SEPALIKA | COMPLETED

165 කොටස

ලන්ඩනයේ ස්ටැන්ස්ටඩ් ජාත්‍යන්තර ගුවන් තොටුපොළ..,

ජීවිතේ අමාරුකාල හැමෝටම එනවා කියලා කියමනක් තිබ්බට.. කවුරුත් ප්‍රාර්ථනා කරනවද ඒවා දීර්ඝකාලීන වෙන්න ඕනමයි කියලා.. නෑ..!! කවුරුත් එහෙම ප්‍රාර්ථනා කරන්නෙ නෑ.. කොයිම හරි දවසක ආයෙම හොඳ කාලයක් ලබනවා.. ඒත්,

රධ්‍යට..??

එයාගෙ ජීවිතේ අවුරුදු හයකටම එහෙම හොඳ කාලයක් නොලැබිච්ච තරම්.. ජීවිතේ හරි අසාධාරණයි.. 

" පුතා.."

"....."

" පුතා මම කියන දේ එකවතාවකට අහන්න දරුවො.. එයා හොඳින් ඉන්නවා.. අපි එහෙම විශ්වාස කරන්න ඕන.."

" කොහෙද.. කවද්ද.."

" ප්ලීස් පුතා.. මට ඔයා එක්ක මේ ගමන එන්න දෙන්න.."

'We ask that you please fasten your seatbelts at this time and secure all baggage underneath your seat or in the overhead compartments. We also ask that your seats and table trays are in the upright position for take-off'

" ඔයා මේ ගමන එන්න ඕන නෑ අම්මා.. මට දැන්වත් මගේ තීරණ ගන්න ඉඩ දෙන්න.."

" හොඳයි ඔයාගෙ තීරණේ ඒකනම්.. ටේක් කෙයා.. පුතා ගියාම අම්මට කතාකරන්න.."

රධ්‍යට කරදරයක් වගේ දැනුණ එයාගෙ ටෙම්පර්ඩ් එක බිඳුණු ෆෝන් එක ඕෆ් කල්ලම දාලා ඒක සීට් එක ඉස්සරහා තිබුණ බෑග් එකට එබුවා.. නිදහස එක්ක දැනෙන දුකක්.. ඒක හරි අමුතු හැගීමක්.. රධ්‍ය බලාපොරොත්තු වුණා අවසාන මොහොතෙ හරි නිදහස එක්ක දැනෙන සතුටක් ලබන්න.. ඒත් රධ්‍යට ලැබුණෙ නිදහස විතරයි.. එයාගෙ සතුට, සැනසීම එයාගෙන් හැමතිස්සෙම දුරට යන්න ගන්නවා..

වරද්ගෙ ඇක්සිඩන්ට් එක වෙලා දවස් දෙකක්.. එයා මේ වෙද්දි ඉන්නෙ අයි සී යූ එකක.. හුස්ම අදින ගමන්.. අඩුම තරමෙ රධ්‍ය දන්නෙ නැහැ එයාගෙ ජීවිතේම දීලා රැකගත්තු මනුස්සයා හොඳින් ඉන්නවද කියලවත්.. කොහොම වුණත් ගත වුණු හැම තප්පරේම රධ්‍ය වරද් වෙනුවෙන් දෙවියො පවා යැද්දා.. එයාගෙ ජීවිතේ හරි දීලා කමක්නෑ.. වරද්ව බේරගන්න.. ඒත් මේ අවුරුදු හයටම දෙවියො එයාව ඇහුවෙ නෑ.. 

දැනට අවුරුදු හයකට කලින් වරද් එක්ක තියන හැමදේම නවත්තනවා කියලා රධ්‍ය දිවුරුවෙ අධිකාරි ඉස්සරහමයි.. එයා අඬන්නෙ නෑ.. ලේසියකට ඇඬුවෙ නැතත්.. අසනීප වුණූ අයියා දිහා බලාගෙන.. අසරණ වෙලා ඉන්න වරද් දිහා බලාගෙන රධ්‍ය ඉවසපු ඉවසිල්ල දන්නෙ එයාම විතරයි.. ඒ ඉවසීමට හිලව් වෙන්න දැන් හැමදාම රෑට රධ්‍යගෙ ෆෝන් එකේ ස්ක්‍රීන් එක කඳුළු බිංදු වලින් තෙමෙනවා.. කාමරේ තියන ප්ලූශි එකට එයාගෙ හිතේ තියන දුක කියනවා.. වරද්ව හිතින් මවාගන්නවා.. ආයෙම සතුටින් ඉන්න කාලයක් වෙනකල් රධ්‍ය හීන දැක්කෙ එකක් දෙකක් නෙමේ.. කෝටියක් විතර..