حبي لديرتي فاق كل المحبين وحبي لك فاق ديرتي واهلها ♥️!

البارت السادس و الثلاثون

< في بيت الجد فهد >
أبو زياد : الحمدلله الله يديمها من نعمة
الجد فهد : اللهم أمين
عزيز : يا جدي شفت أبو ناصر عندك وش يبي فيك خابره ما يكلمك
الجد فهد: إيه ذكرتني ما أدري وش يبي قال با يجي بعد بعد العصر يبيني
أبو خالد : عساه خير يارب
عمر : إن شاء الله خير
الجد فهد : الكل بعد العصر با يكون هنا
ذيب : معليش يا جدي بس أنا مشغول با اروح
الجد فهد : كيف يا ذيب ما تجي و الرجال با يجينا
ذيب : عاد يا جدي أنا غبت با عذري
فراس : يلا يلا ما بقى شي على صلاة العصر
الجد فهد : يلا قوموا تجهزوا لا الصلاة و خلونا نروح
راحوا يتجهزون عشان الصلاة و بعد ما تجهزوا أذن العصر و راحوا يصلون
و بعد ما خلصوا صلاة راح الكل مسجد الجد فهد
الجد فهد : رح يا حمد جب البخور
حمد : أبشر يا جدي
راح حمد يجيب البخور من عند الحريم
حمد من ورا الباب عشان البنات ماهم متغطيات
حمد : يمه يمه
ترف : ها يا حمد وش تبي
حمد : فين أمي
ترف : تصلي قل لي وش تبي
حمد : أبي البخور
سمعوا صوت بتول و هي جايبة البخور و ماهي منتبهه لا حمد
بتول : يا ترف الرجال ما أجو لا البخور
ترف تأشر لا بتول تروح و تعطيها البخور بس بتول ما فهمت
ترف : هاتي هاتي يا بتول
حمد رفع راسه و شافها قدامه كانت متكشخة لأنهم با يرحون عند غدير
حمد في نفسه بعد ما ضاعت علومه  : سبحان من خلق العيون الحور
ترف بصراخ : هيه أنت ما تسمع
حمد أنتبه لها : ها ها
ترف : أمسك البخور و يلا لعد أشوفك
حمد : أبشري ما طلبتي شي
ترف بصدمه مسكته و تمسح جبهته
ترف : متأكد درجة حرارتك ما هي مرتفعه
حمد طاح ضحك عليها و على فهاوتها و راح عند الرجال
حمد : هذا البخور و جبناه
ذيب : يلا يا جدي أنا رايح
و ناظر عمر و أشر له يجي
عمر : هلا يا ذيب أمرني
ذيب : ما يأمر عليك عدو بس خيل رولا شوي تعبان و لازم تروح له  أبي اروح بها معي إذا موافق
عمر : تمام بس أنتبه لها
ذيب : لا توصي حريص
عمر : يلا في حفظ الله
ذيب : فمان الله
عمر : فمان الله
_____________••______________
< عند ذيب >
ياربي الحين وشلون أبي أناديها و وين با الاقيها
راح بيتهم يشوف إذا هي مع البنات
ذيب : يا ترف يا ترف
ترف : ياربي يعني اليوم با تجلسون أنتم تنادون بس
ذيب : أقول محد يبيك نادي لي رولا
ترف : عناد لك ماني مناديتها ناديها أنت
ذيب : يا ترف اخلصيني ماحد فاضي قروشه
ترف : طيب طيب
و راحت ترف تنادي رولا تكلم ذيب
ترف : يا رولا رولااا
رولا : ها يا ترف ها أنا أسمع ترا
ترف : صدق حسبتك ما تسمعين
رولا : تافهه و ش تبين
ترف : ذيب يبيك تراه عند الباب
رولا حست الدنيا تدور فيها من سمعت أسمه
ترف : روحي بسرعه تراه مستعجل
رولا : طيب طيب
لبست رولا عبايتها و تغطت و طلعت لا ذيب
رولا : هلا ذيب
ذيب  و هو صاد : أنا في السيارة تعالي تبين عند الخيول
رولا : أنا جاهزه بطلع معك
ذيب : يلا تعالي
طلع ذيب و طلعت وراح رولا و ركبت ورا و هو مرتبه السواق
و بعد وقت قصير وصل ذيب الإسطبل
رولا : معليش يا ذيب بس أبي أقعد مع الأدهم لحالي
ذيب : خذي راحتك
راحت رولا عند خيلها و عيونها كلها دموع
و راح ذيب يسوي باقي الأشغال من المويا و الأكل و ما إلا ذلك
____________••____________
< عند رولا >
كانت تبكي بحرقة ما تدري ليش هي تبكي بس تبي تبرر لا ذيب إنها ما تبي ناصر لا يفهمها غلط و تبي تفهم ليه يصد عنها و يتجاهلها و كأنه بيدها كان ودها تشيل الأدهم و تفكه و تروح و لا عاد ترجع كانت تبكي بقوه حتى ذيب سمعها و جا لها بسرعه
ذيب : رولا وش فيك تبكين
رولا مسحت عيونها و تغطت و ناظرته
رولا : هلا ذيب لا و لاشي بس تذكرت أبوي
ذيب : الله يرحمه دام كذا أنا بروح أسوي لنا شاهي و بجي لأن ما أبي اروح الحين
رولا : ليش وش فيه هناك
ذيب : ولاشي بس جاي عند جدي ضيف ما أدري وش يبي و ما أبي إزعاج
رولا : زين
راح ذيب يسوي شاهي و بعد ما خلص من الشاهي شال الكاس حقه و حق رولا و راح عند رولا
ذيب عطاها الشاهي حقها
ذيب : و هذا الشاهي حقك
و شال كاسه : و أنا هذا حقي و بروح شوي عشان تاخذين راحتك
راح ذيب و بقت رولا عند خيلها تشرب من الشاهي و عيونها تدمع
أما عند ذيب فهو إذا شرب شاهي و هو ضايق لازم يقول بيتين و تنحنح و قال :
..ضايقٍ صدري ولا أدري وين أروح
كل ما حاولت اسلا ما قويت
إن شكيت الهم زادوني الجروح
و إن كتمت الحزن من همّي بكيت ...
و جلس يشرب شاهي لين ما خلص و كان على قرب المغرب كذا
جته رولا
رولا : ذيب خلاص يلا روحنا
ذيب : ليش وش معك
رولا : أبي أروح مع البنات عند بنات الديرة
ذيب : يلا يلا
_________••_________
< في مجلس الجد فهد >
زياد : يا جدي أبو ناصر و ولده جو
الجد فهد : حياهم الله
و دخل أبو ناصر و ولده
الجد فهد: يا مرحبا يا مرحبا حياكم الله
أبو ناصر : الله يحيك يا أبو صقر
أبو خالد : تفضل تفضل أستريح
جلس أبو ناصر و ولده ناصر و كان أبو ناصر متردد يتكلم و لا لا
و بعد وقت ناظر الجد فهد
أبو ناصر : يا عمي فهد وشلون الاحوال
الجد فهد : زينه إن شاء الله إلا وش بغيت يا ريت تتدخل في الموضوع بسرعه
أبو ناصر : يا أبو صقر طالبين القرب منكم
الجد فهد : الشرف لنا مين تبغى
أبو ناصر : بغيت بنت ولدك سعود
الجد فهد : إيه إي وحدة
أبو ناصر : نبغى الصغيره
الكل انصدم و الصدمة الكبرى على وجه ياسر وشلون با يتقبل الفكرة ذيب
الجد فهد : على خير إن شاء الله
أبو ناصر : إذا ما عليك أمر عجلوا علينا
الجد فهد : إن شاء الله
و قام أبو ناصر و ناصر و طلعوا من المجلس
ياسر : يا عيال تعالوا الدوانيه أبيكم
عمر : أنا و أخواني ما حنا جاين
مشاري : ليش وش فيكم
فارس : مشغولين شوي بنروح و نجي بعدين
عزيز : الله يحفظكم لا تبطون علينا
فراس : إن شاء الله
و راح الكل مع ياسر لا الدوانيه و بعد ما جلسوا العيال بدأ ياسر يتكلم
ياسر : يا عيال لحد يجيب طاري الخطبة عند ذيب
خالد : و ليش إن شاء الله
ياسر : لا يدري و بس
مشاري : إن شاء الله
الكل وافق إنهم ما يقولون شي لا ذيب
و بعد قرب الأذان وصل ذيب و نزلت رولا عند البنات و ذيب راح يتجهز لا الصلاة ...

إن شاء الله إذا أمداني اليوم نزلت لكم بارت ثاني 🤍