SEPALIKA | COMPLETED

154 කොටස

" Questo fiore è per te.." (This flower is for you)

" ආ..??"

මගේ ඉස්සරහින් හිටගත්තු පුංචි රෝසපාට ගෑණුළමයෙක් මට මලක් දික් කළා.. සුදුපාට ටියුලිප් මලක්.. එයාගෙ අතේ තව මල් පොකුරක්ම තිබුණා..

" for me??"

ආයෙම ඒ පුංචි ගෑණුළමයා වයින් කරපු බෝනික්කියක් වගේ ඔලුව වැනුවා.. මම හිනාවෙලා ඒ මල ඉල්ලගත්තා..

" grazie.." (Thank you)

මම මල ඉල්ලගත්තු ගමන්ම එයා දුවගෙන දුවගෙන ගියා.. මම හිටියේ මිලාන් වල.. අවුට්ඩෝ කැෆේ එකක.. මිලාන් කියන්නෙ හවසට සෙනඟ හෙන ගොඩක් ඉන්න සිටි එකක්.. මම නැවතිලා ඉඳපු හොටෙල් එක තියෙන්නෙ මීට ටිකක් එහායින්.. හවස ගැලරියා විට්ටෝරියා එම්මානුවෙල් ශොපින් මෝල් එක බලන්න මම දන්න අයියා කෙනෙක් එක්ක ගියා.. ඒක බලන්න විතරයි හැබැයි යන්න පුළුවන්.. ඔක්කොම තියෙන්නෙ හයි කොලිටි එක්ස්පෙන්සිව් බ්‍රෑන්ඩ්ස්.. ගූචි.. ප්‍රාඩා.. ලූවි විටෝන්.. ෂැනල් වගේ ඒවා.. අපිට තාම ගන්න තියා හිතන්නවත් බෑ.. සමහරවිට ඉස්සරහට ගන්න පුළුවන් වෙයිද දන්නෙ නෑ ඉතින්.. එහෙම වුණොත් හොඳයි.. දැන් ඔය මම ගිය එක තමා ලෝකෙ පරණම ශොපින් මෝල් එක කියන්නෙ..

ඊටපස්සෙ මාත් එක්ක ආපු අයියා ආයෙම හොටෙල් එකට ගියා.. මටත් ඕන වුණේ ටිකක් තනියම නිදහසේ ඉන්න.. ඒකට කියාපු කැෆේ එකකුත් මට හම්බුණා.. මේක අවුට් ඩෝ ටේබල්ස් වල සර්ව් කළත් හුඟක් ලස්සනයි.. මල් වැල් යවපු පරණ ආරුක්කු එක්ක.. හරි පරණ වයිබ් එකකට හදපු තැනක්.. මම පෙපරෝනි පිට්සා එකක් ඕඩර් කරගෙන ඔහේ වාඩිවෙලා පාර දිහා බලාගෙන හිටියා.. හුඟක් අය හීටියත් හිතට පුදුම නිස්කලංකයි.. ලංකාව වගේ නෙමේනෙ.. වෙනස් මිනිස්සු ඉන්න, වෙනස් පරිසරයක් තියන, වෙනස් භාශාවල් කතාකරන, වෙනස්ම රටක්.. ඒත් ආස හිතෙනවා..

මම සුදුපාට ටියුලිප් මල පරිස්සමට එහාපැත්තෙන් තියලා මොක්ටේල් එකේ ඇලුමිනියම් බටේ කටේ ගහගත්තා.. මම මල් හම්බෙනව ආසයි.. මම යූටියුබ් එකේ එහෙම දැකලා තියන රැන්ඩම්ලි එක එක අයට මල් දෙනවා.. මේ රටවල් හිතන පතන විදියෙ ඉඳලා වෙනස්නෙ.. වෙලාවකට හිතෙනවා ඒක නිදහසක්ද කියලා.. ලංකාවෙ ඇයි අපිට පාඩුවෙ ජීවත් වෙන්න බැරි.. ඇයි අනවශ්‍ය විදියට ජීවිත වලට බලපෑම් කරන්නෙ.. ඒක සාධාරණයිද.. අපිට රාමුවෙන් එළීයට එන්නම බැරිද..