මම ඇහැරෙද්දි හුඟක් රෑ වෙලා.. ගෙදර සාලෙන් හිනාවෙන කතාකරන සද්දෙ ඇහෙනවා.. මම එහෙමම ෆෝන් එකේ වෙලාව බැලුවා.. ඒ එක්කම මගේ පපුව හිරිවැටීගෙන ගිහින් ෆෝන් එක ඉබේම බිමට අතෑරුණා.. මගේ ජීවිතේ මේ හීනයක් නෙමෙයි කියලා මට වෝල්පේපර් එකෙන්ම තේරුණා.. වෙනදට නොටිෆි වැටෙන මැසේජ් එකක්.. මොකක් හරි තරහ යන කතාවක්.. මිස් කෝල් එකක්.. මොකුත්ම නැතුව අපි දෙන්නගෙ කළුසුදු ෆොටෝ එකක් විතරක් ඩිස්ප්ලේ වෙද්දි මගේ ඔලුවට මහා බර ගතියක් දැනුණා.. මම එහෙමම නැගිටලා බිත්තියට හේත්තු වුණා..
හවස හොඳටම නින්ද ගියානෙ.. ආයෙම පපුවෙ දැවිල්ලක් තිබ්බෙ නෑ.. ඒවුණාට ආච්චි හිනා සද්දෙ ඇහෙනකොට මගේ හිත ගැස්සෙනවා.. මම මාමා ගැන මොකද කියන්නෙ.. මට ඒක ගැන මොකුත්ම හිතාගන්න බෑ.. මගේ ආච්චිඅම්මා වයසයි.. මේවා කියලා මොකක් හරි වුණොත් කියලා මට බයයි.. මට මේ ලෝකෙ පන ගැහෙන හයියකට ඉතුරුවුණේ එච්චරයි.. මට සැනසීමකට තියෙන්නෙ එච්චරයි..
ඒ එක්කම ෆෝන් එකට කෝල් එකක් ආවා.. බලද්දි අයුක අයියා.. මම ෆෝන් එක ආන්සර් කල්ලා කනේ තියාගත්තා.. ජීවිතේට නොහිතපු හුඟක් දේවල් වලට මම මූණදෙන්නෙ හැබැහින්ද මට විශ්වාස නෑ..
" මල්ලි.. ෂනෙරු.."
" අයුක අයියෙ.."
මට ආයෙම ඇඬුණා.. අද දවසට මම මේ අඬන කීවෙනි වතාවද මට හිතාගන්න බෑ.. අඬලා අඬලාම ඇස් වලට කඳුළු උනද්දි ඇස් දන්න ගන්නවා.. කටහඬත් වෙනස් වෙලා ගිහිල්ලා..
" මම දන්නවා.. පරිස්සමට ගෙදර ආවා නේද.."
" ඔව් අයියෙ.."
" බලහන් මම ලංකාවෙ හිටියනම් මොකක් හරි කරනවා.. මෙහේ ඉඳන් මට කරන්න පුළුවන් මොකුත්ම නෑ බං.. කියාන් ඉන්නවනෙ.. ඕනම වෙලාවක කියන්න ෂනෙරු හිතේ තියාගෙන ඉන්න එපා.. තේරුණාද.."
" කොහෙද අයියෙ රධ්ය අයියා ගියේ.. මම කිසිදෙයක් දැනගෙන නෙමේ හිටියේ.. අනේ මම දන්නෙ නෑ අයියෙ.."
" නාඬා ඉන්නකො.. රධ්ය මට පෙරේදා උදේ කතාකළා.. ඌ මොකක් හරි කියන්න හැදුවා බං.. අර උගෙ අප්පච්චි එක්ක මොන මගුලක්වත් කරන්න බෑ.. හරියටම ගත්තොත් ඌත් උගේ අප්පච්චි ගැන දන්නෙ නෑ.. එයා එතනින් සෑහෙන්න හිරවෙලා මල්ලි.. රධ්යට වැරැද්දක් කියන්නත් බෑ.. අනික ඔයාගෙ මැච් එක අස්සෙම මේ කරදර වේවි කියලා ඌ හිතුවෙත් නෑ.."
YOU ARE READING
SEPALIKA | COMPLETED
Romanceරධ්ය අයියට තිබුනේ තද කළුපාට ඇස්.. මගේ වගේ ලා දුඹුරුපාට ඒවා නෙමෙයි.. ඒ ඇස් වල ඇහිපිල්ලම් ගහන දිහා මම සමහර වෙලාවට බලාගෙන ඉදලා තියෙනවා.. මට හිතෙන්නෙ ඒ දිහා මට තව තව බලාගෙන ඉන්න ඇත්නම් කියලා.. එක ලග ගෑවෙන්න ඔන්න මෙන්න තියන ඇහිබැමට යටින් තියන ඒ ඇස් ඉදලා...