SEPALIKA | COMPLETED

177 කොටස(අවසාන කොටස)

" ම්හ්.. තාත්තී.."

" sleep some more.. ඔයා නිදාගන්න ලේට් වුණානෙ සුදුපුතා.."

මම මගේ ඇඟේ හතර අතේ වෙලාවෙන ඉන්න සේරම අඬු ටික එහාට මෙහාට කල්ලා ඇඳෙන් බැහැගත්තා.. මම නම් කියන්නෙ මේ ගෙදර අනිත් කාමර හැදුවට වැඩක් නෑ.. මේ කාමරේම විතර ඇඳක් හැදුවනම් හරි.. මුළු ගෙදරටම නිදාගන්න තිබ්බා.. ඒ මදිවට තුන් හතරදෙනෙක්ම වෙලාගෙන ඉඳලා මගේ ඇඟත් කකියනවා.. 

මම බාතෲම් එකට ගිහින් මූණ සෝදගෙන කාමරේ දොරත් වහගෙන පහළට බැස්සා.. වෙලාව හය හමාරයි.. මේ දවස්වල අවුරුදු නිවාඩුව නිසා ගෙදර කවුරුත් කොහෙවත් යන්නෙ නෑ.. ගෙදරමයි ඉන්නෙ.. ඉස්කෝලෙත් නිවාඩුවනෙ.. මමත් හොස්පිට්ල් නිවාඩු දාලා ගෙදර ඉන්නවා.. කුස්සියෙ පැත්තෙන් තියන ජනේලෙන් ආධ්‍ය අයියලගෙ ගෙදර ලයිට් දාලා පේනවා.. එහේනම් කොයිවෙලෙත් ඔය කාමරේ ලයිට් දාලමයි තියෙන්නෙ.. අවී මේ දවස්වල පාඩම් කරනවා.. එයාගෙ කාමරේ තමා මෙහේට පේන්නෙ.. ආධ්‍ය අයියා අවදි වෙලා ඇති..මම ඒ පැත්තෙ ජනේලෙ ඇරියා.. උදේ පාන්දර ආපු සීතලම සීතල හුළං පාරක් මගේ මූණට වැටිලා තිබ්බ කොණ්ඩ කෑලි ටික එහේ මෙහේ කරගෙන ගියා..

හැමදාම මෙහෙම තමයි.. මම හුඟක් දවසට හතරට විතර ඇහැරෙනවා.. ඒ එක්කම රධ්‍ය අයියත් ඇහැරෙනවා.. එතන ඉඳන් හවස හතර හමාර වෙනකල්ම ඉතින් අපි දෙන්නා ජොබ්වල වැඩ.. සතියෙ දවස්වලට හුඟක් බිසී.. මගෙ හොස්පිට්ල් මාරුවීමක් ඇවිල්ලා.. දැන් ජෙනරල් හොස්පිට්ල් එකේ වැඩ කරන්නෙ.. මෙහේ ඉඳන් ලොකු දුරකුත් නෑනෙ.. ‍යන්න එන්න ලේසියි.. 

අපේ ගෙදර සාමාජිකයො ගාණ දෙන්නා තුන්දෙනා වෙලා.. ඊටපස්සෙ හතරක් වෙලා.. අන්තිමට පහක් වෙලා එතනින් නැවතුණා.. හුඟ කාලයක්, හීයක වේගෙන් ගෙවිලා ගිහින් අපි වඩාගෙන ඇති දැඩි කරපු ළමයි දැන් අපිටත් වඩා උසයි.. තනියම තීරණ ගන්න හිතන වයසට ඇවිල්ලා.. ඒත් මගේ ඇස් වලින් මම දකින්නෙ..එයාලා මගේ අතට ගත්තු මුල් දවස්වල වගේ.. ඒකෙන් කියන්නෙ නෑ අපේ ආදරේ නිසා අපි එයාලා හිර කරගෙන ඉන්නවා කියලා.. ඒ වුණාට එයාලා ඒ ආදරේ අපෙන් බලාපොරොත්තු වෙනවා.. කවුරුත් ගාවදි නැතුව අපි ගාවදි විතරක් හුරතල් වෙනවා.. කොහේ ගියත් අප්පච්චී.. තාත්තී කියාගෙන ගෙදරට ගොඩවෙනවා.. මෙච්චර ලොකු වෙලත් මහ රෑ ජාමෙකට නැගිටලා පොඩි කාලෙ පුරුද්දටම අපිව හොයාගෙන එනවා.. ඉතින් එයාලා අපේ ආදරේ  ලබන කාලෙ ඒක උපරිමේටම දෙන්න ඕන.. මම හිතනවා අපි හොඳ තාත්තලා දෙන්නෙක් වුණා කියලා.. මම කියනවාටත් වඩා මදර්ස් ඩේ එකට මගේ මේසෙ උඩ තියලා යන කාඩ් එකකින්.. ලියුමකින් මට ඒක තේරෙනවා..