මම කොහොඹ ගහේ බැඳපු ඔංචිල්ලාවෙ පැද්දි පැද්දි පාර දිහා බලාගෙන හිටියා.. හවස සහන් ඇවිත් අපිව හම්බෙලා ගියා.. ඌත් එක්සෑම් එක ගොඩ දාගෙන කොහොම හරි.. ඒකා හරි හොඳ එකා.. එනකොට අම්මා දුන්නයි කියලා අග්ගලා වගේකුත් උස්සගෙන ආවෙ.. ඊටපස්සෙ සෙනුකයා එහෙම ඌ එක්ක කතාකර කර ඉඳලා ගියා.. සහන් ටියුෂන් කරනවලු.. උගේ ගෙදර තාත්තා ළඅදි ඇක්සිඩන්ට් වෙලා මේ දවස්වල තාත්තා වැඩට යන්නෙ නැහැලු.. ඒකනිසා නංගිවයි අම්මවයි බලාගන්න සහන් කීයක් හරි හොයාගන්න ඕන නිසා ගාල්ලෙම ටියුශන් කරනවලු කීපදෙනෙක් එකතු කරගෙන.. ඒකෙන් හම්බෙන ගාණට බැංකුවෙ වැඩට ගිහින් හොයාගන්න ගාණ එකතුකල්ලා සේරම ගෙදරට දෙනවලු..
ඒ වගේ කොල්ලොන්ට නම් කවදා හරි මදි නොකියන්නම හරියන්න ඕන..
තව ආගිය තොරතුරු කතාකල්ලා මට මැච් එක වින් කළාටත් විශ් කල්ලා යන්න ගියා.. අද රෑ බස් එකේ ආයෙම ගාල්ලෙ යන්න ඕන කියලා..
ඔංචිල්ලාව පැද්දෙන වාරයක් ගානෙම ඒ හා සමානව මගේ හිතත් දෙපැත්තට පැද්දුණා.. සතුටු හිතෙනවා.. දුක හිතෙනවා.. මම දෙපැත්තටම දෝලනය වෙනවා.. හිතට හරි පාළුවක් තියනවා.. ඒක කියලා විස්තර කරන්න පුළුවන් එකක් නෙමේ.. මතක සැරින් සැරේ ඇවිත් මගේ හිත පාරලා යනවා.. උඹට පාළුයි කියලා ඇඟිල්ලෙන් ඇන ඇනම මතක් කල්ලා දෙනවා.. මාමත් එක්ක, රධ්ය අයියා එක්ක මේ ඔංචිල්ලාවට රණ්ඩු වුණු හැටි මතක් වෙනවා.. මගේ වටේ ඒවා ඇහෙනවා ඇහෙනවා වගේ.. හැමතැනම හොල්මන් කරනවා.. අද ඊයෙ වගේ මතකයි අපි මේ මිදුළ පුරාම ඇවිද්දා.. මෝඩ රධ්ය අයියට පැළ ජාති ගැන කියලා දුන්නා.. අපේ මාමගෙ බෙහෙත් තෙල් වලට කිකිරිඳිය හොයන්න යනවා.. මාමත් එක්ක සිරිසෝම මාමලාගෙ ගෙදර ගිහින් එනගමන් කඩෙන් සීනිබෝල උස්සන් එනවා.. එහා ගෙදර කෙල්ලගෙ තාත්තට බනිනවා..
මට රිදෙනවා මාමෙ.. ඒත් මාමටත් ජීවිතයක් තියෙනවනෙ.. මම ආච්චිඅම්මවයි, අම්මවයි බලාගන්නවා.. ඉන්න තැනක හොඳින් පරිස්සමට ඉන්නවනම් එච්චරයි..
මම කටේ තිබ්බ සියඹලා ඇටේ 'පොහ්' ගාලා විසික් කල්ලා දැම්මා.. චමිරුවා නිදාගන්න ගියා හවස නිදිමතයි කියලා.. සෙනුක අම්මලා එක්ක කුස්සියෙ චූටි පූසව හුරතල් කරනවා..
![](https://img.wattpad.com/cover/337524932-288-k518348.jpg)
YOU ARE READING
SEPALIKA | COMPLETED
Romanceරධ්ය අයියට තිබුනේ තද කළුපාට ඇස්.. මගේ වගේ ලා දුඹුරුපාට ඒවා නෙමෙයි.. ඒ ඇස් වල ඇහිපිල්ලම් ගහන දිහා මම සමහර වෙලාවට බලාගෙන ඉදලා තියෙනවා.. මට හිතෙන්නෙ ඒ දිහා මට තව තව බලාගෙන ඉන්න ඇත්නම් කියලා.. එක ලග ගෑවෙන්න ඔන්න මෙන්න තියන ඇහිබැමට යටින් තියන ඒ ඇස් ඉදලා...