" මම කවද්ද අනේ පරිසර දිනේට පැළයක් හිටවන්න ගිහින් මල් බාල්දිය ඇඟේ හලාගත්තෙ.. මට මතක නෑනෙ.."
" මම හිතන්නෙ අටේදි ඉස්කෝලෙ පරිසර දිනේ දවසෙ.. මටත් හරියටම දැන් මතක නෑ බං.."
" සැක් නේද.. හෙන චාටර් මමනම්.."
මාම් රධ්ය අයියගෙ බඩ උඩින් ඔලුව තියාගෙන කහපාට කවර් එකක් තියන පොතේ එහා පිටුව පෙරළුවා.. ඒකෙ අස්ස තව එක එක කොළ අරවා මේවා තිබිලා වැටෙනවා.. මම ඒවා අරගෙන පැත්තකින් තිබ්බා.. සැක් මේක කියෙව්වහම මට මගෙ පරණ සතා ගැන මහා ලැජ්ජාවක් දැනිලා බැල්කනියෙන් පැනලා මැරෙන්නම හිතෙනවා.. මි‍යුසික් රූම් එකේ ගිටාර් කම්බියකට අත කපාගෙන අඬපු එකත් තියනවා..
රධ්ය අයියගෙ අකුරු බෝල වගේ ලස්සනට රවුමට පිළිවෙලට එකම සයිස් එකෙන් බලන්න ආස විදියට තියනවා.. ඒකට මගේ නමය වසරෙ පොතක් අරගෙන බැලුවොත් බල්ලො බත් කන්නෙ නෑ.. මගේ අකුරු හෙනම කැතයි.. කැතයි කියන්නෙ.. කැතම කැතයි.. අකුරු, ඉලක්කම්, ග්‍රික් අකුරු ඔක්කොම එකවගේ තමා.. මට බෝල කර කර ලියන්න තේරෙන්නෙ නෑ. කියවගන්න පුලුවන් විදියට විතරයි ලියන්න පුළුවන්.. ඒක ඉතින් මගේ වැරැද්දක් නෙමෙයිනෙ.. රධ්ය අයියා ඩයරි එක ලියලා තියෙන්නෙ ඉංග්ලිශ් වලින්.. තැනින් තැන සිංහල සිංදුකෑලි ලියලා තියනවා ඇපොස්ට්‍රොෆීස් දාලා..
හැබැයි ඒක ඩයරියක්ම කියන්නත් බෑ.. හැමදාම කරපුවා ඒකෙ ලියලා නෑ.. සමහර පිටු කුරුටු ගාලා තියෙනවා..
" දැන් මේකෙ ජුනි පහෙන් පස්සෙ ආයෙම ලියලා තියෙන්නෙ ජුනි දාසයනෙ.. කෝ ඉතුරු ටික.."
" එහෙම තමා.. හැමදාම ඕවා ලියන්න බෑනෙ.."
" ඔයා පොඩිකාලෙ ඉඳන්ම මේවා ලියනවද.."
" ම්ම්.."
" කොයිකාලෙ වගේ ඉඳලද.."
" පහේ විතර ඉඳලා.. අපේ අයියා මට එකපාරක් ඩයරි එකක් ගෙනැත් දුන්නා නිල්පාට, සොනික් ඉන්න එකක්.. ඊටපස්සෙ කිව්වා මට කියන්න බැරි මොනව හරි තියනවනම් ඒකෙ ලියන්න එයා බලන්නම් කියලා.."
" ඊටපස්සෙ.."
" ඊටපස්සෙ මම කාටූන් ගැන, අප්පච්චි ගැන, කන්න ආස දේවල් ගැන ඒකෙ ලියලා අයියට දුන්නා.. ඒ ඩයරිය ඉවර වුණාම ආයෙම එයා මට එකක් ගෙනැත් දුන්නා.. ඔහොම ඔහොම පුරුද්දකට ගියා.. දැන්නම් අයියා ඩයරි එක බලන්නෙ නෑ.. ඔයා ගැනත් අයියා දැනගත්තෙ ඕක කියවලා.."
YOU ARE READING
SEPALIKA | COMPLETED
Romanceරධ්ය අයියට තිබුනේ තද කළුපාට ඇස්.. මගේ වගේ ලා දුඹුරුපාට ඒවා නෙමෙයි.. ඒ ඇස් වල ඇහිපිල්ලම් ගහන දිහා මම සමහර වෙලාවට බලාගෙන ඉදලා තියෙනවා.. මට හිතෙන්නෙ ඒ දිහා මට තව තව බලාගෙන ඉන්න ඇත්නම් කියලා.. එක ලග ගෑවෙන්න ඔන්න මෙන්න තියන ඇහිබැමට යටින් තියන ඒ ඇස් ඉදලා...
