(صباح يوم جديد على أبطالي)
< عند العيال>
عمر: يا عيال شرايكم نروح العزبة أحنا والبنات ونجلس فيها
عزيز: والله فكرة تم
خالد: حمد الله لا يهينك رح أنت وزياد علموا البنات بتجهزون وعلمو الرجال إننا بنروح
وقفو حمد وزياد وراحو
< عند الرجال>
الجد فهد: ياعيالي ماودكم نسير على أهل الديرة
أبو زياد: تم يلا كملي منهم
أبو عمر: إيه والله ماقد شفتهم من فترة
أبو خالد: أجل خلونا نصلي عصر ونروح
الجد فهد: على خير إن شاء الله إلى وين العيال ما أشوفهم
أبو خالد: أكيد با الدوانية حقتهم
جاهم صوت حمد وزياد: يا جدي وعماني ردو كلهم عليهم
الجد فهد: هلا ياعيالي وش بغيتم
حمد: يا جدي بنروح حنا والبنات العزبة نجلس كم ساعة ونجي
الجد فهد: خير ياعيالي روحوا الله يحفظكم
راحو العيال للبنات
< عند البنات >
ترف: بتول تبين المستشفى من أمس مو طبيعية
بتول وهي تضحك: والله العظيم طبيعية أنتي الي مو طبيعية
رولا: ترف بتول بتصير مثلنا خلاص
ترف: والله مصدومة بيوم وليلة بيصير ذا كله
أسيل : صراحة أمس أكشن حماسس
العنود: أمس مشاعر عشوائية
ضحكو البنات وجاهم صوت حمد وزياد: يابنات
فزو كلهم وتنقبو ودخلو العيال ونطقت ترف: نعم أنت وياه شتبون ماتفكونا منكم
زياد: يعني ماتبون خلاص يلا يا حمد
العنود: وش مانبي
حمد: جينا نقول لكم تتجهزون ونروح العزبة نتكي كم ساعة ونرجع
أسيل: ترا أنا ماتكلمت يعني معكم
زياد: محد يعرف لكم
المهم تبون ولا
ردو البنات بالموافقة وقامو يتجهزون
ترف: واهه يابنات الفروة حقي ماحصلتها
تسنيم: وين بتروح بتطلع لها رجول
أسيل بتفكير: يمكن شدراك
ضحكو البنات على فهاوة أسيل
وتجهزو وراحو للعيال
<عند العيال>
عزيز: يلا ياعيال شغلو السيارات
نايف: انا معي العيال مالي خلق قروشة البنات
ضحكو العيال وقال ذيب: خلاص معي البنات
وراحو يشغلوا السيارات وماهي إلى ثواني وطلعو البنات السيارة مع ذيب وحركوا للعزبة ( كل يوم العيال يروحوا العزبة بس ماذكرتهم لأنه روتين يومي )
~تسريع للحداث~
وصلو للعزبة وصفو السيارات ونزلو
ترف: يا خلاص يا عيني على العزبة أشتقت لها
رولا: ترف ليه ماتجيبوا الخيول حقكم أنتي وذيب هنا
ترف: صحح والله أنك يارولا كفو أمشي معي نروح لذيب ونقول له
أسيل : وانا ماتبوني
ترف: لا أجلسي هنا
أسيل : أحسن برتاح منكم
سحبوا عليها ترف ورولا وراحوا عند ذيب
<عند العيال>
حمد : يالبيه يا النايفه( أسم ناقته)
زياد : ما تبي تفكنا من ها النايفة
عزيز: الحين أنتم ماتتفقون إلى بالمصايب غيرها بس تحارشون بعض
عمر : أسوي حفلة إذا شافو بعض وماتحارشوا
طنشوهم وراح حمد يبوس ناقته مشتاق لها : عارف فقدتيني يا النايفة
سمعو صوت ترف تنادي ذيب وقال ذيب: ها يا ترف شتبين ماجبتك عشان تنشبين لي
ترف: تعال تعال بسرعة لا تكثر هرج
راح لها ذيب: خير خير شتبين
انتبه ذيب لرولا وقال : هلا رولا شبغيتم أنتي وها الخبلة
ترف : أسمع شرايك نجيب خيلي وخيلك هنا
ذيب: أنا أستاهل ليه أجيك
رولا: تكفى يا الذيب نبيها هنا وكل جمعة نجيها
ذيب: وإذا ماكنتو هنا شنسوي
رولا: رجعه تكفى ها الاسبوعين بس
ذيب بهمس بس سمعته رولا: من عيوني ما أردك
رولا أستحت: يعني الحين بتروح تجيبهم
ذيب: إيه بنادي العيال ونروح نجيبهم
ترف: كفو والله
رولا: ترا كله بفضلي
ترف: ياليل الحين بتذلنا فيها ذي خلاص طيب أمشي بس
رولا: الله شوفي النياق تهبل
ترف : وأنا أقول مين تشبهين طلعتي ذولا تمام يلا روحي يمكن ضعتي عليهم صفقتها رولا
وراحو عند النياق وقفو شوي وكان بيد ترف كوب شاهي
< عند البنات>
العنود: إلى يا بنات وين ترف ورولا
أسيل بزعل: راحو وعيو أروح معهم
بتول: ولا عليك أنا اروح معك وين تبين
أسيل بصدمة لأن بتول كانت تكرها : مين بيروح معي ؟ بتول ؟؟ لا ماصدق
بتول : مدري شفيك أنتي وترف شسويت لكم
أسيل : خلاص تعالي نروح
راحو بتول وأسيل يتمشون
بتول: أسيل بسألك
أسيل باستغراب: هلا أمري
بتول: ذيب ورولا يحبون بعض
أسيل بشهقة: بسم الله شجاب رولا عند ذيب
بتول: أحسهم يحبون بعض
أسيل : أستخيري يا حبيبي مرهه لا
بتول : ليه عادي شفيها
أسيل : بكيفهم
شافو رولا وترف عند النياق وقالت بتول : يا بنات تعالو بسرعه
لفوا رولا وترف بسرعة وشافوا بتول وقالت ترف : طيب جاين
راحو لهم وقالت رولا: هلا بتول شبغيتي
بتول: بنات شرايكم نلعب سباق
ناضروا البنات بعضهم بصدمة: بتول أنتي من أمس مو صاحية
بتول: بنات إذا ضليتوا كذا بزعل
ترف: خلاص خلاص بروح أنادي البنات وبجي
راحت ترف وهي تكلم تفسها بصدمة تنادي البنات بس صدمت بواحد : بسم الله مين
زياد: ياربي الحين أنتي بكل مكان أشوفك
ترف: ترا أنت جاي انا بطريقي
زياد: طيب وش تبين
ترف : بغيت البنات ليه فيه مشكلة؟
زياد : لا روحي بسرعة
راحت ترف تنادي العنود وتسنيم ولينا : يا بنات تعالوا بسرعهه
جو البنات وراحوا مع ترف
< عند العيال >
ذيب : عمر وعزيز يلا معي
عمر: على وين
ذيب : بروح أجيب الخيول هنا
عزيز: وليه إن شاء الله
ذيب: ودي أخليها هنا أكون كل يوم عندها
عمر : تمام يلا شغل الشاص بنروح فيه
شغل ذيب الشاص وركبوا العيال متجهين للمزرعة
< عند البنات >
ترتبو وعدو لين ثلاثة وانطلقو وسبقتهم ترف
وقفت أسيل بتعب: أههه ياربي بموت
رولا وقفت وهي تعبانة : خلاص معد أقدر
فازو ترف وبتول وباقي البنات طاحو ومعد قدروا يكملون من الضحك
ترف وهي ميته ضحك : خلاص خلاص أسكتوا بموت
بتول بضحك : خلاص يا بنات بنموت
سكتو البنات وشربوا مويا وجلسوا بعد مالبسو فروتهم لأن جا البرد
< عند ذيب وعزيز وعمر>
ركبو الخيول الشاص ومشو متجهين للعزبة
عمر: جنبي أنكسر من خيل ترف
ذيب: لو تسمعك ترف بتاكلك بلسانها
عزيز: ما أستبعدها منها
وصلو العيال ونزلو الخيول
<عند حمد وزياد ونايف >
حمد : وين العيال أختفو
زياد وهو يفتش جيوب ثوبه : معليش مالقيتهم
حمد يصفقه : تافه مرهه
زياد : شدراني أنا علمي علمك
نايف شاف العيال : شوفهم شوفهم هذاهم بس مو كأن معهم خيول
زياد: إيه والله وش يبون فيها
حمد : قم قم خلنا نشوفهم
راحو لهم يساعدوهم
< عند البنات >
بتول : بنات أحس كنسلت معد ودي أرجع
لينا: بتول أبوي لو يشوفك تغيرتي بيفرح
بتول : كنت ضالمتكم والله طلعتوا طيبين
تسنيم: كلنا نحبك سواء من أول أو من الحين أنتي أختنا وأكثر من أختنا
ترف: إيه والله
بتول : يروحي أنتم وين بحصل مثلكم
أسيل : ولا بتحصلين لا تتعبي نفسك وتدوري
رولا: بنات مو كأنهم العيال
العنود : إيه بس مو كأن معهم خيول
فزو ترف ورولا وراحو لهم
شافوهم العيال وقال ذيب :أنا عارف مستحيل توقفون
ترف : أخيرا جا
رولا: كفو يالذيب
ذيب : كفو كالطيب ياخت عمر
ضحك عمر
وسحبت ترف خيلها وهو رفع راسه لها وركبت عليه ترف ورفع بها ومشته شوي وجعت لهم
أنتهى البارت
معليش البارت قصير كنزته للبارتات الجاية
( اللهم صل وسلم على نبينا محمد 🍃🤎)
أنت تقرأ
حبي لديرتي فاق كل المحبين وحبي لك فاق ديرتي واهلها ♥️!
De Todoالسلام عليكم انا ابنه الديرة اسرد روايتي الاولى كاتبة مبتدئة جدًا روايتنا تتكلم عن عائلة الجد فهد وأبنائه وبناته واحفاده وحفيداته ... أتمنى أن تنال إعجابكم ✍🏻🤍😢 حسابي أنستا: 3zoh.h
