حبي لديرتي فاق كل المحبين وحبي لك فاق ديرتي واهلها ♥️!

البارت الخامس والستون

< في المستشفى >
طلعوا كلهم من عند غدير ومابقى غير خالد عشان ياخذ راحته عند غدير وقرب منّها بهدوء وهو يشوفها تتحرك بصعوبة و آلم؛ بسم الله عليك ياروح خالد من الوجع خطاك السوء يعيوني
غدير؛ خالد وين الولد ما أشوفه معك وينه فيه ؟
خالد؛ والله ياغديروه ماله دقايق جاء على هالدنيا تبينه ومعد تبيني
غدير مسكت كفه بهدوء؛ ومين ما يبيك بس أبي أشوفه متأكدة يشبهني
خالد؛ويابختي دامه يشبهك من أجمل حظوظي
غدير؛ خلودي ايش بتسميه؟
خالد؛ الاسم اللي ملّقب به عمري كله من يوم عرفت هالدينا وأنا مشاركني ها الاسم
غدير؛ صقر؟
خالد؛ وصلتي خير إيه بالله صقر وبيجي صقر بن خالد ولد الشيخ خالد
ضحكت غدير بخفه؛ من الحين بدينا بالشيخ بس وين ولد الشيخ طول علينا نبي نشوفه والظاهر مثل أبوه ثقيل بيتعبنا معه
خالد؛ يلا أروح الحين أجيبه عشان الحلوه ذي تبيه
طلع خالد ودخلوا أم غدير و أم خالد ورولا وبيدها بوكيه الورد
تقدمت رولا لعند غدير ومدت لها بوكيه الورد وسلمت عليها وتحمدت لها بالسلامة؛ الحمدلله على سلامتك ياروحي ، ويتربى بعزك
غدير؛ الله يسلمك امين يارب ، ها كيف العرسان عاد مدري كيف خلاك ذيب تدخلين عندي ذيب اللي أعرفه مرح يخليك
رولا؛ يابنتي حسستني مسجونة تراه هو تحمس بالعرس وقال مرح افكها بس عاد يعني كيف ما أجي عند غديروه
ماكملت كلامها رولا إلى و دق الباب خالد؛ يارولا كلمي ذيب ينتظرك برا
غدير؛ شقتي قايلة لك مرح يخليك
رولا؛ أقول فمان الله يمكن معد الاقيك بنرجع الفندق نشيل أغراضنا و ذيب معه أشغال بالرياض يخلصها ونرجع
غدير؛ من بدايتها يعني على طول من أول يوم الرياض
رولا؛ أيش أسوي لزم علي يقول معه شغل ضروري يروح له ، يلا فمان الله
سلمت رولا على غدير وأم غدير و أم خالد و طلعت متوجهه لذيب ودخل خالد ومعه أبو غدير و أبو ناصر و أم ناصر و ريوف وعمتها و جدتها
أم خالد؛ يا أم غدير أنا أنتظرك برا و يمكن يجون الجماعه الحين
أم غدير؛ زين
طلعت أم خالد و شافت رولا وذيب بأخر السيب
شافها ووقف ومشى متوجهه لها؛ يا مرحبًا تراحيب المطر
رولا؛ البقى يا الذيب
ذيب؛ يلا يروحي خلينا نرجع خلاص كفاية شالتك غدير مني
رولا؛ ترا كلها خمس دقايق ماطولت مره
ذيب؛ عندي هـالخمس دقايق خمس سنين ويلا نرجع عشان مانطول أكثر
رولا؛ ذيب تكفى خلنا ننتظر شوي لين يجون البنات ودي أسلم عليهم و أشوفهم
ذيب؛ رولاي أنتِ ناسية إن ورانا روحة للفندق وبعدها نرجع أكمل أشغالي ؟
رولا؛ لا ماني ناسية بس ودي نجلس شوي حتى يجون ونروح
ذيب؛ خلاص أبشري بس ترا مارح تدخلين معهم عند غدير تسلمين عليهم ونروح
رولا؛منعيوني
قطع كلامهم دخول الجد فهد وعياله و بنته وأحفاده وحفيداته
ذيب؛ ماشاءالله مايجي واحد فيكم تجون قرية وحجامها
عزيز؛ أجل أنت ايش جايبك هنا علمني ولا بس حنا قرية وحجامها
ترف؛ رولا من متى أنتِ هنا ؟
رولا؛ من وقت غدير بغرفة الولادة و أنا هنا منتظرتها لين تطلع
بتول حضنت رولا؛ رولاي البيت بدونك ماهو حلو تكفين ارجعي
ذيب؛ وين ترجع خلاص رولاي حقي أنا وبعدين ليش تقولين رولاي أنا بس أناديها كذا
فارس؛ رولا والله الصدق أيوه مره البيت بدونك ماله حس البيت هدوء
رولا؛ ذيب شكلي برجع معهم
سحبها ذيب؛ أقول وين ترجعين مافيه رولا عندي وبسس
أبو خالد؛ أقول أنت وياه وين خالد ما أشوفه و وين غرفتهم
أشر ذيب على الغرفة إللي فيها غدير وخالد؛ هناك يا يبه دق على الباب بيطلع لك خالد
الجد فهد؛ وأنت وين رايح ؟
ذيب؛ والله ياجدي أنا برجع الفندق أخذ أغراضي وبرجع هنا الرياض معي كم شغلة
الجد فهد؛ زين وكم بتجلس بالرياض؟
ذيب؛ والله يا جد للحين مدري بس بشوف وأرد لكم خبر يمكن أطول
الجد فهد؛ زين أنتبه لك و لاتسرع وأنتبه لبنتي رولا لا يجيها شي
ذيب؛ ياجدي ماله لزوم التوصية رولا بعيوني وبقلبي
راح ذيب يسلم على أمه و أبوه وعلى العيال
أم خالد؛ يا ذيب لا تسرع و تتهور و أنتبه لطريقك و أنتبه على بنتي رولا أحفظها
ذيب حب راسها؛ أبشري يا يمه
أم خالد راحت عند رولا؛ أنتبهي لنفسك يابنتي و أنتبهي لذيب و خليك حريصة على نفسك و زوجك
رولا أرتبكت لمَ قالت لها زوجك؛ أبشري يا أمي
عمر تقدم من ذيب؛ ياولد أيش معاك بالرياض؟
ذيب؛ أمس أتصل علي عبدالرحمن شريكك بالشركة وقال ضروري يكون حضورك بكره ولازم أمشي اليوم
عمر؛ الى خير إن شاء الله أنتبه لك وأنتبه لأختي
ذيب ؛ بعيوني أختك لا توصي حريص ، يا عمر أعلم رولا ولا؟
عمر؛ إيه علمها
ذيب مسك يد رولا بعد ما ودعت خواتها وبنات عمّها ؛ يلا ياعيون ذيبك نروح
رولا؛ يلا
طلعوا ذيب ورولا من المستشفى متوجهين للسيارة وركبت رولا وركب ذيب؛ شغلي لي شي يطربني
رولا؛ أشغل على ذوقي
ذيب؛ و أنا أيش أبي بعد ذوقك علميني
شغلت رولا عبدالمجيد عبدالله وحطت راسها على كتف ذيب و نزل ذيب كتفه عشان ارتاح رولا و بدت آلحان عبدالمجيد ترتفع و رفع ذيب الصوت لمَ وصل عبدالمجيد عبدالله عند هالبارت؛
حب جديدٍ وحكاية حب مجنونة
الله يحييييك ياحبٍ لفى توه
حب لكله وحب بس لعيييوننه
حب باقصى خفوقي بس له هوووه
ذيب؛ اخخ ياعبدالمجيد على القلب وربي أنشهد إنه حب بس له هووه ، بس يا مجودي حبّها ماهو جديد حبّها فطرة فيني
رولا؛ ذيب كيف ماهو جديد؟ من متى تحبّني ؟
ذيب؛ من يومك صغيرة يارولاي وأنا أحبك من عمرك ١٠ سنوات و أنا أحبك لين الحين ١٠ سنوات أحبك تدرين؟
رولا؛ ماتوقعت كيف كل هالسنين ماعرفت ولا حسيت
ذيب؛ لأني كنت أجهله و أحسبه حب طفوله بس المصيبة إنه ماهو حب طفوله حبّك معمر فيني يارولا الذيب
رولا؛ أعشق ها الاسم منك
ذيب؛ وأنا أعشقكك وأعشق اسمك ، يلا ياروحي وصلنا أنزلي
نزلت رولا و مسك ذيب كفّها و بيده الثانية الورد و مشوا متوجهين لغرفتهم فتح ذيب باب الغرفة ودخلت رولا وبعدت عبايتها و بدت تلم أغراضها و أغراض ذيب وهي جاهله وجوده
يجي من وراها وهي واقفه عند المرايه تاخذ اكسسوارتها ويحاوط خصرها النحيف و يحط راسه على عنقها؛ أحبك يارولا الذيب أحبك ياكل خلاني أحبك يارولاي أحبك يا كل ضلوعي كلمة أحبك ماتوصف حبي لك أخيرا يارولاي صرتي لي أخيرًا
أنفجعت منه ولكن أبتسمت بهدوء و حطت يدها على يده ؛ و أنا أحبك ذيب
ذيب؛ شرايك ياعيوني نتأخر شوي لين العصر باقي وقت
رولا عرفت ليه يبيهم يتأخرون؛ لا لا ماله داعي التأخير يلا أكيد لازم تروح لشغلك ما تتأخر عليه خلنا نطلع
ذيب؛ لو يهمك شغلي كان ما قلتي ها الكلمة يعني يارولاي تدرين إني اضعف قدامك تضعفيني بزياده بكلامك
رولا قربت منه وحاوطت بذراعها رقبته؛ يعني معد أتغزل فيك و أنت حقي ولي
ذيب اغتنم الفرصه وقرّب أكثر وباس شفتها ؛ و أنا الحين شفيت و تعافيت يا كل ادويتي وياكل عمري و روحي وقلبي وحياتي أنتِ يا رولا ذيبك
رولا بصدمة من تصرفه السريع بعدت عنّه
ذيب؛ رولاي تراك زوجتي يعني ماله داعي الحياء ذا كله تعودي خلاص
رولا؛ أبشر بس يلا خلصت أنا بلبس عبايتي ونطلع
ذيب؛ ياربي من اللي يصرفون
رولا؛ ذيبي يلا ياروحي خلينا نطلع لا تتأخر
ذيب؛ ياعيون ذيبك وقلبه وروحه وكل شراينه ونبض قلبه لك
رولا؛ يلا نطلع
ذيب ؛ يلا
طلعوا رولا وذيب و شال ذيب الأغراض وسلم مفتاح الفندق و طلع عند رولا السيارة؛ جيتك يا جعلني مابطي عليك
رولا؛ لا ما ابطيت يلا حرك
ذيب؛ تصدقين ودي نروح عند الخيول أشتقت لهم
رولا بشوية عصبية؛ ذيبب وبتمشي ولا كيف يعني مابقى شي ويأذن ظهر وأنت تتلعب
ذيب؛ ياجعلني فدا المعصبين ياربي ما أقوى عليك و أنتِ معصبة
رولا؛ أجل بتمشي لشغلك وما أعصب
ذيب ؛ والله إن تأمرين أمر
مسك ذيب يدها وكان يمشي وكل مايقرب يسرع ترده رولا؛ يارولا ياقلبي ما أعرف أمشي كذا
رولا؛ لا بتعرف أنت بس أمش وبتعرف
ذيب؛ مالي قوة عليك ألبي لك اللي تبينه والله إن ماوصتك أمي إلى وهي تعرف إني ما أردك
رولا؛ ذيب مو كأنه بادي ينزل مطر
ذيب شاف قطرات المطر على قزاز السيارة؛ إيييه
رولا؛ الله أخيرًا مطر و ذيب وبعد مسوية لك شاهي وين بتلقى مثلي
ذيب؛ وفيها سؤال يارولاي مافيه مثلك ولا لهم من لونك ، هاتي كاس شاهي خليني أروق على ها الوجه الزين
رولا؛ بفتح شيلتي و نقابي مافيه حد على طريقنا
ذيب؛ أفتحي ياعيوني
فتحت رولا شيلتها و نقابها و بدا شعرها ينتثر من الهوى وذيب يراقبه بهدوء؛ أنا ما ذبحني إلى هالشعر
رولا؛ ذيب أفكر اقصه
ذيب؛ هااا؟؟ لا يارولا مين قال لك يوافق لك وأنتِ تدرين إني اعشقه
رولا؛ أيه عشان كذا بقصه تعشقه وما تعشقني يعني حبك كله لشعري مو لي
ذيب؛ يارولاي أنا أهيم فيك مو بس أعشقك
بدا المطر يزاد و رولا تراقبه ولكن تدعي مافيه برق ورعد؛ ذيب بمَ إن الأجواء تجنن ومعك شاهي ومروق عطني قصيدة
سكت ذيب شوي و شدّ على يدها وهو يشرب الشاهي وقال؛
" مثل المطر ياصافي الروح شوفتك
يغسل هموم النفس ويروّي ضماها ".
رولا ؛ يا حبي لك ياذيب ياعمري أنت
ذيب؛ أحب عمرك وعمري أجمعيه مع عمرك وخذيه لك
رولا؛ ذيب ليه طولنا ؟
ذيب؛ قربنا مابقى كثر اللي راح
رولا؛ ذيب صح وين بنروح وأيش هذا الشغل إللي تبي تروح له
ذيب؛ يا رولا الذيب بروح أكلم شريك عمر في شركة ابوك الله يرحمه
رولا؛ ليه؟
ذيب؛ عشان بتوظف فيها و بشوف أيش يحطوني و أشوف بعض الأمور
رولا؛ طيب شرايك نسكن ببيتنا إللي بالرياض مره قريب من الشركة
ذيب؛ لا يا رولاي مايصير أنا معي لك مكان أفضل
رولا؛ لا بنروح بيتنا وحتى المفتاح معي
ذيب؛ ليه معك؟ أنا شفته مع عمر كيف جاء معك
رولا؛ لا كل واحد معه نسخة من المفتاح عشان إذا ضاع مفتاح أحد يشيل حق الثاني وبعد إذا جاء احد والبيت مقفل يفتح به مثلي أنا الحين
ذيب؛ زين بس أول أكلم عمر نعطيه خبر
رولا؛ ما يحتاج ترا حتى أنا بيتي ذا
ذيب؛ لا يا رولاي بيتك عندي هذا بيت أخوانك أنتِ بيتك عندي
___________••___________
< عند غدير في المستشفى>
جدة غدير بتلعثم؛ الحمدلله على السلامة يا بنتي خطاك السوء
غدير؛ الله يسلمك يا جدة الحمدلله تعبتي على نفسك بجيتك كان ريحتي
ريوف؛ والله قلنا لها بس جدتي ما تفهم لزمت تجي مع إن جيتها مالها لزوم
أم غدير؛ حياها الله وين ماكانت بعيوننا ماتقصرين يا عمّه
أم ناصر؛ ومتى بيطلعونك ولا ماودك تطلعين ؟
غدير؛ ما أعرف متى بس يمكن بكره أو بعده نطلع
ريوف بنفسها؛ ليتك تطلعين جنازة ونفتك
،
أبو خالد؛ يا خالد ماودك تطلع يعني
خالد سمع صوت أبوه وطلع برا وشاف العائلة كلها برا ؛ ارحبوا يا هلا تعال يا جدي ويا يبه عمي أبو غدير و أبو ناصر موجودين داخل
أبو خالد؛ أجل يلا ندخل يا يبه والعيال و حسن ينتظرون هنا
الجد فهد؛ يا خالد شف حريمهم معهم خلهم يطلعون وحنا ندخل
خالد؛ أبشر ياجدي اكلمهم الحين
راح خالد وقال لهم و طلعت أم غدير و جدة غدير وعمتها و ريوف و أم ناصر و بقوا أبو ناصر و أبو غدير
خالد؛ تعال يا يبه تعال
دخلوا الجد فهد و أبو خالد عند غدير
الجد فهد ؛ السلام عليكم ورحمة الله وبركاته
أبو غدير؛ يا هلا وعليكم السلام ورحمة الله وبركاته أرحب
الجد فهد؛ بقيت وحيت
أبو خالد؛ الحمدلله على سلامتك يابنتي يتربى بعزكم إن شاء الله
غدير؛ الله يسلمك يا عمّي إن شاء الله
الجد فهد طلع من جيبه خمس مية ريال و عطاها غدير وهو يحلف ؛ والله ماترجع يا بنتي هذي معونة مني لك ولولدك
غدير؛ كلفت على نفسك يا جدّي ماله لزوم الكلافة
الجد فهد؛ ماله كلافه ولاشي هذا حقكم
خالد؛ يبه أنا بطلع عند العيال السيب ومعي ولدي
الجد فهد؛ تعال يا خالد خلني أشوف  ولدك طالع على أبوه ولا جدة
أبو خالد؛ يا يبه مافيها كلام طالع على جدة
خالد؛ أبشر يا جدي ، راح خالد عندهم و عطاهم ولده
الجد فهد؛ ماشاءالله ماشاءالله الله يحميك يا ولد خالد مبروك ماجاك يا خالد
خالد؛ تسلم يا جدي تسلم
طلع خالد من عندهم وراح عند العيال ؛ جاكم الشيخ صقر
حمد؛ بدري يا أبو الشيخ يعني من بدايتها الشيخ ثقيل وغثيث
خالد؛ حدك عاد إلى الشيخ محد يغلط عليه هذا الشيخ ولد الشيخ
زياد؛ يا خالد شفيه الولد صغير مره
نايف؛ تبيه يطلع من بطن أمه يحلب نياق عاده طفل ما تعرف شي أنت
عزيز؛ خالد هات ولدك هات
عطاه خالد سلم عليه عزيز ؛ يا خالد أذنت بإذنه؟
خالد؛ لا والله نسيت هات أعطي أبوي يأذن بإذنه قبل يروح
عمر؛ وكيف بيطلع شيخ و أنت ما أذنت لا واضح الشيخ
حمد؛ حدك عاد عن ولد أخوي الشيخ
فارس؛ أبك هذا من ولد أخوه يهاوش عاد ولده يمكن يطردنا من المستشفى
حمد؛ أسويها ترا ما عندي مشكلة
راح خالد عند أبوه؛ يا يبه أذن بإذنه نسيت
أبو خالد؛ هاته هاته
عطاه خالد و قربه أبو خالد منه و بدا يرتفع صوت أبو خالد با الأذان في أنحاء الغرفة ؛
اللهُ أَكْبَرُ، اللهُ أَكْبَرُ، اللهُ أَكْبَرُ، اللهُ أَكْبَرُ. أَشْهَدُ أَنْ لا إِلهَ إلّا اللهُ، أَشْهَدُ أَنْ لا إِلهَ إلّا اللهُ. أَشْهَدُ أَنَّ مُحَمَّداً رَسُولُ اللهِ، أَشْهَدُ أَنَّ مُحَمَّداً رَسُولُ اللهِ.
الله يرزقكم برّه وخيره و يجعله صالح لكم
خالد؛ اللهم أمين
غدير ؛ اللهم أمين ، خالد جيبه وتعال
خالد؛ سمّي ، راح خالد عند غدير
غدير؛ خالد البنات بيدخلون عندي خل عمي وجدي وأبوي وعمي يروحون لين يدخلون هم
خالد؛ أبشري ، يا يبه الحريم بيدخلون ننتظرهم حنا با السيب أزين لنا
أبو خالد؛ زين زين
راحوا أبو خالد و خالد والجد فهد و أبو غدير و أبو ناصر طلعوا من الغرفة ودخلوا البنات و الحريم
ترف ؛ غديريييي الحمدلله على سلامتك مبروك ما جاك
غدير؛ الله يسلمك يا حبيبتي الله يبارك فيك
أسيل؛ غدير عطيني النونو
غدير؛ تعالي شيليه
راحت أسيل تشيله و هي خايفه تطيحه ولكن تشجعت وشالته
أسيل؛ بسم الله عليه يجنن ماشاءالله صغيررر
بتول؛ والله إنه نسخة خالد يشبهه مرررهههه
غدير؛ الله يستر من ها الشبهه
تسنيم؛ لا لا دامه يشبه خالد ماعليه خوف ولد خالد قوي عزوم مثله
العنود؛ اليوم سكتت ترف من المدح جات تسنيم
أم أسيل؛ غدير يا بنتي جبت لك شوربه تسخنين بها شوي
غدير؛ ما لي نفس يا عمه
أم أسيل؛ لا والله إلى بتشربنها
غدير سكتت لمَ حلفت أم أسيل ومدت يدها بقلة حيله ؛ هاتيها ياعمة
عطتها أم أسيل الشوربة وبدت يدها غدير تاكلها و...