حبي لديرتي فاق كل المحبين وحبي لك فاق ديرتي واهلها ♥️!

البارت الرابع و الثلاثون

~ صباح يوم الجمعة ~

< في بيت أبو عمر >
فراس : يا عمر جدي يقول هيا الفطور
عمر : يلا يلا رح ناد البنات و تعال
فراس : بس فارس ما حصلته كل يوم جمعة يختفي ذا الولد
عمر : الله يعين و بس رح ناد البنات و خلنا نروح نفطر و نروح العزبة لا نتأخر
: طيب طيب
راح فراس ينادي أخواته 
فراس : يا بنات قوموا الفطور يلا
بتول : يا فراس تكفى أطلع خلنا ننام
فراس : يا بتول قومي بسرعه ماهو وقتك
قامت بتول و هي ميته نومم
و صحت لينا و رولا
رولا : يا يا لينا أنا ما أبي اروح ماني مشتهيه
لينا : يا رولا رجعنا لا ها الموال قومي أحسن
فراس : يا رولا جدي يبيك أنتي با الذات يلا تعالي
رولا نغزها  قلبها و قامت تبي تشوف وش يبي فيها جدها
و لبسوا عباياتهم و طلعوا متوجهين لا بيت جدهم
____________••____________
< عند فارس >
كان طالع من بيتهم و حصل فيصل طالع من الغرفة إلي أعطاهم الجد فهد
فيصل : على وين يا فارس
فارس : أبد بروح قبر أبوي و أمي
فيصل : أفطر و روح القبر
فارس : لا بروح الحين تبي معي
فيصل : إيه يلا
راحوا فارس و فيصل لا المقبره و نزلوا من السيارة لا قبر أبوه و أمه
جلس فارس عند قبر أبوه و نزلت دموعه غصب عنه و لما شافه فيصل راح له بسرعه
فيصل : يا فارس أنت كذا تعذبهم أدعي لهم و سلم عليهم هم ما يبونك تزورهم با البكي
فارس : بس يا فيصل ماني مصدق إنهم في قبر مظلم لحالهم تعودت أعطي أبوي كل جمعة دوري أنا أعطيه الادويه و الحين كل جمعة أجي لعل و عسى يصحى أبوي و أعطيه علاجه
فيصل : هذا قضاء و قدر و كلنا بنروح في هذا القبر و ما يفيدهم إلى الدعاء و الصدقة
فارس كان وده أحد يقول له ها الجملتين و بما أن فيصل أقرب واحد له قال إلي خاطره يقوله و نطق :
ماتت أمي قلت عندي والدي خطل اليميني
لكن الغالي تركني محزمي طول اليالي
شلته لا قبره و عيني تذرف الدمع الحزيني
احضنه و اقول ياربي تلطفه بحاله و حاليي

فيصل : يا فارس هذا ربي مثل ما نزل أمانته اخذها لا تعترض
فارس : ما اعترضت بس البيت ما ودي أنام فيه بدونه تدري أني ما أدخله إلا وقت النوم
فيصل : خلاص يا فارس خلاص قم خلنا نروح الحين الكل ينتضرنا قوم
قام فارس و فيصل و ركبوا السيارة متوجهين لا بيت الجد فهد
_____________••_____________
في بيت ما قد ذكرناه
< عند غدير >
أصايل ( عمة غدير ) : و أنتي من قالك تروحين عندهم
غدير : معليش يا عمه بس هم ما فيهم قصور ماشاءالله و النعم فيهم
أصايل : وش و النعم فيهم ماحد يحبهم في الديرة و ماحد يروح عندهم تروحين أنتي يا الي ما تستحين من متى و حنا نروح عند ناس ما نعرفهم
غدير : يا عمتي أمي و أبوي و أخواني كلهم موافقين ليش أنتي حارقه رزك و لا علمك يعني ترا بيصيرون صديقاتي يعني طلعاتي معهم با تصير شبه يومي
أصايل : و أنت ما خربك إلا أمك و أبوك و أبوك أنا أعلمه يحشم بنته
هنا غدير فقدت أعصابها : و الله يا عمتي محد شكى لك و قال أن بنته ماهي محشومه روحي و اسألي احشم منك و من غيرك
أصايل : يا قليلة الحياء يا الي ما تستحين تردين على عمتك
ريوف : إيه يا عمة و بعد يقولون أني أحب ولدهم ذاك ذيب
غدير : محد قال بس أنتي تتدلعين قدامه أكيد با يشكون يعني
أصايل : أخوي أبو ناصر  و أعرف تربيته أحسن من بعض الناس
غدير : و الله بعض الناس أخوك يعني با الأخير أنتي تغلطين على أخوك و يالله أنا بروح انام
أصايل : تعالي تعالي ما تشبعين أنتي نوم أربعه و عشرين ساعة نوم ما يكفيك
غدير : معليش لا يكون الكرسي كرسيك و لا العيون عيونك
سكتت أصايل و زعلت و طلعت من بيتهم
دخلت أم غدير كانت تسوي الفطور و جت و ما حصلت أصايل و ريوف
أم غدير : يا غدير ما أشوف عمتك فين راحت
غدير : روحت يا يمه حطي الفطور با أموت جوع
أم غدير : أكيد طولتي لسانك عليها أعرفك ما تسكتين
غدير : و الله يا يمه دامها ما احترمت نفسها ماني محترمتها يعني تحط حدود لا كلامها
أم غدير : الله يهديك و بس روحي نادي أبوك عند جدتك روحي و ودي ها الفطور لا جدتك
شالت غدير الفطور و راحت عند جدتها
أصايل شافت غدير جايه و قالت تبي تحارش أبوها عليها
أصايل : يا أبو غدير و شوله ما تربي بنتك
أبو غدير : و انا ولد أبوي بنتي مربيه أحسن تربيه عسى ما قالت لك شي
أصايل : لو تدري يا أخوي لسانها وش  طوله طردتني من على فطوركم
عصب أبو غدير و هذا إلي تبيه أصايل و أشرت لا ريوف
ريوف : و يا عم تفشل بي قدام البنات دايم أروح اصيح با سببها
أبو غدير : ما عليك يا بنتي أنا اتصرف معها
ماهي إلى ثواني و دخلت غدير با الفطور لا جدتها و قالت لا أبوها
غدير : يبه يلا أمي تنتظرك على الفطور
كانت عيون أبو غدير تطلع نار و شرار و خافت غدير و راحت و لحقها أبوها و أول ما دخل البيت صارخ عليها و ....

أعتذر يا حبايبي أنتم البارت مره قصير بس ما أبي يعدي اليوم و أنا ما نزلت لكم بارت لاكن أوعدكم با بارت طويللل 🥺🤎