SEPALIKA | COMPLETED

150 කොටස

" ලොකුමස්සිනාගෙ ජන්ම දිනේට මොකක්ද බං ඇඳගෙන යන්නෙ.. සැක් ඇඳුමක්වත් හදාගත්තෙ නෑ යන්න.."

" උඹට මොකක් ඇන්දත් හොඳයිනෙ.. තියන එකක් ඇඳන් යමන්.."

" ඉඳලා ඉඳලා අපේ බෙට්ටිත් පය ගැහුවෙ මාර අත්තකට තමයි නේද බං.."

මම අල්මාරිය ඇරලා හොඳ ඇදුමක් අරගෙන අයන් බෝඩ් එක උඩින් දැම්මා.. අද ආශියි මහීශායි සෙනුකයි චමිරුයි අපේ ගෙදර ඇවිල්ලා ඉන්නෙ.. හවස කියාන් අයියගෙ බර්ත්ඩේ පාටි එකට යන්න.. දැන් ඉතින් ෂනෙරු ඉස්කෝලෙ ගිහිල්ලත් ඉවරවෙලා ඉන්නෙ.. කැම්පස් පොතත් පුරවලා යැව්වා.. මේ දවස් ගෙවෙන්නෙ හරිම මහන්සියෙන්.. ස්පෝට් ක්ලබ් එකේ ටූනමන්ට් එකකට පහුගිය සති දෙකේ මරවලා ප්‍රැක්ටිස් දාලා.. මම ගෙදර එනවා නිදාගන්නව ආයෙම ක්ලබ් එකට දුවනවා.. හිටියහම ප්‍රැක්ටිස් රූම් එකේම නිදාගන්නවා.. ගෙදර එන්නවත් පණක් නෑ සමහර දවස්වලට.. මොකෝ මම රැකට් එක අතට ගත්තම ශට්ල්කොක් එක ඇවිල්ලා ඉබේ රැකට් එකේ වදින්නෙ නෑනෙ.. මම හැමදාම වරද්දන්නෙ නැතුවම ප්‍රැක්ටිස් කරනවා.. බොඩි මේන්ටේන් කරනවා.. ඔය දේවල් වල සේරගෙම එකතුවක් තමයි මම ගන්න මෙඩ්ල් එකක ට්‍රෝෆි එකක වටිනාකමට මුල් වෙන්නෙ.. ඇත්තටම මම මගේ උපරිමෙන්ම හැම තපරයක්ම මහන්සි වුණා.. මොකද මට ඕන වුණා වැඩ එක්ක බිසි වෙලා මගේ වටේ තියන දේවල් අමතක කරගන්න..

ගිය සතියෙ අම්මා මෙහෙ ගෙදර ඇවිත් දවස් දෙකතුනක් ඉඳලා ආයෙම  ගමේ ගියා.. ආච්චිඅම්මා තනියමනෙ.. එද්දි මට හෙන කෑම තොගයක් හදාගෙන අම්මා ආවෙ.. කෑම කිව්වෙ කල්තියාගන්න පුළුවන් කෑම තියනවනෙ.. ඒ වගේ දේවල්.. මේ දවස්වල නම් මට ඒක ලොකුවටම වටිනවා.. මොකද මම ගෙදර වැඩිය රැඳෙන්නෙ නැති නිසා..

මේ අවුරුද්ද ඉවරවෙලා අලුත් අවුරුද්ද ලබන්න තිබ්බෙ ටික දවසයි.. දෙදාස් විසි පහ කියන්නෙ.. ඒක මගේ ජීවිතේ නොලබපු අත්දැකීම් හුඟක් ලැබෙන අවුරුද්දක් වේවි.. මොකද මම කැම්පස් යනවා.. මගේ අම්මා මම ගැන හුඟක් සතුටු වෙනවා.. පව්ලෙ හැමෝම.. ඉස්සර නිකන්ම නිකන් ඔහේ මෙලෝ රහක් නැතුව ඉඳපු එකා මේ වගේ තැනක ඉන්නවා කියද්දිත් මට අමුතු කික් එකක් ආවා..

පහුගිය ටිකේ මගේ සෝශල් මීඩියා එකවුන්ට්ස් වල සෑහෙන්න වෙනසක් වෙලා තිබුණා.. එකසැරේට සාමාන්‍ය ප්‍රසිද්ධියක් ලැබුණූ නිසායි නිතර එක එක බැඩ්මින්ටන් ඉවෙන්ට්ස් වල මම ඉන්න නිසායි ෂනෙරු කියන නම ස්පෝර්ට්ස් ෆීල්ඩ් එකේ ටීන් ප්ලෙයර්ස්ලා එක්ක ගෑවිලාම තිබුණා.. මම දැන් ටීන් නෙමේ ඒක වෙනම කතාවක්.. ඒත් පොඩි ලුක් එකක් තියනවනෙ.. මම හිතාගත්තා ඉස්සරහට එන අවුරුදු හත මගේ උපරිමෙන්ම මහන්සි වෙලා හොඳ තැනකට එන්න..