SEPALIKA | COMPLETED

34 කොටස

පිසික්ස් මැඩම් පන්තියට ඇවිත් උගන්නන්න පටන් ගද්දිත් සෙනුකයා පන්තියට ආවෙ නෑ.. ඌ අවුලෙන් ඇති.. සමහරවිට අයුක අයියව හොයාගෙන යන්නත් ඇති.. මම මැඩම් ක්ලාස් එකට ආවට පස්සෙ ඔලුව උස්සලා වැඩ කලා.. ක්ලාස් මොනිටර් ප්ලාස්ටර් එකක් උස්සගෙන ඇවිත් මගේ කම්මුල ලග පැලිලා තිබ්බ එකට ඒක දාලා බෙටඩීන් වලින් පොගවපු පුළුන් කෑල්ලකින් මගේ බෙල්ල ලග පිහිදාලා ෂර්ට් එකේ ගෑවිලා තිබ්බ ලේ පැල්ලනුත් මැකුවා.. ඌ හෙන හොද එකා.. ලොකුවට අපි අතරෙ කතාබහක් නොවුනත් උවමනා ඕනම වෙලාවක ඌ පන්තියේ ඕනම එකෙක්ට උදව් කලා.. 

එක අතකින් මෙහෙම වෙච්ච එකත් හොදයි කියලා හිතෙනවා.. ආයෙම ඌ මගේ මූණට මොකුත් කියන එකක් නෑනෙ..තැන තැන නම් කියයි.. කමක් නෑ මට ඕවා ඇහෙන්නෙත් නෑනෙ.. ඉස්කෝලෙ අන්තිම අවුරුද්දේ නිකම් අහක තියන හූනියම් ගොඩ දාගන්න ඕන නෑ.. පාඩම් වැඩ ටික කරගෙන පාඩුවෙ හිටියනම් හරි.. ඔහොම උන් හැලිලා යන එකමයි හොද.. තව කාලයක් හිටියනම් අපිත් නයි මල්ලෙ දාගෙන කිරි පොව පොව ඉදී..

අන්තිම පීරියඩ් පිසික්ස් මැඩම් උගන්නලා ඉවරවෙලා ගිහින් ගාතා කියලා ඉවරවුනු ගමන්ම මම බෑග් එකත් උස්සගෙන ඉස්සරහ ගේට්ටුව පැත්තට ගියා.. රධ්‍ය අයියා ඇති බලාගෙන.. ඒ වුනාට මට අද එයා එක්ක කතාකරන්න බෑ.. එක අතකින් මට ලැජ්ජයි මම හැසිරුනු විදිය ගැන.. එයා මං ගැන මොනවා හිතුවද මම දන්නෙ නෑ.. මම හෙන චාටර් චරිතයක් කියලා හිතුවද දන්නෙ නෑ.. අනික මම රධ්‍ය අයියා එක්ක දැන් ඉන්න කිසිම හේතුවක් නෑනෙ ඉස්කෝලෙ.. කලින් නම් කමක් නෑ ස්පෝර්ට්ස් මීට් කියන්න පුලුවන්.. දැන් එහෙමත් නෙමෙයිනෙ.. ඉතින් ලමයින්ට කතා හදන්න බැරිද.. මතීශ අයුක අයියව අල්ලලා මට බලු කතාවක් කිව්ව එකේ වැඩිය උන් එක්ක ඉන්න ගිහින් මාව බඩුවක් කියලා අනිත් වතාවෙ කියයි.. 

ඕවා හිතලා හිතලා මට මහන්සී.. හවස ක්ලාස් නොයා මම ගෙදර යන්න හිතාගත්තා.. සෙනුකයා හිටියෙත් නෑ.. අනික දැන් අද ඉදියා කියලා මොලේට කිසි දෙයක් යන්නෙ නෑ.. මම ඕක ගැනම හිත හිත ඉදී.. ඊට හොදයි ගෙදර ගිහින් අම්මා හදපු මක්කාවත් කාලා ගෙදර ඉදන් පාඩමක් බලාගන්නවා..

මම ඉස්සරහ ගේට් එකට යද්දි මම දැක්කා රධ්‍ය අයියා වෙලාව බල බල අපේ ක්ලාස් පැත්තට දුවගෙන යනවා.. මම ශේප් එකේ ළමයින්ට මුවා වෙලා යන්තම් ගේට් එකෙන් එළියට පැනගෙන ස්කූල් බස් එකේ එල්ලිලා ගෙදර ගියා.. රධ්‍ය අයියා පව් තමයි.. ඒ වුනාට මට මේ වෙලාවෙ එයාට වඩා මම ගැනම අනුකම්පායි.. මට ටිකක් තනියම ඉන්න ඕන..