حبي لديرتي فاق كل المحبين وحبي لك فاق ديرتي واهلها ♥️!

البارت الثالث و الأربعون

< عند الشياب في الدكه إلي مقابلة السوق >
الجد فهد : وش أخر الأخبار
أبو فلاح : أبد ولاشي بس مسلط ولد أبو مسلط يقولون انسجن قبل يومين
أبو مسفر : عاد مسلط معاه بلاوي كثيره 
أبو فلاح : إيه با الله يقول سرق بيت أبو ناصر مدري شالي حاده عليهم
الجد فهد : هذا زود الدلع دلعه أبوه و الحين شاف سوايا ولده
أبو مسفر : الله يحمينا منه
أبو فلاح : إيه و الله
____________••_____________
< عند ذيب و ترف >
ترف : و الله يا ذيب ما توقعتك تحبها
ذيب : أحبها  لا و الله أموت فيها بعد
ترف : أبوك يا التصريح القوي
ذيب : شسوي ما قدرت اتحمل ما اسمع صوتها على الأقل
ترف : يلا يلا رح خل الخفه منك
ضحك ذيب و لف وراح عند العيال الدوانيه
كانت تتسمع لهم و هي في راسها أفكار تهلك الكل
و أول ما لف ذيب على طول هي تخبت ورا الباب حتى طلع و راحت عند الحريم
____________••____________

< في السطح عند البنات >
ترف : تخيلوا يا بنات
العنود : تخيلنا
ترف : واهه يا العنود طلع إحساسي صح
أسيل: يا ترف خلي الألغاز عنك
ترف : مو قلت لكم ذيب يحب رولا
تسنيم : إيه قلتي بس مو أكيد
ترف : إلا أكيد
العنود : طيب كيف عرفتي
ترف : وقت ناداني ذيب قال لي اتصلي لي على رولا يعني أكلمها و هو يبي بس يسمع صوتها
أسيل : الله أبدًا ما توقعتت
العنود : كنت شاكه أصلًا حتى رولا شكلها بعد تحبه
تسنيم : لايقينن على بعض مرهه
ترف : إيه و الله إذا أحنا اشتقنا لها و احنا نقدر نقول صديقاتها لكن حبيبها كيف مرح يشتاق لها
أسيل : أجمل شي يعني بنشوف أثنين عاشقين
تسنيم: كلن على همه سرا
العنود : عشان كذا ما خلا رولا تتزوج ناصر طلع الولد عاشق ولهان
ضحكوا البنات على العنود
وكملوا البنات ما بين يتكلمون عن ذيب و رولا
___________••______________
< في الرياض عند رولا >
كانت مفجوعه كيف يسمع صوتها و ترف ما علمتها و مستانسة إنها سمعت صوته
بتول : هيه أنتي فين وصلتي
رولا : ها لا لا معك
لينا : إيه واضح معنا
رولا : المهم وش باقي
بتول ضحكت : و لاشي يا عيوني باقي بس تروحين الصالة معنا
رولا : تمام يلا خلونا ننزل
ضحكوا عليها بتول و لينا ما يدرون إنها ضاعت علموها من بعد ما سمعت صوت ذيب
راحوا البنات عند العيال في الصالة
فراس : كان تأخرتم شوي يكون أفضل
بتول : ودنا و الله
فراس : يا بتول أحسن لك اهجدي 
بتول : أبشر
عمر : خلاص أنتم
وجه نظره لا رولا و لينا : و أنتم تعالوا أجلسوا بسرعه
جلسوا لينا و رولا و بدأ عمر يتكلم
عمر : أسمعوني الشغل  إلي كنا فيه با إمكاننا نرجع الشركة و با أسمي و لاكن الشركة  تحتاج إلا ثلاثة موظفين
فارس : طيب أحنا ثلاثة يعني تكفي ما يحتاج
عمر : لا يا فارس الشركة ما تضبط لا صرنا كلنا في نفس الشركة
فراس : طيب وش الحل
عمر : الحل إنه ندبر لنا واحد يشتغل معنا في الشركة و واحد منكم يروح يدور له على شغلة كلنا با نشتغل محد با يجلس با البيت عاطل باطل
فارس : صدقت أجل أنت و فراس اشتغلوا  في الشركة و أنا بروح أدور لي على شغلة ثانية
فراس : دام أنا و عمر في الشركة مين الثالث إلي معنا
عمر : صراحة ودي نجيب واحد من عيال عماني
فارس : جبتها يا عمر أجل نجيب ذيب
دق قلب رولا ذيبب كيف ذيب يعني ذيب في كل مكان با يجيها و كأنه يثبت لها أنه أنا لك في كل مكان معك
عمر : إيه با الله ذيب رجال و جاد في عمله أجل مالنا إلا هو
فراس : أجل كلموه و ردوا لنا خبر
عمر : خلاص تم
_______________••_______________
< عند العيال في الدوانيه >
خالد : يلا أنت وياه خلونا نروح لا نتأخر على المزرعة
زياد : حرام عليكم ارحموني من أمس ما نمت
عزيز : يا الكذوب أمس كله و أنت تشاخر فقعت ابو اذني
زياد : أسكت أنت لازم تفضحني يقولون الأخو ستر و غطا و أنت تمشي و تفضح فيني
ضحكوا على زياد و حلطتمه
ذيب دخل : خلاص يا عيال عشاني خلوه اليوم يرتاح
زياد راح حضن ذيب
زياد : ياخيي أنا أحبك بس أنت ما تفهمني
ذيب : وصل حبك بس أعتقني لو سمحت تبيني أموت
خالد : تدري يا ذيب أنك رحمتني منه كان أقلقني من كثر حلطمته
مشاري : عاد معك راكان يكفي و يوفي عن زياد
نايف : و معه حمد ماشاءالله عليه ما يتحلطم بس يخليك أنت تتحلطم إنك أخذته معك
حمد : يا ليل يعني لازم تذكروني خلاص عرفت إنكم معجبين بس مو با هذا الشكل
ياسر : خلاص يكفي يا حبيبي ما يحتاج نرجسية زيادة
ذيب : يلا يلا توكلوا على الله أنا و زياد با نروح نحلب النياق و الغنم و نكمل نسوي أشغال العزبة
زياد : لا تكفى لا بروح معهم بس النياق طلبتك لا تروح بي عندهم
ذيب : دامني حميتك من خالد تجي معي ولا بنادي جدي يعطيك أوامر أخس و أنعل
و ناظر ذيب ياسر
ذيب : و أنت يا الطيب خلاص ما عادك ضيف قم معنا
ياسر : كنت بقول ضيف بس شنسوي
نايف : و أنا و مشاري و عزيز با نروح ندور شوي في السوق
مشاري : إيه يا حبيبي تخيل بس نروح المزرعه و العزبة
ذيب : لا تخليني أخذك مع زياد تحلب النياق
مشاري : لا لا خلاص مشكور
و راحو زياد و ذيب و ياسر العزبة
وراحو خالد و راكان و حمد المزرعه
و راحو عزيز و نايف و مشاري السوق
__________••____________
< عند أم زياد >
أم زياد : و الله و طلع يحب ها الي ما تنطاق
أم متعب : مين يحبها
أم زياد : ولد عمها هذا إلي مدري على أيش يحبها
أم متعب : إلي أعرفه عيال عمها ماشاءالله كثر مين با الظبط فيهم
أم زياد : يا ليل يا أم متعب هذاك ولد عمها إلي ما خلاها تتزوج ناصر
أم متعب : و عشان كذا ما خلاها تتزوج عشانه يحبها
أم زياد : و الحين أنا اوريه هو على الي يحبها هذيك إلي ما تتسمى
أم متعب : يا بنت الحلال خلاص موتي البنت من شرك اعتقيها لا وجه الله
أم زياد : أنتي اسكتي  لا اخليك مثلهم الحين
أم متعب : لا يا حبيبتي أنتي أنا أمزح معك اذبحيها بعد
أم زياد : إيه هذي أم متعب إلي أعرفها
و كملوا سوالف الشر بينهم
_____________••_____________
< عند ريوف و عمتها >
أصايل : كيف يا ريوف دخل بيتكم
ريوف : و الله حنا رحنا السوق و ناصر نسي الباب مفتوح و هذا ما صدق على الله على طول دخل و صار إلي صار
أصايل : لا يكون سرق شي مهم
ريوف : أيه با الله يا عمتي سرق ذهب أمي و الحين هي تبكي
أصايل : لا حول ولا قوه إلا با الله قومي قومي خلينا نروح نشوف أمك
ريوف : يلا
راحوا ريوف و أصايل عند أم ريوف
جو و أم ريوف تبكي
ام ناصر  : ياربي ما توقفه يارب تتكسر يده
أصايل : خلاص يا حبيبتي خلاص
دخل أبو ناصر معصب و عيونه حرار و شرار و...
_____••______
{ يا حبايبي إذا أمداني اليوم كتبت لكم بارت ثاني
معليش أنا وعدتكم إنه كل يوم أنزل لكم بارتين بس أمس تعبت فا ما أمداني أكتب لكم أعذروني ودي أنزل لكم بارتات طوال بس عشان نخزن الأفكار انقصها شوي و عشان كذا البارتات قصار أنزل كل يوم } 💕😫

~ لا تزعلون مني يا عيوني  أنتمممم ~