(اللهم صل وسلم على نبينا محمد 🍃🤎)
بعد ماخلصوا كل البيوت راحوا يرتاحون شوي
ذيب: اهه تكسرت تكسير
ترف: رغم تعبي بس بتحمل عشان بيجون بعد بكره
حمد: والله أحس حماس وجودهم وزياد بيجي
خالد:الله يعيننا الحين كل يوم مصيبة
تسنيم : ماقلت شي غلط حتى ترف وأسيل إذا اتفقوا وش عاد بيفكهم
سمعو صوت أم خالد : يا عيالي تعال أنت وياه
ذيب متوجه لأمه : هلا يمه هلا
أم خالد: يا عيالي أبوكم يقول الحلال طولتم عليه روحوا قبل يجي
خالد: والله نسيناه يا يمه لاكن نصلي عصر ونروح له
أم خالد: زين ياوليدي الله يقويكم
ذيب: أمين يا حبيبتي
ترف: حركات حبيبتي وأحنا ولاعبرتنا
ذيب: هاذي الغالية تستاهل كل خير
ابتسمت أم خالد وراحت عنهم
< عند الجد فهد وولده>
الجد فهد:يا وليدي شرايك نروح للحلال حنا اليوم
أبو خالد : وليه إن شاء الله العيال رجولهم متكسره
الجد فهد: ودي نروح ونجهزه حنا نرجع شبابنا
أبو خالد: لا يا أبوي بنروح لأهل الديرة واجبهم علينا بنروح نعزمهم
الجد فهد : نسيتهم والله زين ذكرتني اجل خلاص يروحون العيال
أبو خالد: على خير ان شاء الله
< في بيت أبو عمر>
عمر جالس عند أبوه : الله يهديك يا أبوي ليه متعب عمرك
فارس: يا أبوي تبي جدي يشوفك كذا ويتعب زياده
رولا تجيب الشوربة: كل يا أبوي عشان تطيب
أبو عمر بتعب: مابي يا بنيتي
لينا: مايصير يا أبوي مايصير لازم تاكل
فراس: كل يا أبوي عشان يكون فيك حيل للسفر
أبو عمر: تمام يا عيالي تمام باكل
أكل أبو عمر الشوربة وعياله وبناته حوله وكل واحد همه أكثر من الثاني
عمر: أنا بروح الصيدلية أصرف الأدوية
فارس: وأنا بروح بالبنات السوق ياخذون أغراضهم
عمر: أجل فراس بيجلس عند أبوي
فراس: تمام يلا عجلوا
فارس: تمام أنتبه لا أبوي
ولف على البنات: يلا أنتم بسرعة ألبسوا عباياتكم أنا أنتظركم تحت بالسيارة
لينا: تمام بس ثواني وبنجي أسبقنا
فارس: تمام
نزل فارس للسيارة وراحوا البنات يلبسون عباياتهم وبعد ماخلصوا ركبوا السيارة مع فارس
فارس: يلا سريع جاء آذان المغرب وأنتم باقي
رولا: جينا جينا
بتول: يلا حرك وش منتظر
حرك فارس متجه للسوق
< في الديرة تحديدًا عند الحلال في العزبه >
حمد: وش هالفكرة الحين واضح مارقدت أمس
ذيب: والله الفكرة براسي وحلمي وبحققه
خالد: يا ذيب الأوضاع الحين متوتره أنتظر وقت ثاني
ذيب: مرح أكلمهم الحين أبي العيال يجون وبعدها بكلمه
حمد: زين زين
خالد: يلا أعجلوا علينا خلونا نرجع البيت ورانا شغل
ذيب بصدمة: وش الشغل باقي خلاص تكسرت معد قدرت
حمد : يا حبيبي أنت نسيت أن جدي با يسوي عزيمة لعماني
ذيب: ياربي رحمتك تعبت أنا من هالعائلة
خالد: أستح على وجهك وش هالكلام
ذيب: طيب طيب
خالد: يلا خلونا نشيل الحلال
حمد: يلا يلا
شالوا الحلال متوجهين للسيارة
خلصوا العيال ورجعوا للبيت
أنت تقرأ
حبي لديرتي فاق كل المحبين وحبي لك فاق ديرتي واهلها ♥️!
Randomالسلام عليكم انا ابنه الديرة اسرد روايتي الاولى كاتبة مبتدئة جدًا روايتنا تتكلم عن عائلة الجد فهد وأبنائه وبناته واحفاده وحفيداته ... أتمنى أن تنال إعجابكم ✍🏻🤍😢 حسابي أنستا: 3zoh.h
