SEPALIKA | COMPLETED

39 කොටස

එදා අවුරුදු උත්සවේ දවසෙමයි ඉස්කෝලෙ වාර නිවාඩුව දුන්නේ අලුත් අවුරුද්දට.. ඊටපස්සෙ දවස් දෙකක්ම පන්ති තිබ්බ නිසා මට ඒවට යන්න වුනා.. අවුරුදු වලට මහරගම නුගේගොඩ ඔය පැතිවලට කිට්ටු වෙන්න බෑ.. පුදුම සෙනගක් ඉන්නෙ බස් වල.. බස් විතරක් නෙමේ පාරවල් වලත්.. අපේ ගෙදර ඇදුම් ගන්න යන්නෙ ඉතින් අඩුවෙන්.. මට විතරයි.. අම්මා ඇදුම් අදින්නෙ මහගෙන.. මහලා තියෙන ඒවා අම්මට හරි යන්නෙ නෑ හුගක් වෙලාවට.. කොහොමහරි අන්තිමට අවුරුද්දට දවස් හතරක් විතර තියලා මමයි අම්මයි ආච්චිඅම්මලගෙ ගෙදර යන්න ලෑස්ති වුනා..

රධ්‍ය අයියලගෙ ගෙදරත් එයා කිව්ව විදියට වැඩ වැඩිලු.. එයාගෙ අම්මයි අප්පච්චියි පලාලි ඉදලා ගෙදර ඇවිත්ලු ඉන්නෙ.. කියලා තියෙන විදියටනම් එයාගෙ අප්පච්චි හුගක් සැරයි.. රධ්‍ය අයියයි ආධ්‍ය අයියයි අප්පච්චි ඉන්න තැනක මූන බලාගෙනවත් කතාකරන්නෙ නෑ කියලා කියාන් අයියා කියලා තිබ්බා.. කොහොම වුනත් මටත් එහෙම හිතුනෙ මේ ටිකේ රධ්‍ය අයියා ෆෝන් එකෙන් කතාකලත් කතාකරන්නෙ රහසින් වගේ.. එපාවෙලාලු ඉන්නෙ.. අප්පච්චි ගෙදර ඉද්දි අඩුම තරමෙ එයාලට ගෙදර හයියෙන් ඇවිදින්නවත් බැරිලු.. අම්මනම් හොදයිලු.. අම්මා ඩොක්ටර් කෙනෙක් නිසා අම්මා ලබන අවුරුද්දෙ කන්සාල්ටන්ට් කෙනෙක් වෙන්න රට ගිහින් ස්ටඩීස් කන්ටිනුව් කරන්නලු හිතාගෙන ඉන්නෙ.. රධ්‍ය අයියා කිව්වා අම්මා ගියෝතින් එයා පිටින් බෝඩ් වෙනවා කියලා.. ගෙදර ඉන්න බැහැල්ලු.. හිසරදයක්ලු අප්පච්චි ඉන්න තැනක ඉන්න එක..

මම කිව්වහම එහෙම කියන්න එපා කියලා ඒකා ඒකටත් මට කෑගැහුවා.. ඒ වුනාට එයාට අප්පච්චි ඉන්න නිසා අගයක් නෑ.. මට නැති නිසා අගෙයි.. ඔහොම තමා.. තියන එකාට අගයක් නෑ.. නැති එකාට අගේ වැඩී..

මම ගමේ යන්න ඇදුම් හදන ගමන් හිටියේ.. ඇදුම් නම් ඕනෙත් නෑ.. පොත් දෙකතුනකුයි.. ලැප් එකයි.. ඔච්චර තමා.. ඒකට අපේ අම්මා.. මොනවා දාඅත්තද මන්දා..හෙන ලොකු බෑග් එකකින් එකයි එක එක දේවල්.. මේ බස් වල යද්දි ඔවා උස්සන් යන්න වෙන්නෙත් මටමයි.. දැන් ඇදපන්කො බර පුත්තලම් බූරුවා වගේ.. ඕවා අම්මට කිව්වහමමට බනිනවා කරේ තියාගෙනලු හැදුවෙ, වඩාගෙනලු බත් කැව්වෙ, අඩනකොට උකුලෙ තියාගෙනලු නිදි කලේ..අනේ දෙයියනේ ඒ මලවදේ අහගෙන ඉන්නවට වඩා හොදයි අත් දෙක කැඩිලා පලයන් කියලා බඩුත් උස්සගෙන ගමේ යන එක..