<عند الرجال والعيال >
أبو زياد : يا ابوي متى عرس ولد الشيخ
الجد فهد : بعد أسبوع
أبو عمر : إيه زين إلى ياعيال بتحضرون
خالد : أكيد ياعمي ولد الشيخ أخونا
عزيز : والله ياعمي كملي ماقد حضرت عرس بالديرة
حمد بإستهبال : أنا بروح أتدرب على الرقص بروح أردح
زياد : لا أنا أبي ارقص معك
عمر : ياعيال شرايكم نروح الحيوانات
نايف : إيه بالله
راحو العيال عند الحيوانات وحصلو البنات
فارس : أنتم بكل مكان تطلعون ماتنقرضرن
ترف: طايحة من عينك سيد فارس؟
فارس: أبد محشومة بس كل ماجينا مكان حصلناكم أختفو شوية
أسيل: يالت تكرمنا بسكوتك
عزيز كان يشوف بنت هادئة وتناظر بالحيوانات ومفهية : ياعمر ذي مين أشر على لينا
عمر : سلامات وش تبي بها
عزيز : أبد بس كلهم أعرفهم إلا هي ماقد شفتها
عمر: ذي أختي لينا الكبيرة
عزيز: تمام
التفتت لينا لما أنتبهت لهم وراحت عند العنود وتسنيم : يا بنات متى جو
العنود: توهم وفارس وترف يحارشون بعضهم
جت أسيل تركض: يابنات تعالو شوفو العيال يعرضون
ركضو البنات يشوفون العيال
زياد : إيه خلونا نتدرب قبل العرس
عرضو العيال والبنات يشوفون
<عند العيال>
ذيب كان يعرض وجت عيونه في عيون رولا : يالبيه يالعيون الغزالي
رولا شافته يناظرها أبتسمت وناظرت ترف تسولف معها
ترف: أبي ارقص تكفون
فارس: شايفتنا مطربات عندك؟
ترف وهي تقلد كلامه : نينيني ماتعرف تنطم أنت وورا ماترقص معهم ناشب لي
فارس : أنا مادري مين ناشب للثاني يعني أحنا نرقص حالنا حال نفسنا وتجينا أنتي تقولي وبعدها تقولي ناشب لي
ترف: جيت عشان أشوف أخواني مو وجهك
رولا: وبعدين معكم أنتم ماتقعدون يوم بدون هواش
أسيل : من سابع المستحيلات تلقيهم مع بعض وهادين أو ساكتين
ترف : شرايكم تنطمون لأني مصدعة
لينا : شرايكم يا بنات نروح عند المسبح
تسنيم : إيه يلا نروح نسولف
وافقو البنات وراحو للمسبح
<عند الحريم>
أم خالد : خلونا نقوم نزين الفطور
أم زياد: تمام
أم نايف: بروح أنادي البنات يساعدونا
ردو بتمام
وراحت أم نايف للبنات تناديهم يزينون الفطور
< عند البنات>
أسيل: بنات شرايكم نقول لجدي يكلم العامل يصفي الموية عشان نسبح
ترف : أنتي من وين تجيبي هالأفكار أحتاجك بحياتي
رولا: إيه بنات تكفون خلونا نسبح بس العيال لا يجون
ترف : بكلم جدي
سمعو صوت عمتهم
تسنيم : هلا هلا عمة أسماء وش بغيتي
أم نايف : قومو ساعدونا نزين الفطور
ردو بتمام وراحو يزينون الفطور
< عند العيال>
خلصو رقص وجلسو سوالف
ذيب: ياعيال مين يتحداني بخيل ترف
فارس: أنا بتحداك بس ماعندكم خيل ثاني
ذيب بضحكة: الظاهر خايف أختي تموتك عشان خيلها
فارس : رغم أنه أحب هواشها بس تخرع وقت تحارب أو تهاوش
خالد بتمثيل العصبية : أركد ياولد وش تحب هواشها نسيتنا الظاهر
فارس برعب: أمزح يا خلودي شفيك تعصب بسرعه
خالد : خلودي بعينك ياورع
زياد : لاتحتك ترا أنا اناديه خلودي ترا بصير ترف واهاوشك
أبتسم فارس من سمع أسمها
حمد : حركات يا خالد عندك محبين حتى أنا اعرف انه عندي محبين وتحبوني بس محد بيعترف
خالد : إن ماسكتم إنت وياه بقوم أمحطتكم بالعصا
العيال بخوف : خلاص خلاص نمزح
< عند الحريم والبنات>
أم خالد : ياترف يايمه روحي نادي عمانك وجدك
وأنتي يارولا نادي العيال
وولا وترف : أبشري
راحم ينادون العيال والرجال
<عند ترف>
ياجدي أنت وعماني هيا الفطور جهز
أبو خالد : زين زين أسبقينا وبنلحقك
ترف : تمام
< عند رولا>
كانت تمشي بإتجاه العيال حصلت ذيب عند خيله يقول:
ياقبلة الله ماورى هالزين زين .... وش الهالجمال الي ماشاءالله كان...
مبسم وعين وعاتق وغمازتين ،
وخصرٍ دقيق ومنحر عود ليان
عطاك ربي من وصوف الزين لين
غدو المزاين العرب عندك شيان
مدري شسوت فيني يا الأبرق ( الأبرق اسم خيل ذيب)
ارتجفت من كلامه وقالت بتوتر :ذيب
فز من صوتها : لبيه
رولا : الفطور جهز
ذيب : خلاص تمام بدخل الأبرق وبجي
رولا : تمام
راحت رولا عند باقي العيال ونادتهم للفطور
<عند ترف ورولا >
ترف : رولا يلا نروح عند جدي نكلمه عن المسبح
رولا : تم يلا
راحو رولا وترف عند جدهم ومايدرون إن فارس وراهم
ترف : جدي بطلبك طلب
الجد فهد : أمريني يابنيتي
ترف : ياجد نبي نتسبح بالمسبح
رولا : وياليت ياجدي تكلم العيال مايجون عشان ناخذ راحتنا
الجد فهد: أبشرو يابناتي
ضحكوو بفرح وراحو يعلمون البنات
<عند البنات >
العنود : بنات وين رولا وترف
أسيل : راحو عند جدي يقولوا له عن المسبح
تسنيم : مايرتاحون إذا ماسو شي
بتول : يعع شذااا
لينا : بتول شفيك ؟
بتول : الغرفة غبار مرهه كتمة
طنشوها البنات وأنقهرتت بتول وراحت الغرفة الثانية
انتهى البارت
( اللهم صل وسلم على نبينا محمد 🤎🍃)
أنت تقرأ
حبي لديرتي فاق كل المحبين وحبي لك فاق ديرتي واهلها ♥️!
Randomالسلام عليكم انا ابنه الديرة اسرد روايتي الاولى كاتبة مبتدئة جدًا روايتنا تتكلم عن عائلة الجد فهد وأبنائه وبناته واحفاده وحفيداته ... أتمنى أن تنال إعجابكم ✍🏻🤍😢 حسابي أنستا: 3zoh.h
