حبي لديرتي فاق كل المحبين وحبي لك فاق ديرتي واهلها ♥️!

البارت الرابع والستون

،
نزل محل الورد وهي بجنبه وبدت تنسق الوان البوكيه وتختار وهو يتأملها بحُب وهي تتجول مابين الورود : ذيب ايش رأيك ناخذ ازرق وابيض ؟
ذيب : يا روح ذيب اللي ودك به خذيه ان كانك تشوفينه مناسب خذيه وان ودك تاخذين المحل كلّه إن رديتك ماني بذيب
أشرت رولا على الورد الأبيض والأزرق وبدا يسوي البوكيه وهي تتأمل الورد وهو يتأمل عيونها : يلا يا عيوني نرجع السيارة لين يجهز
رولا : يلا
ذيب : اسبقيني و بجيك
راحت رولا السياره و جاء ذيب وأشر على ورد أحمر : يالطيب عطنا بوكيه كبير من ورد الجوري واكتب عليه ( زوجتي وروحي الى من اخذتني مني يا كل دروبي يا كل انتصاراتي يا رولا الذيب احبببك يا عروسه عمري ابتدى عمري من جديد )
: ابشر ربع ساعه وهي عندك
ذيب أشر له على السيارة حقته وطلع من المحل متوجه لسيارته
دق جواله برقم غريب
عقد حاجبيه مستنكر الرقم و ردّ : هلا
عبدالرحمن : هلا فيك يالذيب
ذيب استغرب مين ذا وكيف يعرفه : ارحب ، من معي؟
عبدالرحمن : ماعرف إذا مكلمك عني عمر ولا ولكن بقول لك مين أنا ، أنا عبدالرحمن موظف بشركة عمك
ذيب : ياهلا امرني عبدالرحمن الشركة فيها شي ؟
عبدالرحمن : مابها شي الشركة في افضل حال ، بس بغيت اعلمك إن شغلك يبتدي من الأحد
ذيب تذكر كلام عمر و إنه يبيه يصير مدير لشركة أبوه
ذيب : زين زين الأحد اكون عندكم إن شاء الله
عبدالرحمن : يلا استأذنك
ذيب : أذنك معك ، قفل ذيب وهو مايعرف كيف ذا الشغل اللي رايح له وصعبه انه يجي على طول مدير تنهد وركب سيارته
رولا : مين تكلم؟
ذيب : واحد أعرفه اتصل علي يسلم ويسأل عن احوالنا
،ماكان يبي يخبي عليها ولكن سكت لين يشوف عمر
رولا : طيب ايش فيه ذا تأخر
ذيب طالع وشافه جاي : عانيه جاي
جاء من ناحيه ذيب فتح ذيب بابه و اخذ بوكيه غدير و بعدها اخذ البوكيه الثاني اللي شبه كبير وحطه عند رجل رولا وهو يراقب ردة فعلها
طالعت بالورد اللي عند رجلها بهدوء و كانت تطالع الكرت اللي مكتوب عليه( زوجتي وروحي الى من اخذتني مني يا كل دروبي يا كل انتصاراتي يا رولا الذيب احبببك يا عروسه عمري ابتدى عمري من جديد )
رولا دمعت عيونها من هديته وكيف هو حنون وهداياه حنونه وكل شي فيه حنون
ذيب؛وشوله الدموع الحين علميني بنجلس كل ماجبنا شي تصيحين اجل ماعاد بجيب شيي
رولا؛ذيببب احببببككك مرهه كثييررر
ذيب؛و ياعيون ذيب وقلبه بس عيديها بعدين عشان اعرف ارد عليك
رولا قمطت؛ شدعوة ذيب ترا نمزح محد يمزح معك يعني
ذيب؛ لا ياروح ذيب امزحي جعل محد يمزح غيرك بس ابي المزح اللي كذا لحالنا
رولا؛ لا خلاص معد بمزح
رفع ذراعه وحطه على كتفها وسحبها له وفتح برقعها وباسها بخدها وكان يشم عطرها اللي يقلب موازينه
تسارعت انفاسها واحمّر وجهها و ارتفعت حرارة جسمها
رغم انه كل دقيقه يبوسها ولكن للحين كل ما قرب منها تتغير احاولها
ذيب؛ يلا ياحلوه عطيني هدية
رولا؛ ايش تبي؟
ذيب؛ ابي نفس اللي سويته انا قبل شوي عشان احرك واقابل حبيب عمه بسعادة
رولا قربت منه وهو نزل خده يقربه منها رفعت برقعها وباسته
ترفقي بقلبٍ يحبك يا رولا ذيبك انا من بعد هالوجه ورقّه بوساتها و يدينيها الناعمة و صوتها العذب كانت توديه وتجيبه بكلمة؛ والله طحت وما سمّيت ولا ابي احد يسمّي انا اللي كنت اغلب الخيل الحين أغرق بكلمة منك وبوسة منك ورشة عطر على عنقك تروح بي وتجيبني راحت الهيبة
وطالع فيها وهي تناظر الورد وتسمع كلامه؛ جعلني مابكيك ياعين ذيبك ، جعلني لا بغيت ازعلك بفعل ولا قول تنقص يدي و ينقطع لساني انا عندك ولك ومنك وفيك
رولا ابتسمت بخجل وقالت بتصريف؛ ذيب باقي مطولين ونوصل ؟
ذيب؛ لا ياروحي بس باقي شوي ونوصل ، اذا وصلنا لاتطولين داخل بنروح نتمشى سلّمي على غدير وتحمدي لها بالسلامة وارجعي لي لا تخليني لحالي بدونك يا رولاي
رولا؛ أبشر من عيوني
ذيب؛ والله إني أحبها هالعيون وأعشقها وأموت فيها وأكثر
نزلوا رولا وذيب المستشفى ورولا بيدينها البوكيه اللي يتوسطه كرت مكتوب فيه ( الحمدلله على السلامة يا أم صقر ، خطاك السوء ) ومشوا متوجهين لغرفة غدير جلس ذيب بكراسي الانتظار ودخلت رولا ولمّن شافها خالد صد وطلع رايح عند ذيب؛ ياولد علامك طولت
ذيب؛ ياولد عرسان أكيد بطول يعني وكانت النية معد ارجع بس الوالدة بتسفل فيني وبعد اللي داخل مرح تقصر
خالد؛ إيه خلها تعلمك العلوم الزينة و المواجيب
ذيب؛ و أنا ولد أبوي ماحد يعرف للمواجيب غيري بس قدام عيونها وريحة عطرها تنقلب الموازين والمواجيب
خالد؛ والله إنك طايح وبقوة ، ارفع علومك ياولد لا تفشلنا من البنت وأهلها والتف لذيب اللي تكلم؛ فداها علومي
_____________••_____________
< في بيت أبو خالد >
أبو خالد : يا ترف شفتي امك ماهي موجودة في الغرفة
ترف : لا والله يا يبه ماشفتها من الفجر ماهي موجودة مادري فين راحت
دخلت تسنيم وهي خايفة على أمها؛ يا يبه خالد وغدير وأمي ماهم موجودين دورت في بيت خالد حصلت الباب مفتوح وهم ماهم في البيت
أبو خالد؛ حضروا الفطور وأنا أتصل على خالد أشوف هو وينه و أمك معه ولا يلا أنتم أدخلوا حضروا مع بنات عمكم
ترف ناظرت تسنيم؛ تسنيم لا يكون غدير بتولد وأمي راحت معها لأن هذا هو شهرها
تسنيم : نفس التفكير اللي جاء ببالي بس مادري ماني متأكده
ترف؛ تعالي نحضر الفطور و نجهز حق الرجال وأبوي بيشوفهم وينهم فيه
دخلت بتول المطبخ؛ بنات بنااتت
ترف؛ ها ها علامك انتِ تصارخين بعلو صوتك انطقي
بتول؛ بنات شوفوا رولا منزله غدير والدة بالمستشفى وجابت ولد
تسنيم؛ بالله صدق ، الحمدلله الحمدلله وولادتها تيسرت
لينا؛ خير خير صياحكم واصل لأخر الديرة
ترف وهي ترقص وتصارخ ؛ صرتتت عممههه اخيرًا يسعدلي جوك يا الولد البطل ، عاد الحين أسمي عمه ترف عمه تررف
بتول؛ هذي الحين ايش يسكتها علموني ليتني ما علمتك
دخلت العنود مفجوعة على صوت صياحهم؛ بسم الله عليكم أيش جاكم أنتم انهبلتم ولا كيف ولفت على ترف شفيها ذي بعد تناقز صاحين ولا
تسنيم؛ ابد غدير ولدت وجابت ولد ، وذي تناقز ماتعرفينها يعني مهبولة كل ذا عشان صارت عمه
العنود؛ ماشاءالله ماشاءالله متى ولدت غدير ، الله ينبته نباتًا حسنا
ترف : امييين ويبر بعمته
لينا؛ أيش دخلك يبر فيك يبر في أمه و أبوه و أنتِ يبر فيك ولدك
ترف؛ ولدي لو بجيب ولد بجيب من الحضانة أما من بطني يخسى يجي ولد في بطني انا ماقدرت اشيل نفسي تبوني اشيل واحد ببطني ، يلا أنا رايحه أعلم جدي و أبوي
راحت ترف تركض وهي لابسه شرشف الصلاة على راسها؛ يا جدي يا يبه جايبه لكم خبر يسركم
الجد فهد؛ أنطقي يابنت ايش عندك تصارخين بكلّ صوتك
ترف؛ ياجد غدير حرمة خالد ولدت وجابت ولد والحين هم في المستشفى
أبو خالد؛ ماشاءالله ماشاءالله ، أجل يا بنتي خلونا نفطر ونعين من الله خير ونروح عندهم نشوف حالة غدير وولدها
الجد فهد؛ خير ماتسوي يا صقر ، يلا يا بنت الفطور
تسنيم؛ جاك ياجدي جاك
حطوا الفطور للرجال ودخلوا البنات وراحت ترف تنادي العيال في الحوش الخلفي
ترف؛ هي أنت وياه ماتبون فطور يعني
حمد؛ مين قال لك مانبي!
ترف؛ أنا قلت الفطور لنا ساعة محضرينه وانتم لاطعينا هنا
زياد؛ خلاص جاين جاين لاتاكلينا
ترف؛ اييييهههه ماعلمتكم
حمد؛ ياليل أيش معك بعد؟ ، ما نخلص من هرجك الكثير
ترف؛ أجل ماني معلمتكم وخل اللي هرجهم قليل يعلموكم
فارس؛ يابنت الحلال اخلصي علينا ايش معك
ترف؛ خالد جاء له ولد
فزّ حمد ومسك ترف من كتفها؛ حلفتك بالله صادقه
ترف؛ وبكذب يعني إيه صادقة تعالوا نفطر و نروح عندهم المستشفى نشوفهم ونشوف حفيدنا الأووول
حمد؛ والله صرتتت عمّ أخيرًا احد بيقول لي عمّي يالبييه يا الهيبة
زياد ناظر عزيز؛ تعلم أنت تعلم حنا متفقين اللي يصير عمّ الأول يتحكم بالثاني لمدة يوم او يومين والحين أنا رحت فيها
عزيز؛ ايش دخلني أنا وبعدين تستاهل مين قال لك تعلق تحدياتك فيني وبعد زواج لا ياولد طس، وبعدين حمد اخوانه هم يبون يتزوجون عشان كذا تحداك ها التحدي
حمد؛ رح أخذ ثأري منك أيُها الجبان سأنتقم منك و أُريك
فراس؛ اللي يسمعك يا ارطغرل يقول بينتصر بالحرب العالمية الثالثة ، أهجد لك و خلنا نروح نفطر ونروح عند ولد أخوك اللي اذا ماخاب ضني بيطلع مثلك خبل
,
< في بيت أبو ناصر >
ريوف؛ يا يمه عمتي تقول إن غدير في المستشفى ولدت
أم ناصر؛ ما ماتت وفكتنا منها
ريوف؛ كان ودي وربي بس أم سبع أرواح ماتموت
أبو ناصر جاء من وراهم وبيده أغراض للمطبخ ؛ السلام عليكم ، ريوف حطي الأغراض ذي بالثلاجة
ريوف؛ سمّ يبه
راحت ريوف تحط الأغراض بالثلاجة و أخذت لها تفاح وجت جلست عند أمها و أبوها في الصالة
أبو ناصر؛ يا أم ناصر الفطور جاهز ؟
أم ناصر؛ جاهز جاهز
أبو ناصر؛ حطيه و خلينا نفطر ونروح نشوف بنت أخوي غدير ونتحمد لها بالسلامة
أم ناصر بتمثيل إنها فرحانة لها؛ ماشاء الله متى ولدت؟
أبو ناصر؛ الفجرية اشتد عليها المغص وراح بها المستشفى خالد و طلع طلق الولادة والحمدلله الحين ولدت وفي قسم التنويم
ريوف؛ ومتى رح يطلعونها يا يبه؟
أبو ناصر؛ بكره إن شاء الله ولا بعده للحين ماهو أكيد متى يطلعونها ، تجهزوا أنتم بعد الفطور نروح نشوف أخبارهم
أم ناصر؛ يا أبو ناصر ناصر ما أشوفه هو وينه ؟
أبو ناصر؛ عند جدته وعمته يقول يبي يفطر عندهم
أم ناصر؛ زين
فطروا و قاموا أم ناصر و ريوف يتجهزون وجاء ناصر؛ يا يمه يمه وينك فيه
أم ناصر؛ هلا يا ناصر هلا أيش بغيت
ناصر؛ يمه جدتي تقول تبي تروح تشوف بنت عمي غدير
أم ناصر؛ لا يا وليدي خلها تجلس ايش تبي تروح عند هذيك الملسونة ما تستاهل تتعنا لها حتى هناك بتتعب
ناصر؛ والله حاولت فيها عمتي و أنا بس حلفت يمين مارح تجلس في بيتها لو مارحنا بها و أنتِ تعرفين يا يمه إنها تحب عمي أبو غدير وزوجته وبنته وخصوصًا غدير تموت فيها مدري أيش شايفه فيها
ريوف دخلت وشافت ناصر جالس على الكرسي وأمها تلبس عبايتها؛ يا يمه جدتي تقول نشيل لا غدير فطور من عندنا نروح به لها تتغذى به عشان تسخن شوي بعد الولادة
أم ناصر؛ هذا اللي ناقص أطبخ لها ماسويت فطور أنا ويلا خلونا نطلع قبل ما أسوي لكم شي أنتم وجدتكم ذي
طلعوا ريوف و أم ناصر مع أبو ناصر و طلعوا ناصر وجدته وعمته مع ناصر وحركوا كلهم متوجهين للمستشفى و....
( نجمة وتعليق يحفزوني اكمل لكم بشكل يومي ⭐️❤️‍🔥)