حبي لديرتي فاق كل المحبين وحبي لك فاق ديرتي واهلها ♥️!

البارت الثاني عشر

< عند الرجال>
أبو زياد: يايبه بروح انادي العيال
الجد فهد : وناد البنات والحريم معك
أبو زياد : أبشر يبه
راح أبو زياد يناديهم

< عند الحريم>
أم خالد: مادري وين الرجال راحو من العصر ماقد شفتهم
أم زياد: حتى العيال والبنات مختفين
أم نايف: البنات والعيال بالعزبة كلمني نايف
أم خالد: إيه زين
سمعو صوت أبو زياد وقامت أم زياد: هلا هلا يا أبو زياد شفيك
أبو زياد: نادي الباقي وتعالو الحوش أبوي يبيكم
أم زياد: زين زين
راحت أم زياد تنادي الباقي ويطلعون الحوش

< عند البنات >
رولا : بنات صراحة اليوم يجنن
ترف: يهبل مو بس يجنن
بتول : إيه بالله حلو
سمعو صوت عمهم أبو زياد ونطقت العنود: هلا يبه هلا
أبو زياد: يابنيتي تعالي أنتي والبنات الحوش
العنود : أبشر يا ابوي
راح أبو زياد ودخلت العنود عند البنات: يا بنات أبوي يقول الكل متجمع في الحوش
تسنيم : خير وش معاهم
العنود: مادري أبوي يقول نادي البنات وتعالي
ترف: أجل وش معنا جالسين قوموا
قامو البنات رايحين الحوش

اجتمع الكل في الحوش
ذيب : عساه خير ليه جامعينا
الجد فهد: يا عيالي ودي تجون تسكنون عندي هنا
أبو زياد: الود ودنا يا ابوي بس دواماتنا
الجد فهد : اشتغلو بحلالي عادي
أبو عمر: يا أبوي كل شي هناك
الجد فهد: عندكم مهلة أسبوعين تدبرون أموركم فيها وتجون لي
كان الكل منصعق من قرار الجد فهد وليه جازم يجلسون عنده رغم أنه كان راضي يسكنون با الرياض والمدن الأخرى

<عند العيال>
عمر: مستحيل ذا جدي مستحيل
نايف: طيب ودواماتنا
ذيب: يا عيال تتيسر دواماتكم لا تخلونا نكسر كلمة جدي
عزيز: الله المستعان
خالد: يلا يا عيال خلونا نتجهز للصلاة مابقى شي لصلاة المغرب
فارس: إيه ياعيال يله
راحو العيال يتجهزون لصلاة المغرب
وبعدها راحو المسجد يصلون

< عند البنات>
ترف: مو معقول جدي يتكلم بكل جدية
بتول : صح تمنيت أنه نعيش هنا بس مو بذي الطريقة
تسنيم: خلاص يا بنات إلي صار صار ماله داعي نكبره
لينا: مادري كيف دوام عمر وأبوي
العنود: بتتيسر ماعليه
أسيل: بس مادري بابا بيجي ولا لا
ترف: جدي ماذكر أمك الظاهر ماهي بين
رولا: الله يعين خلاص يا بنات حنا مالنا دخل الرجال يتفاهمون
حنا مانشتغل ولا نداوم
العنود: صحيح حنا مالنا دخل
تسنيم: يلا يا بنات نصلي ونروح عند الحريم نشوف الوضع الوضع اليوم مشتت
لينا: انا بتوضى وأنتم وراي
أسيل : تمام
دخلت لينا تتوضى والبنات ينتضروها
بعدها طلعت وتضوا وصلو وطلعو للحريم

< عند الحريم >
أم خالد: مادري شجاه عمي وجهه جدي
أم زياد: المشكلة مو هنا المشكلة كيف الرجال بيدبرون الشغل
أم نايف : الحين رجلي وش بيقول والله أني هامه
أم خالد وهي تطبطب عليها : ماعليه يا أسماء ماهو قايل كذا إلى وهو مجهز كل شي
أم زياد : الله يعين وبس مالنا قوة عليه
سمعو صوت البنات ترف: يا يمة شفيكم جالسين
أسيل : ماما نايف يقول يلا تجهزو بنروح للدمام
أم نايف : تمام يا بنيتي روحي وجهزي أغراضك
راحت أسيل تجهز أغراضها
رولا: بنات بروح برا شوي
ترف: شفيك رولا
رولا: ولاشي يروحي بس أختنقت شوي
ترف: طيب أنتبهي لنفسك
رولا : منعيوني
طلعت رولا وهي مختنقة وراحت الحوش الخلفي شافت أحد صاد لبست نقابها ومشت ما كأنها تشوفه

< عند ذيب >
كان يفكر كيف رولا أخذت عقلة وفكرة وكيف كل ما شافها يفز : لا ياذيب لا تخضع عمرك ماحبيت
التفت ذيب شاف بنت متنقبة وتبكي عرفها من عيونها وعجل بخطواته لها:رولا شفيك مين مبكيك
رولا ضمته بدون ماتحس بنفسها : احح يا ذيب مابي أرجع لا الرياض مابي
ذيب كان مصدوم من حضنها له : ومين قال بترجعين وأنتي ماتبين
حست رولا على نفسها وقامت وأعتذرت من ذيب
وركضت للحمام ( يكرم القارئ) تمسح وجهها وتروح للبنات : بس هو قال مين قال بترجعين وأنتي ماتبين ؟ شقصده لا يكون بيخليني أجلس هنا ! بس مستحيل أبوي وأخواني يوافقون لا لا خلوني أرجع الرياض أحسن لي
راحت رولا تجهز مع البنات أغراضها وهي عقلها مب معها
ترف: رولا شفيك مو طبيعية
رولا: لا طبيعية شفيني
ترف: بس أحسك ماتبين ترجعين
رولا: ماعليه ترى كلها أسبوعين وبجي
تسنيم تمسح دموعها: ماتخيلكم يا بنات تروحون وتخلونا
لينا بدموع : شدعوة ترا كلها أسبوعين وبنرجع ترا إذا صحتي بصيح
أسيل وهي ماسكة بكيتها: بنات تكفون أحد يصيح أبي أصيح
رولا هنا معد قدرت تسكت وأنفجرت تصيح
وصاح الكل معهم
العنود وهي تشاهق : الحين ليه نصيح عطوني سبب مقنع
ترف وهي تمسح دموعها: مادري أحس جدي ورى قراره شي
محد يعرفه غيره
رولا: بنات أنا مابي أروح من الديرة بس مابي أهجر بيت أمي
كيف بعد ماتموت أروح وأخلي البيت
صاح الكل معها مرة ثانية وبعد فترة صياح سكتو وخلصو لم للاغراض ونزلو تحت

<عند العيال >
زياد: صح كنت أتمنى أجلس هنا بس شغل أبوي وعزيز وكل شي هناك
خالد : قدر الله وما شاء فعل
ذيب : جدي ماقال كذا إلى وراه سبب وأنا بعرف هالسبب
إلى يا فارس متى بتشتري لك خيل
فارس: أن شاء الله إذا رجعنا
ذيب : على خير
حمد: يا عيال الحين بتروحون أسبوعين وبعدها بتستقرون هنا خلاص
عزيز: إيه يا حمد
حمد وهو وده يغير جوهم : الله يعني بتصير فعاليات يا حبي لجدي
عمر وهو يضحك : كلن على همه سرى
نايف : ياعيال خوالي ينادون يقولون يله بنطلع
فراس: يلا يلا طالعين
طلعو العيال وأجتمع الكل في الحوش
كانت فيه عيون تناظر بالسماء وعيونها دموع
ذيب شاف بنت مفهية ولاهي معهم وقرب منها وقال : لو ماتبين تروحين والله ماتطلعين من هالباب
فزت رولا بخوف: مين قال لا أبي أروح
ذيب : مو أنا يارولا قولي لي شفيك
نزلت دموع رولا وقالت: ماودي أهجر بيت أمي ماودي يوم راحت نروح حنا منه أمي كانت تحب هذاك البيت كثير
ذيب : مارح تهجرينه وأنتي بتجين عندي هنا وعند البنات وبنسهر كل يوم وترى مارح تروحين إلى وخيلك موجود فكري بإسمه
رولا بفرح : صدق بتشتريه
ذيب وهو يضحك: إي صدق ليه أكذب
ضحكت رولا وراحت ركبت السيارة وحركو كلهم بعد ليلة محزنة للكل

أنتهى البارت
( اللهم صل وسلم على نبينا محمد 🍃🤎)