حبي لديرتي فاق كل المحبين وحبي لك فاق ديرتي واهلها ♥️!

البارت الرابع و الخمسون

< عند الحريم و البنات >
أم خالد : علامك يا بنتي وش بلاها عيونك حمراء
ترف : رولا أنك تكفينن لا تقولين باكيهه
بتول : رولا وش فيك تكلميي
رولا : مافيني شي بس عيوني تعورني شوي
تسنيم : سلامات بس مو كأن وجهك كله أحمر؟
رولا وهي بالغصب ماسكة بكيتها : لا مافيه شي
قامت ترف و سحبت رولا و راحت بها مكان محد يعرفه غيرهم
رولا : ترف وش فيككك
ترف : أنتي اللي وش فييككك
رولا : ترف لا تصارخين مافيني شي قلت لك
ترف : تكذبين علي؟
رولا بكتت بقوهه و تشاهقق
ترف حضنتها : عيوني يا رولاا  وش فيك قطعتي قلبيي تكلميي
رولا : ترف موتوني يا ترف معد بي طاقة لاشي 
ترف : وانا أخت ذيب مينن سوا بك كذاا
رولا بعدت شوي عن ترف
رولا : جدييي يا ترفف جدييي
ترف : وش سوا ببك بعد ذا
رولا : وقففف في وجهييي كل ما صار شي يسررني وقققف في وجهييي ليهه وش سويتتت وششش
ترف: ما سويتي شي وهو وش يبي منك وليه وقف في وجهككك
رولا : ذيب تقدم لي قدامهم وهو رافض ذيب و يبي ناصر وانا ابي ذيب ما ابيي ناصرر
ترف : ماحدٍ واقف في وجهك و ذيب بيوقف في وجهه عشان رولاه صدقيني ذيب يسوي المستحيل عشانك ومرح يخليك له وقف بوجههم اول والحين با يسويها واذا ما اخذك مارح يعيش ذيب يا رولاا ذيبب يتنفسس هواكك تبينه يفرطط فيككك
رولا : بسس جدييي رافضض رافضض يقول رولا ماهي لذيب ولا ذذيب لا رولاا
ترف : رولا لذيب و ذيب لرولا ومحد رح يتعرض و إذا على هذاك الشايب العايب لاهو الي با يتزوج ولا غيره ماله دخل بحياة غيره
رولا : بس جدي ما صار كذا إلا بعد ما مات ابويي
ترف : عمي الله يرحمه و جدي الله يهديه ويشغله بنفسه ومحد رح يوقف في  طريق ذيب و رولا إلا الموت
ذيب من وراهم بكل بحه في صوته و واضح انه باكي :

{ والله وهذا يمين يارولاي يا إن غيرك يحرمون علي
بنات الناس كثار وبنت سعود وحده وغيرها ماعندي
يا أخذها ياجعلني ما اذوق طعم الزواج بدونها }

ذيب : لا تخافين يا رولا ذيبك ماحد ميخذك مني بكرا  العصر يجي الشيخ و يرتبط اسمي  با اسم حبيبة ديرتي جعل ها السحايب شاهده على كلامي والتراب و أختي ترف وكل من حول أن غيرك ماهم لي

و ما كمل كلامه إلا و أهتزت الديرة بصوت الرعود القويهه
و ذيب ما كان يعرف إن رولا عندها فوبيا من الرعود و يشوفها تبكي بقوه و ترف مو عارفه تسوي شي
ذيب : رولاا وش فيكك
ترف : ذيبب تعاللل بسرعهه رولا تخافف من الرعودد بسرعهه تعال امسكها معي
ركض ذيب عند رولا بسرعه و بعد ترف عنها وحضنها بكل قوته عشان يخف خوفها
ذيب وهو ماسك رولا بحيث أنها تتطمن وهي تبكي وبدت تهدأ شوي
ذيب شاف منظرها يأسر القلبب :
        - ياحبيبي لا تخاف من السحايب
            لا تروعك المزون المستهله
           المطر ما يعشقه غير الحبايب
              و ابله لاهل يبري كل عله

ترف : هالله هالله يا الذيب اليوم كله قصيد
ذيب : و أنتي يا الملقوفة باقي واقفة هنا ما طسيتي
ترف : اوههه كيف أطس و أنا اشوق الحبايب
ذيب : أقول أفتحي طريق بدخل رولا وبروح الاسطبل
ترف : تكفى بروح معكك
ذيب : ترفف خلي المبزره ذي الحين و أدخلي شوفي لي طريقق البنت بتموتت
ترف : الحين بتموت قبل شويي تقصد فيها
ذيب : و النهاية معك يعني
راحت ترف و قومت البنات من الصالة عشان ذيب يدخل
دخل ذيب و بيده رولا و جلسها على الكرسي
ذيب : تسنيم جيبي مويا لا رولاا بسرعه
أم خالد : بسم الله عليك يا بنتي وش فيك
ذيب : ما فيها إلا العافية يا يمه وأنتي خابره رولا تخاف من الرعود و برا مطر و رعود
أم خالد تسمي و تقرأ على رولا و جابت تسنيم المويا و من خوف ذيب عليها لا شعوري قال
ذيب : سمي با لله و أشربي يا ضلع ذيبك
الكل أبتسم بهدوء على كمية الحب إلي جوات ذيب لا رولا
شربت رولا و هدت شوي و الكل يستجوب معها بخصوص إنها جت اول وهي تبكي
ذيب : خلاص ماله داعي التحقيقات ذي خلوها
أم زياد : وش قلة الأدب ذي تحظنها وتمسك يدها و تجلس جنبها و تشرببها المويا و الكل ساكت !
ذيب : ما أعتقد إن أي واحد له دخل فيني وفي  زوجتي
الكل سكت بفجعة من كلمة " زوجتي "
أم زياد بصدمة : ومن متى متزوجيننن
ذيب : من اليوم فيه أعتراض ؟
أم  زياد : و أنتم مصدقين إنكم لايقين لا بعض غلطان أنت تعرف إنها ما تعرف تطبخ
ترف : يا عمهه الأكل إلي تسويه رولا مافيه الذ منه ماعجبك هذا شي راجع لك
ذيب : و يازين الطبخ إلي ما يعجبك أحبهه أنا من يد رولاي
وكمل ذيب : عمومًا خلو رولا ترتاح ولاحد يضايقها
وطلع وهو وده  لو يموت الجد فهد ومعه حرمة عمه
بعد ما طلع ذيب راحوا البنات كلهم عند رولا
رولا : تكفين ترف تكفين روحي عند ذيب وخلينا نروح معه اذا بايروح الاسطبل تكفين طلبتك
ترف : بس يا رولا ذيب مرح يا خذنا وانتي تخافين من الرعود
رولا : لا با يوافق تكفيننن حاولي
ترف : بشوفه بس خلي البس عبايبتي
________••__________
< عند العيال >
حمد : يا عيااااللل يا عياااال
عزيز : وش بلااااكك انتت وش بلااكك ماغير تصاارخ
حمد : أنت خل الهواش و اطلع برا مطررر
زياد : ابوككك يا المطرررر الزينننننن
خالد : يارب سترك و عفوك من هذولا الأثنين ياربب
عمر : يا ولد خلهم يتونسون إلى وين ذيب
نايف : شفته متجه عند الحريم بس مدري بيجي ولا
فراس : يا زياد وحمد اليوم بتخبل معكم خلاص رسيمة
زياد: يا حبيبي وش الفايدة من الرسمية لو بتكون رسمي بتكتئب صدقني
فارس : تضموني معاكم ولا
حمد : شوف انت تعتبر حاشر نفسك بس اليوم عشان مطر وملكة أختك نسامحك و نخليك معنا
الكل سكت لما قال ملكة أختك وهو للحين محد أكد ان بتصير ملكة ولا إلى ذيب
ذيب من وراهم : يا عيال أنا بروح الأسطبل أشوف الخيول و أغطي الاكل من المطر
عمر : فمان الله
عزيز : الله يحفضك ولا تطول
راح ذيب و وقت قرب للشاص لأنه ما وده يروح با السيارة لأن الدنيا أمطار
ترف : ذيبببب ذييييببب
ذيب لف لها مصدوم من الصراخ
ذيب : وشش بغيتي انتييي
ترف : وقففف تعبت وقفف
ذيب : ها وقفت وش معك
ترف : رولا تبي عند خيلها بتروح معك و حتى أنا ترى معها
ذيب : و إذا قلت لا
ترف : تكفى يا ذيب تكفى خلنا نروح تكفى البنت تبي خيلها
ذيب : البنت بتتعب من الصواعق أدخلوا ولا يكثر
ترف : ذيببب بنروح يعني بنروح انا رايحه اجيب عبايتي وبجي
وراحت ركض ترف تجيب عبايتها وتجي
وماهي إلى دقايق وجو ترف و رولا  يركضون و يلقطون أنفاسهم بسرعه من الركض
ذيب : الحين مين قال لكم تعالوا
رولا : خلاص دام جينا و تعبنا بنروح
ذيب : لا أنتم تتشرطون على كيفيكم
ترف : و بتخلينا نروح ولا كيف
ذيب : ياربب صبرك يارب ، تراني بروح با الشاص
ترف : عاديي عاديي لو تبيني اركب بالصندوق ماعندي مشكلة
ذيب تنهد : اركبوا اركبوا
ركبوا رولا وترف و حرك ذيب
و بعد ما وصلوا الأسطبل كان ذيب يراقب رولا ومركز بخطواتها إلي جذبته و قال بكل هيااامم فيها ويتذكر لو ماصار ها الزواج وكيف رح يصبر بدونها وقال  :