حبي لديرتي فاق كل المحبين وحبي لك فاق ديرتي واهلها ♥️!

البارت السادس والعشرون

< عند ذيب>
شاف ترف تغني وتسوي لها شاهي
ذيب: اوهه البنت رايقة وش معنا
ترف : قل أعوذ برب الفلق أنت بكل مكان أشوفك جني مو أخ
ذيب: اذكري ربك و يلا أنتي و تسنيم تعالوا لا الدوانيه
ترف: عسى ما شر وش المناسبة
ذيب: ابد بس ودي أغير من نفسية عيال عمي سعود -الله يرحمه-
ترف : الله يرحمة إيه و الله رولا مره تعبانة الله يجبر قلوبهم
ذيب: يلا أسبقك
ترف: يلا طس قدامي بسرعهه
ذيب : ترا ما أبي مشاكل بس يعني مو عشان وجهك ذا
ترف: يا زين وجهي زيناهه يجننن من كثر الجمالل يا لبيهه يهبللل يموتت
ذيب: أقول روحي أزين لك يا ترف
بعدها راحت ترف تقول لا تسنيم و يروحون عند بنات عمهم و عمتهم
_________••_________
< عند عمر وأخوانه >
عمر: يا ليناا
لينا: هلا يا عمر هلا
عمر: نادي الباقي وتعالي بسرعه
لينا: طيب طيب أصبر شوي
راحت لينا لا غرفتهم وشافت رولا على الشباك تناظر با الحوش بدون ولا كلمة ولا إجابة ساكته ضاق حال لينا عليها
لينا: رولا يا عيوني
رولا ناظرتها بدون أي كلمة
لينا: يلا تعالي الصالة كلنا فيها يلا
هزت رولا راسها وراحت لينا تصحي بتول
بتول با نعاس : يا ربي ها ها وش تبين أنتي ما تخلون أحد ينام
لينا: يا بتول يكفي نوم يلا قومي كلنا با الصالة سريع تعالي
بتول: اههه طيب طيب بجي بس اسبقيني انتي
راحت لينا لا الصالة و بعدها قامت بتول للحمام (يكرم القارئ)
و بعد ما خلصت طلعت لا غرفتهم و شافت رولا على حالها : يا رولا يلا قومي لا نتأخر عليهم و أنتي على حالتك ذي
قامت رولا بهدوء و راحت لا الصالة و بعدها راحت بتول الصالة و شافت أخواتها و عمر و فراس
بتول: وين فارس ما أشوفه
عمر : ما ندري وين راح ما حصلناه
بتول : كيف ما حصلتوه  وين با يروح مثلاً و وش تبون جمعتونا
عمر : ذيب جاني و قال تعالوا لا الدوانيه با نشب النار و نغير جو شوي
فراس: زين بس اول شي بنروح العزبة عشان جدي ما يهاوش
عمر : زين زين
سمعوا الباب يطق و قامت بتول تفتح الباب وشافت ترف وتسنيم : هلا تروفه و تسنيمي هلا تعالوا أدخلوا حياكم
ترف: الله يحيك يا روحي بس جيت أبي رولا إذا فاضية
بتول با تنهيدة : رولا ما عاد تفرق معها أحد ما تتكلم ما ندري وش فيها
تسنيم : ما عليه نفسيتها باقي تعبانة شوي يومين وتتعود باقي متأثرة با الصدمة
لينا جت وشافت البنات : هلا ببنات العم هلا ادخلوا وشوله واقفين عند الباب
تسنيم : أنا بروح البيت والله بس جيت مع ترف خايفة
ترف: و أنا أبي رولا إذا ممكن
لينا : و ليه لا تعالي حياك الله أدخلي
دخلت ترف و راحت تسنيم بيتهم
دخلت ترف الصالة بس حلصت عيال عمها تغطت بسرعه ودخلت غرفة البنات و شافت رولا عند الشباك
ترف: اهه معد تقومين من عند ها الشباك ارحمي عمرك يا بنت
رولا لأول مره تتكلم : ترف بغيت ذيب إذا عادي
ترف: أبشري من عيوني بس أبيك تجين الدوانيه اليوم
رولا: طيب بس نادي لي ذيب
ترف : تم دامك تكلمتي الحين أروح اتله مع إذنه أجيبه لك
رولا طلعت عند عمر : عمر بقول لك شي
عمر فرح لأنها تكلمت : عيوني لك قولي لي وش تبين و سمّي
رولا : عمر أبي أروح مع ذيب لا الخيول
عمر : و ليه ذيب با الذات أنا اروح بك
رولا : يا عمر تكفى لا تردني لازم أروح معد أقدر اصبر اكثر
عمر عشان نفسية أخته ما تتعب أكثر وافق : تمام روحي يا حبيبتي روحي

_______••_______

< عند ترف وذيب>
ترف: ذيبببببب و جععع و صمخخخ ما تسمعع أنت
ذيب : يا بنت تراني معي طبلة في أذني يعني ماني أصم تكلمي بشويش
ترف: أقول بلا كلام فاضي رولا طلبتني و انا حلفت يتم طلبها
ذيب : و وش طلبها يا أستاذه ترف و وش دخلني أنا يعني
ترف : و الله يا ذيب تقول لك رولا تبيك تروح بها عند خيلها إذا فاضي
ذيب : و الله إن تبشر قولي لها تجهز و أنا بروح عند العيال وبجي
ترف : أبوك يا الخفه ما توقعتك خفيف كذا المفروض تطلع على أسمك ذيب لاكن ما عندك ما عند جدتي روح بس روح
ذيب: ترا مو لازم أقول لك أني ذيب و بعدين من متى أنا خفيف
ترف: لا واضح مانت خفيف رح بس رح
طنشها ذيب وراح عند أخوانه
________••_________

< عند خالد>
راح متوجه لا بيت عمته أسماء وطق الباب و فتح له نايف
نايف : يا هلا يا هلا يا الله إنك تحيه تفضل تفضل
خالد : مشكور يا الطيب بس بغيت أقول لك ترا بعد صلاة العشاء با نسهر في الدوانيه تعال أنت و أختك
نايف : خير ما تسون و الله محتاجين سهره يعني لازم نسهر
خالد : شكلي جيت على وقتي
نايف : و الله إنك صادق جيت على وقتك
خالد : يلا يا حبيبي استأذنك أشوفك على خير إن شاء الله
نايف : إن شاء الله تلاقي الخير يلا فمان الله الله معك
تركه خالد و راح يشوف أخوانه و ايش صار عليهم

________••_________

< عند حمد >
راح بيت عمه حسن وطق الباب بس ما كان فيه أي رد طق مره ومرتين بس نفس الشي وبعد عناء فتحت أم زياد
أم زياد: خير خير إن شاء الله وش ها الطق كله يعني محد ينام عندكم
حمد با إحراج : معليش يا عمه ما توقعتكم نايمين لأننا العصر
أم زياد : لا حول منكم وبس طيب و الحين صحينا وش تبي منا
حمد : وين العيال
أم زياد كانت بتتكلم بس قطع كلامها زياد : هلا هلا حمود وش بغيت
حمد : يا ولد بعد العشاء كلنا با نكون با الدوانيه لا تتعذر بتجي أنت و أخوك و أختك تفهم ولا لا
زياد : أفهم أفهم
حمد : يلا فمان الله
قفلت فوجهه أم زياد أستغرب حمد من أسلوبها وقال يمكن عشانها صاحية من النوم معصبة ما عليه يلا يلا خلني أشوف العيال وش سو
________••________

طبعًا التقوا كلهم في حوشهم
ذيب : يا ولد أنا بروح العزبة معي كم شغلة با خلصها وبجي
حمد : طيب خذني معك مانت ميت إذا أخذتني
ذيب : لا بموت ماني ما خذك خلك هنا لا تروح معي و لا شي
حمد :و الله إني عارف إنك أخو فاشل ما دري كيف صرت أخوي أنت شكلك واسطه
ضحكو ذيب وخالد عليه
خالد : يا ولد وش واسطه ما تعرف تهرج أنت انطم لعد تتكلم خلك ساكت تفهم ولا لا
ذيب : يلا مع السلامة أنا بروح معي أشغال أنتم فاضين با المره

راح ذيب لا بيت عمه سعود وشاف رولا عند الباب : وش تسوين أنتي هنا وحدك
رولا : كنت انتضرك زين جيت يلا شغل السيارة
ذيب : يلا يلا
شغل ذيب السيارة و حرك متوجه لا العزبة عند الخيول
ذيب : يا رولا وش تبين في العزبة
رولا: أبي الأدهم
ذيب : زين بس ما شفتي فارس وين راح
رولا : لا
و بعدها صار صمت ينخاف منه وبعد دقائق وصلوا لا العزبة ونزلوا بس انصدموا لما شافوا....