوفي زوجة خالك وش هببت فيه
ليلى بفشله: فرح
نجد: بنت وش الكلام ذا عيب
فرح: خطبت سارة أخت سعد لـ حاتم
نجد لفت على أم حاتم و بفرحه: صدق ياخاله؟
أم حاتم: ايه
نجد ببتسامه: والله و أخذتِ البنت الصح عاد احس حاتم وسارة مناسبين
أم حاتم برحه: الله يبشرك بالخير
فرح: والله يانجد الظاهر استخفيتي
نجد مسكتها مع يدها و دخلو الغرفه: لا استخفيت ولاشي و سارة اعتذرت و بنت ناس هي لا تنسين أخوها سعد زوجك
فرح: ايه و ماننسى أنّ أخوها مشاري الي خطفني
نجد بقلت حيله: عرفو غلطهم و أعتذرو و البنت من الغيره سوت كذا
فرح: ايه ، ايه من الغيره
لفت على نجد من لمحت فيه شي على رقبتها أبتسمت على جنب: شكلها صارت
نجد عقدت حواجبها: وش؟
فرح حركت نظرها على اثر القُبله الي على رقبت نجد ، حطت نجد يدها على رقبتها و بحياء: واضحه مره
فرح: وبقوه
وقفت فرح و بدت تنط بفرحه: صارت والله صارت و تخطت نجد
نجد بحياء: بنت خلاص لا أحد يسمعك ، فروح انثبري
مازالت فرح تنط وهي فرحانه حطت يدها على بطنها من ألم العمليه: احح
نجد: احسن
فرح: شسوي فرحت لك
نجد: لا تفرحين بشي كذا
فرح: في بيتك؟
نجد على وضعها: ايه ، بس هو الي جاء
فرح ببتسامه على جنب: ماندري هو الي جاء ولا أنتِ الي دقيتي عليه
نجد وقفت من سمعت صوت أم سعد: ياشينك بس ، وقومي حماتك جات
مشت نجد لباب الغرفه و فرح جالسه: صارت صارت و بيجي بيبي صغير
أخذت نجد مخده و رمتها عليها ، طلعت من الغرفه و أبتسمت و اخفت ابتسامتها و راحت عند خالتها ..
-
اللهم صل على محمد وال محمد
أنت تقرأ
ما خلف القضبان.
خيال علمياهلاً بكم جميعاً ، بروايتي واعزوفتي الأولى... بدأت كتابتها بـ1/1/2023 وشاركتها أياكم بـ13/1/2023 - (ما خلف القضبان.) (الرواية باللهجة العامية.) نبذة الرواية: بطلتي هي البنت الكبيره بـ العائله هي واخوها الصغير فاقدين اهلهم ويحاربون آلم ووجع الحياه ب...
