" ඔක්කොම ගත්තද.. ශුවර්නෙ.."
" ම්ම් ගත්තානම් තමා.. වෙන මොකුත් නෑනෙ.."
මමයි රධ්ය අයියයි උදේම නැගිටලා කාලා බීලා ඇදගත්තෙ ස්ටේඩියම් යන්න.. හුගක් වෙලාවට මීට් එක ඉස්කෝලෙ තියන්නෙ නෑ ඕල්ඩ් බෝයිස්ලා එහෙමත් එන නිසා වෙනම ස්ටේඩියම් එකක් ඉස්කෝලෙන් දවසකට ගන්නවා..
මට අද හෙන අවුල් අවුල් වගේ.. හිතටත් බයයි.. මොනවා වෙයිද දන්නෙත් නෑ.. උඩ පැන පැන ඉදියට හිතේ යට බයකුත් තියෙනවා.. උදේම අම්මා කතාකල්ලා සුපුරුදු උපදෙස් මාලාව අම්මට පාඩම් හැටියට මට කියලා හුගක් රෑ වෙන්න කලින් ගෙදර එන්න කියලා තිබ්බා.. සෙනුකයයි අනිත් අයියලා තුන්දෙනයි පහළ ලෑස්තිවෙනවා.. ආධ්‍ය අයියා උදේම එයා ප්‍රයිවට් වැඩකරන ඩිස්පෙන්සරි එකට යනවා කිව්වා මොනවද එහේ දාලා ඇවිල්ලා ඒවා අරගෙන එන්න..
ඉතින් මමයි රධ්ය අයියයි අත් දිග ස්කූල් ශර්ට් එකට තද නිල් පාට ටයි එක දාලා ශර්ට් එක යට කල්ලා හෙන පිළිවෙලට ඇදගත්තා.. ටයි එක දාන්නෙත් මේ වගේ දවසකට විතරනෙ.. මෙහෙම පිළිවෙලට මමනම් ඉස්කෝලෙ යන්නෙ එක්කො ප්‍රයිස් ගිවින් එකට නැත්නම් මීට් එකට නැත්නම් කලර්ස් නයිට් එකට.. නැත්නම් මම ඇදුම් ගැන වැඩි සැලකිල්ලක් දක්වන මනුස්සයෙක් නෙමේ.. ඒකට රධ්ය අයියා ගෙදරට අදින්නෙත් මැදලද කොහෙද..
ඊටපස්සෙ රධ්ය අයියා ආධ්‍ය අයියගෙ කාමරෙන් ෆවුන්ඩේශන් එකකුයි සන් ක්‍රීම් වගේකුයි උස්සගෙන ඇවිල්ලා මට ඇදෙන් වාඩිවෙන්න කියලා මගේ මූණෙ තියන තරමක් දේවල් ගෑවා.. වෙනදටත් අම්මා මගේ මූණෙ අරවා මේවා ගානවා.. මම දන්නෙ ඉතින් ගානකල් උඩ බලගෙන ඉන්න තමයි.. කොහොමහරි ලාවට බ්‍රශ් එකකින් මූණට ටච්-අප් එකක් දීපු රධ්ය අයියා මට කොන්ඩෙ හදාගන්න කියලා ඌත් අර තිබ්බ ඒවගෙන් මූණ ගානට ලස්සනට හදාගත්තා.. එහෙම හදන්න තරම් දෙයක් නෑ උගෙයි මගෙයි මූනෙ.. ඒ වුනාට මේ ටිකේ අව්වෙ ඉදලා පොඩ්ඩක් එකෙන් මෙහෙන් කළු වෙලා තිබුනා..
" ඔය ඉන්නෙ හැන්ඩියා වගේ.."
මම කණ්නඩියෙන් මූන බලලා බ්ලෙසර් එකත් දාගෙන පහළට ගියා.. සැක් රධ්ය අයියා ඩබල් හැන්ඩ්සම්.. අද මේකා දිහා කීදෙනෙක් බලයිද දන්නෙ නෑ.. විශේශෙන් අර පරෙයියා.. අද ඉදීවි මාච්පාස්ට් කරන්න කැඩෙට් යුනිට් එකේ.. හම්බෙද්දෙන්කො.. දන්නෑ වරද්ගෙ හැටි..
YOU ARE READING
SEPALIKA | COMPLETED
Romanceරධ්ය අයියට තිබුනේ තද කළුපාට ඇස්.. මගේ වගේ ලා දුඹුරුපාට ඒවා නෙමෙයි.. ඒ ඇස් වල ඇහිපිල්ලම් ගහන දිහා මම සමහර වෙලාවට බලාගෙන ඉදලා තියෙනවා.. මට හිතෙන්නෙ ඒ දිහා මට තව තව බලාගෙන ඉන්න ඇත්නම් කියලා.. එක ලග ගෑවෙන්න ඔන්න මෙන්න තියන ඇහිබැමට යටින් තියන ඒ ඇස් ඉදලා...
