SEPALIKA | COMPLETED

64 කොටස

" ඔව් ඉතින්.. උසස් පෙළ පටන්ගත්තු දවසේ ඉදන් කළෙත් නටපු එකනෙ.. දැන් ඉතින් උසස් පෙළ කටේ හොර ලෙඩ අල්ලලා ඒක ඇපේට තියාගෙන කියාවි අගේට.. ලෙඩ නිසා විභාගෙ ෆේල් වුණා කියලා.."

" එහෙම නෙමෙයි අක්කෙ.. කොල්ලා මහන්සි වුණානෙ.. ඔය ගැස්ට්‍රයිටිස් වලට ඔහොම වෙන්නෙ.."

" අනේ මේ මම නොදන්න ඕකගෙ ලෙඩ.. මේ නංගී.. උගේ අප්පා කළෙත් උඹව ගොනාට අන්දපු එක.. ඌ කරන්නෙත් ඒකම තමා.. මටනම් ඔය කාළකණ්ණියව දෑහට-"

" අනේ අක්කෙ එහෙම-"

අපේ ගෙදරට ලොකු අම්මලා ඇවිත් හිටියා.. ලොකු අම්මලා කියන්නෙ ඉතින්.. ඒකගැන නම් කතාකල්ලා වැඩක් නෑ.. ඒ මිනිස්සුන්ට මම හචිමක් අරියත් වැරදියි තමා..

දැන් සතියක ඉදලා මට බඩේ දැවිල්ල එක්ක වමනෙ යනවා.. ඉවරයක් නෑ.. බෙහෙත් බොන එකෙත් සීමාවක් නෑ.. ඩොක්ට කිව්වේ උසස් පෙළ කාලෙට ළමයින්ට ඔහොම ලෙඩ හැදෙනවා කියලා මානසික පීඩනයට.. ගැස්ට්‍රයිටිස් වලට ස්ට්‍රෙස් එකත් බලපානවනෙ..

ඉතින් අද උදේ ලොකු අම්මලා අපේ ගෙදර ආවා අම්මව හම්බෙන්න ඕන කියලා.. මම දැක්කම ඉතින් එයාලගෙ ඇගේ මාළු නටනවලුනෙ.. එයාලා සාලෙ ඉද්දි මම කටත් අත් අත් දෙකින්ම වහගෙන කාමරේ ඉඳන් වොශෲම් එකට දිව්වා.. මට වමනෙ යන්න ආපු නිසා..

මම කෙල්ලෙක් වුණානම් කියයි මම බඩ වෙලා කියලා.. එහෙව් මිනිස්සු..

ඉතින් ලොකු අම්මා අම්මගෙන් ඇහුවා මට මොකක්ද වෙලා තියෙන්නෙ කියලා.. අම්මා කිව්ව සතියක ඉදන් ඔහොමයි වමනෙ යනවා ඔලුව රදෙත් එක්ක අමාරුවෙන් ඉන්නෙ කියලා.. එක්සෑම් එකට තිබ්බේ හරියටම සතියයි.. මම ඉන්න ගින්දර දන්නෙ මම විතරයි..

සිරාවටම මම පහුගිය කාලෙ මාර විදියට මහන්සි වුණා.. පාඩම් කලා.. රැයක් දවාලක් නැතුව.. අම්ම වුණත් දන්නවා.. මම තනියම මහ රෑ තුනට හතරටත් නැගිටගෙන ඉස්තෝප්පුවේ කළුලෑල්ලේ ගනන් හදනවා.. ඉස්කෝලෙවත් ගියේ නෑ.. පන්ති ගියා.. පේපර්ස් කලා.. කරපු පේපර්ස් ආයෙම කළා.. දවසට පෑනක් එහෙම් පිටින්ම ඉවර වෙනවා.. රධ්‍ය අයියත් එයාගෙ පොත් පේපර්ස් ට්‍රාන්ස්ලේට් කල්ල මට පීඩීඑෆ් කරනවා.. පිසික්ස් වගේ ඒවගෙ ගනන් හදන ලේසි ක්‍රම කියනවා.. ආධ්‍ය අයියත් කතාකල්ලා මට ලොකුවට ස්ට්‍රෙස් වෙන්න එපා හොදට නිදාගන්න කන්න බොන්න ඕවා මතක් කරනවා.. මොකක් වුණත් මට මාරම සපොට් එකක් රධ්‍ය අයියගෙන් ලැබුණා..