حبي لديرتي فاق كل المحبين وحبي لك فاق ديرتي واهلها ♥️!

البارت الخمسون

~ البنات متغطيات ~
و جو البنات وبعد ما جو كملوا سوالف و طقطقة
لين ما خلصوا وكل واحد راح بيته ينام و أنتهى يوم جميلل با ملكة ولدهم خالد
_______••________
~ في عصر اليوم الثاني ~
< عند الجد فهد و عياله و احفاده >
الجد فهد : يا خالد غرفتك جاهزه
خالد : اييه يا جدي الحمد لله ما بقي ولا شي
أبو خالد : يا أبوي شيخ  الديره ولده ولدت مرته
الجد فهد : ما شاء الله تبارك الله الله ينبته نباتًا حسنًا
و لف الجد فهد : الى ذيب و عمر ما اشوفهم
عزيز : اييه راحوا مكانهم الي ورى البيت
الجد فهد ابتسم
زياد : اييه يا جدي شوفهم يسحبون دايم علينا
الجد فهد : يا زياد هذولا من ودلادتهم و هم مع بعض يوم عمر يسافر يا ان ذيب يتعب تعب و يصير باهت و و اذا جا عمر تقول كان المطر ينزل عليه من زمان و ذيب و عمر ما يخلون بعض إلى لا راحوا عمر الرياض
زياد طالع في حمد : تعلم من اخوك الاشتياق و الفقد لا ولد عمك و انت لا احساس ولا مشاعر
حمد : يا ولد لو با يجيني اشتياق و احساس و مشاعر با اخليها لا زوجتي اما انت غثيتني با وجهك يعني يا لله متحملك تبيني افقدك مصيبه هاذي
زياد كان عنده منادل رماها على حمد
زياد : يا للي ما تستحي وش زوجتي
حمد : عاد انا صادق انت مارح تفيدني بشي لا فقدتك
اما زوجتي كيف ما افقدها
عزيز  : تكلم يا حمد وش موصلك لا هاذي الحاله
نايف : و الله يا حمد اليوم سويت تصريح قوييي
فارس : الغريب ان زياد سكت الظاهر جته في منتصف الجبهه
فراس : ما عليه يا زياد تعيش و تاكل غيرها
و كان الكل يضحك على كلام حمد و حلطمت زياد
_____________••___________
    < عند ذيب و عمر في جلستهم >
عمر : يا هلا با الذيب يا ان الشوق الف يا ولد
ذيب : اذا انت شوقك الف اجل انا كيف
عمر : يا الذيب ما اقدر يا ذيب والله ما اقدر
ذيب : قلي اشكي همك لا تخلي بصدرك شي اذا ما كنت انا اسمعك مين با يسمعك
عمر : و دامني عارف انك با تسمعني جيتك
ذيب : يا ضلعي الثابث في صدري همك يجيني قبل تقول لي
عمر : يا الذيب وقفت با وجهي الدنيا سكرت كل ابوابها
ذيب : يا عمر تحمل اصبر وش نسوي نحاول في ها الدنيا لاكن محد يدري من فين يبدا
عمر : يا ذيب مسؤوليه أخواني بدت تكبر و با الاخص خواتي الحين رولا تدور على جامعة تبي تدرس و بتول جامعتها مصاريف و لينا تعبت من البيت لينا امنا الثانيه لولا الله ثم لينا و انت ما كنت انا واقف قدامك با هذا الصبر كله
ذيب : هذا اختبار من ربي يا عمر لا تضغف جاهد ضروفك هدتك و لاكن بكره تتخرج بتول تفتخر فيها
عمر : بس يا ذيب انا ما ابغى خواتي يشتغلون و انا حي انا بصرف عليهم
ذيب : يا عمر خواتك يبون يخففون عليك الحين اذا على رولا تبي الجامعة اكيد مرح تلزم عليك هي ودها فيها بس ما تبي تضغط عليك و بتول اذا على مصاريف الجامعة وش يعرفك انها تقول لك كل شي تبيه خواتك يحسون فيك عشان كذا ما يبون يحملونك فوق طاقتك
عمر : راضي يحملوني يطلبوني بس ما ابي شي ينقصهم
ذيب : هم راضين ينقصهم شي بس انت تكون مرتاح لانك با مثابة ابوهم انت الحين اب بيتكم و لينا الام
عمر تنهد و قام حضن ذيب حضنن قوييي بتعب و نزلت دموعه غصب عنه و قال :
" لو القصايد تعبر عن غلاك يا ذيب
شابت ابيات الغزل و انعدم وزن القصيد "