< في المحل
عند فراس >
فراس: هلا والله مشاري كيف حالك
مشاري: هلا هلا فراس الحمدلله بخير دامك بخير طمني عنك شلونك
فراس : زينين ان شاءالله
مشاري : كيف العيال وكيف جدك وعمي
فراس: طيبين بأحسن حال إلا العيال باقي بالقصيم
مشاري : إيه بالله وها الايام إن شاءالله بننزل للديرة
فراس: بتنور الديرة
مشاري : بنورك ياحبيبي إلا وش تبي هنا
فراس: أبد والله الأهل يبون حلا
مشاري: بالعافية يارب أستأذنك أشوفك على خير
فراس: فمان الله
راح مشاري وطلب فراس وبعد دقايق أخد الطلب وراح للسيارة
فارس: سلامات يالطيب كان أشتغلت معهم أحسن
فراس: شدعوه ترا كلها نص ساعة وش هالقروشة
فارس: بسم الله على قلبك نسيت إن ورانا خط
فراس : لا مانسيت بس حصلت واحد من الشباب أعرفه وأخذتنا السوالف وراح الوقت
فارس: ومين هذا الواحد
رولا: أقول أنت وياه عطوني الحلا وخلوا الهواش ينفعكم
فارس: اللهم إني أسألك الصبر أخت همها بطنها وأخ يبي يوجب الناس
فراس : ياولد حصلت مشاري يبي حلا للعيال
فارس: مشاري الي بالقصيم ماغيره
فراس: إيه مشاري الي بالقصيم ماغيره
فارس: ماعلمتني أنزل اسلم عليه
فراس : ياولد مانت بصاحي والله قبل شوي تسفل فيني والحين تبي تسلم عليه ماحد يعرف لك
بعدها لف لرولا: يا الطيبة ترا هنا في ناس يبون ياكلون معك
رولا: مأذكر أنكم قلتم تبون أنتم تبون تهاوشون بس
فارس: بلا كثر كلام جيبي الحلا الثاني
ضحكت رولا وناظرت بتول
فراس: وش بلاك وش هالضحك
ناظر فراس با بتول وبقق عيونه : يا يويلي ويلاه وش سويتم أنتم
أنفجرو بتول ورولا ضحك
لف فارس وشاف بتول ورولا ياكلون من الحلا كل وحدة لها حلا
فارس: لا إله إلا الله وش سويتم أنتم
رولا: شفيكم ترا ماقتلنا عيالكم
فراس: طيب وحنا ماتبونا نأكل معكم
رولا: فراس ترا المحلات كثيره رح وأشترا لكم
فارس: المحلات كثيره إيه وأنا بجلس كل محل أشتري لبطنك وبس
بتول : خلاص يا حبايبي نمزح معكم بس حبينا نغير لكم جو ترا فيه حلا مافتحناه
فارس : وهذا إلي بيدها وش يسوي
رولا: هذا إلي بيدي قسمناه بصحنين على أساس أنه حلا لنا
فراس: مره أذكياء تشوفوه وقته يعني
رولا: مره وقتهه مره يالنفسية
ضحكوا فراس وفارس وبعدها جلسوا منتبهين للطريق
< في سيارة نايف >
أسيل: يا نايف طولنا وش هالطريق الطويل
نايف: أي طريق طويل ترا نفس كل مره بس الحين انتي مركزة بالطريق دائما مع أبوي نايمه
أسيل : لا مين قال نايمة بس طفشت وحنا نمشي كذا
تعدل نايف وزاد سرعته وأنفجعت أسيل: بسم الله نايفف نايفف يا حيواننن بغيت أموت
هدى نايف السرعة وضحك لا بس عشان الطريق ما يطول
أسيل: لا والله يطول ولا أموت
نايف: ياربي من هالبنت تبي كل شي جاهز
أسيل: بلا كلام فاضي ركز بسواقتك نبي نوصل مافيه إلا أحنا متأخرين
نايف: لو تنطمين بنوصل بسرعة
بعد وقت طويل أخيرًا وصلوا لديرتهم نجد العذية
< في بيت الجد فهد>
الجد فهد: يلا هلا يا هلا بنور عيني
أبو عمر: ياهلا فيك يا أبوي
أبو زياد: تسلم يا أبوي تسلم
أم نايف: نور عينك عندك يايبه
الجد فهد: انشهد أنه احلا أيام حياتي الايام الي تكونون عندي
أبو خالد: صدقت يا أبوي عين تهلي وعين ترحب حياكم حياكم أدخلوا
دخل الكل وكل شخص فرحان أكثر من الثاني بسبب تجمعهم
< في مجلس الحريم>
ترف: الله أخيرًا جيتم
أسيل: أخيرًا مع سواقة السيد نايف ماكنا بنوصل
أم نايف: بسم الله عليكم عساه ما يسرع
أسيل: ليته يسرع يا يمه بس يمشي على بيض نمت وصحيت وسولفت وسويت ورقصت ونزلت البقالة وكل شي سويته وما وصلنا
الكل ضحك ونطقت ترف : أكثر شي فرحانه فيه أنكم بتكرفون معي
رولا: شوفي يا حبيبتي إذا خليتني أنام كويس بكرف معك ليل ونهار
ترف: يروحي أنتي انسي كلمة نوم هنا وخصوصًا اليوم عزيمه وكل تعب بيجي
أسيل: يا مصيبتي وش تقولين عزيمه وش
ترف: الي سمعتيه عزيمه يعني كرفف لانهائي
رولا: إذا على كذا تمسون على خير بروح أخد قيلوله شوي
العنود: حتى أنا بجي معك فيني نوم قد الكون
ترف: انا تعبانه أكثر منكم
بتول : والله ماجلس لحالي بنام معكم
لينا: وقفت علي يعني حتى أنا بحي
ضحكو أمهاتهم عليهم وقامو البنات لغرفة تسنيم وترف
أسيل: الله تذكرت يوم ننام على الأرض كلنا
بتول : كنت ناقصة أنا والحين كلنا صدق أحس احلا نومه
العنود: والله صدق أنها احلا نومه بالعالم
رولا: أصدق شي سمعته أنه احلا نومه
تسنيم : بلا كثر كلام خلونا ننخمد
فرشوا الفرش وكل وحدة شالت لحاف وناموا
رولا تحضن لحافها : تدري إني أشتقت لك
ترف: تدرين إني بقوم أصفقك لو ما تسكتين
وبعد ثواني غرقوا البنات بنومهم
< عند العيال >
ذيب: يا هلا بالعيال حياكم كيف الاوضاع عندكم
عمر: زي ماتشوف كل شي نفس ماكان بس أبوي تعب علينا شوي والحمدلله الحين زين
خالد : سلامته
فارس: الله يسلمك
ذيب: أبشرك يا فارس الخيول وجبناها
فارس بفرح: صدق يا زينك ياشيخ وين بحصل مثلك انا
ذيب: ماضنتي بتحصل بس إيه صدق والعصر بنروح العزبة
عزيز: دام بنروح خلونا ننام شوي نرتاح
فراس : إيه بالله صدقت خلونا ننام تعبانين مره
نايف : تم يلا نروح المجلس وننام فيه
ذيب : خلوني أكلم البنات يجهزوه
العيال سوا: تمام
راح ذيب لبيتهم
ذيب: يا يمه يا يمه
إن خالد: هلا يا وليدي هلا
ذيب: الله لا يهينك يمه نادي لي البنات يفرشون المجلس لنا
أم خالد: معليش يا وليدي والله بس خواتك نايمات بروح أشوف مين باقي صاحية
ذيب : مسرع يمه ناموا المهم روحي شوي وردي لي خبر
أم خالد: يلا بروح
راحت أم خالد للبنات وشافت رولا طالعة من الحمام
أم خالد: عساك بخير يا بنيتي وش مقومك
رولا: أبد يا عمه نمت لي شويات وأحسني مصحصه ماعليه لأني نمت بالسيارة
أم خالد: على خير يا بنيتي بس العيال بينامون بالمجلس وودي تروحين تفرشين لهم إذا ماعليك أمر
رولا: أبشري يا عمه بلبس جلالي وبروح
أم خالد: الله يبشرك بالخير يا بنيتي
أبتسمت رولا وراحت أم خالد للصالة تكلم ذيب
أم خالد: خلاص يا وليدي رح بيجون يفرشونه
ذيب: زين حصلتيهم صاحين
أم خالد: رح يا وليدي البنت بتطلع
ذيب قام وطلع متوجه للعيال
وبعدها طلعت رولا للمجلس تفرش الفرش حق العيال
رولا تكلم تفسها: ياربي جنبي تكسر ياعزتي لترف وتسنيم
سمعت صوت من وراها : تبين مساعدة الظاهر تعبتي
تغطت رولا بسرعه ولفت: بسم الله مين أنت
ذيب بضحكة: ذيب ذيب شفتك تعبتي قلت أساعدك
رولا: شجابك هنا
ذيب: حسبتك ترف لأنها الوحيدة إلي تتحلطم بس طلعتي أنتي
رولا: خلاص شكرًا مابي مساعدة مشكور
ذيب: إيه بعلمك العصر ودي تجين معي أنتي وترف بروح أوريك بشيء
رولا: وشهو
ذيب: شيء وبس
رولا: تمام بس أطلع برا بسرعه
ذيب: أبشري من عيوني
حمر وجه رولا وطلع ذيب
رولا: مايستحي هالحيوان
خلصت من فرش الفرش وتغطت وراحت للعيال تكلمهم
رولا: تعالوا خلاص خلصت
عمر: خلاص طيب يلا روحي أدخلي
رولا: تمام
راحوا العيال للمجلس وعلى طول ناموا بدون مقدمات
ودخلت رولا وهي تعبانه وعلى طول نامت من كثر التعب والسهر
< عند الرجال>
أبو خالد: يبه مابقي حد ما عزمته بالديرة
أبو زياد: ليه يا يبع الكلافة والتعب
الجد فهد: يا وليدي اليوم هذا كأنه عيد عندي أنشهد أنه عيد
ابتسموا عيال الجد فهد
< العصر عند العيال>
ذيب: يا فارس قم تعبت وانا اصحيك
فارس : ها يا ولد ها
ذيب: قم تأخرنا على العزبة قم
فارس: طيب طيب أسبقني وانا بجي
ذيب: بروح للبنات وبجي
فارس: تمام يلا رح بس
طلع ذيب وراح للبنات يقولهم يتجهزون
< عند البنات >
ترف: يا رولا مين قال لك العيال كلهم بيروحون
رولا: أقول لك ذيب قال لي بيجي
أسيل : بجي معكم تكفون
رولا: لا ذيب قال أنا وترف بس وترا بنجي بسرعة
ترف تذكرت الخيول وابتسمت وقالت: لا لا خلونا نروح نشوف شيبي ونجي
أسيل: أعرفكم بايعين العشرة محد يجي معكم انا ماحبكم ولا أبيكم
سمعوا صوت ذيب ينادي ترف : ياترف يا ترف تعالي
ترف: ياربي وش هالصياح أنت ماتعرف تتكلم بهدوء
ذيب: مو وقتك بالمره سريع البسي عبايتك أنتي ورولا وتعالوا
ترف: طيب يا سيد ذيب طيب
لبسوا عباياتهم رولا وترف وراحوا للسيارة
ذيب: بدري يا ستات كان تأخرتم شوي
ترف: ممكن تمشي بدون كلام زايد
فارس: ابوك يا الجبهه
ذيب : طيب يا ترف طيب
سكت الكل ووصلوا للعزبة ونزلوا و.....
أنت تقرأ
حبي لديرتي فاق كل المحبين وحبي لك فاق ديرتي واهلها ♥️!
Randomالسلام عليكم انا ابنه الديرة اسرد روايتي الاولى كاتبة مبتدئة جدًا روايتنا تتكلم عن عائلة الجد فهد وأبنائه وبناته واحفاده وحفيداته ... أتمنى أن تنال إعجابكم ✍🏻🤍😢 حسابي أنستا: 3zoh.h
