حبي لديرتي فاق كل المحبين وحبي لك فاق ديرتي واهلها ♥️!

البارت التاسع و العشرون

< في بيت أبو خالد >
رولا : يا بنات وين عمت
ما كملت رولا كلامها إلا ودخلت أم زياد
أم زياد : ماله داعي تسألين
ترف : يا عمه ترا رولا ما تسأل عنك
أم زياد : ايه واضح كلكم هنا عن مين تسأل
ترف : تسأل عن عمتي أسماء لأنها باقي ماجت انتي تشوفيها
سكتت أم زياد و شمقت لها ترف و ناضرت ترف رولا الي كانت عيونها مليانه دموع قامت و طلعت من البيت و لحقتها ترف بسرعه
ترف : رولا رولا رولاااا تعاليي
رولا ساكته ما كأنها تسمعها
ترف : رولاااا  يا رولااا معد تسمعيننن ولا كيففف ولا كيفف
رولا : هاه يا ترف هاه وش تبين مني
ترف : ابيك تجي تفطرين
رولا : و إذا قلت لك ما أبي
ترف : أقول لا تهتمين لها خليها با الطقاق هي و وجها
رولا : ابشري بس ما ابي افطر ماتي مشتهيه
ترف : رولاا ترا بعلمم ذيبب
رولا : نعم؟؟ و وش يعني لي ذيب لو سمحت
ترف : نسيتي ان خيلك عنده
رولا : ياربي خلاص طيب طيب بجي
ترف غمزت لها : ايه كذا انتي حلوه
رولا : يعني من  اول انا ماني حلوه
ترف : مين قال انتي قمرر و الحين عسللل
رولا ابتسمت : يلا يلا تعالي
راحوا رولا و ترف لا الفطور و فطوروا و خلصو الكل العيال و البنات
بعد ما فطروا طلع الكل لا الحوش الخارجي
ابو فهد : يا ليتك يا وليدي معنا الجلسة ناقصه
أبو خالد : أخوي عند ربه الله يرحمه و يغفر له
الجد فهد ما كان يدري إنه بهاذي الكلمتين با تطيح دموع رولا
ذيب كان مركز على رولا و كيف عيونها با ثواني أمتلت دموع
قام ذيب و أشر لا رولا تجيه كانت ماهي منتبه له بس لفت و شافته يأشر لها قامت و راحت له و هي تمسح دموعها
ذيب : رولا يا عيوني وش فيك تبكين
رولا : مين قال إني أبكي شوفني قدامك ما أبكي ولا شي
ذيب : ياربي منك يا رولا ما تتكلمين إلا بعد ما تغبنين الواحد
رولا : يا ذيب ما أبكي متى شفتني ابكي قول لي
ذيب : الحين شفتك تبكين و ناديتك ليه با افتري عليك يعني
رولا نزلت دموعها غصب عنها : ذيب جدي كل ما جلسنا معه جاب طاري أبوي و كأنه يقول نسيتم أبوكم آنا أذكركم فيه و الله العظيم ما نسيناه و بكل سجده هو معنا كيف ننساه و هو أبونا كيف
ذيب : يا رولا جدي أشتاق لا ولده و حاب يذكر ولده بينهم با حيث ما ينتسي من جلستنا
رولا : و مين قال لك إننا نسيناه يعني لو عدا شهر خلاص با انساه لا يا ذيب أبوي في قلبي و لو جاء مين ما كان ما صار مكان أبوي تفهم ولا لا
ذيب : أفهم أفهم و الحين تعالي خلينا نروح نجلس معهم و خليك قويه لا تضعفين لا أحد
رولا : أبشر يلا تعال
معلومه ( رولا كانت متغطيه و حتى باقي البنات )
راحوا رولا و ذيب لا الباقي في الحوش
أبو زياد : يا يبه سلطان ولد أبو سلطان اليوم سابع ولده
الجد فهد : ماشاءالله ماشاءالله الله يجعله مواليد السعادة و الله الشيخ يستاهل و ولده يستاهل ماحنا مقصرين معهم و بنروح لهم
زياد : تكفى يا جدي لا تقول ذبيحة تكفى
الجد فهد : أبك يا ولد استرجل وشوله ما نجيب لا الشيخ و ولده ذبيحة
خالد : لا تشيل هم يا جدي الذبيحة بعد العشاء با تكون جاهزة
الجد فهد : هذا العشم فيك يا خالد
حمد : الله الله يا جدي لا تنسى أنه حنا نطيح و نقوم مع الحلال و يكسر أبو عضامنا وما تمدحنا ما هقيتها منك يا جدي و الله
طاحوا البنات يضحكون عليه
حمد : هيه أنتي وياها ترا ما فيه شي يضحك
الجد فهد : خل حفيداتي يضحكون لا يكون سو بك شي
حمد : يا جدي وش فيك اليوم شادها معي وش سويت فيك يعني دائمًا أنا الي يكون الهواش علي
نايف : عاد تحمل ما يجيك
زياد : يا عيال أنا با أنتظركم هنا و أنتم روحوا
الجد فهد : لا يا ولد أنت بتروح تحلب ناقة حمد النايفة
زياد بصدمة : لا ياجدي لا اسوي أعمال العزبة كلها إلى الناقة و بعد الناقة لا لا مستحيلل خل حمد انا لا
الجد فهد: استح على وجهك الشنب خاط وجهك و أنت ما تعرف تحلب ناقة يا الرخمة
زياد : انا رخمة يا جدي تمون يا الغالي
ذيب : يا عيال خلونا نقوم و نجهز الدوانيه اليوم العيال با يجون على قول فراس
فراس : إيه با يجون المغرب يعني با يرحون معنا سابع ولد ولد الشيخ
أبو زياد : من با يجي
عزيز : يا يبه شفت مشاري ولد أبو مشاري  و اخوياه با يجون اليوم الديرة و با يسيرون علينا
أبو خالد : حياهم الله في أي وقت
الجد فهد : انشهد حياهم الله في أي وقت بوابتنا مفتوحة ليل و نهار ما نرد الضيف
ذيب : إيه بالله يا جدي علومك غانمة و حنا خذينها منك
فارس : يلا يلا قوموا نروح ننام يا حظ البنات الحين في سابع نومه
عمر : ما عندك شغلة إلا النوم
فار س : و أنا صادق وش احلا  من النوم قلي وش ما فيه شي احلا منه
حمد : صدقتت اول مره يا فارس تقول كلام منطقي اهنيك
خالد : أقول يلا يلا خلونا نروح ناخذ لنا قيلولة
قاموا و كل واحد راح بيته و تجهزوا لا نومهم و ناموا

_________••_________

< العصر في بيت أم نايف > ( أبو نايف سافر معه شغل وراجع عشان كذا غير مذكور في البارت )
أسيل : يا نايف ودني معك بيت خالي صقر أبي عند البنات
نايف : أنتي يبي لك ساعتين عشان تجهزين و ساعتين عشان تطلعين
أسيل : لا و الله دقائق بس و أكون عندك
نايف : بسرعه تتأخرين ماني موقف لك قلت لك و الخبر عندك
راحت أسيل ركض تشيل عبايتها وتجي مع نايف
نايف : يا أسيلل بسرعهه وش ها التأخير كله
أسيل تلبس نقابها : يلا يلا طلعت
طلعوا أسيل و نايف عند عمهم صقر
________••________

< في بيت أبو زياد >
عزيز : يا زياد جدي قال لك يعني ماهو با كيفيك
زياد : يا ولد مستعد اقهوي الديرة كلها و انظف بيوتهم بس ما أحلب النايفه
عزيز : زياد عيب تكسر كلمة جدي خلاص يلا أمش
زياد : يا ولد ماني رايح لحالي عندها خل أحد يروح معي
أم زياد : يا عزيز ماهو بكيفك ولا بكيف جدك  تتحكمون فيه اذا با يشتغل با يشتغل بنفسه مو غصب تفهمون ولا لا
زياد : لا يا يمه انا بروح بس اخاف منها
أم زياد : خايف ولا لا مانت رايح يعني مانت رايح تفهم ولا لا
ما كانت تدري إن أبو زياد يسمعها و هنا كانت الكارثة الكبرى.....

أعذروني البارت قصير و لاكن نزلته لانكم تبون بارت و كتبته لا عيونكم يا عيوني انتم 🤍✨