حبي لديرتي فاق كل المحبين وحبي لك فاق ديرتي واهلها ♥️!

البارت الثامن و العشرون

< عند رولا و ذيب>
ذيب: وش جابكم انتم هنا
ترف : حركات حضن من ورانا ها ما عرفتك يا ذيب
رولا : و الله عشان انا خفت ما أنتبهت و حضتنه با الغلط
ذيب ما رد على ترف و راح لا عند عمر
ذيب : لا تفكر غلط يا عمر رولا كانت بتحرق في النار و أنا سحبتها عشان ما يجيها شي
عمر : لو أني ما أثق فيك و أعرفك كان ما كنت تشوف الدرب
ذيب : اف اف هذا كله با تسويه فيني
حمد : و الله و طلعت تهدد يا عمر حركات
عمر : و الله عاد محد يرضى على أخته و لاكن انا عشان اعرف ذيب و فاهم خوف رولا ما سويت شي
بتول با تغير لا الموضوع: اقول ترا تأخرنا مره صرنا أخر اليل عاد بكرة اكيد معنا شي
تسنيم: إيه و الله صدقتي بكرة هذيك الي حضرنا عرس ولدها الحين معها عشاء لأنها ولدت
لينا : ماشاءالله وش ذي السرعه
زياد : الظاهر البريكات عند ولد الشيخ ما فيه
ذيب : موو كذاا يا حيوانن مو كذاا حلفت عليك ما عاد تتكلم
زياد : عاد انا قلت الصدق ليه اكذب ماله داعي اكذب
عزيز : يا ولد فشلتنا اسكت لعد تقول الصدق انطم لا تصدق ولا تكذب
حمد و هو ميت ضحك : ياربيي يا زياد استح على و جهك و انت الي في قلبك على لسانك ما تعرف تسكت
العنود: يلا يلا خلونا نرجع البيوت
نايف : ايه يلا خلاص تعبنا و الله
الكل رجع بيته و نام

________••________

< في الصباح في بيت أبو عمر>
عمر : يا فارس وين با تروح من صباح الله خير
فارس : بروح الإسطبل
عمر : من متى معنا إسطبل أقول رح نام أحسن لك
فارس : يا ربي يبي لك جلسة تفهيم انت
عمر : تعال تعال اجلس و فهمني من متى معنا إسطبل و من متى نروح لا الخيول الصباح
جلس فارس و عمر
فارس : يا عمر جدي ما اعجبه الخيول في العزبة و ذيب سوا لا الخيول إسطبل و الحين لازم نروح لا الخيول فهمت ولا لا
عمر : إيهه قول كذا زين زين يلا رح
طلع فارس و حصل ذيب طالع من بيتهم
ذيب : هلا هلا فارس وين رايح
فارس : عاد انت خابر وين با أروح انا ما غير عندي إلا الخيول
ذيب : رولا ماهي معك
فارس : لا و الله ما قلت لها
ذيب : و الله انا هذيك النشبة عيت ما أخرج إلا و هي معي
جاهم صوت ترف : تعال انت وياه تعال قال ايش قال بتروحون و تخلوني
فارس : ذيب انتم قريتم على أختكم ولا لا أنا متأكد يبي لها شيخ مو صاحية
ذيب : أبك وش سويتي لا الرجال
ترف : و الله ما سويت شي بس هم ماخذين عني فكرة مو حلوه
إلا تعال تعال وين رولا ما أشوفها
فارس : أقول اصص ما فيه رولا با تجين حياك الله ما بتجين الطريق قدامك
ترف : أقول أنت اصص انتظروا لين أروح لها و اجي تفهمون
فارس : عز الله كدينا خير يلا أستاذة ترف ننتظرك سريع
راحت ترف لا رولا و كان فيه شخص سعيد بما أن رولا بتجي معه
فارس : هيه أنت وين وصلت
ذيب : هلا معك معك ذولي باقي ما قد جو وش فيهم
فارس : عاد تعرفهم أكثر ناس تجيب لك امراض العالم كله
ضحك ذيب على قهر فارس منهم
بعد وقت جو ترف و رولا
رولا : ما عرفتك يا فارس بتروح و ما تقول لي
ترف : ايهه و بعد يقول ما يبيك بس انا قلت رولا حبيبتي لازم تجي
فارس بقق عيونه بصدمة: يا كذوبة انا قلت ما أبيها أنتي أكبر وحدة شاطرة في الكذب ما دري كيف عمي باقي مسكنك معه لو بداله كان تبريت منك
ترف : طبعًا من جمالي ما يقدرون يتركوني
ذيب : أقول بلا هرج فاضي يلا تعالوا نمشي
راح ذيب لا السيارة و لحقوه الباقي لا السيارة و حرك ذيب متوجه با السيارة مع استمرار هواش فارس و ترف

< عند الجد فهد و ولده أبو خالد  >
الجد فهد : يا صقر يا صقر
صقر أبو خالد: هلا يا يبه هلا
الجد فهد : أقول علم ولدك يتعلم الأدب و الأحترام ما يصير يرفع صوته على الي اكبر منه
أبو خالد : ابو خالد ذيب ما يرفع صوته إلى على الي يروح له
الجد فهد : انا ما رحت له بس رحت لا خيوله
أبو خالد : عساه خير علامها خيوله عساها ما سوت شر لا العزبة
الجد فهد : منظرها خرب عزبتي ما ابيها فيه و قلت له يشيلها يكون أحسن
أبو خالد : ما عليه يا يبه ذيب رجال و يعرف يدبر أموره الحين با يتصرف لا تشيل هم شي
_________••_________

< عند أم زياد >
أم متعب : يا أختي انتي ناويه عليهم شكلك با تموتيهم كلهم
أم زياد : أقول لك ما توقعته يموت أصلًا هو رجل في الدنيا و رجل في القبر يعني ميت ميت وشوله يبي يعيش خليه يموت أبرك له
أم متعب : بس هو ما سوا لك شي ليه سممتيه
أم زياد : عاد انا قلت لا أم عمر مثل ما خليتني اتفشل با اخليك تتعذبين با أقرب الناس لك

{ فلاش باك }
في يوم كانوا البنات يلعبون و أم زياد كانت تمشي و جت رولا با الغلط و طاحت عليها و هي صفقت رولا با كل قوتها و رولا تعبت وراحوا بها المستشفى و كانت أم رولا تبكي على بنتها في المستشفى و لما روحوا راحت أم رولا عند أم زياد و صفقتها كف قوي  و  أم زياد سحرت أم رولا و  السحر موتها من وقتها و أم زياد لسى حاقده عليهم 
{ أنتهى الفلاش باك}

أم متعب : بس يا أماني أنتي انتقمتي منها وشوله تدخلين عيالها مالهم ذنب
أم زياد : كله من هذيك السوسه رولا اوريها با تذوق مني سم الافعال و الكلام ما رح تشوف خير با المره
أم متعب : الله يكفينا شرك و الله ينخاف منك
أم زياد : يلا يلا أبو زياد جا أكلمك بعدين مع السلامة
أم متعب : مع السلامة
قفلت أم زياد و طلعت لا الصالة و شافت عيالها و بنتها
أم زياد : انا سمعت صوت ابوكم فينه
العنود : ايه جاء بس راح عند جدي
أم زياد : يعني لازم يروح عند ذولي
عزيز : معليش يا يمه بس ذولي أبوه و أخوانه يعني مالك حق تمنعيه
أم زياد : حلوه ذي ترد على أمك عشان ناس ما يسون
زياد : خلاص يا عزيز تعال معي بروح عند حمد و انت رح عند خالد يلا
عزيز : طيب طيب جايك يلا
العنود : وقفوا ليي ابي عند ترفف و تسنيم
زياد : طيب يلا أخلصيني البسي عبايتك و يلا
لبست العنود عبايتها بسرعة و طلعت مع أخوانها
________••________

< في الإسطبل >
ذيب : يا فارس خيلك حطه هنا عند خيل ترف
فارس : لا إله إلا الله الحين في كل شي با تخلوني معها اعتقوني و اعتقوا خيلي
ترف : نينيني على أساس انا إلي بموت فيك يعني
ذيب : يا ليل الحين بتجلسون كذا هواش اربع وعشرين ساعة
رولا : صدق و الله خلونا نخلص باقي ما فطرنا يعني ماهو وقتكم مره
ذيب : يلا يلا خلونا نخلص
حط ذيب خيله عند خيل رولا و خيل فارس عند خيل ترف
و بعد ما خلصوا ركبوا السيارة ورجعوا

____________••____________

< عند العنود و تسنيم >
العنود : تسنيميي اشتقت لكك
تسنيم : انا أكثر يا عيوني انتي
العنود : وين ترف ما اشوفها
تسنيم : نشبت في حلق ذيب إلا و تروح معه عاد تعرفيها انتي ترف
العنود : ايه و الله صدقتي اعرفها ما ترتاح إلا اذا نشبت لا احد
جت عندهم أم خالد : يا بنات يلا الفطور يلا
تسنيم : يا يمه ذيب و ترف جو
أم خالد : ايه الحين جو
العنود : زين يا عمه اسبقينا يا عمه مارح نتأخر عليك
راحوا البنات يفطرون و شافوا بنات عمهم وعمتهم
أسيل : أهلين با المختفين وينكم ما تطلعون ها
رولا : يا بنات ما شفتم عمت
ما كملت كلامها رولا إلا ودخلت .....