حبي لديرتي فاق كل المحبين وحبي لك فاق ديرتي واهلها ♥️!

البارت الثالث و الخمسون

< عند الرجال >
الجد فهد : ما شاء الله يا خالد وجهك منور الظاهر اليوم يومك
خالد : الحمدلله يارب
ذيب غمز لا خالد : يا خالد اليوم يكتب في التاريخ صح
خالد : أنت با الذات أخر واحد تتكلم تفهم ولا لا
ذيب : اوهه شايل با قلبك علي معليش بس ترا اليوم هاههه اليومم بسس غيرهه أنسى
حمد : على أساس مرح يجي اليوم إلي نكتبه لك في التاريخ
ذيب : عاد أنا لا جا ها اليوم بكتبه على كل جدار في الديره
أبو خالد : يا للي ما تستحي وش يقولون ما صدق على الله يعرس
ذيب : والله يا يبه على حسب يعني أنا با النسبة لي ممكن تقولون ما صدقت على الله عرست
ضحك الكل و أبو خالد شال العصا حقته و ضرب بها ظهر ذيب
ذيب : اححح يا أبوييي وش فيكك
الجد فهد : وش فيك يا صقر على ولدك
أبو خالد : يا يبه ما تسمعه انت عندنا مره ماهو رجال اي رجال يقول ما صدقت على الله أعرس
أبو زياد : يا ولد هذا ولدك الظاهر معه هذيك الي هبلته ما عاده في وعيه
خالد : والله يا ذيب دامني جربت الزواج أنصحك فيهه و بقوههه
ذيب : ما يحتاج تنصحني يا حبيبي لأن اليوم حبيت أخطب
عمر  : اوهههه يا ضلعي و من سعيدة الحظ
ذيب وقف برسميه
ذيب : أسمعوا و قدام الكل اليوم أبي أخطب ملكة فؤادي وروح روحي و عيوني أتقدم لك يا جدي و لا أخواني لا بنتكم رولا
الكل سكت شوي لحضة صمت ولا حتى احد توقع إنه ممكن يبي رولا و كل العشق و الحب الي يقوله من قصيد و كلام و تعابير لا رولا
قام عمر : ما جانا إلى رجال و حنا نشتري الرجال و أبركها من ساعة بس الحين نروح أنا و أخواني نكلم أختي
الجد فهد : يا ذيب أنا ماني موافق على هذا الزواج
ذيب أحتدت ملامحه و حاول يهدي غضبه قد ما يقدر
ذيب : معليش يا جدي بس ما فيه سبب ممكن إنه يكون سبب مقنع لا رفضك
الجد فهد : الزواج هذا مرح يتم و لا حد راضي فيه
ذيب : بسس أنااا راضييي فيههه
الجد فهد : و أنا ما أبي رولا تاخد ذيب و ذيب يا خذ رولا
ذيب : ياجديييي رولاااا لييييي و مارحح ياخذهااا غيرييي
الجد فهد : ماهيي لك ولا رح تصير لك رولا خطبها مني مره ثانيه ناصر و الحين الكللل موافقق و خل واحد يعترض
ذيب بقهر و صراخ: لا بعترض أنا أولا من الغريب ولد عمها و شاريها
أبو خالد : أقصرر صوتكك ياولدد
عمر : يا جدي ناصر لا أحنا و لا أختي تبيه
الجد فهد : رولا با أقنعها و بترضى و أنتم مالكم دخل فيها
فارس بعدم تماسك : لا لنا دخللل أختناا ماهي لعبه في يدك كل من هب و دب تزوجها فيه إلي تبيه تاخذه و إلي ما تبيه على الحرام و بذمة الشنب هذا إلي خاط وجهيي إنها ما تاخذهه دامها بنت ولدك و أمانتك صونهاا ليش ما توصنهااا ليش تضحي فيهاا و ناصر زوجه من بنات عمي الباقيات ليشش رولاا با الذاتت خواتي ما هم لا الزواج إلى للي يختارونه و يبونه و خلاص ماحد له كلمه علينا إلي با يصون خواتي على عيني و راسي و الي لا يكفينا شره هذا نعتبره فعل معروف
الجد فهد : عيال عيالي و بناتهم أنا أزوجهم و ماحد با ياخذ من غير إختياري
عمر : القرار قرار أختي و أنتهى الكلام و الحين أناديها و هي تقرر
طلع ذيب من الدكه و راح مكانن بعيددد ما يعرفه إلى هو و ضلعه
______________••_______________
                < عند الحريم و البنات >
تسنيم : يا غديروهه كيف خالد معك
غدير : مدري تبوني أعرفه من أول يوم
العنود : و هي الصادقه من أول يوم تبونها تقول لكم
أم خالد : يلا يا بنات قوموا نحضر الأكل لا الرجال
لينا : يلا يلا
قاموا البنات مع الحريم و حتى غدير كانت با تقوم معهم
ترف : على وين يا عمري أنتي
غدير : وش على وين بروح معكم أحضر الأكل
رولا : أقول أهجدي قبل عمتي تسمعك
غدير : أنتم هيه ترا عادي بقوم أساعدكم
أسيل : مرههه شكرًااا  بس ياريت الحين تخلين السنع على جنب ها الايام انتي بس دلع في دلع
غدير : و الله عيب انتم تقومون و أنا أجلس كذا
ترف : هيه أنتي با تجلسين ولا شلون
غدير : إيه بجلس خلاص روحوا ساعدوا عمتي ولا بروح
بتول : أنتي اجلسي بس وحنا با نروح
راحوا البنات ياساعدون أم خالد و حضروا الغدا للرجال و للحريم
و بعد ما الكل خلص أكل قام الكل الجد فهد و رسل عمر ينادي رولا و العيال كلهم متجمعين معهم إلى ذيب لا تغدا ولا هو معهم أساسًا
عمر : بروح لا ذيب و بعدها بجي
الجد فهد : ما ندري وين راح خله يجي بسرعهه
راح عمر ينادي ذيب و هو معجل بخطواته لأنه خايف يجيه شي
و بعد وقت شاف ذيب في نفس مكانهم
و راح له بسرعه
عمر : ذيب ذيب
ذيب : ها يا عمر ها
عمر : قم معي بنروح نشوف رولا
ذيب وهو منهارر : لا عاد تشوفها ولا شي  خلاص  كل شي واضح هذاك الرجال يبي يخرب كل شي يخصني
عمر بعصبيه من كلام ذيب : ذيببب إن كان رولا موافقه عليك مارح يصير بينكم ولا يفرقكم إلى نصيبكم غيره لااا تفهم ولا لااا
ذيب : أفهممم أفهممم بس تعرفه لا قالل كلمهه خلاصص
عمر : و أنا بعد قلت كلمهه ليش مانت واثق فيني
ذيب : واثق فيك بس هذا الرجال محد يكسر كلمته
عمر زفر بغضب : و با تقوم ولا شلون
قام ذيب وهو كل هموم الدنيا با قلبه كيف لما جت اللحضه إلي يتمناها سنين في دقيقه تروح
راحوا عمر و ذيب و راح ذيب عند الرجال و عمر عند الحريم عشان ينادي رولا
الجد فهد : و أنت عشان ها البنت رحت و خليتنا
حاول ذيب يتماسك نفسه أكثر و يسكت
أبو خالد : فين هجيت و ما جست تتغدا
ذيب : ماني بمشتهي با العافيه
أبو زياد : وشوله يا ذيب العناد كل و البنات كثار
ذيب : شبعان الحمدلله و البنات غيرها يحرمون علي بنات الناس كلها
الجد فهد : قلنا الحب متعب بس انت تبي الحب عناد الظاهر
ذيب : الحب با النسبة لي جنة و أنهار و حبي با النسبة لغيري نار و شرار و أنا دامني حالف غيرها ما أخذ و انا قد كلامي غيرها ماني ماخذ
خالد : خلاص يا جدي دامه يبيها ليش توقف بوجهه دامه با يصونها و يحفظها و هي عند ولد عمها بيد أمينه
الجد فهد : الشور شوري و الكلام كلامي ذيب مارح يرتبط اسمه با رولا
ذيب زفر بغضب : با يرتبط و عينك تشوف
__________••_____________
  < عند الحريم و البنات >
أم زياد بلذاذه : ها الكبسة منهوا طبخها
رولا بحماس : أنا يا عمتي طبختها
أم زياد : ثاني مره تعلمي تطبخين زين أحسن لك
ترف : با العكسس مرههه تجننننن
أسيل : أتفققق مرههه حلوههه شكلي بشيل رولا معي تطبخ لي كل ما اشتهيتها
العنود : الصدقق رولا تسلم يدكك
رولا با إنطفاء و خيبه : تسلمون
و قامت بعدها لأن جتها غصه من كسرة عمتها لها
أم خالد : معليش يا أم زياد بس البنت تعبت عليها و ما شاء الله مره حلوه
أم زياد : طيب أنا ما عجبتني و بعلمها عشان ثاني مره تطبخ مثل الناس
بتول : أختي ما عمرها ما تعرف
ما خلصت بتول كلامها إلى عمر ينادي رولا
لنيا : هلا يا عمر رولا ماهي هنا
عمر : ناديها أبيها بسرعه
بتول : عسى ماشر وش فيك
عمر : أبيها بشغله بسرعه ناديها
بتول : خلاص طيب بروح أناديها خلك هنا
راحت بتول تنادي رولا و هي ما تدري وين راحت
وصلت بتول عند الحمام ( يكرم القارئ ) و وقفت لما سمعت صوت شهيق و خافت و دخلت بسرعه و حصلت رولا تبكي بسرعهه
بتول : رولااا حبيبي وش فيكك تبكينن
رولا مسحت دموعها بسرعه و قالت با تصريف
رولا : هلا هلا ولاشي بس الباب ضرب على يدي
بتول ما اقتنعت أبدًا بعذرها بس تخاف تجادلها و عمر يهاوشهم على التأخير
رولا : وش جابك أنتي هنا
بتول : قومي مسحي وجهك عمر  يقول يبيك بشغله بسرعه قومي
رولا : وش ها الشغله
بتول : ما أعرف قومي بسرعه
قامت رولا تمسح وجهها و راحت مع بتول عند عمر
و بعد ما وصلوا حصلوا عمر
عمر : لو أبطيتم شوي كان أحسن تاخذون راحتكم
رولا : طيب وش تبي الحين جيت
عمر : باكيه صح
رولا : لا ماني باكيه ولاشي مين قال لك أني باكيه
عمر : خلاص ما بكيتي بس تعالي يلا
رولا : وين و وش فيه
عمر : مافيه إلى كل خير تعالي و بس
راحت رولا مع عمر عند الرجال و هي متغطيه
و بعد ما وصلوا حصلوا الكل متوتر إلى الجد فهد كلن مبتسم
عمر : يا رولا يا حبيبتي عندي لك شور و عطيني ردك و لا تخافين محد جابرك
خافت رولا : عمر خوفتني وش فيه
عمر ناظر ذيب يوصل له إنه يلا قم
ذيب فهم عمر و هو وده يروح يقول انتي حقيي بسس
بس قام بجمود و هدوء : يا رولا قدام كل معارفك كبير و صغير أنا أتقدم لك بكل مافيني و الشور الأول و الأخير لك
رولا أنصدمت و رجلها عيت تتحرك من مكانها و سكتت
فارس : أعرفي يا رولا محد جابرك أنتي قولي إيه و لا لا و محد له كلمه غير كلمتك
فراس : تأكدي يا رولا إذا ما تبين ها الشي مرح يصير
عمر : ها يا رولا وش قلتي
رولا : و أنا موافقه
أبتسم ذيب إبتسامه إنتصار  بس تذكر جده
الجد فهد : بس يا بنتي انا ماني موافق
عمر : معليه يا جدي با توافق مع الأيام
رولا أختفت ابتسامتها من كلمته و با برضو ذيب نفس الشي
رولا : عسى ماشر يا جدي وش فيه
الجد فهد : ما أشوفكم مناسبين عشان كذا ما أبي
ذيب : ما أتوقع إنك با تعيش معي في نفس البيت
رولا : بس ياجدي يوم اني موافقه ما توافق و يوم اني ما اوافق توافق وش سويت لك أنا توقف في كل طريق يفرحني
فارس : بس يا رولا محد للحين وقف في وجهك
تركتهم رولا و راحت بسرعه
رولا و هي تمشي : ياربيي وش ها اليومم وشش ليش كل شي واقف في وجهيي ليششش
بس ذيب ما أهتم با أي واحد و راح وراها بسرعهه
ذيب : يا رولاي يا رولاي تعالي أروي عطش ذيبك
رولا التفت له و هي تشوف كميه الخيبه و الانكسار
رولا : رولاك ما بقى لها نهر ما جف
ذيب مسكها من يديها و قال با جمود :
أنتي بوجهي لا تخافين دنياك
عن كل ماضي خوّفك لا تخافين

لو الليالي و الزمان يتحداك
لا يضيق لك خاطر عسى ما تضيقين

كل الضروف إلي تشوفين تفداك
نامي على راحة يدي لا تبالين 

لا يبين خافيك ولا يطلع اقصاك
و انا معك عمري أعيشه با بعمرين

رولا نزلت دمعتها مو مواساته لها
رولا : بس يا ذيب معاد فيني صبر هدومني كسروني موتوني انا معد أتحمل
ذيب : دامك في وجه الذيب ولا تهتمين قفي بوجه الظروف  أنتي لا الذيب ولا رح تصيرين لا غيره
رولا : ذيبب ما أبيي ناصرر أبيكك انت يا ذيب تكفى لا تخليهم يجبروني
ذيب : ولا تخافين يا رولاي جعل كل حزنٍ يجي لقلبك يجيني و أهده قبل يوصلك
رولا : يلا ذيب بروح
ذيب : أمسحي دموعك و روحي عند البنات
رولا : لا بروح  بيتنا
ذيب : كلمه مارح أعيدها  روحي عند البنات
رولا : خلاص خلاص طيب
راحت رولا و ذيب بعد ما تطمن إنها دخلت راح و رجع عند الرجال
ذيب بكل جمود وقوه
ذيب : بكره الشيخ يجي و نعقد تجهزوا
الجد فهد قام بعصبيه : و أنا ماني موافق تفهم ولا لا
ذيب : برضوا أنا موافققق أخوانها موافقينن أخواتها موافقينن أبوي موافقق أمي موافقه أخواتي و أخواني موافقينن عيال عمي و بناتهم موافقينن عمتي موافقهه عمي موافقق كلنا ضدككك مالك كلمهه رولا لي و أنتهى
قام الجد فهد : نشوف يا الذيب مين يتنفذ كلامه
و كل واحد راح بيته و هو وده لو الجد فهد يوافق و ينتصر حب ذيب و رولا و...